Morgunblaðið - 20.12.2003, Blaðsíða 10
FRÉTTIR
10 LAUGARDAGUR 20. DESEMBER 2003 MORGUNBLAÐIÐ
...núna á þremur stöðum
Brettapakkar, 40% afsláttur
-bretti og bindingar.
Smáralind
Sími 545 1550
Glæsibæ
Sími 545 1500
Kringlunni
Sími 575 5100
www.utilif.is
jólagjöf
Hugmynd að
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
TI
2
28
82
12
/2
00
3
Barnapakki 14.990 kr.
Krakkapakki 17.990 kr.
Unglinga/fullorðinspakki 19.990 kr. Verð gildir til jóla.
HAUSTMISSERI Menntaskólans í
Reykjavík lauk með hefðbundum
hætti í gær. Skólinn hefur verið
settur í Dómkirkjunni á haustin í
áratugi og áður en einkunnir prófa
í desember hafa verið afhentar hef-
ur verið sérstök athöfn í kirkjunni.
Að lokinni jólahugvekjunni í gær
fengu nemendur að sjá afrakstur
vinnu sinnar en kennarar fengu síð-
an jólakaffi á sal MR þar sem skóla-
kórinn söng fyrir þá.
Morgunblaðið/Árni Torfason
Jólahugvekja MR í Dómkirkjunni
REKSTUR nokkurra fyrirtækja sem
eru í 100% eigu Orkuveitu Reykjavík-
ur (OR) mun um áramót ganga inn í
rekstur OR, þeirra á meðal rekstur
Rafmagnslínu, sem er eitt af þremur
fyrirtækjum sem urðu til úr fyrirtæk-
inu Línu.neti.
Rafmagnslína og Hitaveita Þor-
lákshafnar munu sameinast OR, en
Hitaveitu Norðdælinga og Hitaveitu
Hlíðamanna slitið, en öll eru alfarið í
eigu OR, segir Guðmundur Þórodds-
son, forstjóri OR.
„Þetta var gert til einföldunar á
öllu uppgjöri,“ segir Þóroddur, og að
hér sé ekki um neinar björgunarað-
gerðir að ræða, heldur að þetta sé
samkvæmt ábendingu endurskoð-
anda. „Við klárum þetta ár sam-
kvæmt gamla fyrirkomulaginu og
byrjum svo nýtt ár með fyrirtækin
hér inni hjá okkur.“
Alfreð Þorsteinsson, stjórnarfor-
maður OR, tekur undir þessi orð Þór-
odds, og segir þetta gert til að ein-
falda uppgjör. „Þetta hefur enga
þýðingu í sjálfu sér því fyrirtækið er
áfram í eigu Orkuveitu Reykjavíkur,
hér er bara verið að einfalda hlutina.“
Bjargað frá gjaldþroti
Þessi aðgerð, að OR taki yfir rekst-
ur Rafmagnslínu, er einfaldlega til
þess að bjarga fyrirtækinu frá gjald-
þroti, segir Guðlaugur Þór Þórðar-
son, fulltrúi sjálfstæðismanna í stjórn
OR. Hann segir ennfremur að staða
Tetra Íslands, sem einnig varð til úr
Línu.neti sé einnig slæm, og tíma-
spursmál hvenær OR taki yfir rekst-
ur Tetra. Við afgreiðslu fjárhagsáætl-
unar Reykjavíkurborgar aðfaranótt
föstudags sagði Vilhjálmur Þ. Vil-
hjálmsson, Sjálfstæðisflokki, að Tetra
Ísland „riðaði á barmi gjaldþrots“.
Sjálfstæðismenn í stjórn OR bók-
uðu við þessa sameiningu að þessi að-
gerð væri „staðfesting á skipbroti“,
og að Lína.net hefði kostað eigendur
OR milljarða króna. Í bókun þeirra er
upp talið að rekstrartekjur Raf-
magnslínu fyrir árið 2002 hafi verið 13
milljónir króna en rekstrargjöld án
fjármagnsgjalda 29 milljónir. Skuldir
hafi verið yfir 180 milljónir króna.
Í bókuninni segir: „Þar með er enn
einum sorgarkaflanum lokið í sögu
þessara ævintýrafjárfestinga og enn
er Orkuveitan látin bera kostnaðinn.
Fulltrúar sjálfstæðismanna telja
það ekki hlutverk Orkuveitunnar að
standa í slíkum rekstri.“
Alfreð Þorsteinsson, stjórnarfor-
maður OR, bókaði á móti, og sagði
sjálfstæðismenn haldna þráhyggju
varðandi OR, og þeir virtust ekki átta
sig á þeim sóknarmöguleikum sem
fælust í slíku tækifæri.
Í bókun stjórnarformannsins segir
einnig: „Orkuveitur um allan heim
hafa haslað sér völl á sviði gagnaflutn-
inga, eins og fram kom á nýlegri ráð-
stefnu Digital Reykjavík nýverið. Það
væri sérkennilegt ef OR nýtti ekki þá
möguleika sem í því felast líkt og veit-
ur gera í öðrum löndum.“
Rekstur Rafmagnslínu
gengur inn í rekstur OR
Gert til einföld-
unar á uppgjöri
Staðfesting á skipbroti að
mati sjálfstæðismanna
R-LISTINN ákvað að kaupa Stjörnu-
bíósreitinn svonefnda á Laugavegi af
Jóni Ólafssyni til að losa Jón við þessa
eign sína, sagði Björn Bjarnason,
borgarfulltrúi Sjálfstæðisflokksins í
borgarstjórn og dómsmálaráðherra,
við síðari umræður um fjárhagsáætl-
un Reykjavíkurborgar.
Björn sagði ennfremur að Jón
Ólafsson hafi nú selt allar eigur sínar
á Íslandi „í skjóli nætur“, eins og
frægt sé orðið. Björn gagnrýndi harð-
lega byggingu bílastæðakjallara á
Stjörnubíósreitnum, en í fjárhags-
áætlun Bílastæðasjóðs kemur fram
að áætlað er að verja 740 milljónum
króna til að gera bílastæðakjallara, og
að framkvæmdir hefjist á fyrsta
fjórðungi næsta árs.
Full þörf á húsinu
Björn gagnrýndi að hætt hafi verið
við bílastæðakjallara undir Tjörninni,
og sagði mun meiri þörf fyrir bíla-
stæði á því svæði heldur en ofarlega á
Laugaveginum. Hann benti á að nýt-
ingin á bílastæðakjöllurum á þessu
svæði sé frá 70 til 102%, á meðan nýt-
ingin á bílastæðahúsi við Vitatorg sé
aðeins á bilinu 35 til 42%, en Vitatorg
er í um 300 metra fjarlægð frá
Stjörnubíósreitnum.
Árni Þór Sigurðsson, formaður
samgöngunefndar, svaraði því til að
ekki hafi verið um það að ræða að
borgin hafi keypt reitinn til þess að
bjarga einum né neinum, heldur væri
full þörf á bílastæðahúsi á þessu
svæði. Hann vísaði því algerlega á
bug að tilgangurinn á bak við kaupin
væri nokkur annar.
Ingibjörg Sólrún Gísladóttir, borg-
arfulltrúi meirihlutans, sagði það rétt
hjá Birni að nýtingin á Vitatorgi væri
slæm, en sagði það ekki segja til um
hvernig nýtingin á bílastæðum á
Stjörnubíósreitnum komi til með að
verða. Hún sagði að bílastæðahúsið á
Vitatorgi hafi verið röng fjárfesting,
og ástæður fyrir slæmri nýtingu séu
m.a. þær að húsið liggi ekki vel við
umferð, og það nýtist þeim ekki sem
versli á Laugaveginum.
Til stendur að byggja þrjú bíla-
stæðahús í miðbæ Reykjavíkur, að
sögn Ingibjargar. Eitt á Stjörnubíós-
reitnum, eitt undir Tjörninni og eitt
við fyrirhugað tónlistarhús.
Umræður um bílastæðahús
á Stjörnubíósreit í borgarstjórn
Eigur seldar
í skjóli nætur
Fáðu fréttirnar
sendar í símann þinn