Morgunblaðið - 28.12.2003, Blaðsíða 28
MINNINGAR
28 SUNNUDAGUR 28. DESEMBER 2003 MORGUNBLAÐIÐ
✝ Þórir Sigtryggs-son fæddist í
Mið-Samtúni í Glæsi-
bæjarhreppi í Eyja-
firði 22. júní 1919.
Hann lést á gjör-
gæsludeild Landspít-
ala – háskólasjúkra-
húss 15. desember
síðastliðinn. Foreldr-
ar hans voru Sig-
tryggur Ísleifsson, f.
í Hrafnagilshreppi
4. júlí 1862, d. 29.
september 1935, og
Jófríður Jónasdóttir,
f. í Bitrugerði í
Kræklingahlíð 28. maí 1882, d. 5.
desember 1968. Þau hjón eign-
uðust þrjá syni, þeir voru auk
Þóris Númi, f. 25. apríl 1914, d.
7. febrúar 1939, og Kristján, f.
21. júní 1917, d. 31. maí 1944.
Þórir kvæntist 27. mars 1948
Sigrúnu Jóhannesdóttur, f. 9.
september 1915, d. 12. ágúst
1980. Foreldrar hennar voru Jó-
hannes Sveinsson útgerðarmað-
ur og Sigrún Rögnvaldsdóttir,
kennd við Sveinsbæ í vesturbæ
Reykjavíkur.
Þau hjón eignuðust fjögur
börn, þau eru: Drengur, f. 1948,
dó í fæðingu. Sigfríður, þjón-
ustufulltrúi hjá VÍS, gift Árna
Magnússyni skóla-
stjóra. Hún á dótt-
urina Erlu Sigríði
Grétarsdóttur, dr. í
klínískri öldrunar-
sálfræði, sem er gift
Gísla Arnarsyni,
verkfræðingi MBA.
Sigrún Jóhanna,
kennari, nú starfs-
maður SP fjár-
mögnunar, gift Ein-
ari Kristni
Guðfinnssyni al-
þingismanni. Börn
þeirra eru Guðfinn-
ur Ólafur háskóla-
nemi og Sigrún María kvenna-
skólanemi.
Sveinn Árni, verkamaður í
Bolungarvík, var giftur Elísa-
betu Einarsdóttur. Synir þeirra
eru Þórir Rúnar nemi og Krist-
ján Númi, í grunnskóla.
Mestan hluta starfsævinnar
var Þórir sjómaður, fyrst frá
Eyjafirði en lengst af hjá Bæj-
arútgerð Reykjavíkur. Einnig
vann hann um árabil hjá J. Þor-
lákssyni og Norðmann í Reykja-
vík og síðast hjá Íshúsfélagi Bol-
ungarvíkur hf.
Útför Þóris var gerð í kyrrþey
frá Fossvogskapellu hinn 22.
desember sl. að ósk hins látna.
Þórir Sigtryggsson tengdafaðir
minn fór þannig í gegn um lífið að
hann uppskar virðingu og hlýhug
allra þeirra sem kynntust honum.
Hann gerði ekki kröfur til ann-
arra, ætlaðist aldrei til neins fyrir
sjálfan sig, en gerði hins vegar
kröfur til sjálfs sín. Að standa á
eigin fótum, að vera engum háður,
fyrirhyggjusemi og að skulda eng-
um neitt. Það voru lífsgildin hans.
Hann festi þau svo sem aldrei á
blað. En hann lifði eftir þeim. Þau
voru honum eiginleg og sem í blóð
borin. Hann ólst upp í Eyjafirði
kreppuáranna. Var eins og svo
margir af hans kynslóð nægjusam-
ur, hógvær og vinnusamur; það
var líkt og sjálfgefinn þáttur lífs-
ins. „Ætlarðu að verða ómagi,“
sagði Jófríður móðir hans stund-
um, ef henni þótti einhver ekki
vera nægilega vinnusamur eða
duglegur til náms. Í þessum anda
var nestið úr uppeldinu sem var
samgróið Þóri. Og hann var trúr
því sem honum var trúað fyrir.
Mér varð það fljótt ljóst að kjöl-
festan í lífi Þóris Sigtryggssonar
var konan hans, hún Sigrún Jó-
hannesdóttir. Hún var stoðin og
styttan. Gætti bús og barna þegar
heimilisfaðirinn var langdvölum á
sjó og var ekki einasta elskuð af
eiginmanninum, heldur líka dáð og
virt. Heimili sínu höfðu þau komið
upp af litlum efnum, en með ráð-
deild, hyggindum – og án þess að
taka lán. Því að það vildi Þórir
ekki. Að skulda var í hans huga að
vera öðrum háður. Og slíkt gerði
hann ofureinfaldlega ekki. Sjálf
var Sigrún kona hans forfrömuð
eftir áralangt starf á heimili þeirra
Ingibjargar og Jóns Þorlákssonar
forsætisráðherra. Hún snaraði upp
veislum fyrirhafnarlaust að því er
virtist. Og það var líka góður eig-
inleiki á heimili þar sem heim-
ilisfaðirinn var annálaður rausn-
armaður; hættulega gestrisinn,
eins og einn gestanna sagði þegar
hausinn var eitthvað þungur og
óskýr til hugsunar að loknu veislu-
boði Þóris.
Það var honum mikið og þung-
bært áfall að missa konu sína fyr-
irvaralaust og svo alltof unga árið
1980. Það voru sárir tímar fyrir
fjölskylduna alla. Þórir fékk til-
kynninguna út á sjó og sagði mér
síðar, þótt ekki væri hann ýkja út-
bær á tilfinningar sínar, að sú
stund hefði orðið sér óskaplega
þungbær. Hún hafði borið hann á
höndum sér og eins og var um svo
marga af hans kynslóð kunni hann
ekkert – bókstaflega ekkert – til
heimilisstarfa. Hafði ekki þurft á
þeirri þekkingu að halda. En þetta
átti eftir að breytast. Heimilið
hafði verið hans kastali, traust,
snyrtilegt og smekklegt, í anda
eiginkonunnar. Og þannig vildi
hann hafa það áfram. Hann hélt
sjómennskunni áfram. En þegar í
land var komið var tekið til
óspilltra málanna. Varð hann brátt
jafnvígur á afþurrkunarklútinn,
þvottavélina og ryksuguna og hóf
síðan markvisst sjálfsnám í elda-
mennsku. Hann vildi ekki einvörð-
ungu verða fær um að elda oní
sjálfan sig. Hann kunni því betur
að geta áfram boðið til sín gestum,
vinum sínum og venslafólki. Hann
vildi í þessum efnum sem öðrum
standa á eigin fótum. Stundum
hringdi hann eftir leiðbeiningum
til dætra sinna. Fiskur var hans
uppáhald og kjötmeti upp á gamla
móðinn, en kjúklinga, pasta og
pizzur taldi hann tæplega ætan
mat.
Árið 1984 fór hann alkominn í
land. Þá flutti hann vestur til okk-
ar Sigrúnar, til Bolungarvíkur.
Hann hafði verið hjá okkur oft í
lengri og styttri tíma, líkaði vel
fyrir vestan og spurði af gróinni
hæversku sinni og kurteisi, þegar
við fluttumst í stærra húsnæði,
hvort okkur yrði ónæði af veru
sinni, ef hann flytti til okkar í
kjallarann. Þetta voru dýrðardag-
ar. Hann hóf vinnu í Íshúsfélagi
Bolungarvíkur. Ætlaði svo sem
ekki að vinna mikið eða langan
dag. En það átti eftir að breytast.
Stundum var byrjað klukkan fjög-
ur á morgnana. Þá mættu þeir vin-
irnir Hrólfur Einarsson hálftím-
anum fyrr. Stimpluðu sig að vísu
ekki inn fyrr en kl. fjögur til þess
að íþyngja ekki vinnuveitandanum.
En voru til taks – svona til öryggis
og gátu svo byrjað að vinna á mín-
útunni; helst aðeins fyrr. Það var
þeirra háttur. Sjálfsagður hlutur
og þurfti ekki að ræða frekar. Um
árabil sá hann um fiskbúðina og
útbjó fisk í verslun Einars Guð-
finnssonar og það má fullyrða að
ekki skorti fiskúrval eða nýmeti á
ÞÓRIR
SIGTRYGGSSON
ÚTFARARSTOFA
HAFNARFJARÐAR
Flatahrauni 5A, sími 565 5892
ÚTFARARSTOFA ÍSLANDS
Símar 581 3300 - 896 8242
Allan sólarhringinn - Áratuga reynsla
Suðurhlíð 35 — Fossvogi — www.utforin.is
Sverrir Olsen,
útfararstjóri.
Sverrir Einarsson,
útfararstjóri.
Kistur - Krossar
Prestur - Kirkja
Kistulagning
Blóm - Fáni
Val á sálmum
Tónlistarfólk
Sálmaskrá
Tilk. í fjölmiðla
Erfisdrykkja
Gestabók
Legstaður
Flutningur kistu á
Komum heim til aðstandenda ef óskað er
Bryndís Valbjarnardóttir,
útfararstjóri.
milli landa og
landshluta
Landsbyggðar-
þjónusta
Baldur Frederiksen,
útfararstjóri.
Útfararþjónustan ehf.
Stofnuð 1990
Rúnar Geirmundsson
Útfararstjóri
Sími 5679110, 8938638
Heimasíða okkar er
www.utfarir.is
Þar eru upplýsingar um
allt er lýtur að útför:
- Söngfólk og kórar
- Erfidrykkja
- Aðstoð við skrif
minningargreina
- Panta kross og frágang á leiði
Ástkær eiginmaður minn, faðir okkar, tengda-
faðir og afi,
ÁRSÆLL OTTÓ VALDIMARSSON,
Espigrund 15,
Akranesi,
sem lést laugardaginn 20. desember, verður
jarðsunginn frá Akraneskirkju mánudaginn 29.
desember kl. 14.00.
Þeim, sem vilja minnast hans, er bent á Krabbameinsfélag Akraness eða
dvalarheimilið Höfða.
Aðalheiður María Oddsdóttir,
Guðný Ársælsdóttir,
Helga Jóna Ársælsdóttir, Þráinn Ólafsson,
Sigþóra Ársælsdóttir, Björn Björnsson
og afabörnin.
Ástkær eiginmaður minn, faðir okkar, tengda-
faðir, afi og langafi,
BJÖRGVIN EIRÍKSSON,
Mávahlíð 33,
verður jarðsunginn frá Háteigskirkju þriðju-
daginn 30. desember kl. 15.00.
Anna G. Jónsdóttir,
Guðborg E. Björgvinsdóttir,
Örnólfur F. Björgvinsson,
Guðrún H. Björgvinsdóttir,
tengdabörn, barnabörn, barnabarnabörn
og aðrir aðstandendur.
Ástkær móðir okkar, tengdamóðir og amma,
MAJA-GRETA BRIEM,
sem lést sunnudaginn 14. desember síðast-
liðinn, verður jarðsungin frá Fossvogskirkju
mánudaginn 29. desember kl. 13.30.
Þeim, sem vilja minnast hennar, er bent á líkn-
arstofnanir.
Haraldur Briem, Eiríkur Briem,
Snjólaug Guðrún Ólafsdóttir, Guðrún Ragnarsdóttir Briem,
Ólafur Andri Briem, Maj Britt Hjördís Briem,
Eiríkur Briem,
Katrín Briem.
Útför mannsins míns, bróður okkar, mágs og
tengdasonar,
HELGA VIÐARS MAGNÚSSONAR,
Grandavegi 3,
Reykjavík,
fer fram frá Fríkirkjunni í Reykjavík mánu-
daginn 29. desember kl. 15.00.
Blóm og kransar vinsamlega afþakkaðir, en
þeim, sem vilja minnast hans, er bent á líknarfélög og líknarstofnanir.
Guðni Baldursson,
Ægir Axelsson,
Þórunn Axelsdóttir, Jónas Þórarinsson,
Óskar Axelsson,
Lára Magnúsdóttir, Smári Jóhannsson,
Baldur H. Aspar Þóra Guðnadóttir
Ástkær eiginkona mín, móðir okkar, tengda-
móðir og amma,
SONJA SIGRID HÅKANSSON,
Barðaströnd 25,
Seltjarnarnesi,
sem lést á gjörgæsludeild Landspítalans í
Fossvogi sunnudaginn 21. desember, verður
jarðsungin frá Dómkirkjunni í Reykjavík þriðju-
daginn 30. desember kl. 13.30. Þeir sem vilja
minnast hennar eru beðnir að láta líknarfélög njóta þess.
Bragi Óskarsson,
Bryndís Petra Bragadóttir,
Sturla Óskar Bragason, Anna Reynisdóttir
og barnabörn.
Faðir okkar, tengdafaðir og afi,
GUNNAR JÓHANNES GUÐBJÖRNSSON,
Hæðargarði 17,
Reykjavík,
lést fimmtudaginn 25. desember.
Guðlaug Ó. Gunnarsdóttir, Indriði Rósinbergsson,
Gunnar J. Gunnarsson
og barnabörn.