Morgunblaðið - 19.12.2003, Blaðsíða 6

FRÉTTIR
6 FÖSTUDAGUR 19. DESEMBER 2003 MORGUNBLAÐIÐ
RÍKISLÖGREGLUSTJÓRI
og lögreglustjórinn í Kópavogi
hafa undirritað samkomulag
sem stuðlar að auknu eftirliti
og sýnilegri löggæslu í um-
dæmi lögreglunnar í Kópavogi,
segir í fréttatilkynningu frá
lögreglunni í Kópavogi.
Samkomulagið felur í sér að
Fjarskiptamiðstöð lögreglu
(FML) annist alla símsvörun
fyrir lögregluna í Kópavogi að
næturlagi í miðri viku þegar
svo ber undir. Með þessu er
þörf á viðveru lögreglumanna á
lögreglustöðinni í Kópavogi
minnkuð. Hingað til hefur jafn-
an einn lögreglumaður verið
staðsettur á lögreglustöðinni á
þessum tímum og þrír lög-
reglumenn verið í eftirliti á
tveimur lögreglubílum. Sam-
komulagið gerir kleift að ekki
verði að jafnaði lögreglumaður
bundinn á lögreglustöðinni að
nóttu til utan helga frá mið-
nætti til kl. 7 að morgni.
Anddyri lögreglustöðvarinn-
ar verður opið á þessum tímum
eftir sem áður. Mjög fátítt er
að borgarar leiti á lögreglu-
stöðina að næturlagi í miðri
viku með erindi sín. Borgari
sem kemur á lögreglustöðina
fær samband í gegnum dyra-
síma við FML ef lögreglustöðin
er mannlaus. Jafnframt hefur
verið sett upp öryggismynda-
vélakerfi sem gerir FML kleift
að fylgjast með mannaferðum
innan og utan lögreglustöðvar-
innar.
Með þessu fyrirkomulagi er
hægt að fjölga lögreglumönn-
um við störf útivið, gera lög-
gæsluna sýnilegri, efla eftirlit
og auka þar með öryggi bæj-
arbúa og eigna þeirra.
Stuðlað
að öflugri
lögreglu í
Kópavogi
Í KRÖFUGERÐ fyrir næstu kjara-
samninga sem Verzlunarmannafélag
Reykjavíkur og Landssamband ís-
lenskra verzlunarmanna hafa kynnt
Samtökum atvinnulífsins og öðrum
viðsemjendum er m.a. gerð krafa um
að launþegum verði gefið valfrelsi
um með hvaða fyrirkomulagi þeir
nýta umsamda launahækkun. Hver
einstakur starfsmaður geti árlega
valið hvort umsamin launahækkun
komi öll til útborgunar sem laun eða
fari að hluta í aukið orlof eða við-
bótar séreignarlífeyrissparnað.
Líkt og önnur sambönd og félög á
almenna vinnumarkaðinum sem
þegar hafa lagt fram kröfur gera
verslunarmenn þá kröfu að lífeyris-
réttindi starfsmanna verði tekin til
endurskoðunar með það að mark-
miði að samræma þau lífeyrisrétt-
indum í A-deild Lífeyrissjóðs starfs-
manna ríkisins.
Lagt er til að samningstími verði
fjögur ár með fyrirvara um að samn-
ingar náist um sérstaka hækkun lág-
markslauna, almennar launahækk-
anir og tryggingaákvæði. Að öðrum
kosti verði samið til skemmri tíma.
Áhersla verði lögð á hækkun
lægstu launa með sérstakri hækkun
launataxta en launakröfur verða
nánar skilgreindar og lagðar fram í
janúar.
Áhersla er lögð á stöðugleika og
atvinnuöryggi í kröfum verslunar-
manna. Krafa er gerð gerð um við-
unandi starfskjör fyrir hóflegan
vinnutíma og sérstaka hækkun
lægstu launa.
Fái 9 fríhelgar á hverju
sextán vikna tímabili
Gunnar Páll Pálsson, formaður
VR, segir að ein af helstu kröfum
verslunarmanna sé sú að boðið verði
upp á aukið valfrelsi þar sem laun-
þegar geti ráðið því með hvaða fyr-
irkomulagi þeir geta nýtt sér um-
samdar launahækkanir. „Við förum
einnig fram með þá kröfu að starfs-
fólk í verslunum fái ákveðinn lág-
marksfjölda fríhelga, þ.e. bæði laug-
ardag og sunnudag, á hverju
samningstímabili,“ segir hann. Hafa
verslunarmenn svipuð ákvæði meðal
verslunarmanna í Danmörku að fyr-
irmynd þessarar kröfu þar sem mið-
að verði við að starfsmenn fái 9 frí-
helgar af hverjum 16 á hverju
tímabili um sig.
„Í ljósi þess hvað atvinnuleysi er
mikið meðal okkar fólks förum við
fram á að uppsagnarfrestur verði
lengdur, annars vegar hjá starfs-
mönnum með langan starfsaldur og
hins vegar erum við með hugmyndir
um að ef atvinnuleysi fer yfir ákveð-
in mörk, þá lengist uppsagnarfrest-
urinn um einn mánuð,“ segir Gunnar
Páll.
Geti nýtt hluta séreignasparn-
aðar við sérstakar aðstæður
Hann segir um þá kröfu að lífeyr-
isréttindi verði samræmd lífeyris-
réttindum í A-deild Lífeyrissjóðs
starfsmanna ríkisins, að verslunar-
menn vilji fá viðræður við atvinnu-
rekendur um hvort ekki megi jafna
þann mun. Einnig vilji verslunar-
menn fá vinnuveitendur með í við-
ræður við stjórnvöld um hvort þau
þurfi ekki að axla einhvern hluta af
þeim málum. „Við gerum okkur að
sjálfsögðu grein fyrir því að það get-
ur verið erfitt að útfæra þetta á al-
menna vinnumarkaðinum, vegna
þess að fyrirtæki lifa ekki öll jafn
lengi og ríkisvaldið.
Við erum einnig með hugmyndir
um að menn geti opnað að hluta til
séreignasparnað sinn ef þeir lenda í
atvinnuleysi eða fara í formlegt nám,
t.d. á miðri starfsævinni,“ segir
Gunnar Páll.
VR og LSV leggja fram kröfugerð fyrir samtök vinnuveitenda
Aukið valfrelsi um fyrir-
komulag launahækkana
KARLMAÐUR á fimmtugs-
aldri var í gær dæmdur í 45
daga skilorðsbundið fangelsi í
Héraðsdómi Norðurlands
vestra fyrir ofbeldisverk gegn
fjórum unglingspiltum í grunn-
skólanum á Skagaströnd. Mað-
urinn var kennari við skólann.
Maðurinn, sem játaði brot
sitt afdráttarlaust, var dæmdur
fyrir brot á 99. grein barna-
verndarlaga og 217. grein al-
mennra hegningarlaga, sem er
vægari líkamsárás. Maðurinn
var kærður fyrir að taka dreng-
ina hálstaki, snúa upp á eyrun á
þeim og líma fyrir munn þeirra
með sterku límbandi. Um var
að ræða mörg atvik yfir langt
tímabil.
Dómarinn leit til þess við
ákvörðun refsingar að mikil
röskun hafi orðið á högum
mannsins, hann missti vinnuna
í kjölfar atburðarins og játaði
brot sitt og lýsti iðrun.
STUTT
Kennari
dæmdur
fyrir ofbeldi
SAMKOMULAG var undirritað
í gær um að Landsvirkjun selji
rafmagn til Hitaveitu Suður-
nesja og Orkuveitu Reykjavíkur
á árinu 2007 vegna viðhalds í
nýjum virkjunum fyrirtækjanna
á Reykjanesi og Hellisheiði, sem
reisa á vegna stækkunar Norð-
uráls á Grundartanga.
Á vef Landsvirkjunar segir að
einnig hafi náðst samkomulag
við OR um að Landsvirkjun
kaupi rafmagn frá vél 4 á Nesja-
völlum frá 1. nóvember árið
2005 og þar til Norðurál hefur
tekið stækkað álver í notkun,
sem áætlað er að verði í febrúar
árið 2006. Landsvirkjun mun
geyma þetta rafmagn í formi
vatns í lónum við vatnsaflsstöðv-
ar sínar veturinn 2005 til 2006.
Orkufyrirtæk-
in semja vegna
Norðuráls
ÞRÍR umsækjendur voru um
embætti sóknarprests í Nes-
prestakalli í Reykjavík en um-
sóknarfrestur rann út 15. des-
ember síðastliðinn. Umsóknir
bárust frá sr. Sveinbirni Bjarna-
syni, Þóru Ragnheiði Björns-
dóttur guðfræðingi og sr. Erni
Bárði Jónssyni, sem hefur verið
prestur í Neskirkju.
Kirkjumálaráðherra mun
skipa í embættið til fimm ára frá
og með 1. mars næstkomandi.
Þá lætur af störfum fyrir aldurs
sakir sr. Frank M. Halldórsson.
Þrír sóttu um
Neskirkju
MORGUNBLAÐINU hefur
borizt eftirfarandi athugasemd
frá Snæfríði Baldvinsdóttur:
„Í umfjöllun í „Séð og Heyrt“
um dómsmál, sem varðaði kröfu
um afhendingu dóttur minnar til
Mexíkó, er látið eins og frásögn
blaðsins byggi á viðtali við mig.
Svo er ekki.
Yfirstandandi er forræðis-
deila fyrir íslenskum dómstól-
um. Meðan henni er ólokið er
umfjöllun um málið af minni
hálfu óviðeigandi og ótímabær.“
Athugasemd
frá Snæfríði
Baldvinsdóttur
 Stofnað verði til sérstaks sparn-
aðarfyrirkomulags, sem starfs-
menn geti valið að láta hluta launa
sinna renna til og sem atvinnurek-
endur greiði mótframlag til af
launum hvers starfsmanns. Inn-
eign í sjóðnum verði séreign hvers
starfsmanns, sem hann getur tekið
út lendi hann í langvarandi at-
vinnuleysi eða fari í nám. Nýti
hann það ekki þá bætist það við
séreignarlífeyrissparnað hans.
 Uppsagnarfrestur starfsmanna
með langan starfsaldur verði auk-
inn.
 Samið verði um rétt launþega
með langan starfsaldur til að
minnka starfshlutfall sitt síðustu
ár áður en eftirlaunaaldri er náð,
án skerðingar launa.
 Starfsfólki verslana verði
tryggður lágmarksfjöldi fríhelga
(föstudagskvöld til mánudags-
morguns) á ákveðnu viðmið-
unartímabili.
 Ákvæði um ráðningarsamninga
verði endurskoðuð og m.a. bætt
við ákvæði um að tilgreina skuli
sérstaklega hámark yfirvinnu-
stunda í samningum um föst laun.
 Landssamband ísl. verzl-
unarmanna fái beina aðkomu að
viðræðum um virkjanasamning-
inn.
Punktar úr kröfugerð
DAVÍÐ Oddsson forsætisráðherra
sagði í fréttum Sjónvarps í gær að lít-
ið væri orðið eftir af tjáningarfrelsinu
í landinu ef hann mætti ekki viðhafa
þau orð sem hann hafði um Jón Ólafs-
son, fyrrverandi eiganda Norður-
ljósa, sem stefnt hefur Davíð fyrir
meiðyrði.
Davíð sagði að þeir menn, sem væri
mjög annt um mannorð sitt, ættu þá
leið að gæta þess með því að stefna
mönnum sem þeir teldu að hefðu
svert þá með einhverjum hætti.
„Þann rétt eiga menn og ég sæti því
eins og allir aðrir,“ sagði Davíð í
kvöldfréttum Sjónvarps í gær.
„Ég hins vegar viðhafði orð sem
voru efnislega á þá lund að ég teldi að
tilteknar gjörðir hefðu ákveðinn brag
í mínum huga og ef að óheimilt er að
halda slíku fram með þeim miklu rök-
um sem að baki því bjuggu, þá er lítið
eftir af tjáningarfrelsinu í landinu,“
sagði forsætisráðherra.
Telur lítið eftir af tjáningar-
frelsi ef ummælin eru óheimil
ÞAÐ fór vel á með söngvurunum
Ólafi M. Magnússyni, Sigríði Bein-
teinsdóttur og Kristjáni Jóhanns-
syni á styrktartónleikum sem
haldnir voru fyrir krabbameins-
sjúk börn í Hallgrímskirkju í gær-
kvöldi.
Þríeykið verður aftur á ferð í
Vetrargarðinum í Smáralind á
laugardagskvöld kl. 20 ásamt
Raddbandafélagi Reykjavíkur,
Karlakór Kjalarness og hljómsveit,
auk þess sem söngvararnir Páll
Rósinkranz og Kristín R. Sigurð-
ardóttir bætast í hópinn.
Morgunblaðið/Kristinn
Sungið til styrktar krabba-
meinssjúkum börnum