Morgunblaðið - 21.12.2003, Blaðsíða 20
myndir og sjónvarpsþætti. Íslendingar beri innlent efni saman
við það sem milljónaþjóðir framleiða með margfalt meira fjár-
magni. En peningarnir eru ekki allt sem þarf til. Hér á landi virð-
ist vera nóg framboð af frumleika og sköpunargleði sem gæti
fleytt íslenskum listamönnum langt.
„Ég er þess fullviss að það eiga fleiri íslenskir listamenn en
Björk og Sigur Rós eftir að ná fótfestu erlendis. Björk er fín út af
fyrir sig og er ísbrjóturinn, heimsfræg og allt það. En velgengni
hennar er tvíeggjað sverð, því allir tónlistarmenn sem koma frá
Íslandi eru bornir saman við Björk. En það er enginn annar eins
og Björk! Þess vegna skilja útlendir tónlistarspekúlantar ekkert í
því hvers konar suðupottur Ísland er. Hvaðan öll þessi fjölbreytni
komi. Það eru einhverjir töfrar í því sem er að gerast.“
Breyttur heimur, breyttir tímar
Björgvin þekkir „útrásina“ af eigin raun og tók þátt í tilraun til
að gera strandhögg í útlöndum. „Ég var í hljómsveitinni Change.
Við bjuggum erlendis, gerðum samning við EMI og Chapel, gáf-
um út litlar plötur, fórum í búningana, vorum í sjónvarpinu og allt
það. Þá var það stórmál að fara til útlanda. Ég sendi foreldrum
mínum og vinum aldrei tölvupóst – ég sendi þeim BRÉÉF í flug-
pósti,“ segir Björgvin og dregur seiminn með áherslu. „Svo beið
maður eftir bréfi og stundum hringdi maður heim. Netið hefur
reynst vera mikill örlagavaldur í tónlistinni. Það hefur minnkað
heiminn svo mikið að það er í raun minna mál fyrir tónlistarmenn
og hljómsveitir að koma sér á framfæri um allan heim nú en það
var í gamla daga.“
Björgvin er þekktastur sem söngvari en hefur einnig verið
mjög afkastamikill upptökustjóri eða framleiðandi (producer)
hljóðritana. Hann hefur stjórnað upptökum á mjög fjölbreyttri
tónlist og rifjar upp að hann stjórnaði upptökum á þremur fyrstu
plötum Kristjáns Jóhannssonar, gerði nokkrar plötur með Diddú,
jólaplötu með Sinfóníuhljómsveit Íslands og eina „rokkplötu“ með
sömu sveit. Vísnaplöturnar gerði hann með Gunnari Þórðarsyni
og Tómasi Tómassyni, svo má nefna Íslandslagabálkinn, gosp-
elplötur og ýmislegt fleira. En skyldi vera mikill munur á því að
koma að hljóðritun einungis sem söngvari, eða að sitja báðum
megin við glerið í hljóðverinu?
„Nei. Ef maður er í einhverri hljómsveit, eða einhverju liði, þá
er maður í liðinu þó svo maður skori ekki öll mörkin. Hver plata er
eitt verkefni – heildarhugmynd. Ef ég tek plötuna DUET sem
dæmi, þá voru valdir fimm pródúsentar (framleiðendur). Þórir
Baldursson, Jon Kjell Seljeseth, Sölvi Blöndal, Þórir Úlfarsson og
Friðrik Karlsson. Ég hef vanalega haldið utan um allan pakkann
og þetta reyndist mér verulega erfitt – fékk töluverð fráhvarfs-
einkenni, því ég verð að vera með puttana í öllu. Pródúsentarnir
skiluðu sínu vel, en samt varð ég að koma að þessu á seinni stigum
og hélt utan um söngupptökurnar og sat yfir hljóðblönduninni. En
maður er aldrei 120 prósent ánægður þegar maður er búinn með
svona plötu. Ég er samt frekar ánægður með þessa plötu og henni
verður ekkert breytt. En maður getur alltaf gert betur. Ef maður
væri alveg 130 prósent ánægður myndi maður bara hætta.“
Hvaða tónlist skyldi vera í uppáhaldi hjá Björgvin?
„Uppáhaldstónlist? Þá kemur alltaf þessi gamla klisja í hugann
sem höfð er eftir Duke Ellington: Það er til góð tónlist og það er til
slæm tónlist. Ég hef gaman af öllu sem hrífur og kitlar eyrað. Hin
síðari ár hef ég hlustað mikið á gamla tónlist. Frá stríðsárunum.
Svarta músík – svona dreifbýlisrótatónlist. Bluegrass og svoleiðis.
Ég hef alltaf verið svolítið skotinn í einlægri hrárri tónlist þar sem
flutningurinn og hljóðfæraleikurinn eru alveg unun. Þegar ég
kaupi plötur er ég venjulega að endurnýja gömlu vínyl-birgðirnar,
sem ég á í þúsundum eintaka. Ég kaupi ekki nýjustu plötuna með
Jennifer Lopez heldur frekar bestu lögin með The Byrds – vil eiga
eitthvað sem hefur lifað lengi. Reyndar kaupi ég tónleikaplötur
og hlusta mikið á þær. Maður hlustar mikið á tónlist í gegnum
Netið. Ef til vill er skýringin á hlutfallslega minnkandi sölu á er-
lendum plötum hér á landi miðað við íslenskar fólgin í Netinu. Er-
lenda tónlistin er aðgengilegri á Netinu en sú íslenska. Ég horfi
líka mikið á bíó. Ef ég kaupi DVD þá er það eitthvað á borð við
Casablanca, Wonderful Life eða Apocalypse Now. Ég kaupi ekki
nýjustu myndina með Jean-Claude Van Damme heldur eitthvað
sígilt sem hægt er að njóta aftur og aftur.“
Brimkló í endurnýjun lífdaga
Hljómsveitin Brimkló vaknaði til lífsins í sumar eftir langan
svefn. Verður framhald á þessari endurkomu Brimklóar?
„Við komum saman vegna tónleikaferðar sem við kölluðum „Á
þjóðveginum“. Þetta áttu að verða tólf tónleikar en þeir urðu
fleiri. Við komumst hvorki á Vestfirði né til Vestmannaeyja. Það
hefur verið svo gaman og viðtökurnar svo frábærar að við höfum
reynt að klára í rólegheitum þá staði sem við komumst ekki á í
fyrstu umferð. Við erum að gæla við að spila eitthvað á næsta ári
og jafnvel að gera plötu.“
Á tónleikunum á Broadway á annan í jólum skemmta Papar
ásamt Brimkló. „Þetta verður í fyrsta skipti sem við spilum með
Pöpunum. Brimkló og Papar eru svolítið lík skip en samt ólík. Við
ákváðum að taka tónleika með þeim og það verður væntanlega
ekki í síðasta sinn.“
Jólin mættu vera lengri
Björgvin hefur tekið þátt í jólasýningum á Hótel Nordica und-
anfarnar helgar og söng um síðustu helgi á jólatónleikum með
Diddú í Skálholti. Þá hljóma jólalög í flutningi Björgvins víða.
Morgunblaðið/Jim Smart
f lögum í flutningi Björgvins Halldórssonar
er flett upp á tonlist.is duga ekki minna en
22 síður undir listann sem telur 439 lög. Þar
mun þó ekki allt talið sem Björgvin hefur
hljóðritað. Hljómplöturnar eru orðnar
margar sem hann hefur gefið út í eigin nafni
og í samstarfi við aðra. Þar við bætist fjöldi
hljóðritana sem hann hefur stjórnað upp-
tökum á. Nýjasta plata Björgvins, DUET,
ber þess merki að enn finnast ótroðnar slóðir. Hér kveðst Björg-
vin á við nokkra þekkta söngvara af yngri kynslóðinni og syngur
meðal annars sitt hvort lagið með börnum sínum, Svölu og
Krumma.
„Ég er mjög ánægður með móttökurnar sem DUET hefur
fengið og það var gaman að vinna með öllum þessum söngv-
urum,“ segir Björgvin. „Á endanum urðu þetta 11 lög og 11
söngvarar sem syngja með mér dúetta. Þetta eru allt söngvarar
af yngri kynslóðinni og úr fremstu röð. Það er svo mikið til af
góðu tónlistarfólki og söngvurum að það hefði verið hægt að gera
tvöfalt, eða þrefalt albúm!“
Þú syngur dúetta með börnunum þínum. Hvernig var það?
„Það var ofsalega gaman. Ég hef sungið með Svölu áður, alveg
frá því hún var krakki. Ætli ég hafi ekki unnið meira með henni
tónlistarlega heldur en Krumma. Hann hefur verið svona í öðrum
geira og þetta er í fyrsta sinn sem við Krummi syngjum saman.
Lagið sem við syngjum, You Belong to Me, er gamall „standard“,
saminn einhvern tíma rétt eftir stríð. Við völdum einmitt þetta
lag vegna þess að það er eitt af uppáhaldslögum mömmu hans.“
Þú segir að þið Krummi hafið aldrei sungið saman áður. Tekur
fjölskyldan aldrei lagið heima?
„Nei, við höfum lítið gert af því. Bara þegar krakkarnir voru
litlir. Við erum ekki svona fjölskylda sem sest í skíðapeysunum
með heitt súkkulaði í kringum píanóið og syngur. En við hlustum
mikið á tónlist. Músíkin hefur verið ráðandi á heimilinu og krakk-
arnir hafa heyrt músík frá því þau voru í vöggu. Þess vegna hafa
þau svo breiðan tónlistarsmekk – eru vel heima í mörgu. Ég og
konan mín, Ragnheiður B. Reynisdóttir, erum alætur á tónlist.“
Óvænt klapp á bakið
Björgvin hlaut nýverið tvær tilnefningar til Íslensku tónlist-
arverðlaunanna, annars vegar var DUET tilnefnd sem besta
hljómplatan og svo var hann tilnefndur sem besti söngvarinn.
„Íslensku tónlistarverðlaunin eru mjög gott innlegg í þennan
viðkvæma litla tónlistariðnað hér á landi. Það er alltaf gaman að
fá klapp á bakið. Tilnefningarnar komu mér satt að segja
ánægjulega á óvart, því ég hélt að ég ætti kannski ekki upp á pall-
borðið hjá nefndinni. Ég er mjög ánægður með DUET, en ég er
ennþá ánægðari með að hljómsveitin Mínus [þar sem Krummi,
sonur Björgvins, er söngvari – innsk. blm.] skuli hafa fengið
svona margar tilnefningar. Ég vona hjartanlega að þeir eigi eftir
að vinna sem mest, því þeir eiga það svo sannarlega skilið. Þeir í
Mínus eru í hópi þess unga tónlistarfólks sem hefur lagt útrásina
fyrir sig og sækir á erlend mið. Það hefur gengið mjög vel hjá
þeim og ég er viss um að þeir eiga eftir að gera góða hluti á kom-
andi árum.“
Alþjóðleg samkeppni
Íslenskir tónlistarmenn gefa út hljóðritanir sínar í beinni sam-
keppni við erlendar. Undanfarið hefur komið fram að íslensk tón-
list sé að sækja á miðað við þá erlendu þegar um hljómplötusölu
er að ræða. Er íslenska tónlistin að batna svona mikið?
„Tónlistarbransinn hér er orðinn stærri en hann var fyrir
nokkrum árum og hann er að stækka. Sala á erlendum plötum
minnkar hér í hlutfalli við þær innlendu. Þar af leiðandi er þessi
íslenski bransi alltaf að stækka og er ekki „lítill“ lengur. Íslenskt
tónlistarfólk er að gera mjög góða hluti erlendis og á fyllilega er-
indi í samkeppni við þessa stóru.“
Björgvin bendir á að íslenskar hljóðritanir séu í beinni sam-
keppni við erlendar og tekur DUET-diskinn til dæmis. „Þessi
plata er í rekkanum í plötuverslun við hliðina á einhverri erlendri
plötu sem kostaði kannski 300 milljónir að búa til. Þessi kostaði
bara nokkrar milljónir. En neytandinn setur íslensku plötuna í
spilarann og gerir sömu kröfur til hennar og þeirrar erlendu. Ís-
lensku plöturnar eru mjög góðar miðað við það fjármagn og tíma
sem fer í að gera þær.“ Björgvin segir að sama gildi um kvik-
Ég hef verið
heppinn
E
’ Við erum ekki svona fjöl-skylda sem sest í skíðapeys-
unum með heitt súkkulaði í
kringum píanóið og syngur. ‘
„Ég hef sungið mikið af jólalögum, alveg frá því ég söng inn á
fyrstu jólaplötuna, Gleðileg jól, með Hljómum í kringum 1975. Við
höfum verið með jólasýningar á Nordica undanfarið. Ákváðum að
búa til sýningu í samvinnu Nordica og Concert, jólasöng-
skemmtun sem ekki væri með hefðbundnu sniði. Okkur langaði að
gera þetta með svolitlum „bravúr“ og hafa þetta svona í Las Veg-
as-stíl. Það eru stór borð, fallega skreyttur salur og fjórrétta mat-
seðill. Þarna hef ég verið með gestasöngvara, t.d. Sigríði Bein-
teinsdóttur, Jóhönnu Vigdísi, Pál Rósinkranz, Eyjólf Kristjánsson
og Jónsa.
Um síðustu helgi söng ég í fyrsta skipti í Skálholti. Ég var þar á
tónleikum með Diddú vinkonu minni og 40 barna kór og 40 manna
blönduðum kór. Hilmar Örn Agnarsson, fyrrverandi bassaleikari í
Þey, er organisti þarna og söngstjóri. Þórir Baldursson útsetti
undirleik fyrir litla strengjasveit. Við héldum tvenna tónleika og
það var æðislega gaman! Uppselt á báða og mjög ánægjuleg
stund.“
Ertu mikið jólabarn í þér?
„Mér þykir mjög gaman að jólunum og það færist í vöxt. Núna
erum við í mesta skammdeginu og eftir því sem ég eldist finn ég
meira fyrir því. Maður vaknar um nótt, vinnur meðan er nótt og
það er enn nótt þegar maður er búinn að vinna. Mér finnst jólin
brjóta þetta vel upp og þau mættu jafnvel vera lengri og meira af
ljósum þar til daginn fer að lengja. Mér finnst allt í lagi að hafa
mikil jól. Hvernig væri þetta ef það væru engin jól? Bara skamm-
degi!“
Farsæld á frægðarbraut
Þú átt að baki langan feril á sviði sem mörgum hefur orðið hált
á, átt fjölskyldu, þú heldur þér vel og lætur hvergi deigan síga.
Hver er leyndardómurinn að baki farsæld þinni og velgengni?
„Ég hef verið heppinn og þakka Guði fyrir það að hafa verið
góður til heilsunnar. Ég held að ég sé enn að vegna þess að mér
þykir enn jafngaman að þessu. Finnst ég alltaf vera að finna eitt-
hvað nýtt, fara nýjar slóðir. Svo hefur það ekki skemmt fyrir hvað
ég hef verið heppinn með samstarfsmenn. Ef ég hefði ekki hitt
fólkið sem ég hef unnið með í gegnum árin er ég ekkert viss um að
ég hefði orðið jafn farsæll. Ég hef líka verið heppinn með efni,
auðnast að velja rétt og sagt nei á réttum stöðum. Stundum hef ég
farið betur út úr því að segja nei en að segja já. Það er stórt atriði
á svona litlum markaði að kunna að velja og hafna. Svo má ekki
gleyma því að ég á góða fjölskyldu sem hefur staðið eins og klett-
ur við hliðina á mér.“
gudni@mbl.is
Hann er maður margra ásjóna og fjölda
hatta. Dægurlagasöngvari, poppari, rokk-
ari, vísnavinur, sálmasöngvari, kántríkarl,
upptökustjóri og ómþýður eins manns
kvartett. Guðni Einarsson hitti skemmti-
kraftinn og listamanninn fjölhæfa,
Björgvin Halldórsson.
20 SUNNUDAGUR 21. DESEMBER 2003 MORGUNBLAÐIÐ