Morgunblaðið - 21.12.2003, Blaðsíða 88

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 21. DESEMBER 2003 VERÐ Í LAUSASÖLU 300 KR. MEÐ VSK.
SKRÁSETNINGARGJALD verður ekki
endurkræft og gripið verður til ýmissa
aðhaldsaðgerða við skráningu nemenda
við Háskóla Íslands á næsta ári. M.a.
verða engar undantekningar heimilaðar
frá skráningu. Einstökum deildum verður
falið að ákveða hvort stúdentar verða
teknir inn í skólann um áramót. Þessar
ákvarðanir eru hluti af sparnaðaraðgerð-
um sem gripið er til til að samræma fjár-
veitingar til HÍ á fjárlögum rekstrarút-
gjöldum skólans.
Fjárveiting til HÍ fyrir kennslu sam-
kvæmt fjárlögum gerir ráð fyrir að fjöldi
virkra nemenda á árinu 2004 verði 5.200,
en áætlaður fjöldi þeirra háskólaárið 2003–
2004 miðað við reynslutölur fyrri ára er
5.750 að mati Háskólans. Á fundi háskóla-
ráðs á fimmtudag kom fram að nauðsyn-
legt væri að grípa til sérstakra aðhalds-
aðgerða og var samþykkt að gæta ítrasta
aðhalds í ráðningarmálum og að öll stjórn-
sýsla, rekstur fasteigna og framkvæmdir
fengju sömu fjárveitingu og á árinu 2003,
sem fæli í sér 2,5% raunlækkun.
Deildir ákveða hvort nýnemar
verða teknir inn um áramót
Varðandi skráningu nemenda var sam-
þykkt að veita engar undanþágur frá
skráningartímabili árlegrar skráningar
22.–26. mars nk. og greiðslu skrásetning-
argjalds og engar undanþágur til nýskrán-
inga og greiðslu skrásetningargjalds eftir
4. júní (sama gildir um erlenda stúdenta
eftir 15. mars). Einnig var ákveðið að reynt
yrði að koma í veg fyrir að nemendur skrái
sig í námskeið sem þeir mæta svo ekki í,
og samþykkt að hömlur verði settar á
breytingar á skráningum eftir að kennsla
hefst. Á fundinum kom fram að óvíst væri
hvort grípa yrði til enn frekari aðhalds-
aðgerða, svo sem kerfisbundinna fjöldatak-
markana.
Samkvæmt upplýsingum frá Háskólan-
um verður einstökum deildum HÍ falið að
skoða hvort þær „kjósi að nýta undantekn-
ingarheimild til að skrá nýja nemendur í
janúar 2004“. Í janúar á þessu ári skráðu
sig um 300 nemendur á grundvelli þessarar
heimildar. Þá hefur engin ákvörðun enn
verið tekin um fjöldatakmarkanir fyrir
haustið 2004, en skráning nýnema fer fram
næsta vor.
Háskóli Íslands þrengir reglur um inntöku nýrra nemenda
Engar undantekningar
leyfðar frá skráningu
Fríkirkjuprestur
Stöðugt fleiri
matarbeiðnir
BEIÐNIR um mataraðstoð hrúgast upp í vaxandi
mæli, einkum þó á aðventunni, að sögn Hjartar
Magna Jóhannssonar, fríkirkjuprests í Reykjavík.
Frjáls framlög safnaðarfólks í lítinn líknarsjóð
segir hann vera notuð til að verða við sem flestum
slíkum beiðnum. Stundum þegar mest liggi við,
þurfi þó að grípa til rekstrarfjár safnaðarins og
sumum beiðnum verði að vísa annað.
„Ég hef fundið töluverða aukningu matarbeiðna
þessi tæpu sex ár sem ég hef verið fríkirkjuprest-
ur,“ segir Hjörtur Magni í viðtali í Tímariti Morg-
unblaðsins í dag. „Ég hef borið mig eftir því að
kynna mér aðstæður þessa fólks gegnum árin,
m.a. til að kanna hvort einhverjir séu að misnota
sér þessa þjónustu, sem auðvitað eru dæmi um, og
á heildina litið er um raunverulega og knýjandi
þörf að ræða,“ segir hann enn fremur og tekur
dæmi af fjölfatlaðri konu sem stöðugt þurfi að
biðja um aðstoð til að komast af. „Það er hryllileg-
ur vitnisburður um það velmegunarþjóðfélag sem
við teljum okkur búa í,“ segir Hjörtur Magni.
 Tímarit /11
MIKIÐ er keypt af skötu þessa dagana
enda stutt í Þorláksmessu þegar margir
borða kæsta skötu að vestfirskum sið.
Elmar Þór Þorkelsson, fisksali í Fiskbúð-
inni Vegamótum við Nesveg, og faðir
hans, Þorkell Diego, eru ánægðir með söl-
una og bæta stöðugt í fiskborðið.
Elmar segist viða að sér skötu mest allt
árið sem hann síðan kæsir þegar rétti tím-
inn er kominn. Hann neitar spurningu um
hvort það sé mikill galdur að verka sköt-
una á réttan hátt en segir nauðsynlegt að
fylgjast vel með verkuninni, snúa fisk-
inum reglulega svo hann liggi ekki of
lengi í eigin safa.
Hann segist hafa lært verkunina af öðr-
um fisksölum og einnig hjá frændum sín-
um á Suðureyri. Þar hafi honum verið trú-
að fyrir ákveðnum leyndarmálum sem
hann noti við vinnsluna.
Og nú stendur vertíðin sem hæst. Marg-
ir keyptu skötu fyrir vikulokin enda nokk-
uð um að fólk sé að halda skötuveislur um
helgina, ekki síst þeir sem eru að vinna á
Þorláksmessu. Aðaltörnin er þó á mánu-
dag og þriðjudag, sjálfan Þorláks-
messudag.
Morgunblaðið/Kristinn
Stöðugt bætt í fiskborðið
Hjálparsíminn 1717
Yfir fimm
þúsund símtöl í ár
RÚMLEGA fimm þúsund manns hafa hringt í
Hjálparsíma Rauða krossins, 1717, á þessu ári.
Hjálparsíminn er gjaldfrjáls sími og opinn allan
sólarhringinn fyrir þá sem þurfa aðstoð vegna
depurðar, kvíða, þunglyndis eða sjálfsvígshugs-
ana.
Rauði krossinn ætlar að vekja sérstaka athygli á
Hjálparsímanum um jólin. Linda Pétursdóttir tek-
ur þátt í kynningarverkefninu og segir sérstakan
heiður að fá að leggja Rauða krossinum lið með
þessum hætti. „Ég veit af eigin raun hve nauðsyn-
legt það er að geta rætt um erfiðleikana. Þörfin
fyrir Hjálparsímann 1717 er því miður mjög mikil
og þessi árstími, þegar flestir halda gleðileg jól,
getur reynst mörgum mjög erfiður.“
 Stolt og ánægð/12
HÖLL minninganna, bók Ólafs Jóhanns Ólafssonar, er kynnt í heilsíðu-
auglýsingu á baksíðu bókablaðs bandaríska dagblaðsins The New York
Times í dag. Er þetta í fyrsta skipti sem íslensk skáldsaga er auglýst með
þessum hætti í Bandaríkjunum og sýnir að útgefandi bókarinnar telur
hana eiga mikla möguleika, samkvæmt upplýsingum Vöku-Helgafells.
Höll minninganna kom út hjá Vöku-Helgafelli á árinu 2001. Random
House gefur söguna út í Bandaríkjunum og er enski titillinn Walking
into the Night. Í auglýsingunni í New York Times er vitnað til lofsam-
legra dóma sem nýlega hafa birst um bókina í Bandaríkjunum.
Ólafur Jóhann hefur á undanförnum vikum ferðast um Bandaríkin til
að kynna Höll minninganna.
Höll minninganna kynnt í Bandaríkjunum
Auglýst í New York Times
Ólafur Jóhann Ólafsson
EIMSKIPAFÉLAG Íslands hefur ákveðið að
selja eða leigja hús sitt í Pósthússtræti í Reykja-
vík vegna flutnings á meginstarfsemi félagsins
inn í Sundahöfn. Húsið er fimm hæða skrif-
stofubygging, auk kjallara og rishæðar. Er það
samtals um 3.850 fermetrar.
Ásett verð 475 milljónir
Ásett verð eru 475 milljónir. Eignamiðlun og
Fasteignamarkaðnum hefur verið falið að sjá
um söluna eða leiguna og er auglýsing þess efn-
is birt í Morgunblaðinu í dag. Húsið var tekið í
notkun árið 1921 og árið 1979 var það stækkað.
Að sögn fasteignasalanna leggja seljendur húss-
ins áherslu á að þar verði starfsemi sem hæfir
hinni virðulegu eign og fellur vel að miðbænum.
Eimskipafélagið hefur einnig falið Eigna-
miðlun og Fasteignamarkaðnum að selja húsið
að Tryggvagötu 28, sem er við hliðina á Eim-
skipafélagshúsinu, en þar var Gjaldheimtan
lengi vel til húsa.
Húsið eru fjórar hæðir auk kjallara. Er það
samtals um 1.200 fermetrar. Ásett verð er um
105 milljónir króna.
Morgunblaðið/Jim Smart
Eimskipafélags-
húsið til sölu
♦ ♦ ♦
♦ ♦ ♦