Morgunblaðið - 19.12.2003, Blaðsíða 2
FRÉTTIR
2 FÖSTUDAGUR 19. DESEMBER 2003 MORGUNBLAÐIÐ
RÚM 20% Í TÓNLIST
Liðlega fimmtungur nemenda í
tveimur efstu bekkjum grunnskól-
ans í landinu stundar tónlistarnám.
Hefur þetta hlutfall hækkað mjög á
síðustu sex árum. Hera Hallbera
Björnsdóttir félagsfræðingur segir,
að rannsóknir sýni, að það hafi for-
varnagildi gagnvart vímuefnum, að
unglingar læri á hljóðfæri.
Handtökur í Írak
Yfirstjórn bandaríska herliðsins í
Írak telur nú, að árásum á banda-
lagsherinn sé stjórnað af ýmsum
lágtsettum mönnum í stjórn-
arhernum og stjórnarflokknum fyrr-
verandi. Benda meðal annars skjöl,
sem fundust við handtöku Saddams
Husseins, til þess. Hefur fjöldi
manna verið handtekinn í aðgerðum
Bandaríkjamanna síðustu daga.
Húsaleigubætur
Reykjavíkurborg mun greiða sér-
stakar húsaleigubætur til að mæta
þörfum þeirra, sem búa við erfiðar
aðstæður og eru á leigumarkaði.
Koma þær til framkvæmda í tveim-
ur áföngum, frá 1. mars 2004 og frá
áramótunum 2005. Er kostnaður
áætlaður um 75 milljónir króna. Tal-
ið er, að hátt í 400 manns muni njóta
bótanna. Önnur umræða um fjár-
hagsáætlun borgarinnar stóð enn
skömmu fyrir miðnætti.
Jackson ákærður
Söngvarinn Michael Jackson var
formlega ákærður í gær fyrir kyn-
ferðislegt ofbeldi gagnvart barni.
Eru ákærurnar í níu liðum og geta
varðað allt að 24 ára fangelsi.
Y f i r l i t
Í dag
Sigmund 8 Viðhorf 48
Viðskipti 13 Minningar 52/57
Úr verinu 13 Umræðan 58/63
Erlent 14/18 Bréf 72/73
Minn staður 20 Dagbók 74/75
Höfuðborgin 24 Staksteinar 74
Akureyri 26 Kirkjustarf 75
Suðurnes 28/29 Íþróttir 76/77
Austurland 30 Leikhús 78
Landið 31 Fólk 78/85
Listir 32/38 Bíó 82/85
Daglegt líf 40/42 Ljósvakamiðlar 86
Forystugrein 44 Veður 87
* * *
Kynningar – Morgunblaðinu í dag
fylgir Dagskrá vikunnar. Blaðinu er
dreift á landsbyggðinni.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir Orri Páll Ormarsson, ritstjórnarfulltrúi, orri@mbl.is
Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir sport-
@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Ekki
rétta
gjöfin
TÍMARIT
MORGUNBLAÐSINS
FYLGIR MORGUNBLAÐINU
Á SUNNUDAG
„ÞETTA er örugglega
eitt það furðulegasta
sem hefur komið fyrir
mig,“ segir Þórarinn
Ingi Tómasson, sextán
ára piltur frá Akranesi,
sem húkkaði sér far í
fyrradag, en lenti
nokkru síðar í bílveltu
þar sem honum tókst
með snarræði að
bjarga þriggja ára
stúlku, sem var í aft-
ursæti bílsins, á meðan
faðir hennar, ökumað-
urinn, var fastur í bíl-
beltinu.
Þórarinn, sem stund-
ar nám að Laugum,
segir að hann hafi húkkað sér far frá
Laugum til Akureyrar í fyrradag.
„Ég var tekinn upp í á vegamót-
unum á Laugum,“ útskýrir hann.
Auk ökumannsins var þriggja ára
stúlka í bílnum. Þórarinn segir að
ökumaðurinn hafi keyrt mjög var-
lega „en allt í einu lentum við í krapi
og hann missti stjórn á
bílnum. Mér fannst
eins og hann væri að
ná stjórn á bílnum aft-
ur en þá var eins og við
hefðum lent á grjóti og
bíllinn fór eina veltu og
endaði á hvolfi utan
vegar.“
Að sögn lögregl-
unnar fór bifreiðin yfir
öfugan vegarhelming,
út af veginum og end-
aði á hvolfi í flæð-
armálinu. Slysið varð
við Leiruveg á Ak-
ureyri.
Þórarinn Ingi segir
að hann og stúlkan hafi
endað ofan í vatninu, en ökumað-
urinn ekki. „Stelpan var alveg í kafi
og sá ekkert í hana,“ segir hann, en
litla stúlkan var í bílstól. Þeir voru
báðir með öryggisbelti og að sögn
Þórarins tókst honum að losa sig
strax en ökumanninum ekki. Þór-
arinn segist hafa farið um leið aftur í
og lyft stúlkunni upp úr vatninu og
haldið henni þannig að hún gæti
andað. „Ég gat hins vegar ekki losað
hana þar sem höndin var alveg dof-
in,“ segir hann en hann skarst á
hendi. Þegar föðurnum hafði tekist
að losa öryggisbelti sitt tókst honum
að losa stúlkuna úr bílnum.
Þórarinn segir að litla stúlkan
hafi verið hrædd og snökt svolítið.
Hann telur þó að hún hafi verið það
stuttan tíma í kafi að henni hafi tek-
ist að halda niðri í sér andanum.
Aðspurður segir Þórarinn Ingi að
það hafi sennilega ekki liðið langur
tími frá því honum tókst að lyfta
höfði stúlkunnar upp úr vatninu og
þar til föðurnum tókst að losa hana
úr bílnum. „Mér fannst tíminn lengi
að líða en hann hefur þó sennilega
ekki verið svo langur.“
Þórarinn Ingi og feðginin voru
flutt með sjúkrabifreið á slysadeild
Fjórðungssjúkrahússins á Akureyri.
Stúlkan litla var undir eftirliti á
barnadeild spítalans yfir nóttina og
var útskrifuð í gær.
Puttaferðalangur bjargaði þriggja ára stúlku með snarræði
Lyfti stúlkunni úr vatninu
meðan faðirinn var fastur
Þórarinn Ingi
Tómasson
HERT eru ákvæði um viðurlög og
refsingar við ölvunarakstri í frum-
varpi sem dómsmálaráðherra hefur
lagt fram á Alþingi um breytingar á
umferðarlögum. Lagt er til í frum-
varpinu að 102. grein umferðarlaga
verði breytt á þá leið að fari vínanda-
magn í blóði ökumanns yfir tvö pró-
mill og vínandamagn í lofti yfir 1.000
milligrömm í lítra lofts skuli hann
sviptur ökurétti eigi skemur en 2 ár.
Þá er lagt til að svipting ökuréttar
við ítrekun ölvunarakstursbrots
verði lengd frá því sem nú er. Er
þannig m.a. gert ráð fyrir að sé um
ítrekað brot að ræða eða ökumaður
vilji ekki veita atbeina sinn við rann-
sókn málsins, þ.e. neiti að gefa önd-
unarsýni, skuli svipting ökuleyfis
ekki vara skemur en tvö ár. Þá er
lagt til að lágmarkssvipting vegna
ítrekunar á broti gegn 3. málsgrein
45. greinar umferðarlaga verði lengd
úr þremur árum í fimm en í því
ákvæði segir að hafi ökumaður neytt
áfengis við akstur eða fyrir hann
þannig að vínandamagn í blóði
hækki eftir að akstri lauk skuli litið
svo á sem hið aukna vínandamagn
hafi verið í blóði hans við aksturinn.
Hámark samanlagðra sekta sem
afgreiddar eru með lögreglustjóra-
sátt fyrir umferðarlagabrot hækka
úr 100 þúsund kr. í 300 þúsund kr.
samkvæmt frumvarpi um breytingar
á umferðarlögum sem dómsmálaráð-
herra hefur lagt fyrir alþingi. Með
breytingunni er ekki verið að þyngja
sektir vegna umferðarlagabrota
heldur fjölga þeim málum sem hægt
er að ljúka með lögreglustjórasátt
þar sem lögfest verði hærri sektar-
upphæð sem lögregla getur afgreitt
án hlutdeildar dómstóla, skv. upplýs-
ingum sem fengust hjá Stefáni Ei-
ríkssyni, skrifstofustjóra í dóms-
málaráðuneytinu, og Sigurði
Helgasyni hjá Umferðarstofu.
Refsingar verði
þyngdar vegna
ölvunaraksturs
ÞESSI krosskönguló (Ar-
aneus diadematus) var á
fullu við að spinna vef á
glugga í Miðstræti er ljós-
myndari Morgunblaðsins átti
þar leið um eitt kyrrlátt að-
ventukvöldið í miðborginni.
Að sögn Erlings Ólafssonar,
skordýrafræðings hjá Nátt-
úrufræðistofnun, er það
sjaldgæft að þessi könguló
spinni vef þegar liðið er
þetta langt af vetri. Telur
hann að hér sé hálfvaxið
ungviði á ferðinni en kross-
könguló getur orðið nokkuð
stór þegar kemur fram á
sumarið, með búk á stærð
við fingurnögl.
Að sögn Erlings eru þver-
hníptir klettaveggir og
hraungjótur kjörlendi kross-
köngulóar en þær eru al-
gengar í görðum á höf-
uðborgarsvæðinu. Þar
spinna þær vefi á hús-
veggjum, sem koma í stað
klettaveggja úti í nátt-
úrunni.
Morgunblaðið/Jim Smart
Sjaldséð-
ur spuni
á aðvent-
unni