Morgunblaðið - 28.12.2003, Blaðsíða 2
FRÉTTIR
2 SUNNUDAGUR 28. DESEMBER 2003 MORGUNBLAÐIÐ
Framkvæmdabókin 2004 er
ekki eingöngu dagbók,
heldur einnig tæki til
að koma hlutum
í verk!
Útsölustaðir:
FRAMKVÆMDABÓKIN
... og þú kemur hlutum í verk
2004
ÞJÓÐARSORG Í ÍRAN
TVEIR íranskir embættismenn
sögðu í gærmorgun að óttast væri að
allt að 40.000 manns hefðu látið lífið í
öflugum jarðskjálfta sem reið yfir
borgina Bam í Suðaustur-Íran á
föstudag. Innanríkisráðuneytið í Te-
heran áætlaði að 20.000 manns hefðu
látið lífið og 30.000 særst en innan-
ríkisráðherrann sagði að búast
mætti við því að dánartalan yrði
miklu hærri. Stjórn Írans lýsti yfir
þriggja daga þjóðarsorg.
Um 70% húsanna í borginni eyði-
lögðust í hamförunum. Tugir þús-
unda borgarbúa, sem misstu heimili
sín, norpuðu úti í vetrarkuldanum í
fyrrinótt. Fólkið kveikti elda á göt-
unum til að halda á sér hita.
Metfasteignaár
Árið 2003 verður metár í fast-
eignaviðskiptum, samkvæmt upplýs-
ingum frá Fasteignamati ríkisins um
11.800 þinglýsta kaupsamninga á
árinu og veltu upp á 160 milljarða
króna. Veltuaukningin nemur 24%
frá síðasta ári þegar fasteignir
skiptu um eigendur fyrir um 129
milljarða króna.
Skerðing vaxtabóta
Að mati hagdeildar ASÍ skerðast
vaxtabætur hjóna um allt að 110
þúsund krónur þegar sú breyting
tekur gildi við útreikning bótanna að
miða hámark vaxtagjalda við 5,5% af
skuldum, í álagningunni árið 2005 af
tekjum ársins 2004. Í næstu álagn-
ingu verður 10% flöt skerðing á
vaxtabótum.
Takmarkanir enn í gildi
Samkeppnisráð telur að enn séu
kauptakmarkanir í gildi á mark-
aðnum fyrir Lyfju hf.. Ráðið hefur
hafnað beiðni fyrirtækisins um end-
urupptöku á fyrri ákvörðun um að
Lyfju sé óheimilt að kaupa eða yfir-
taka lyfjabúðir í rekstri á höfuð-
borgarsvæðinu.
Aukin flugumferð
Umferð á íslenska flugstjórn-
arsvæðinu hefur verið svipuð á
þessu ári og því síðasta en að sögn
Ásgeirs Pálssonar, framkvæmda-
stjóra flugumferðarsviðs Flugmála-
stjórnar, eru horfur á aukinni flug-
umferð á komandi ári. Talið er að
um 78.600 flugvélar fari um íslenska
svæðið í ár, samanborið við 79.460 í
fyrra.
Y f i r l i t
Í dag
Sigmund 8 Hugvekja 35
Af listum 22 Dagbók 36/37
Listir 22/23 Krossgáta 38
Forystugrein 24 Auðlesið efni 54
Reykjavíkurbréf 24 Fólk 40/45
Skoðun 26 Bíó 42/45
Minningar 28/32 Sjónvarp 46
Bréf 33 Veður 47
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@m-
bl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi, orri@mbl.is
Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir sport@mbl.is
Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Á JÓLUNUM hefur fólk oft um margt að hugsa og lætur hjá líða að sinna
ýmsum hversdagslegum hlutum. Maðurinn sat því einn að þakklæti og
gleði fuglanna þegar hann ákvað að kæta hina litlu vini sína á Tjörninni
með jólaheimsókn og glaðningi í gogginn.
Morgunblaðið/Árni Sæberg
Óskipt athygli á Tjarnarbakkanum
HANNES Hólmsteinn Gissurar-
son, höfundur bókarinnar um
Halldór Laxness, sendi í gær frá
sér eftirfarandi yfirlýsingu:
„Ég vísa afdráttarlaust á bug
öllum ásökunum um óheiðarleg
og óeðlileg vinnubögð í bók
minni Halldór. Ég mun svara
þessum ásökunum efnislega lið
fyrir lið þegar ég kem aftur
heim til Íslands um miðjan jan-
úar.“
Hannes, sem er í fríi erlendis,
sagðist í samtali við Morgun-
blaðið engu efnislega vilja bæta
við yfirlýsinguna, að öðru leyti
en því að hann myndi eins fljótt
og kostur væri svara grein
Helgu Kress, prófessors í bók-
menntafræði, sem birtist í Les-
bók Morgunblaðsins í gær. Von-
aðist Hannes til þess að hann
fengi sama orðastað við fjöl-
miðla og gagnrýnendur á bókina
hefðu fengið. „Svo vona ég bara
að fólk lesi bókina og myndi sér
sínar eigin skoðanir á henni,“
sagði Hannes.
Hannes vísar öllum
ásökunum á bug
VERÐ á fiskimjöli og -lýsi hefur
verið nokkuð stöðugt undanfarin
tvö ár og útlit fyrir að svo verði
áfram. Þó ríkir talsverð óvissa um
verð og framboð á mjöl- og lýsis-
mörkuðum á næstu mánuðum, að
sögn Sólveigar Samúelsdóttur,
markaðsstjóra SR mjöls hf. og ný-
kjörins forseta IFFO, Alþjóðasam-
taka framleiðenda fiskimjöls og
-lýsis.
Markaðsverð á mjöli var nokkuð
stöðugt á þessu ári eða á bilinu frá
410 til 440 sterlingspund fyrir
tonnið sem jafngilda um 53–55 þús-
und íslenskum krónum. Verð á lýs-
istonninu hefur einnig verið nokk-
uð stöðugt eða um 570 til 600
dollarar eða um 42–43 þúsund
krónur.
Sólveig segir afurðaverð á bæði
mjöli og lýsi vel viðunandi í sögu-
legu samhengi, en mest sé um vert
að verðið hafi verið stöðugt í nærri
tvö ár, sem sé lengra stöðugleika-
tímabil en þessi iðnaður hafi búið
við um langa hríð. Hún segir að
iðnaðurinn sjái hinsvegar fram á
talsverða óvissu á komandi ári.
Erfiðleikar í fiskeldi í heiminum
hafi þegar sagt til sín á mörkuðum
fyrir mjöl og lýsi. Eins fari inn-
flutningur á kjúklingum til Evrópu
vaxandi sem hafi í för með sér
samdrátt í kjúklingarækt í álfunni
og þar af leiðandi minni spurn eftir
fóðri en stór hluti fiskimjölsfram-
leiðslunnar hér á landi sé notaður í
kjúklingafóður.
„Þetta hefur þó ekki leitt til
verðlækkunar á mjöli og lýsi að
ráði, heldur má segja að markaður-
inn hafi verið þyngri. Miðað við
þær aðstæður sem nú eru uppi er
ekki annað hægt en að vera þokka-
lega ánægður með verðið. Fram-
leiðendur sitja auk þess ekki uppi
með meiri óseldar birgðir en venju-
lega, þannig að staðan er í sjálfu
sér ágæt.“
Sólveig segir að það sem skipti
þó mestu máli nú sé þróun upp-
sjávarveiða í Perú, sem hafi gengið
illa á þessu ári og rætist ekki úr
þeim megi gera ráð fyrir að verð
verði áfram stöðugt og hækki jafn-
vel lítilsháttar. Eins sjái menn nú
fram á betri tíð í fiskeldinu. Fram-
undan sé loðnuvertíð hér við land
og það hafi ætíð talsvert áhrif á
markaðinn hversu vel hún gangi og
jafnvel enn meiri áhrif nú en áður.
„Perúmenn hætta jafnan veiðum
um og upp úr áramótum. Þar sem
Norðmenn hafa blásið af loðnuveið-
ar í Barentshafi er ljóst að nánast
eina mjölið sem kemur inn á mark-
aðinn á fyrsta fjórðungi næsta árs
verður framleitt úr loðnu á Íslandi
eða þangað til Danir og Norðmenn
hefja sínar uppsjávarveiðar í apríl
og maí. Það skiptir því verulegu
máli hvernig loðnuvertíðin verður
hér við land. Það má þó ekki
gleyma því að kolmunnaveiðar hafa
á undanförnum árum skipt sífellt
meira máli á markaðnum og það
má gera ráð fyrir að svo verði
einnig á næsta ári. Þó ríkir tals-
verð óvissa um framhald kol-
munnaveiða, rétt eins og um veiðar
á norsk-íslensku síldinni.
Og nú ræða menn um litla loðnu-
gengd, þannig að það eru margir
óvissuþættir fyrir komandi ár,“
segir Sólveig.
Stöðugt verð á mjöli og lýsi
Talsverð óvissa ríkir um verðþróun á mörkuðum og framboð á næsta ári