Morgunblaðið - 18.12.2003, Blaðsíða 22

AKUREYRI
22 FIMMTUDAGUR 18. DESEMBER 2003 MORGUNBLAÐIÐ
„ÉG KEM, það
er alveg pott-
þétt,“ sagði
Kristján Jó-
hannsson sem
ásamt Sigríði
Beinteinsdóttur
og fleirum mun
halda tvenna tón-
leika í Akureyr-
arkirkju 28. des-
ember næst-
komandi, kl. 15 og 17.
Kristján, Sigríður, Ólafur M.
Magnússon, Raddbandafélag
Reykjavíkur, Karlakór Kjalnesinga
sem og hljóðfæraleikarar úr Sinfón-
íuhljómsveit Íslands og fleiri tónlist-
armönnum koma fram á fernum tón-
leikum syðra nú fyrir jólin, í
Hallgrímskirkju, tvennum í Bú-
staðakirkju og er að verða uppselt á
þessa tónleika en að auki verða tón-
leikar í Smáralind sem örfáir miðar
eru til á. Allur ágóði af tónleikunum
rennur til Styrktarfélags krabba-
meinssjúkra barna.
„Þetta er allt saman einvalalið
sem með mér er, en tónleikarnir
verða svona í bland, gaman og al-
vara,“ sagði Kristján. „Við flytjum
þessi hefðbundnu hátíðarlög, jólalög
og svo verður hluti tónleikanna svo-
lítið rokkaður.“
Hann sagði að í sínum huga hefði
vart annað komið til greina en að
efna til svipaðra tónleika norðan
heiða, í heimabæ hans. „Það er mik-
ill áhugi hjá mér fyrir að koma norð-
ur og mér finnst að bæjarbúar eigi
að njóta þessa til jafns við íbúa höf-
uðborgarsvæð-
isins. Málefnið er
líka gott og norð-
anmenn eiga að
fá að taka þátt í
að styrkja það
líka,“ sagði Krist-
ján.
Hann sagðist
aldrei hafa sungið
með Sigríði áður,
en það væri alveg
yndislegt og þá nefndi Kristján að
Ólafur væri mjög efnilegur söngvari,
en hann hefði verið í námi hjá sér á
Ítalíu. „Hann hefur góða rödd og
ætlar að debútera með okkur.“
Kristján sagðist í hjarta sínu ætíð
hafa verið svolítill poppari „og á
marga skallapoppara eins og við
köllum þá, að vinum. Nú rætist hjá
mér sá draumur að rokka pínulítið,“
sagði Kristján, en hann vinnur að
nýrri plötu sem út kemur næsta vor.
Á henni verða 14 lög, „dægurlög má
segja,“ kallar hann þau, en 9 þeirra
voru sérstaklega samin fyrir hann
sjálfan. „Ég hef mjög gaman af
þessu,“ bætti hann við og kvaðst ná
til stærri hóps áheyrenda með þessu
móti. Hann sagði það gefa lífi sínu
gildi að umgangast poppara, nefndi
t.d. Björgvin Halldórsson og Gunnar
Þórðarson í því sambandi. „Popp-
ararnir eru svo miklu léttari en óp-
erufólkið, ekki nærri eins miklir
fýlupokar og finnst þeir ekki eins
merkilegir og margt fólk sem er við
óperuna,“ sagði Kristján.
Miðar á tónleikana í Akureyr-
arkirkju eru seldir í verslun Bónus.
Tvennir tónleikar í Akureyrarkirkju
Draumurinn að
rokka rætist
Kristján
Jóhannsson
Sigríður
Beinteinsdóttir
VALGERÐUR H. Bjarnadóttir bæj-
arfulltrúi Vinstrihreyfingarinnar
græns framboðs gerði athugasemdir
við gjaldskrárhækkanir sem fyrir-
hugaðar eru og tengjast afgreiðslu
fjárhagsáætlunar Akureyrarbæjar
sem samþykkt hefur verið í bæjar-
stjórn með atkvæðum meirihluta-
flokkanna.
Valgerður segir í bókun að stærstu
liðir áætlunarinnar séu vissulega
bundnir í lögum, þeim framkvæmd-
um og þjónustu sem öll bæjarstjórnin
er sammála um að veita. „Hins vegar
eru ýmsir liðir sem ég hefði viljað sjá
hækka eða lækka eftir atvikum, sum-
ir hafa verið leiðréttir ögn milli um-
ræðna, í átt til óska minnihlutans og
er það vel, en aðrir eru enn ófullnægj-
andi,“ segir Valgerður í bókun sinni.
Bendir hún sem dæmi á brýna þörf á
að fá aukið stöðuhlutfall á Alþjóða-
stofu, kostnað vegna hjúkrunar aldr-
aðra, sem eru á biðlista eftir hjúkr-
unarrými, aukið stöðuhlutfall
iðjuþjálfa, aukin útgjöld vegna um-
hverfismála og fleira.
„Ég geri sérstaka athugasemd við
þær gífurlegu gjaldskrárhækkanir
sem beinast að þeim sem minnst fjár-
ráð hafa í bæjarfélaginu, t.d. lífeyr-
isþegum, atvinnulausum, láglauna-
þegum og einstæðum foreldrum.
Sérstaklega er með öllu óeðlileg sú
hækkun sem áætluð er á húsaleigu í
félagslegu húsnæði og mun óhjá-
kvæmilega kalla á aukin fjárhags-
vandræði margra fjölskyldna og auk-
in útgjöld bæjarfélagsins á öðrum
sviðum,“ segir í bókun Valgerðar.
Fjárhagsáætlun samþykkt
Vinstri grænir telja
hækkanir óeðlilegar
Morgunblaðið/Kristján
Báðir bílarnir sem skullu saman í Vaðlareitnum gegnt Akureyri skemmdust mikið.
ÖKUMENN tveggja fólksbíla,
sem voru einir í bílum sínum, voru
fluttir á slysadeild FSA til skoð-
unar eftir harðan árekstur í Vaðla-
reit gegnt Akureyri um miðjan
dag í gær. Ökumennirnir voru
ekki taldir mikið slasaðir en bíl-
arnir skemmdust töluvert. Krapi
var á veginum og akstursskilyrði
frekar erfið. Bílarnir voru að koma
hvor úr sinni áttinni en skullu sam-
an á veginum.
Árekstur í Vaðlareit
Úði en enginn eldur | Vatns-
úðakerfi fór í gang í geymslufrysti í
verslun Bónuss á Akureyri um miðj-
an dag í gær og sprautaðist vatn yfir
vörur í frystinum, auk þess sem vatn
flæddi inn í kæli og inn á lager.
Slökkvilið Akureyrar var kallað á
staðinn og aðstoðuðu slökkviliðsmenn
starfsfólk verslunarinnar við að
hreinsa upp vatn. Ekki flæddi vatn
inn í sjálfa verslunina og því varð fólk
sem var að versla lítið vart við óhapp-
ið. Varan í frystinum er vel pökkuð en
óvíst var í gær hversu mikið tjónið er.
Jólasýning | Árleg jólasýning
listhlaupadeildar Skautafélags
Akureyrar verður í skautahöllinni
á Akureyri á laugardag, 20. des-
ember, kl. 17. Allir iðkendur deild-
arinnar taka þátt í sýningunni á
Hnotubrjótnum.
Þess er vænst að fólk fjölmenni
á sýninguna, en verði er stillt í hóf
og frítt fyrir 14 ára og yngri segir
í tilkynningu frá stjórn deild-
arinnar.