Morgunblaðið - 28.12.2003, Blaðsíða 33

LANDIÐ
MORGUNBLAÐIÐ SUNNUDAGUR 28. DESEMBER 2003 33
Ólafsvík | Ferðamönnum sem komu í Pakk-
húsið í Ólafsvík síðastliðið sumar fjölgaði í
heild um 30% frá því sumarið 2002. Alls
komu um 10.000 ferðamenn í húsið í sumar
en tæp 7.000 árið áður og um 5.600 árið 2001.
Heildaraukning frá því árið 2001 er því 43%.
Mest fjölgaði íslenskum ferðamönnum en í
sumar komu alls 5.100 Íslendingar í húsið.
Erlendir ferðamenn voru hins vegar tæplega
4.800. Að sögn Elínar Unu Jónsdóttur safn-
varðar má skýra þessi hlutföll íslenskra og
erlendra ferðamanna að hluta með þeim gíf-
urlega fjölda Íslendinga sem koma í húsið yf-
ir Færeyska daga í Ólafsvík en starfsmenn
Pakkhússins töldu tæplega 1.000 manns inn í
húsið þá daga.
Elín Una segir að fjöldi ferðamanna fari
stigvaxandi á Snæfellsnesi, um það vitni
flestir þjónustuaðilar á þessu svæði. Íslend-
ingar sæki einnig í menningartengda ferða-
þjónustu í auknum mæli. Aðsóknin í Pakk-
húsið er gríðarmikil en hana má e.t.v. skýra
með fjölbreytileika í því sem í boði er. Í hús-
inu er rekin almenn upplýsingamiðstöð,
kaffihús og handverksverslun og þar eru
haldar að minnsta kosti þrjár listsýningar yf-
ir sumarið.
„Ferðaþjónustuaðilar í Snæfellsbæ hafa
verið að vaxa og dafna undanfarið og allt
þetta styður hvert annað. Fólk sem kemur til
Ólafvíkur til að skoða Fiskasafnið eða kirkj-
una kemur líka inn til okkar. Þeir sem eru
staddir í Staðarsveit í bændagistingu fara
e.t.v. hringinn fyrir Jökul og koma við hér og
svo mætti lengi telja. Með fjölbreytileikanum
í Pakkhúsinu náum við líka inn mjög breiðum
hópi fólks með ólík áhugamál. Byggðasafnið
á efri hæðunum laðar einnig að mikinn fjölda
og ekki síst eftir að nýja sýningin, Krambúð-
arloftið, var opnuð í vor. Auglýsingar hafa ef-
laust einnig skilað sínu og góð umfjöllun Sú-
sönnu Svavarsdóttur í Vesturlandsblaðinu
sem fylgdi Morgunblaðinu í júlí síðastliðnum
tel ég að hafi vakið mikla eftirtekt. Snæ-
fellsbæingar allir mega svo sannarlega vera
stoltir af að eiga þetta yndislega sögulega
hús og þó það nú væri að það kæmist á kortið
hjá Íslendingum öllum,“ segir Elín Una.
Morgunblaðið/Óskar Óskarsson
Laufey Helga, starfsstúlka Pakkhússins,
afgreiðir handverk og gefur ferðamönn-
um upplýsingar um Snæfellsnes.
Ferðamönn-
um fjölgar á
Snæfellsnesi
Íslendingar í meirihluta
í Pakkhúsinu í Ólafsvík
Hornafjörður | Aldrei hefur stærri kór skipaður
heimafólki sungið á Hornafirði eins og á jóla-
tónleikum Karlakórsins Jökuls sem voru í
Hafnarkirkju síðasta sunnudag í aðventu. Kór-
inn ásamt hljómsveit taldi um 140 manns sem
eru 7% íbúa sýslunnar. Allir kórar í héraðinu
komu fram á tónleikunum; Gleðigjafar, kór
eldri borgara, Vox Luminae, Barnakór Horna-
fjarðar, Samkór Hornafjarðar, Kvennakór
Hornafjarðar og Karlakórinn Jökull. Einnig
lék Lúðrasveit Hornafjarðar og Elvar Bragi
Kristjónsson lék á trompet. Í lok tónleikanna
sungu allir kórarnir tvö jólalög við undirleik
lúðrasveitarinnar og undir stjórn Jóhanns
Moráveks.
Jóhann á hugmyndina að þessum samsöng
en hann segir fjölmarga hafa talað um það hve-
nær þeir fengju að heyra alla kórana syngja
saman. Jóhann segir þetta verkefni hafa verið í
bígerð í þrjú ár og fyrir tveimur árum hafi ver-
ið gerð tilraun sem ekki hafi gengið upp. Þetta
er ekki stærsti kór sem Jóhann hefur stjórnað
því á Kötlumóti 1995 taldi kór og hljómsveit
rúmlega 250 manns. Þeir tónleikar voru í
íþróttahúsinu en tónleikarnir nú í Hafn-
arkirkju.
Karlakórinn Jökull hefur styrkt margvísleg
málefni í gegn um árin, bæði einstaklinga og
sérstök verkefni og kórar og tónlistarfólk hef-
ur að sjálfsögðu lagt sitt að mörkum til að gera
jólatónleikana að árvissum viðburði í jólaund-
irbúningi Hornfirðinga. Að þessu sinni rennur
ágóðinn óskiptur í sjóð sem fjármagnar kons-
ertflygil sem keyptur var í Nýheima þegar hús-
ið var vígt. Flygillinn hefur þegar sannað gildi
sitt og er tónlistarlífi héraðsins mikil lyftistöng.
Morgunblaðið/Kristín Gestsdóttir
Aldrei hafa jafn margir heimamenn sungið saman í Hornafirði eins og á jólatónleikum Karlakórsins Jökuls, en þá sameinuðust sex kórar.
Sex kórar sameinuðust í söng
Risakór söng í Hafnarkirkju í Hornafirði síðasta sunnudag í aðventu
Hveragerði | Á jólaböllunum í
grunnskólanum, sem eru þrjú tals-
ins er það hljómsveit hússins sem
leikur undir, þegar gengið er í
kringum jólatréð. Með hverju
árinu verður hljómsveitin öflugri
og er nú svo komið að flestir eru
starfandi tónlistarmenn og starfa
einnig við skólann á einn eða ann-
an hátt.
Í ár var hljómsveitin skipuð þeim
Margréti S. Stefánsdóttur söng-
konu og tónlistarkennara, Sævari
Þór Helgasyni gítarleikara Á móti
sól, Kristni Harðarsyni trommara í
Pass, Guðjóni Sigurðssyni skóla-
stjóra grunnskólans, Sigurði Einari
Guðjónssyni fyrrum bassaleikara í
Landi og sonum, Guðmundi Bene-
diktssyni gítarleikara Brimklóar
og Ian Wilkinson tónlistarkennara.
Hljómsveitin hefur aðeins eitt hlut-
verk, það er að spila á jólaböllum í
skólanum og hvergi annarsstaðar.
Morgunblaðið/Margrét Ísaksdóttir
Hljómsveitin fastráðin
Hveragerði | Á aðventu er sér-
staklega vandað til dagskrár fyrir
dvalargesti Heilsustofnunar
NLFÍ í Hveragerði. Að sögn
Önnu Pálsdóttur upplýsingafull-
trúa er margt í boði. Fram eftir
desembermánuði er boðið upp á
söng, tónleika og helgileik.
Þeir sem glöddu dvalargesti
fyrir þessi jól voru m.a. Söngsveit
Hveragerðis, börn úr Grunnskóla
og Tónlistarskóla Árnesinga í
Hveragerði og Karlakór Selfoss.
Mikil áhersla er lögð á það í öllu
starfi Heilsustofnunar að koma til
móts við þarfir dvalargesta. Ein-
kunnarorð Heilsustofnunar eru:
„Berum ábyrgð á eigin heilsu“ og
leitast er við að hjálpa dvalargest-
um við að ná eins góðri heilsu og
verða má miðað við ástand hvers
og eins. Flestir sem koma á
Heilsustofnun dveljast þar í þrjár
til fjórar vikur í senn, en fólk kem-
ur helst vegna gigtsjúkdóma, of-
þyngdar, hjarta- og æðasjúkdóma,
síþreytu og bakveiki. Endurhæf-
ing er einnig í boði eftir skurð-
aðgerðir og meðferð vegna
krabbameins, eftir mjaðma- og
hnjáliðaaðgerðir, beinbrot o.fl.
Meðferðin felst m.a. í sjúkraþjálf-
un, líkamsrækt, umræðufundum,
slökun, hugleiðslu, sjúkranuddi,
leir- og heilsuböðum, stuðnings-
viðtölum og mörgu fleiru.
Margir stíga á stokk um ára-
mótin og heita sjálfum sér og jafn-
vel sínum nánustu því að taka nú
upp betri siði með breyttum lífs-
stíl. Á Heilsustofnun er boðið upp
á vikunámskeið gegn reykingum
þar sem áhersla er lögð á breyttan
lífsstíl til betri heilsu með fræðslu
og líkamsrækt. Ekki þarf tilvísun
frá lækni á þetta námskeið. Næsta
vikunámskeið gegn reykingum
hefst 11. janúar 2004.
Ný sundlaug, víxl- og leirböð
auk þurr- og blautgufu voru tekin
í notkun í nýju baðhúsi um mán-
aðamótin sept./okt. sl. Aðstaðan er
öll til fyrirmyndar. Leirböð
Heilsustofnunar eru rómuð fyrir
virkni sína við gigtsjúkdómum,
húðvandamálum og vöðvabólgu.
Almenningi gefst kostur á að nýta
sér leirböðin, en upplýsingar um
starfsemi Heilsustofnunar er að
finna á www.hnlfi.is
Vönduð aðventudagskrá NLFÍ
Morgunblaðið/Margret Ísaksdóttir
Karlakór Selfoss kom á aðventunni og söng fyrir gesti Heilsustofnunar.