Morgunblaðið - 20.12.2003, Blaðsíða 43

LISTIR
MORGUNBLAÐIÐ LAUGARDAGUR 20. DESEMBER 2003 43
FYRR á þessu ári kom út á ensku
á vegum bókaforlagsins Guðrúnar
bók með völdum þáttum úr Snorra-
Eddu sem settir eru í samhengi við
myndlistararf síðustu alda. Nú er
sama verk komið út á íslensku undir
merkjum bókaforlagsins Iðunnar.
Bókin er í stóru broti og ríkulega
myndskreytt, enda augljóslega
hönnuð með það fyrir augum að geta
þjónað sem vönduð „sófaborðsbók“ –
eins og enskumælandi þjóðir hafa
gjarnan nefnt slíkar útgáfur.
Rétt eins og enska útgáfan, er sú
íslenska prýðileg kynning á þeim
forna arfi sem norræn bókmennta-
hefð byggist á, þó vitaskuld megi
gera ráð fyrir að Íslendingar þekki
betur til á þessu sviði en erlendir les-
endur. Þó textum sé ágætlega komið
til skila, m.a. með skýringum, er
megináhersla lögð á myndefnið, en í
bókinni eiga fulltrúar ólíkra landa,
tímaskeiða og stílbragða verk, eins
og Halldór Björn Runólfsson bendir
á í eftirmála sínum.
Helsti kostur bókarinnar er
hversu margir listamenn eiga þar
verk. Af þeim sökum skilar mynd-
efnið öllum þeim ólíku áhrifum og
túlkunarmöguleikum sem búa í þess-
um fornu textum, er greinilega höfða
ekki síður til listamanna seinni tíma
en fyrri alda. Með þeim hætti afhjúp-
ar verkið þá þýðingu sem forn arfur
norrænnar bókmenntahefðar hefur
fyrir umheiminn á hverjum tíma fyr-
ir sig.
Eddan og umheimurinn
BÆKUR
Fornsögur/myndlist
Iðunn, 2003, 351 bls.
Snorri Sturluson
Fríða Björk Ingvarsdóttir
Mey yfir myrku
djúpi nefnist
skáldsaga eftir
Mary Higgins
Clark. Þýðing: Atli
Magnússon.
Ellie Cavanaugh
var aðeins sjö ára
þegar Andrea
systir hennar var
myrt á hryllilegan hátt. Það var Ellie
sem benti á staðinn þar sem sem lík
Andreu fannst og það var vitnisburður
hennar sem leiddi til sakfellingar
mannsins sem hún var viss um að
væri morðinginn. Þegar hann er látinn
laus á skilorði tuttugu árum seinna
ákveður Ellie að gera að engu tilraunir
hans til að hvítþvo mannorð sitt og
varpa sök á aðra og sökkvir sér niður í
málið með óvæntum og skelfilegum
afleiðingum.
Hér veitir metsöluhöfundurinn Mary
Higgins Clark einstaka innsýn í sálar-
djúp geðvillts afbrotamanns en lýsir
einnig á meistaralegan hátt áhrifum
glæps á samfélagið og þá sem
standa næst sakamanninum og
fórnarlambinu.
Útgefandi er Skjaldborg bóka-
útgáfa. Bókin er 292 bls. Verð:
3.890 kr.
Skáldsaga
DRAUMALANDIÐ.
Draumar Íslend-
inga fyrr og nú er
eftir dr. Björgu
Bjarnadóttur sál-
fræðing.
Bókin fjallar á
aðgengilegan og
nýstárlegan hátt
um drauma Ís-
lendinga fyrr og nú og er studd af
dæmum um drauma frá fólki úr göml-
um heimildum og eins úr nútímanum.
Einnig er talað um draumaráðningar
og tákn í drumum og sagt frá könnun
sem Gallup gerði á draumum sl. vor
meðal fólks á aldrinum 18–85 ára.
Einnig er sagt frá hvernig fólk getur
lært á einfaldan hátt að vinna með
drauma sína, fjallað um trú á líf eftir
dauðann og skyggnigáfu.
Útgefandi er Draumasetrið
Skuggsjá. Bókin er 220 bls. Dreifing:
Dreifingamiðstöðin. Verð: 4.280 kr.
Handbók
Fáðu fréttirnar
sendar í símann þinn
TVÆR nýjar bæk-
ur í bókaflokknum
Litlir bókaormar
eru komnar út.
Nýju fötin keis-
arans eftir H.C.
Andersen í nýrri
þýðingu Þórarins
Eldjárn með
myndum eftir
Kristínu Arngríms-
dóttur og Sögu-
maðurinn Naftalí
og hesturinn hans
eftir Nóbels-
verðlaunaskáldið
Isaac Bashevis
Singer í þýðingu
Gyrðis Elíassonar
með myndum eftir
Höllu Sólveigu
Þorgeirsdóttur.
Bækurnar eru með stóru letri, góðu
línubili, vönduðum texta og spenn-
andi sögum. Áður hafa komið út í
þessu flokki sögurnar Risinn eigin-
gjarni eftir Oscar Wilde, Umskipting-
urinn eftir Selmu Lagerlöf, Vettling-
arnir hans afa eftir Þorvald Þorsteins-
son og Kötturinn og Kölski eftir
James Joyce.
Útgefandi er Bókaforlagið Bjartur.
Bókin er prentuð hjá Odda hf. Verð:
1.480 kr.
Börn