Morgunblaðið - 19.12.2003, Blaðsíða 14

ERLENT
14 FÖSTUDAGUR 19. DESEMBER 2003 MORGUNBLAÐIÐ
„FAÐIR minn hét James Strom
Thurmond,“ sagði Essie Mae
Washington-Williams við upphaf
fréttamannafundar sem hún hélt í
Suður-Karólínu á miðvikudag.
Sagðist Williams á fundinum hafa
öðlast sálarró nú þegar loksins væri
búið að greina frá skyldleika henn-
ar og öldungadeildarþingmannsins
umdeilda, sem lést fyrr á þessu ári.
Þar með væri búið að svipta hulunni
af áratuga gömlu leyndarmáli.
Fréttin um að Strom Thurmond,
sem lést 26. júní sl. 100 ára að aldri,
hefði átt laundóttur með svartri
konu hefur vakið mikla athygli í
bandarískum stjórnmálum, enda
var Thurmond lengst af sínum póli-
tíska ferli mikill talsmaður kyn-
þáttaaðskilnaðar í Bandaríkjunum.
Á fréttamannafundinum á mið-
vikudag sagði Essie Mae Wash-
ington-Williams að hún hefði ekki
viljað koma fram opinberlega fyrr
sökum þess að hún hafi ekki viljað
skaða pólitíska stöðu Thurmonds.
„Það ríkti alla tíð gagnkvæm virð-
ing á milli okkar,“ sagði Williams,
sem er 78 ára gömul.
Enginn hefur setið lengur í öld-
ungadeild Bandaríkjaþings heldur
en Strom Thurmond, hann var
þingmaður frá 1954 og þar til í jan-
úar á þessu ári. Áður var hann m.a.
ríkisstjóri í Suður-Karólínu og hann
bauð sig fram til forseta 1948.
Viðurkenndi skyldur sínar
Williams greindi fyrst frá því um
síðustu helgi að hún væri laundóttir
Thurmonds og Carrie Butler en
Butler var þjónustustúlka á heimili
Thurmond-fjölskyldunnar. Thur-
mond var 22 ára gamall og Butler
sextán ára þegar Williams fæddist
árið 1925. Hún sagði á miðvikudag
að Thurmond hefði aldrei borið á
móti því, að hann væri faðir hennar
og sendi hann henni peninga alla
tíð. Fleiri hefðu jafnframt haft vitn-
eskju um tilvist hennar. „Allir sem
störfuðu fyrir hann vissu nákvæm-
lega hver ég var,“ sagði hún.
Thurmond var upphaflega demó-
krati en bauð sig fram í forseta-
kosningunum 1948 sem óháður
fulltrúi Suðurríkjamanna sem
ósáttir voru við frjálslyndi flokksins
í málum er vörðuðu réttindabaráttu
svartra. Afstaða hans í kynþátta-
málum mildaðist þó með árunum.
„Ég þekkti manninn á bak við
hina pólitísku ímynd,“ sagði Will-
iams um föður sinn, sem gekk til
liðs við repúblikana árið 1964, á
miðvikudag. „Ég var auðvitað aldr-
ei ánægð með að hann skyldi styðja
aðskilnað kynþátta en ég gat ekkert
gert við því. Þetta var hans líf.“
Williams kvaðst ekki hafa vitað
mikið um samskipti móður hennar
og föður. Hún sagði móður sína þó
hafa rætt um Thurmond sem „afar
góða manneskju“. Hún man fyrst
eftir því að hafa hitt hann á skrif-
stofu hans þegar hún var sextán ára
gömul. Vissi hún ekki þá að hann
væri faðir hennar. Þegar móðir
hennar kynnti hana fyrir Thur-
mond áttaði hún sig hins vegar
strax á því hver var þar á ferð.
Eftir þetta voru þau reglulega í
sambandi og Williams segist oft
hafa heimsótt Thurmond á skrif-
stofu hans í Washington.
Vill hitta hálfsystur sína
Williams býr í Los Angeles og
starfaði áður sem kennari. Hún á
fjögur börn, þrettán barnabörn og
fjögur barnabarnabörn. Fjölskylda
Thurmonds viðurkennir uppruna
Williams og elsti sonur Thurmonds
hefur sagt að hann vilji gjarnan
hitta hálfsystur sína.
Á miðvikudag sagði Williams að
þegar Thurmond lést hafi hún byrj-
að að hugleiða hvort hún ætti ekki
að binda enda á vangaveltur um
samband þeirra. „Ég er ekki bitur.
Ég er ekki reið. Raunar er það
þannig að yfir mig hefur komið mik-
ill friður síðustu mánuðina,“ segir
hún. „Mér finnst eins og þungu
fargi hafi verið af mér létt. Ég heiti
Essie Mae Washington-Williams og
nú loksins finnst mér sem ég sé full-
komlega frjáls manneskja.“
Strom Thurmond átti laun-
dóttur með blökkukonu
Thurmond, sem lést í júní, var
lengi mikill talsmaður kynþátta-
aðskilnaðar í Bandaríkjunum
Kólumbíu í Suður-Karólínu. AFP, AP.
„Ég þekkti manninn á bak við hina pólitísku ímynd,“ segir Essie Mae
Washington-Williams um föður sinn, stjórnmálamanninn Strom
Thurmond. Við hlið hennar er lögmaður hennar, Frank Wheaton.
Reuters
Strom Thurmond var 100 ára
þegar hann lést 26. júní sl.
’ Ég var auðvitaðaldrei ánægð með að
hann skyldi styðja
aðskilnað kynþátta
en ég gat ekkert
gert við því. ‘
TUTTUGU og sex ára gömul kínversk yng-
ismær fagnaði á dögunum sigri í keppninni
Ungfrú ófríð. Stúlkan, sem ber hið ómfagra
nafn Zhang Di, beið sigurorð af fimmtíu
keppinautum frá gervöllu Kínaveldi, eftir
að dómnefndin komst að þeirri niðurstöðu
að andlit hennar væri það sem mest þyrfti á
fegrunaraðgerð að halda. Zhang, sem vann
900.000 kr. virði í fegrunaraðgerðum, sagði
er hún brosti í gegnum tárin: „Þessi litlu
augu, flata nef og ljóta húð mín hafa verið
mér mikil byrði.“
Reyna við
heimsmet í bíóglápi
NOKKRIR tugir bíódellumanna hafa nú
safnazt saman í bíói í suður-þýzku borginni
Würzburg í þeim ásetningi að setja yfir
helgina nýtt heimsmet í bíóglápi. Hyggjast
þeir hefja mettilraunina með því að horfa á
allar Hringadróttinssögu-myndirnar, en
síðan fleiri myndir koll af kolli unz glápið
hefur varað í að minnsta kosti 67 tíma. Í
metabók Guinness er hópur Ástrala skráð-
ur með heimsmetið, 63 tíma og 27 mínútur.
En talsmaður hópsins í Würzburg segir að
óopinbera heimsmetið sé 66 tímar og 17
mínútur. Reglurnar leyfa þátttakendum að-
eins 15 mínútna hlé á þriggja mynda fresti.
Æ æ
ÍBÚAR þorps í Benua-sýslu í Nígeríu
þurfa nú að finna sér nýjan töfralækni.
Læknirinn, Ashi Terfa, dó þegar hann man-
aði viðskiptavin til að sannreyna sjálfur að
töfragripur sem hann hafði útbúið handa
honum og átti að bægja byssukúlum frá,
virkaði. Terfa setti gripinn um háls sér, lét
viðskiptavininn, Umaa Akor, skjóta á sig.
„Tilraunin reyndist banvæn fyrir töfra-
lækninn,“ sagði talsmaður lögreglunnar.
Egypzkir reim-
leikar í Björgvin
SUMIR starfsmenn forngripasafnsins í
Björgvin, Bergen Museum, vilja helzt ekki
vera þar eftir að skyggja tekur. „Þau hafa
hagað sér undarlega allt frá því við tókum
þau upp úr geymslunni í kjallaranum árið
2001,“ tjáði safnvörðurinn Richars Saure
Bergens Tidende. Og hann á þar ekki við
starfsmennina, heldur lítil egypzk stein-
líkneski, sem kölluð eru shabitar. Sam-
kvæmt trú Forn-Egypta voru þetta fígúrur
sem áttu að hjálpa hinum látna í ríki dauð-
ans. „Þau stóðu bein og fín í kassa þegar við
tókum þau upp. En þegar við komum til
vinnu daginn eftir lágu þau þvers og kruss,
öll nema tvö. Og það eru tvö óekta shabita-
líkneski,“ segir Saure.
Líða fyrir jólalögin
ÞAÐ sem afgreiðslufólk í verzlunum þarf
að þola í jólavertíðinni, með því að þurfa að
hlusta liðlangan daginn á sömu jólalögin
glymja síendurtekið í eyrum sér, er allt að
því „andlegar pyntingar“. Þetta segir Gott-
fried Rieser, talsmaður verkalýðsfélags
verzlunarfólks í Austurríki. „Það er af-
greiðslufólki mikil ánauð að þurfa að hlusta
á jólalög,“ segir hann.
ÞETTA GERÐIST LÍKA
Ungfrú ófríð
brosir í gegnum
tárin
Reuters
Götusölumaður með jólasveinsgrímu
býður jólasveinabrúður til kaups á
markaði í Chandigarh á Norður-Ind-
landi í gær. Þótt einungis um 3%
hinna yfir 1.000 milljóna Indverja séu
kristnir eru jólin þar vinsæl hátíð.
Indversk
jólastemmning
DANSKIR þingmenn á samkundu Evrópusam-
bandsins, ESB, munu í framtíðinni fá um 50%
hærri laun en þeir fá nú, að sögn Jyllandspost-
en. Mikill meirihluti Evrópuþingmannanna
samþykkti á miðvikudag lög um að launin verði
samræmd en ekki látin fylgja þingmannalaun-
um á þjóðþingunum sem eru afar mismunandi.
Þetta merkir að laun sumra hækka verulega, þ.
á m. dönsku fulltrúanna. En jafnframt verður
reynt að hreinsa til á sviði ferðapeninga. Sumir
þingmenn hafa fengið sem svarar milljónum ísl.
króna á ári í slíkar aukagreiðslur.
Lögin fara nú til afgreiðslu á þjóðþingum að-
ildarríkjanna en þau taka ekki gildi fyrr en kos-
ið hefur verið nýtt Evrópuþing næsta sumar.
Danskir þingmenn fá nú 41.996 d. kr. á mánuði,
um 500 þúsund ísl kr. en þýskir þingmenn helm-
ingi hærra. Næsta sumar hækka Evrópuþing-
mannslaunin í 63.800 krónur á mánuði, rúmlega
760 þúsund ísl. kr.
„Ég get ekki séð nokkra ástæðu til þess að
danskir fulltrúar á Evrópuþinginu fái 50%
hærri laun en fulltrúar á þjóðþinginu. Þetta er
alls ekki meira slítandi vinna,“ sagði þingmaður
jafnaðarmanna, Torben Lund, en hann var einn
af allmörgum Evrópufulltrúum sem sátu hjá við
atkvæðagreiðsluna. Lund er einnig ósáttur við
að Evrópuþingið skyldi ekki taka af skarið í
sambandi við ferðapeningana og láta menn ein-
faldlega fá endurgreiddan útlagðan kostnað.
Ákveðið var að framvegis gæti hvert aðild-
arríki ákveðið hvort laun Evrópufulltrúanna
yrðu skattlögð af ESB eða í heimalandinu. Talið
var mikilvægt að samræma kaupið vegna þess
að á næsta ári ganga 10 ný ríki í sambandið og
þar eru þingmannslaun víða mun lægri en tíðk-
ast í ESB. „Ungverjarnir hefðu verið með um tí-
unda hlutann af því sem þýskir þingmenn fá,“
sagði jafnaðarmaðurinn Ulla Thorning-
Schmidt. Hún studdi tillöguna á þeirri forsendu
að betra væri að fá lög en engin lög. Einnig seg-
ir hún að samkvæmt nýjum strangari reglum
um ferðapeninga verði stórlega dregið úr mögu-
leikanum á því að þingmenn geti grætt fé á því
að vera á stöðugum þeytingi til og frá Brussel.
En Jens-Peter Bonde, sem er fulltrúi Júní-
hreyfingarinnar, fólks sem er andvígt ESB,
segir algerlega út í hött að þingmenn frá svo
ólíkum löndum fái sömu laun. Hann bendir á að
tékkneskir þingmenn muni fá um 20 sinnum
hærri laun en fulltrúar á þinginu í Prag eru nú
með.
Evrópufulltrúar Venstre, flokks Mogens
Fogh Rasmussen forsætisráðherra, studdu allir
tillöguna. „Ég geri mér vel grein fyrir því að við
sem stjórnmálamenn myndum aldrei geta sigr-
að í umræðum um það hvort við ættum að
hækka okkar eigin laun en þetta var nauðsyn-
legt til þess að málamiðlun næðist,“ segir þing-
maðurinn Karin Riis-Jørgensen.
Málamiðlun um
launahækkun full-
trúa á ESB-þingi
Þingmannslaun verða samræmd milli aðild-
arríkjanna og danskir fulltrúar munu fá 50%
hærri laun en kollegarnir í Kaupmannahöfn
VLADÍMÍR Pútín Rússlandsforseti staðfesti í
gær að hann hygðist leita eftir endurkjöri í mars
á næsta ári.
Pútín var yfirvegaður og fullur sjálfstrausts er
hann skýrði frá þessu í út-
varps- og sjónvarpsþætti þar
sem hann svaraði spurning-
um almennings. „Já, ég býð
mig fram og mun skýra form-
lega frá þeirri ákvörðun
minni á næstu dögum,“ sagði
forsetinn.
Í þættinum ítrekaði Pútín
m.a. að innrásin í Írak í vor
hefði ekki verið réttlætanleg
vegna þess að öryggisráð
Sameinuðu þjóðanna hefði ekki samþykkt hern-
aðaraðgerðir gegn Írökum. „Það er því aðeins
hægt að beita hervaldi gegn öðrum ríkjum, í sam-
ræmi við alþjóðalög, að öryggisráð SÞ samþykki
það. Ógerlegt er að viðurkenna aðgerðir sem
ákveðnar eru án samþykkis öryggisráðsins,“
sagði Pútín. „Ég stilli orðum mínum mjög í hóf
þegar ég segi þetta,“ bætti hann við.
Fullvíst er talið að Pútín vinni án minnstu
vandkvæða. Í könnunum sem gerðar hafa verið
að undanförnu í Rússlandi hafa næstum 80%
þátttakenda lýst yfir ánægju með störf Pútíns.
Flokkar honum hliðhollir fóru með sigur af hólmi
í þingkosningunum í Rússlandi fyrr í mánuðin-
um. Líklegur mótframbjóðandi Pútíns, kommún-
istinn Gennadíj Tsjúganov, mælist með um 5%
fylgi.
Pútín endurtók fyrri yfirlýsingar um að ekki
kæmi til greina að hans mati að breyta stjórn-
arskránni. Getum hefur verið leitt að því að for-
setinn hyggist gera einmitt það til að tryggja sér
rétt til að bjóða sig fram þriðja sinni árið 2008.
Pútín stað-
festir fram-
boð sitt
Moskvu. AFP.
Vladímír Pútín