Morgunblaðið - 20.12.2003, Blaðsíða 24

Morgunblaðið - 20.12.2003, Blaðsíða 24
LÖGFRÆÐINGUR Michaels Jacksons sagði í gær, að Jack- son væri alsaklaus af ákærum um kynferðislegt ofbeldi gagn- vart barni. Sagði hann, að und- irrót þeirra væri „græðgi í pen- inga og hefndarþorsti“ og gegn þeim myndi hann berjast „af öll- um lífs og sálarkröftum“. Gaf hann í skyn, að saksóknarinn, Tom Sneddon, sem reyndi ár- angurslaust að lögsækja Jack- son árið 1993, væri nú að reyna að koma fram hefndum. Á Mars á jóladag MARSFLAUG Evrópsku geim- vísindastofnunarinnar losaði sig í gær við könnunarfar, sem lenda mun á reikistjörnunni rauðu á jóladag. Vörpuðu menn öndinni léttara þegar aðskilnað- urinn tókst eins og til var ætlast eftir sex mánaða langa og 400 milljón km ferð. Ef allt gengur vel mun könnunarfarið, Beagle 2, lenda á stórri sléttu og taka til við að rannsaka andrúmsloftið og jarðvegssýni. Jafnrétti í Afganistan KONUR og fulltrúar á ráð- stefnu um nýja stjórnarskrá í Afganistan hafa krafist þess, að í henni verði tryggð jöfn réttindi karla og kvenna. Í drögunum segir, að „allir Afganar skuli jafnir fyrir lögunum“ en kon- urnar vilja, að sagt sé, að „allir Afganar, konur og karlar, skuli jafnir fyrir lögunum“. Í tíð talib- anastjórnarinnar má heita, að þær hafi verið réttlausar með öllu. Á ráðstefnunni eru konur 100 af 502 fulltrúum. Tillögur Schröders samþykktar ÞÝSKA þingið samþykkti í gær umdeildustu atriðin í umbótatil- lögum Gerhards Schröders, kanslara Þýskalands. Nú um áramótin kemur til skattalækk- un upp á 1.350 milljarða ísl. kr. og fyrirtækjum verður gert auð- veldara að segja upp fólki. Þá verða atvinnuleysisbætur þeirra, sem hafna boði um starf, sem þeir geta unnið, skertar um 30%. Malvo sekur um morð LEE Boyd Malvo var í gær fundinn sekur um morð fyrir rétti í Virginíu í Bandaríkjunum en hann og fé- lagi hans, John Allen Muhammad, leyniskytturn- ar svokölluðu, myrtu 10 manneskjur á Washington- svæðinu í október í fyrra. Á hann dauðadóm yfir höfði sér eins og Muhammad en kviðdómur mun skera úr um það. Verjendur Malvos, sem var 17 ára er glæpirnir voru framd- ir, sögðu hann saklausan og báru við geðbilun en á það féllst dómurinn ekki. Segir Jackson saklausan Malvo STUTT ERLENT 24 LAUGARDAGUR 20. DESEMBER 2003 MORGUNBLAÐIÐ MANNRÉTTINDASAMTÖK fögn- uðu í gær tveimur úrskurðum sem féllu í fyrrakvöld hjá áfrýjunardóm- stóli í New York annars vegar, og San Fransisco hins vegar, en þeir víkja m.a. að málefnum fang- anna í Guant- anamo-herstöð- inni á Kúbu. Ljóst er hins vegar að stjórnvöld munu áfrýja úrskurðunum tveimur til ann- arra dómstiga. Í fyrri úrskurðinum komst áfrýj- unardómstóll í New York að þeirri niðurstöðu að George W. Bush Bandaríkjaforseti gæti ekki, á grund- velli stöðu sinnar sem æðsti yfirmað- ur bandaríska heraflans, látið hand- taka bandaríska ríkisborgara í Bandaríkjunum og geyma á bak við lás og slá án þess að leggja fram ákærur á hendur þeim. Gaf dómstóll- inn stjórnvöldum 30 daga frest til að færa Jose Padilla – múslímskan mann sem fæddist í Brooklyn og sem grunaður er um að hafa lagt á ráðin með útsendurum al-Qaeda-hryðju- verkasamtakanna um að sprengja „skítuga sprengju“ í Bandaríkjunum – úr herfangelsi. Dómstóllinn sagði reyndar ekki að sleppa þyrfti Padilla lausum en telur að yfirvöld verði að birta ákærur á hendur honum. Padilla hefur verið haldið í her- fangelsi í Suður-Karólínu síðan í júní 2002 sem „ólöglegum stríðsmanni“ en hann var handtekinn á flugvell- inum í Chicago 8. maí 2002. Var hann þá að koma frá Pakistan. Talið er að Padilla sé fyrsti og eini Bandaríkja- maðurinn sem látinn hefur verið sæta varðhaldi skv. sérstakri forsetatil- skipun frá því í síðari heimsstyrjöld- inni. Verða að fá að tala við lögmann Seinni úrskurðurinn sneri að föng- unum í Guantanamo-herstöðinni á Kúbu sem þar hafa verið frá því að átökunum í Afganistan lauk síðla árs 2001. Telur áfrýjunardómstóll í San Fransisco að stjórnvöld verði að gefa föngunum þar tækifæri til að ræða við lögmann og fara með mál sín fyrir dómstóla. Um 660 meintum hryðjuverka- mönnum og stríðsglæpamönnum er haldið í herstöðinni í Guantanamo og hafa þeir ekki notið neinna þeirra réttinda, sem fangar venjulega njóta. Málið í San Fransisco vék sérstak- lega að Líbýumanni, sem handsam- aður var í Afganistan, en á það er hins vegar litið sem prófmál er varði alla fangana í Guantanamo. Bandarísk stjórnvöld halda því fram að mennirnir í Guantanamo séu í haldi á erlendri grundu. Dómarar í áfrýjunardómstólnum í San Frans- isco komust hins vegar að þeirri nið- urstöðu að Bandaríkin hefðu full yf- irráð yfir herstöðinni jafnvel þó að aðstaðan væri leigð af stjórnvöldum á Kúbu. Er það mat þeirra að fangarn- ir skuli þar af leiðandi njóta þeirra lagalegu réttinda sem dómskerfi Bandaríkjanna tryggi. „Sigur fyrir stjórnarskrána“ Talsmenn dómsmálaráðuneytisins bandaríska ítrekuðu í gær þá afstöðu að dómstólar í Bandaríkjunum gætu ekki úrskurðað í málum er vörðuðu útlendinga sem Bandaríkjaher hefði í sinni vörslu á erlendri grundu. Scott McClellan, talsmaður Hvíta hússins, fordæmdi sömuleiðis úrskurð áfrýj- unardómstólsins í New York og benti á að Padilla hefði verið að undirbúa aðgerðir sem stefnt hefðu lífi og lim- um bandarískra ríkisborgara í hættu. „Forsetinn hefur ítrekað sagt að hans helsta skylda og ábyrgð sé að verja bandarísku þjóðina og þessi úr- skurður […] er ekki í samræmi við skýra heimild forsetans [til að verja Bandaríkin með forsetatilskipun- um],“ sagði McClellan. Er ljóst að lögfræðingar Hvíta hússins munu reyna að fá úrskurð- unum tveimur hnekkt á öðrum dóm- stigum. Jafnvel er hugsanlegt, að áfrýjað verði til Hæstaréttar Banda- ríkjanna. Málarekstur þessi mun taka tíma og því er ljóst að Padilla verður ekki frjáls maður á næstunni. Fari svo að bandarísk stjórnvöld tapa málinu á æðsta dómstigi gætu þau aukinheldur á þeim tímapunkti birt ákærur á hendur Padilla, og þannig haldið honum áfram í varðhaldi. Þrátt fyrir þetta fögnuðu talsmenn borgararéttinda úrskurðunum tveimur og sögðu þá staðfesta meg- inreglu í bandarísku réttarkerfi. „Þessi úrskurður [í Padilla-málinu] er sigur fyrir stjórnarskrána,“ sagði Deborah Pearlstein, fulltrúi samtaka lögfræðinga sem leggja áherslu á mikilvægi mannréttinda. Þá er úrskurðurinn í San Frans- isco sagður benda til þess að mála- rekstur fyrir dómstólum kunni á end- anum að leiða til þess að stjórnvöld verði að veita föngunum í Guant- anamo þau lagalegu réttindi, sem fangar almennt njóta. Tvöfaldur ósigur fyrir Bush Bandaríkjaforseta Áfrýjunardómstóll í San Fransisco úr- skurðar að fangar í Guantanamo eigi að fá að ráðfæra sig við lögfræðing Washington. The Los Angeles Times. Jose Padilla ÞAÐ hefur lengi verið fullyrt að það sé reimt í Hampton Court-höllinni í suðvesturhluta Lundúna og sá orð- rómur hefur nú fengið byr undir báða vængi. Varðmenn í höllinni urðu í október nokkrum sinnum var- ir við að eldvarnahurð hafði verið skilin eftir opin og þegar myndir úr öryggismyndavél voru skoðaðar kom skyndilega í ljós vera, sem virt- ist vera klædd í miðaldabúning, og lokaði dyrunum. Á meðfylgjandi mynd, sem höllin sendi frá sér í gær, sést þessi vera í dyragættinni. „Þetta er ekki brandari, við bjugg- um þetta ekki til,“ sagði Vikki Wood, fulltrúi Hampton Court, aðspurð um það hvort um gabb væri að ræða. AP Konunglegur draugur festur á mynd DANSKA stjórnin hefur ákveðið að draga mjög úr útgjöldum til utanríkisþjónustunnar og verða alls 130 stöður lagðar niður á tveggja ára tíma- bili, að sögn fréttavefjar Jyllandsposten. Verða starfsmenn 1.150 en eru nú 1.285. Alls verða út- gjöld skorin niður um 140 milljónir danskra króna, nær 1.700 milljónir ísl. kr. Fækkunin verður einkum vegna þess að ekki verður ráðið í stöður sem losna en 18 verða ein- faldlega reknir, þ.á m. einn sendiherra. Einnig verða útgjöld til þróunaraðstoðar lækkuð veru- lega. Danir hafa árum saman veitt hlutfallslega meira fé til slíkra mála en flestar aðrar þjóðir. Meira en helmingurinn af sparnaðinum verður í ráðuneytinu í Kaupmannahöfn. En blaðið segir að greiðslur vegna ferðakostnaðar verði lækk- aðar og einnig útgjöld til húsnæðismála í útlönd- um. Er ætlunin að spara sem svarar nær 200 milljónum ísl. kr. í húsnæðisútgjöldum. Fram til þessa hafa danskir diplómatar fengið húsnæði sem danska ríkið hefur útvegað en nú fá þeir ákveðna fjárhæð – og ekki mjög háa, að sögn blaðsins – og verða síðan sjálfir að leita sér að íbúð. Vitað er um að minnsta kosti einn sendi- herra sem hefur verið beðinn um að flytja í ódýrara húsnæði en forveri hans notaði. Fram- vegis verður auk þess meira gert af því að ráða innfædda í ýmis störf fyrir sendiráð vegna þess að það er ódýrara. Þegar samsteypustjórn hægri- og miðjumanna tók við fyrir nokkrum árum var þegar í stað krafist sparnaðar í utanríkisráðuneytinu sem svaraði með því að leggja niður 10 sendiráð og fækka stöðum um 120. Að þessu sinni verður farið varlegar í aðgerðirnar og þær látnar taka gildi á tveim árum. Danir spara í utanríkisþjónustu Ákveðið hefur verið að lækka útgjöld til þróunaraðstoðar verulega PAUL Bremer, æðsti stjórnandi bandaríska setuliðsins í Írak, slapp ómeiddur þegar uppreisnarmenn í Írak gerðu árás á bílalest hans hinn 6. desember sl. Þennan sama dag var Donald Rumsfeld, varnarmálaráð- herra Bandaríkjanna, í heimsókn í Bagdad. „Já, þetta er rétt en sem betur fer er ég enn á lífi og stend hér fyrir framan ykkur í dag,“ sagði Bremer í gær þegar hann var spurður um þær fréttir, að hann hefði sloppið lifandi úr árás uppreisnarmanna. Atburðurinn átti sér stað þegar Bremer var á ferð í brynvörðum bíl vestan við Bagdad þegar sprengja sprakk í vegarkantinum og hópur Íraka hóf skothríð á bílalestina. Eng- an sakaði í árásinni. Talsmenn bandaríska hersins telja að árásin hafi ekki beinst sérstaklega að Bremer. Hann hefur hins vegar ekki birt upplýsingar um ferðaáætl- anir sínar síðan þetta gerðist en hann heimsótti m.a. borgina Basra í gær. Bremer slapp lifandi úr árás Bagdad. AP. Paul Bremer
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81
Blaðsíða 82
Blaðsíða 83
Blaðsíða 84
Blaðsíða 85
Blaðsíða 86
Blaðsíða 87
Blaðsíða 88
Blaðsíða 89
Blaðsíða 90
Blaðsíða 91
Blaðsíða 92
Blaðsíða 93
Blaðsíða 94
Blaðsíða 95
Blaðsíða 96
Blaðsíða 97
Blaðsíða 98
Blaðsíða 99
Blaðsíða 100

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.