Morgunblaðið - 19.12.2003, Blaðsíða 30
AUSTURLAND
30 FÖSTUDAGUR 19. DESEMBER 2003 MORGUNBLAÐIÐ
Klapparstíg 44,
sími 562 3614Mortél kr. 1.995
Grillpanna kr. 2.300
Kokkabókastatív kr. 3.995
Eldhúsrúllustatív
kr. 2.900
Jólagjafir í Pipar og salt frá VICTOR-CASTWARE
Vigt kr. 4.500
Þessar vörur eru fáanlegar
í svörtu, grænu, bláu, hvítu og gráu.
***
Svört
Nýbyggingar | Plastiðjan Ylur hyggst reisa tæp-
lega 1.100 fm verslunar- og skrifstofuhúsnæði við
Fagradalsbraut á Egilsstöðum næsta sumar. Á
byggingin að standa fyrir ofan lóð Skeljungs og
vera á þremur hæðum.
Egilsstaðir | Sérkennileg þoka
sveipaðist um Lagarfljót fyrir
skemmstu og þótti mörgum furðu
sæta. Um hitafræðilegt fyrirbrigði
er að ræða, þar sem yfirborð Fljóts-
ins er nú um 0 gráðu heitt og að
mestu íslaust, en hitastigið við það
rokkaði þennan tiltekna dag frá 6
til 10 gráðum í mínus.
Helgi Hallgímsson, náttúrufræð-
ingur á Egilsstöðum, segir þetta
ekki óalgenga sjón fyrrihluta vetr-
ar. „Það er svo hlýtt í Fljótinu mið-
að við loftið þegar svona frost er.
Ef það er suðvestan andvari eins
og þarna var, þá kemur þessi þoka,
ekki síst við Egilsstaði. Rakinn í
loftinu þéttist því hitamismunurinn
er það mikill.“ Morgunblaðið/Sigurður Aðalsteinsson
Gufu-
bólstrar
á Lagar-
fljóti
Kárahnjúkavirkjun | Yfirmenn Ol-
íufélagsins Esso voru á ferð í Kára-
hnjúkavirkjun á dögunum til að
treysta samskipti sín við verktaka
á svæðinu. Olíufélagið gerði stóran
samning við Impregilo S.p.A. um
heildarviðskipti með eldsneyti og
smurolíur og nær samningurinn yf-
ir framkvæmdatíma Kárahnjúka-
virkjunar.
Samningurinn er einn sá stærsti
sem Olíufélagið hefur gert við ein-
stakan viðskiptavin varðandi elds-
neyti og smurolíur. Samkvæmt
upplýsingum Olíufélagsins er gert
ráð fyrir að Impregilo noti á milli
25 og 30 milljónir lítra af gasolíu á
virkjanasvæðinu yfir verktímabilið
og yfir eina milljón lítra af smur-
olíu.
Fjárfest á virkjunarsvæðinu
Fjárfestingar félagsins við Kára-
hnjúka hafa verið umtalsverðar.
M.a. hafa verið settir upp olíutan-
kar, komið upp fjórum bensín-
stöðvum ásamt lageraðstöðu undir
smurolíu og rekstrarvörur, auk
þess sem opnuð var stórnotenda-
verslun undir heitinu Esso aðföng.
Félagið veitir og sérhæfða smur-
olíuráðgjöf þar sem sérfræðingar
félagsins sinna eftirliti og þjón-
ustu. Boðið er upp á gerð smur- og
viðhaldskorta fyrir vinnuvélar og
tæki og verða nú flest þau efni sem
á smurkortunum eru tilgreind við
höndina á vinnusvæðinu.
Olíufélagið er einnig í samstarfi
við Íslenska aðalverktaka, Arnar-
fell og Héraðsverk í Kárahnjúka-
virkjun.
Olíufélagið hefur rekið Esso að-
föng og bensínstöð uppi við Kára-
hnjúka frá því í lok september á
þessu ári. Ströngum umhverfis-
kröfum var fylgt við hönnun stöðv-
arinnar og við val á tækjabúnaði.
Verslunin, sem er rúmir 40 fer-
metrar að stærð, stendur inni á
vinnusvæðinu og er þar boðið upp
á smurolíur, rekstrarvörur, verk-
færi, hlífðarfatnað, ásamt þæg-
indavöru eins og gosi og ýmsum
neysluvörum. Hún er opin hluta úr
degi enn sem komið er en stefnt er
að lengri afgreiðslutíma á næstu
vikum. Bensín- og gasolíusjálfsal-
inn er opinn allan sólarhringinn.
Olíufélagið
Esso treystir
samskiptin
Morgunblaðið/Steinunn Ásmundsdóttir
Forsvarsmenn Esso á ferð í Kára-
hnjúkum: F.v. Hjörleifur Jakobsson
forstjóri, Guðjón Auðunsson, fram-
kvæmdastjóri fyrirtækjasviðs, Auð-
ur Björk Guðmundsdóttir kynning-
arstjóri og Árni Stefánsson,
markaðsstjóri fyrirtækjasviðs.
Egilsstaðir | Brýnni viðbyggingu
við Menntaskólann á Egilsstöðum
hefur verið frestað ótímabundið.
Þetta var ákveðið á miðvikudag,
eftir að menntamálaráðuneytið gaf
afsvar um aukna þátttöku í kostn-
aði við bygginguna.
Forsaga málsins er sú að Aust-
ur-Hérað og Fellahreppur skrifuðu
í vor undir samning við mennta-
málaráðuneyti vegna viðbygging-
arinnar. Átti ríkið að greiða 60%
kostnaðar, en sveitarfélögin 40%
og var hann uppreiknaður hjá rík-
inu sem um129 milljónir króna
skv. reglum um kostnaðarviðmið,
sem grundvallast á framreiknuðum
byggingarkostnaði frá áttunda
áratugnum. Kostnaðaráætlun
bygginganefndar skólans nemur
hins vegar um 200 milljónum
króna og eru í henni teknir inn lið-
ir eins og hönnunarkostnaður og
ófyrirséðir liðir, en utan hennar er
kostnaður við frágang lóðar, hús-
gögn og tækjabúnað.
Munar því 69 milljónum króna á
kostnaðarviðmiðum ríkisins og
áætlun bygginganefndarinnar og
eru ákvæði í samningi sveitarfélag-
anna tveggja og ríkisins um að sá
kostnaður, sem út af stendur, verði
greiddur af sveitarfélögunum.
Lægsta tilboð sem barst í fram-
kvæmdina var 170 milljónir króna,
en það innifól t.d. ekki í sér hönn-
unarkostnað.
Ríkið skorast undan ábyrgð
Sveitarfélögin tvö treysta sér
ekki til 69 milljóna króna viðbót-
arskuldsetningar og hafa frestað
byggingaframkvæmdum við
menntaskólann um ófyrirséðan
tíma. „Sveitarfélögunum barst af-
svar frá menntamálaráðuneytinu
um meira fjármagn,“ segir Ágústa
Björnsdóttir, formaður byggingar-
nefndar. Nefndin hafði tekið um
það klára afstöðu að bærist afsvar,
myndi öllum tilboðum í bygg-
inguna verða hafnað og málið sett í
biðstöðu uns leiðrétting fengist
„Við munum sækja eftir þeirri
leiðréttingu, ella verður ekki af
byggingunni eins og mál standa í
dag. Þetta er það mikið sem ber í
milli. Það steytir á því að ráðu-
neytið er með svokallaða normtölu,
eða viðmið í útreikningum og þeir
útreikningar gefa niðurstöður sem
eru lægri en raunbyggingarkostn-
aður er í dag. Þetta þýðir að það
eru fleiri sveitarfélög en við í þess-
um sporum.“
Ráðuneytið hafði boðið 5%
hækkun á sínum hlut, en það dugir
engan veginn, að sögn Ágústu.
„Ég er ósátt við að ríkið skuli
skorast undan því að axla sína
kostnaðarhlutdeild samkvæmt
rekstrarskiptingu ríkis og sveitar-
félaga. Við erum að reyna að
byggja hér upp búsetuvænt sam-
félag og mér þykir það heldur
ótaktískt hjá ríkinu að skorast
undan þegar mestu framkvæmdir
Íslandssögunnar standa hér yfir
og bjóða þarf fólki góðan aðbúnað
og þjónustu. Það er til dæmis al-
veg ljóst að við munum þurfa að
vísa nemendum frá næsta haust
vegna skorts á kennslurými og að-
stöðu í menntaskólanum.“
Viðbyggingu Menntaskólans á Egilsstöðum
hefur verið frestað ótímabundið
Ríkið styðst við úreltar við-
miðunarreglur um kostnað
Morgunblaðið/Steinunn Ásmundsdóttir
Ekki verður af viðbyggingu austan við kennsluálmu Menntaskólans vegna deilna um kostnaðarskiptingu.
Vopnafjörður | Kiwanisklúbburinn Askja gaf á
dögunum sófasett að verðmæti 200 þúsunda króna
til barnastarfs Hvítasunnukirkjunnar á Vopnafirði.
Gísli Sigmarsson, forstöðumaður kirkjunnar, tók
á móti gjöfinni og sagði hana koma sér einkar vel
þar sem gömlu stólarnir hefðu verið orðnir lélegir.
Börnin voru afar kát yfir nýju sófunum og sögðu
þá mun mýkri en þá gömlu.
Sófar undir börnin
Frá afhendingu gjafar Kiwanismanna:
Börnin í hvítasunnukirkjunni á Vopnafirði ásamt
f.h. Ingólfi Sveinssyni, Hreini Björgvinssyni,
Hjálmari Björgólfssyni og Gísla Sigmarssyni.
Morgunblaðið/Jón Sigurðarson