Morgunblaðið - 24.12.2003, Blaðsíða 10

10 | FÓLKIÐ | MIÐVIKUDAGUR 24|12|2003 MORGUNBLAÐIÐ
Peter Jackson leikstjóri og hæfileikarík áhöfn hans hafa
náð heilu og höldnu til lokahafnar í einu mikilfenglegasta
stórvirki kvikmyndasögunnar – kvikmyndagerð Hringa-
dróttinsþríleiksins eftir snillinginn J.R.R. Tolkien. Þessi
undraheimur skáldsins var löngum talinn ókvikmynd-
anlegur og hafði aðeins birst á tjaldinu í teiknimyndum.
Þá kom ekki aðeins Ný-Sjálendingurinn Jackson til skjal-
anna heldur öflug brellufyrirtæki hans með fjölda afburða
lista- og tæknimanna innanborðs. Þeim hefur tekist hið
óframkvæmanlega – að kvikmynda furðuveröld Tolkiens
með öllum sínum kynjaverum, illum og góðum.
KOMIÐ AÐ LEIÐARLOKUM
Í upphafi Hilmir snýr heim eru Aragorn (Mortensen),
Þjóðann (Bernard Hill) og aðrir eftirlifendur orrustunnar
um Hjálmsvirki, á leið til Ísarngerðis. Síðan tínast gamlir
kunningjar til sögunnar; Hobbitarnir Kátur (Dominic Mon-
aghan) og Pippinn (Billy Boyd); stríðsmennirnir Jómar
(Karl Urban) og Jóvin (Miranda Otto) frá Róhan og Far-
amír (David Wenham) frá Gondor. Dynþór (John Noble)
kemur nýr til sögunnar, hann stjórnar Mínas Tirith þar
sem næstu stórátök fara fram á milli herja hinna góðu
afla og illu.
Hobbitarnir Sómi (Sean Astin) og Fróði (Elijah Wood),
halda ferð sinni ótrauðir áfram undir leiðsögn Gollrirs
(Andrew Serkis) og ná að endingu til Mordor. Um sinn
lítur út fyrir að sundrungarmáttur hringsins kljúfi Föru-
neytið.
Áfram þokast persónurnar að úrslitaátökunum á völl-
unum við Minas Tirith.
ÞREFALT HÚRRA
Hilmir snýr heim er kvikmyndaviðburður ársins, aðrar
falla í skuggann af lokakafla Hringadróttinssögu sem
tugmilljónir aðáenda bíða hvarvetna með mikilli eft-
irvæntingu. Hérlendis sóttu fyrstu myndina hátt í 90 þús-
und gestir; miðkaflann tæpt 100 þúsund. Sömu sögu er
að segja í öllum heimshornum– myndirnar hafa hvarvetna
verið hafnar til skýjanna af almenningi og gagnrýnendum
og ástæðulaust að ætla annað en að Hilmir snýr heim
geri enn betur og stilli sér upp meðal þriggja mest sóttu
mynda kvikmyndasögunnar. Sú fyrsta, Hringadrótt-
inssaga: Föruneyti hringsins, situr í 7. sæti yfir mest
sóttu myndir sögunnar, hefur tekið inn 861 milljón dala.
Hringadróttinssaga: Tveggja turna tal (’02), gerði enn
betur, rakaði saman 920 milljónum og situr í 4. sæti á
heimsvísu. Ef allt gengur eftir getur Hilmir snýr heim náð
öðru sætinu af Harry Potter og viskusteinninn – Harry
Potter and the Sorcerer’s Stone (’01), sem tók inn 968
milljónir. Hins vegar er lítil von til þess að nokkur mynd
velti Titanic (’97), úr efsta sætinu á næstunni, það má
segja að hún sé í ósnertanlegri fjarlægð með tvöfalda
innkomu Viskusteinsins. | saebjorn@mbl.is
lokast
HRINGURINN
Þriðji og síðasti hluti ferðalagsins er hafinn. Í
Hringadróttinssögu: Hilmir snýr heim – Lord
of the Rings: Return of the King, safnast her-
ir Saurons saman við Minas Tirith, höfuðborg
Gondor, í þeim tilgangi að útrýma öllu mann-
kyni. Þetta fyrrum volduga ríki er nú undir
handleiðslu síhrakandi hæstráðanda og
þarfnast öflugs konungs sem aldrei fyrr. Get-
ur Aragorn (Viggo Mortensen) hlýtt kalli
erfðaríkis síns og komist til valda? Örlög
Miðgarðs hvíla á herðum hans. Frumsýnd 26.
des. í Laugarásbíói, Smárabíói, Regnbog-
anum, Sambíóunum í Kringlunni og Keflavík,
Borgarbíói Akureyri og Bíóhöllinni Akranesi.
FR
UM
SÝ
NT