Morgunblaðið - 20.12.2003, Blaðsíða 55
UMRÆÐAN
MORGUNBLAÐIÐ LAUGARDAGUR 20. DESEMBER 2003 55
EITT það dýrmætasta sem
margt fólk á eru góðar og indælar
minningar frá æskudögum sínum.
Góðar minningar
verða til vegna góðra
atburða. Nú er sá tími
ársins sem öðrum
fremur vekur minn-
ingar þess liðna og
einnig verða til minn-
ingar vegna atburða
sem munu gerast á
komandi dögum.
Jólin og undirbún-
ingur þeirra eru þessi
tími. Það er mjög
mikilvægt að jólin
verði góð svo minn-
ingarnar verði góðar
og geymist sem fjár-
sjóður í huga og hjarta. Fullorðna
fólkið ber mikla ábyrgð í þessu
efni og það ræður mestu um það
hvernig tímanum er varið og hvaða
gildum er komið inn hjá börn-
unum. Sú fjölskylda sem á margar
góðar sameiginlegar stundir og
gerir ýmislegt saman er að njóta
lífsins á hinn allra besta hátt og
hún er einnig að búa til minningar
og leggja góðan grunn að góðri
framtíð fyrir börn þessarar fjöl-
skyldu.
Það skiptir gríðarlega miklu máli
fyrir einstaklingana þegar út í lífið
er komið að hafa búið við það að
fjölskyldan átti sameiginlegar
stundir sem einkenndust af reglu-
semi og festu. Já það skiptir máli
að fjölskyldan komi saman um jólin
og eigi þessar stundir sérstaklega
á heimili sínu og einnig utan þess í
heimsóknum eða í kirkjunni. Að
fjölskyldan eigi sameiginlegar mál-
tíðir, kaffi og heitt
súkkulaði með smá-
kökum má auðvitað
fylgja með. Á hinum
miklu og fjöl-
breytilegu hraðatím-
um sem við lifum er
það algengt að fjöl-
skyldur eigi ekki sam-
eiginlegar máltíðir,
nema við tækfæri eins
og jól og aðra tíma
þegar fólk er í fríi. Því
er enn mikilvægara að
hlúa að þessum mál-
tíðum. Það er líka
mikilvægt að foreldrar
og aðrir stálpaðir í fjölskyldunni
komi sér saman um það að þessar
samverustundir verði án alkóhóls.
Bjórsötur eða borðvínsdrykkja á
sameiginlegum stundum fjölskyld-
unnar er óæskilegt. Vegna þess að
þá er kominn „leynigestur“ í hóp-
inn, sem heitir Bakkus. Sé bjór eða
vín haft með í förinni fellur skuggi
vínáhrifanna á hina sameiginlegu
stund og samveru, sem getur þá
leyst upp í dapurleika og hörm-
ungaminningu. Þetta segi ég vegna
þess að vínumræðan hér á landi að
undanförnu hefur hneigst í þá veru
að bjórsötur og víndrykkja sé ein-
hvers konar jákvæð menning, en
ég er ekki búinn að átta mig enn á
því að svo geti verið. Ef fólk getur
ekki hugsað sér hátíðlegustu mál-
tíð ársins án víns finnst mér að það
ætti að spyrja sig: Hvers vegna
verð ég að hafa áfenga drykki með
matnum? Er það af því að það er
svo menningarlegt eða af því að ég
þarfnast alkóhólsins í víninu?
Það er frábært þegar fjölskyldan
er öll heima og getur átt sameigin-
lega stund og jafnvel gert eitthvað
saman eins og að horfa á góða fjöl-
skyldumynd, fara í leiki eða dansa
í kringum jólatréð. Eða hlustað á
pabba eða mömmu lesa jólasögu og
tala svo á eftir um efni hennar. Af
nógu er að taka, við þurfum aðeins
að gefa okkur tíma til að hugsa um
þetta, finna dýptina í því og taka
ákvörðun um samverustundirnar
og framkvæma svo. Við skulum
hlakka til jólanna og við skulum
hlakka til þess að eiga góða daga í
heilbrigðu lífi það sem eftir er í
desember, fram að jólum, um jólin
og ármót. Það mun leiða til gleði,
fagurra og góðra minninga. Gleði-
leg jól.
Góðar minningar og
samvera fjölskyldunnar
Karl V. Matthíasson
skrifar um jólahald ’Það er mjög mikilvægtað jólin verði góð svo
minningarnar verði góð-
ar og geymist sem fjár-
sjóður í huga og hjarta.‘
Karl Valgarð
Matthíasson
Höfundur er prestur á sviði áfengis-
og fíknimála.