Morgunblaðið - 19.12.2003, Blaðsíða 13

VIÐSKIPTI/ATHAFNALÍF
MORGUNBLAÐIÐ FÖSTUDAGUR 19. DESEMBER 2003 13

 

  

 
     ! "#$  % & '(  ))) 
  
 
 


 

   
 
!
!
 "
 

# 
$  
%

&  #     &'

 '
 '  (    )&'
 
%
# 
 
* 

 

%    

'
  !

 "


+'
'
  * 

'

# ,-! '
 #



& 
./

 "


+

'
'  ' 

 ''
 #*   * 

'  &  &"
  

'- 01 2& 
'


- +   3- 3 4(&#*
5

' 
' 

'
'
    *  01 2& 
'
 

666


HELGI Laxdal, formaður Vél-
stjórafélags Íslands, segir að verði
sjómannaafsláttur afnuminn muni
sjómenn sigla skipum sínum til
hafnar og binda þau, jafnvel í trássi
við lög.
Á heimasíðu VFSÍ segist Helgi
hafa á fundi sínum með fjármálaráð-
herra fyrr í vikunni, þar sem rætt
var um afnám sjómannaafsláttarins,
gert ráðherranum grein fyrir því að
sjómannaafslátturinn væri hluti af
kjörum sjómanna og ef ætti að af-
nema hann, yrði að bæta tekjutapið
upp með öðrum hætti. „... og eitt
væri alveg víst að sjómenn væru til-
búnir að sigla skipunum til hafnar
og binda þau í trássi við lög ef
stjórnvöld dirfðust að snerta sjó-
mannaafsláttinn,“ segir Helgi á
heimasíðunni.
Auðlindagjald verði gefið eftir
Helgi segist í samtali við Morg-
unblaðið fullviss um að þetta sé
sjónarmið allra sjómannasamtak-
anna og sjómannaafslátturinn sé
reyndar eitt af því fáa sem alger
samstaða ríki um meðal sjómanna,
enda varði hann alla sjómenn. Sjó-
menn muni því ekki láta hann af
hendi bótalaust.
Helgi segist hafa bent fjármála-
ráðherra á að auðlindagjaldið sem
koma á til framkvæmda í ár væri
skattur á útgerðina uppá um 2 millj-
arða. „Ef sjómannaafslátturinn
verður aflagður þurfa tekjur sjó-
manna að aukast um 1,7 milljarða en
af honum fengi ríkissjóður í formi
skatta um 0,7 milljarða. Mín skoðun
er sú að útgerðin eigi að taka það á
sig sem sjómenn tapa ef sjómanna-
afslátturinn verður afnuminn. Á
móti á ríkið að gefa eftir hvað varðar
auðlindaskattinn þannig að útgerðin
og sjómenn séu á sama stað fyrir og
eftir þessa formbreytingu. Hvað
varðar farmennina þá verðum við, ef
við ætlum ekki að tapa öllum störf-
um farmanna úr landi, að greiða
laun farmanna niður með líkum
hætti og gerist hér í okkar næsta
nágrenni þ.e. taka upp nettólauna-
kerfi. Við þá kerfisbreytingu þarf að
taka fullt tillit til sjómannaafslátt-
arins,“ segir Helgi Laxdal á heima-
síðunni.
Sjómenn munu
binda skip sín
Formaður VSFÍ segir sjómenn
munu verja sjómannaafsláttinn
SKOSKIR Grænfriðungar hvetja nú
félaga í samtökunum til að láta fé af
hendi rakna til herferðar gegn
hrefnuveiðum, að því er kemur fram
á fréttavef skoska blaðsins Glasgow
Daily Record. Þar segir að umhverf-
isverndarsamtökin þurfi á fé að
halda til að kaupa nýjan útbúnað,
svo hægt verði að grípa til aðgerða
gegn veiðum á hrefnu í Atlantshafi.
Blaðið segir, að Íslendingar hafi
reitt umhverfisverndarsinna til reiði
með því að veiða 36 hrefnur í vís-
indaskyni í haust og áformi að veiða
250 til viðbótar á næsta ári.
Fram hefur komið hjá íslenskum
stjórnvöldum að engin ákvörðun hafi
verið tekin um hvort frekari hrefnu-
veiðar verði á næsta ári.
Safna fé til aðgerða
gegn hrefnuveiðum
Morgunblaðið/Jenný Jensdóttir
ÚR VERINU
EIGNIR fasteignafélagsins Kletta,
sem er í eigu fjárfestingarfélagsins
Kaldbaks, eru að renna inn í Fast-
eignafélagið Stoðir. Baugur á 49,6%
í Stoðum, Kaupþing Búnaðarbanki
á 20,4% og Ingibjörg Pálmadóttir
og félag hennar eiga 18,4%.
Skarphéðinn Berg Steinarsson,
yfirmaður innlendra fjárfestinga
hjá Baugi og stjórnarmaður í Stoð-
um, segir að ástæður þess að Stoðir
höfðu áhuga á að bæta eignum
Kletta við eignasafn sitt sé að Klett-
ar eigi margar ágætis eignir og að
með þessu náist betri landfræðileg
dreifing í eignasafnið. Skarphéðinn
segir að boðað verði til hluthafa-
fundar í Stoðum milli jóla og nýárs
þar sem lögð verði fram tillaga um
aukningu hlutafjár sem nota eigi til
að greiða Kaldbaki fyrir eignirnar.
Fyrirhuguð aukning hlutafjár er
um 3%–4%.
Eiríkur S. Jóhannsson, fram-
kvæmdastjóri Kaldbaks, segir að
Kaldbakur hafi lengi haft þá stefnu
að vera ekki sjálfur í beinum fast-
eignarekstri. Kaldbakur hafi áður
átt í viðræðum við Landsafl og fleiri
aðila í þeim tilgangi að koma fast-
eignum Kletta inn í stærra félag, en
það hafi ekki orðið að veruleika fyrr
en nú. Eiríkur segir að þetta hafi
verið gert vegna þess að til þess að
fasteignafélög séu arðsamur og
góður kostur þurfi þau að vera stór,
en Klettar sé mjög lítið félag.
Eignir Stoða námu um mitt ár
rúmum 25 milljörðum króna og að
sögn Jónasar Þorvaldssonar, fram-
kvæmdastjóra Stoða, stefnir í að
þær verði um 30 milljarðar króna
um áramót. Frá miðju ári hafa bæst
við eignasafn Stoða væntanlegar
höfuðstöðvar Kaupþings Búnaðar-
banka við Borgartún, húsnæði Skíf-
unnar, hlutabréf í Högum og Súð-
arvogur 2E og 2F, en að sögn
framkvæmdastjóra Stoða var það
húsnæði áður í eigu félaga á vegum
Pálma Haraldssonar, aðaleiganda
Fengs.
Baugur stofnaði Fasteignafélagið
Stoðir árið 1999 til að annast rekst-
ur fasteigna sinna. Fasteignir
Kaupþings og Sparisjóðs Reykja-
víkur og nágrennis bættust síðar
við og bæði fyrirtækin urðu hlut-
hafar í Stoðum. Í september í fyrra
sameinaðist fasteignafélagið Þyrp-
ing Fasteignafélaginu Stoðum og
við það stækkuðu Stoðir umtals-
vert.
Meðal helstu eigna Stoða eru
verslunarmiðstöðin Kringlan, hús-
næði verslana Haga, svo sem Hag-
kaupa, 10-11 og Bónuss, og Holta-
garðar.
Fasteignafélagið Klettar var
stofnað í ársbyrjun 2000 um fast-
eignir Kaupfélags Eyfirðinga.
Flestar eigna þess eru á Akureyri,
þar með talið er hús KEA við Hafn-
arstræti.
Morgunblaðið/Kristján
Hús KEA við Hafnarstræti á Akureyri hefur bæst í eignasafn Stoða.
Stoðir eignast fast-
eignir Kaldbaks
Hlutafé aukið um 3%–4%
NÝ stjórn fjárfestingarfélagsins
Straums var kjörin á hluthafafundi í
félaginu í gær og tóku þrír nýir
stjórnarmenn sæti. Þá var sam-
þykkt að breyta nafni félagsins í
Straumur Fjárfestingarbanki, enda
hefur félagið sótt um starfsleyfi sem
slíkur.
Sjálfkjörið var í stjórn félagsins
en samþykkt var að fjölga stjórn-
armönnum úr fjórum í fimm. Þrír
menn koma nýir inn í stjórn. Helgi
Magnússon, framkvæmdastjóri
Hörpu Sjafnar og bankaráðsmaður
í Íslandsbanka, Orri Hauksson,
framkvæmdastjóri þróunarsviðs
Símans og stjórnarmaður í Brú
fjárfestingum, og Magnús Kristins-
son, útgerðarmaður í Vestmanna-
eyjum. Ólafur B. Thors, stjórnarfor-
maður Straums, og Kristinn
Björnsson fyrrverandi forstjóri
Skeljungs, sitja áfram í stjórninni
en Andri Sveinsson og Kristín Guð-
mundsdóttir hverfa úr stjórn
Straums.
Í máli Ólafs B. Thors á fundinum
kom fram að breyting á eðli starf-
semi Straums sé „raunhæf afleiðing
af breyttu lagaumhverfi“. Hann
sagði breytinguna úr fjárfestingar-
félagi í fjárfestingarbanka koma til
með að rýmka heimildir félagsins til
starfa og auka sóknarfæri. Þá sagði
hann breytinguna gera Straumi
kleift að sækja hagkvæmari fjár-
mögnun.
Starfsemi Straums Fjárfestingar-
banka verður skipt í þrjú svið; verð-
bréfasvið, fyrirtækjasvið og sér-
stakt svið sem sér um fjárfestingar í
óskráðum bréfum. Að auki heldur
rekstrarsvið utan um daglegan
rekstur félagsins.
Fundurinn veitti stjórn heimild til
að auka hlutafé í Straumi um allt að
1.500 milljónir króna en hlutafé fé-
lagsins er nú 4.149 milljónir króna.
Ný
stjórn í
Straumi
Félaginu breytt
í Straum fjárfest-
ingarbanka
Á HLUTHAFAFUNDI Guðmundar
Runólfssonar hf. 15. desember sl. var
kosin ný stjórn. Í stjórn fyrirtækisins
eru nú Runólfur Guðmundsson (for-
maður), Kristján Guðmundsson, Páll
G. Guðmundsson, Runólfur Viðar
Guðmundsson og Lilja Mósesdóttir.
Fyrirtækið Guðmundur Runólfsson
hf. er með útgerð, landvinnslu, neta-
verkstæði og þorskeldi í Grundarfirði
en um 100 manns starfa að jafnaði hjá
fyrirtækinu. Kosning dr. Lilju Mós-
esdóttur, prófessors við Viðskiptahá-
skólann á Bifröst, markar tímamót í
tæplega 30 ára sögu fyrirtækisins,
þar sem kona hefur ekki áður setið í
stjórn þess.
Kona í stjórn
Guðmundur
Runólfsson hf.
Í KJÖLFAR breytinga á stjórn
Straums sem samþykktar voru á
hluthafafundi í gær fækkar um eina
konu í stjórnum Úrvalsvísitölufyrir-
tækja. Hlutfall kvenna í stjórnum
fimmtán fyrirtækja sem mynda Úr-
valsvísitöluna er fjórar konur á móti
96 körlum, í stað fimm kvenna á móti
95 körlum fyrir breytingu í Straumi.
Hlutur kvenna í stjórnum lækkar
þannig úr 5,3% í 4,2%.
Hlutur kvenna
kominn
niður í 4,2%
SAMSKIP hafa
ákveðið að bæta
við nýrri áætlunar-
leið milli Íslands
og Evrópu frá og
með áramótum. Í
tilkynningu frá
fyrirtækinu segir
að tæplega fimm
þúsund tonna
gámaskip hafi ver-
ið tekið á leigu til
að sinna þessu
verkefni, en það
verði fjórtánda
skipið í reglu-
bundnum siglingum hjá Samskip-
um. Þar að auki sé félagið með all-
mörg skip í ýmsum sérverkefnum.
Hið nýja skip Samskipa fær nafn-
ið M/s Skaftafell og verður það
þriðja skip Samskipa í föstum áætl-
unarsiglingum milli Íslands og Evr-
ópu. Siglt verður frá Reykjavík á 14
daga fresti og bætast Grundartangi,
Reyðarfjörður og Þórshöfn í Fær-
eyjum við sem nýir áfangastaðir
Samskipa en aðrir viðkomustaðir
Skaftafells verða Immingham á
Bretlandseyjum og Rotterdam í
Hollandi.
Bætt þjónusta við Austurland
Knútur G. Hauksson, forstjóri
Samskipa, segir í tilkynningunni að
félagið hafi verið með fjölmörg
leiguskip í óreglulegum siglingum
milli Íslands og meginlandsins
vegna stóraukinna flutninga á þessu
ári. „Teljum við tímabært að stíga
skrefið til fulls og bæta við skipi í
fastar áætlunarferðir á þessari mik-
ilvægu flutningaleið,“ segir Knútur.
„Um leið er þjónusta Samskipa við
Austurland bætt, jafnframt því sem
ýmsir möguleikar skapast til að
koma vörum á markaði í Evrópu.
Það er því von okkar að viðskipta-
vinir taki þessari viðbót vel.“
Samskip eru fyrir með tvö skip í
föstum áætlunarsiglingum milli Ís-
lands og meginlands Evrópu, Bret-
landseyja og Skandinavíu, M/s Arn-
arfell og M/s Helgafell. Engar
breytingar verða á siglingum
þeirra.
Samskip auka flutninga
milli Íslands og Evrópu

 





 !










♦ ♦ ♦
♦ ♦ ♦