Morgunblaðið - 27.12.2003, Blaðsíða 2
2 B LAUGARDAGUR 27. DESEMBER 2003 MORGUNBLAÐIÐ
börn
Börnin teikna
„Það sem kemur
mér í jólaskap er
jólaföndrið og að
skreyta. Svo er
það líka pipar-
kökubakstur,“
skrifaði Fríða
Theodórsdóttir,
sem sendi okkur
þessar fallegu
myndir.
„Jólakötturinn ferðast um úti, þegar ég er inni. Hann er í góðu skapi,“ segir
Bjarni Theodórsson, fimm ára, sem teiknaði þessa mynd af jólakettinum.
Nína Margrét Daðadóttir, fjögurra ára, og Eva Kristrún Haraldsdóttir,
fimm ára, teiknuðu þessar myndir af jólastelpum hjá jólatrjám.
Arnar Þór Halldórsson, níu ára, teiknaði þessa mynd.
ALLIR sem hafa aðgang að tölvu geta farið
inn á síðuna www.thehungersite.com en með
því að fara þangað inn og smella á hnapp sem
á stendur „Give Free Food“ (Gefið ókeypis
mat) tökum við þátt í því að safna framlögum
frá auglýsendum sem síðan eru nýtt til að
kaupa mat handa hungruðum. Hver notandi
getur einungis smellt á hnappinn einu sinni á
dag en það eru greinilega margir sem hafa
vanið sig á að gera það því á síðasta ári söfn-
uðust peningar sem nægðu fyrir 47.919.670
bollum af hrísgrjónum á þennan hátt.
Hungur-
vefurinn
Á UNDANFÖRNUM árum hefur ABC hjálp-
arstarf staðið fyrir söfnun í samvinnu við
grunnskólana þar sem nemendur í fjórða til
sjötta bekk hafa gengið í hús og safnað
peningum í sérmerkta bauka sem hafa síð-
an runnið til hjálparstarfsins. Söfnunin
verður þó ekki haldin á næsta ári og ekki
er búið að ákveða hvort eitthvert annað
samstarf við grunnskólana kemur í stað-
inn.
Börn hjálpa
börnum
S
tundum langar mann til að
hjálpa þeim sem eru langt í
burtu og því töluðum við við
fulltrúa nokkurra íslenskra
hjálparstofnana og báðum þá um að
koma með hugmyndir um það hvern-
ig íslenskir krakkar geti hjálpað
krökkum úti í heimi sem þurfa á því
að halda.
Þeir sem við töluðum við sögðu all-
ir að það væri einfaldast að gefa pen-
inga til að hjálpa þeim sem eru langt
í burtu þar sem það geti verið bæði
flókið og dýrt að koma annars konar
aðstoð á milli landa.
Þið getið lesið hugmyndir þeirra
hér á eftir en við ráðleggjum ykkur
þó að hafa einhvern fullorðinn með í
ráðum ef þið ætlið að ráðast í ein-
hvers konar peningasöfnun.
Fataflokkun hjá Rauða krossinum
Það hefur verið nokkuð um það að
bekkir hafi tekið sig saman um að
safna fötum eða skóladóti fyrir hjálp-
arstofnanir en við fengum þær upp-
lýsingar hjá Rauða krossinum að það
væri eiginlega einfaldara að bekkir,
sem vilja gera gagn, komi og hjálpi
til við fataflokkun. Það kemur nefni-
lega svo mikið af fötum í fatagám-
ana, sem samtökin hafa á Sorpu-
stöðvunum, að starfsfólkið kemst oft
ekki yfir að flokka öll fötin áður en
þau eru send til útlanda.
Tombólusöfnun
Eitt af því sem krakkar geta gert
til að styrkja gott málefni er að halda
tombólu. Rauði krossinn er með sér-
stakan tombólusjóð sem öllum pen-
ingum sem safnast á tombólum er
safnað í. Í árslok eru síðan allir pen-
ingarnir lagðir saman og notaðir í
ákveðið verkefni en þeir krakkar
sem hafa tekið þátt í því að safna í
sjóðinn fá viðurnefnið Ungur bak-
hjarl og viðurkenningarskjal frá
samtökunum.
Það er líka hægt að gefa tombólu-
peninga til annarra hjálparsamtaka
eins og til dæmis Hjálparstofnunar
kirkjunnar. Þar fara peningarnir í
almennan sjóð sem fer í ýmis verk-
efni en það er líka hægt að biðja um
að þeir fari í sérstakan sjóð til dæmis
fyrir börn í Úganda, sem búa ein af
því þau hafa misst báða foreldra sína
úr alnæmi, eða til að leysa þrælabörn
á Indlandi úr ánauð.
Stuðningur við barnaþorpin
Sumir skólar og bekkir hafa líka
tekið sig saman um að styrkja mun-
aðarlaust barn í SOS-barnaþorpun-
um með því að borga ákveðna upp-
hæð á mánuði en það er þó líka hægt
að styrkja starf samtakanna með
einstökum fjárframlögum. Á skrif-
stofu SOS-barnaþorpanna er hægt
að fá aðstoð við val á verkefnum og
hugmyndir um það hvernig krakkar
geti staðið fyrir peningasöfnunum en
við minnum ykkur þó á að ef þið ætl-
ið að safna peningum er best að hafa
einhvern fullorðinn með í ráðum.
Verkefni og leikir
Hjálparstofnun kirkjunnar og
SOS-barnaþorpin gefa líka út
þemaverkefni, leiki og sögur, fyrir
krakka á ýmsum aldri, sem kennarar
geta notað til að kenna krökkum um
eymdina í heiminum. Ef þið hafið
áhuga á að kynnast þessum
verkefnum getið þið beðið kennar-
ana ykkar um að hafa samband við
samtökin til að fá þau handa bekkn-
um ykkar.
Reuters
Afganskar stúlkur sækja skóla í tjaldi í höfuðborginni Kabúl.
Stelpan á myndinni er munaðarlaus
og býr í SOS-barnaþorpi á Indlandi.
Hvernig getum
við hjálpað?
MARGIR hafa gaman af því að skreyta sérstaklega fyrir ára-
mótin og gera heimilið svolítið líflegra eftir hátíðleika jólanna.
Hér er hugmynd að einföldu skrauti sem þið getið búið til og not-
að til að skreyta með fyrir áramótaveisluna ykkar.
Það eina sem þið þurfið eru skæri og einlitur pappír, helst í
nokkrum litum.
Svona farið þið að:
Klippið pappírinn niður í litla ílanga miða eins og þið sjáið á
myndinni hér að ofan. Brjótið síðan miðana í fernt og teiknið
munstur á þá eins og sýnt er með svörtu á myndinni. Klippið nú
munstrin út. Þegar þið brjótið miðana aftur í sundur sjáið þið
hvernig munstrin mynda fallegar myndir sem má hengja upp.
Áramótaskraut