Morgunblaðið - 27.12.2003, Síða 1
Laugardagur
27. desember 2003
Hvaða jólasveinn fer fyrstur upp til fjalla?
Prentsmiðja
Árvakurs hf.
JÓLIN eru hátíð kærleika og friðar
og því eru þau sá tími ársins þegar
flestir eru að hugsa um það hvernig
þeir geti glatt aðra. Þetta gerum við
til dæmis með því að gefa okkar
nánustu jólapakka og með því að
senda þeim sem eru ekki alveg jafn-
nánir okkur jólakort. Það eru líka
margir sem hugsa um þá sem eru
lengra í burtu og eiga bágt á þess-
um árstíma en bæði á Íslandi og úti
í heimi eru margir sem eiga erfitt til
dæmis vegna fátæktar eða veikinda.
Jólin eru alls ekki eini rétti tíminn
til að hugsa um þetta en það er þó
gott að muna eftir því þegar okkur
líður sem best að það hafa það ekki
allir jafngott og við. Svo eru líka
margir sem strengja nýársheit um
áramótin en það er að lofa sjálfum
sér einhverju fyrir næsta árið. Marg-
ir fullorðnir heita því til dæmis að
hætta að reykja eða að fara í lík-
amsrækt á nýja árinu en það eru
líka margir sem heita því að gera
meira fyrir aðra.
Ef ykkur langar til að gera eitt-
hvað fyrir aðra á nýja árinu er
sennilega einfaldast að byrja á því
að hjálpa þeim sem eru næstir ykk-
ur en það getið þið til dæmis gert
með því að vera góð við gamla fólk-
ið og þá sem eru veikir og með því
að gera það sem þið getið til að
stöðva einelti.
Svo getið þið líka gefið föt og leik-
föng, sem þið eruð hætt að nota, til
Hjálpræðishersins eða Mæðra-
styrksnefndar en þessi samtök taka
við notuðum fötum og leikföngum
og koma þeim til barna sem hafa
gagn og gaman af þeim.
Andi jólanna
Í BANDARÍKJUNUM er eggja-
drykkur, sem er kallaður „eggnog“,
ómissandi þáttur af jólakræsingunum
og jólastemmningunni. Hér er upp-
skrift að eggjadrykk ef ykkur langar
til að prófa bandarískan jóladrykk.
Það sem þarf:
1 egg
4 msk. sykur
4 dl mjólk
1/8 tsk. salt
¼ tsk. vanilla
Svona farið þið að:
Brjótið eggið í skál og þeytið það
með sykrinum þangað til það verður
létt og froðukennt.
Setjið mjólkina, saltið og vanillu-
dropana út í.
Þeytið allt vel saman.
Hellið í glösin og stráið ofurlitlu
múskati ofan í glösin.
Uppskriftin er handa tveimur.
Jólauppskrift
Á MÖRGUM heimilum eru hnetur á
boðstólum um jólin. Það eru ekki all-
ir krakkar hrifnir af hnetum en ef
þið viljið ekki borða þær getið þið
samt sem áður haft gaman af þeim.
Þið getið til dæmis prófað að búa til
alls konar dýr úr hnetunum með
hjálp tannstöngla og pípuhreinsara
eins og sést hér á myndunum. Þið
verðið þó að passa ykkur á því að
láta ekki lítil börn komast í hnet-
urnar eða dýrin sem þið búið til úr
þeim því það getur verið mjög
hættulegt ef þau stinga þeim upp í
sig.
Hnetufjör
ÞEIR Sigurður Stefán og Þór Örn Flygenring
og Ari og Ægir James, sem eru tíu og tólf ára,
eru að vinna fyrir Hjálparstofnun kirkjunnar en
starf þeirra felst í því að ganga í hús og selja
kerti sem eru merkt Hjálparstofnuninni. Við
hittum þrjá af strákunum og spurðum þá að því
hvernig þeir hefðu komist í þetta starf.
Þór: Ég sendi bara tölvupóst upp eftir og
spurði hvort ég gæti selt merki eða eitthvað fyr-
ir þau og það var hringt í mig og ég beðinn um að
selja kerti.
Ægir: Við erum búnir að gera þetta í svona
fjórar vikur og erum búnir að selja svona fimm-
tíu kerti.
Er þetta gaman?
Ægir: Já, svona oftast.
Þór: Það er gaman að hjálpa öðrum.
Siggi: Sumir halda samt að við séum að ljúga
og að við höfum stolið þessu þannig að þá þurf-
um við að láta fólk hringja heim til okkar.
Þór: Það eru samt flestir almennilegir.
Siggi: Það var einu sinni maður sem gaf mér
súkkulaði. Við erum líka með bauk og einu sinni
gaf maður alveg rosalega mikla upphæð í hann.
Þór: Við sáum það ekki fyrr en við komum
heim og fórum að telja peningana.
Ætlið þið að halda þessu áfram?
Strákarnir: Já.
Gaman að gera gagn og selja kerti
Morgunblaðið/Ásdís
Þór, Ægir og Siggi.
Getið þið hjálpað gömlu jólasveinunum að komast að kræsingunum?
Jólasveinar í vanda
Svar: Stekkjarstaur