Morgunblaðið - 20.12.2003, Blaðsíða 30

HÖFUÐBORGARSVÆÐIÐ
30 LAUGARDAGUR 20. DESEMBER 2003 MORGUNBLAÐIÐ
RAUÐARÁRSTÍG 14-16, SÍMI 551 0400 • KRINGLUNNI, SÍMI 568 0400 • www.myndlist.isTryggvi Ólafsson
ALLS STAÐAR!
Þessi nýstárlega og aðgengilega
bók um drauma Íslendinga fyrr og
nú fæst í öllum bókabúðum, svo og
í stórmörkuðum Hagkaupa, Bónus
og Nettó með góðum jólaafslætti.
Bókin er uppfull af dæmum um
drauma, sem gott er að máta við
sína eigin drauma, en vel yfir 70%
þjóðarinnar líta svo á að draumar
hafi merkingu í daglegu lífi.
Dreymi ykkur vel um jólin
og fyrir nýju ári.
Grafarvogur | Skoðanir virðast enn
mjög skiptar um ágæti listaverksins
„Klettur“, sem staðsett er við
göngustíg í Staðahverfi. Ný könnun,
sem unnin var af Greiningarhúsinu
og PSN samskiptum fyrir Miðgarð,
fjölskylduþjónustuna í Grafarvogi,
leiddi í ljós að næstum nákvæmlega
jafnmörgum finnst listaverkið fal-
legt og ljótt. Þó er sú staðreynd enn
merkilegri að meirihluti svarenda
vildi ekki svara spurningunni eða
taka afstöðu til staðsetningar lista-
verksins.
Könnunin fór þannig fram að
hringt var í 200 íbúa í Grafarvogi, 18
ára og eldri. Svarhlutfall var 68,5%,
eða 137 íbúar sem svöruðu. Spurt
var „Ertu ánægð(ur) eða óánægð
(ur) með staðsetningu listaverksins
„Klettur?““ Meirihluti svarenda, eða
71,5%, svaraði ekki spurningunni
eða tók ekki afstöðu til staðsetning-
arinnar. Af þeim sem tóku afstöðu
var hlutfall ánægðra og óánægðra
svarenda nær jafnt, um 31% svar-
enda var ánægt með staðsetninguna
en um 32% voru óánægð með hana.
Þeir sem tóku afstöðu til staðsetn-
ingarinnar voru einungis þeir sem
höfðu séð listaverkið. 55,5% sögðust
ekki hafa séð það.
Að sögn Stefáns Jóns Hafstein,
formanns hverfisráðs Grafarvogs,
næst engin niðurstaða í málinu þar
sem alltof fáir hafa kynnt sér það.
„Við getum ekki brugðist við áskor-
unum um að fjarlægja listaverk sem
mjög fáir hafa myndað sér skoðun á.
Og það sem meira er, þeir sem þó
hafa gert það skiptast hárjafnt milli
þess að vera með og á móti. Við ætl-
um að leyfa listaverkinu að vera í bili
og gefa fólki tækifæri til að skoða
það, njóta þess og mynda sér skoðun
á því. Annað er ekki hægt í stöð-
unni.“
Skoðanir skiptar um útilistaverkið „Klett“ í Staðahverfi
Skoðanakönnun sýnir nær
hnífjafna skiptingu í áliti
Morgunblaðið/Árni Sæberg
Kletturinn enn umdeildur: Jafn
margir eru með og á móti.
Reykjavík | Leikskólar Reykjavíkur
afhentu á dögunum Rauða krossi
Íslands 250.000 króna framlag til
fatlaðra barna í Afganistan, en það
er sú fjárhæð sem áður var varið til
þess að senda hefðbundin jólakort
til starfsmanna og samstarfsaðila
Leikskóla Reykjavíkur. Rennur féð
nú óskipt til hjálpar bágstöddum
börnum. Þess í stað verða sendar
jólakveðjur í tölvupósti. Þetta er í
þriðja sinn sem Leikskólar Reykja-
víkur verja jólakortafé til verkefna
til hjálpar börnum sem búa við bág
kjör.
Bergur Felixson, framkvæmda-
stjóri Leikskóla Reykjavíkur, segist
telja þessu fé vel varið. „Og það er
gaman að bæta á þennan hátt við
það sem tombólukrakkar leggja
fram af góðum hug,“ segir Bergur.
Tombólukrakkar söfnuðu á árinu
um 400.000 krónum sem verða not-
aðar til að styðja börn með heila-
lömun (cerebral palsy) í Afganist-
an. Við þá upphæð bætast 250.000
krónur frá Leikskólunum.
Íslenskur sjúkraþjálfi, Steina
Ólafsdóttir, vinnur við aðstoð barna
með heilalömun í Kabúl. Annar
sendifulltrúi Rauða kross Íslands í
Afganistan, Pálína Ásgeirsdóttir,
stjórnar fjórum sjúkrahúsum á veg-
um Alþjóða Rauða krossins í Kabúl.
Leikskólar Reykja-
víkur styðja börn
í Afganistan
Miðbær | Varla hefur farið framhjá
borgarbúum að lítið jólaþorp hefur
risið á aðventunni á Lækjartorgi.
Þar hefur ellefu hlýlegum smáhýs-
um verið komið fyrir og eru þau fag-
urlega skreytt og upplýst að sönnum
jólasið. Í húsum þessum er hægt að
kaupa margskonar jólavarning,
mest er um handverk, bæði innflutt
og heimagert, en einnig eru þarna
seld íslensk jólatré og greinar og
tónlist á geisladiskum að ógleymd-
um veitingum.
Þróunarfélag miðborgarinnar
stendur fyrir þorpi þessu og að sögn
Einars Arnar Stefánssonar fram-
kvæmdastjóra tókst svo vel til í
fyrra með jólamarkað í stóru tjaldi á
Lækjartorgi að ákveðið var að gera
enn betur í ár. „Við leigðum þessi
hús sem eru frönsk og draumurinn
er auðvitað að jólamarkaðshefðin
festi sig í sessi og verði árlegur við-
burður á aðventunni. Við þekkjum
svona jólamarkaði á torgum víða er-
lendis og þetta skapar mjög
skemmtilega stemmningu í mið-
bænum um jólin. Svo er líka hægt að
setjast á bekki við húsin og njóta
veitinga og Hressingarskálinn hefur
boðið upp á ylvolgt Glühwein sem er
jólaglögg að þýskum sið. Og til að
gera þetta enn líflegra höfum við
líka verið með skemmtiatriði í þorp-
inu, kórar syngja, brassbönd láta í
sér heyra, jólasveinar fara á stjá og
Steindór Andersen kveður rímur,
svo eitthvað sé nefnt,“ segir Einar
Örn að lokum.
Opið verður í jólaþorpinu alla
daga fram að jólum og opnunartím-
inn sá sami og verslana.
Þýskt Glühwein
1 lítri rauðvín
300 ml trönuberjasafi
300 ml eplasafi
10 negulnaglar
2 kanilstangir
rúsínur
möndlur
sykur (en ekki ef rauðvínið er sætt)
Hitið, en sjóðið ekki, berið fram
ylvolgt og setjið appelsínusneiðar
út í eða aðrar ávaxtasneiðar.
Jólaþorp
í borg
Morgunblaðið/Jim Smart
Spennandi úrval jólagjafa: Það má finna ótrúlega margar spennandi jólagjafir í jólakofunum á Lækjartorgi.
Seltjarnarnes | Á nýja bókasafninu
á Seltjarnarnesi er mjög góð að-
staða fyrir hvers kyns barnastarf
en slík starfsemi hefur verið vel
sótt í gegnum tíðina. Á mið-
vikudögum er fjölbreytt dagskrá
þar sem eru lesnar sögur, föndrað,
litað, horft á myndbönd og skoðaðir
þroskandi tölvuleikir svo eitthvað
sé nefnt. Lögð er áhersla á að börn-
in upplifi notalega, fróðlega og um-
fram allt skemmtilega sögustund á
bókasafninu.
Bæjarstjórinn á Seltjarnarnesi,
Jónmundur Guðmarsson, brá sér á
dögunum í slíka sögustund í bóka-
safninu. Þar las hann fyrir unga og
áhugasama Seltirninga nokkur vel
valin og falleg ævintýri, sjálfum sér
og áheyrendunum ungu til óbland-
innar ánægju.
Bæjarstjóri
í sögustund
Lesið fyrir börnin: Jónmundur Guðmarsson les ævintýri í bókasafninu.