Morgunblaðið - 29.12.2003, Blaðsíða 2

FRÉTTIR
2 MÁNUDAGUR 29. DESEMBER 2003 MORGUNBLAÐIÐ
SAMBAND VIÐ FLEIRI
Formlegu stjórnmálasambandi
verður komið á milli Íslands og
nærri 90 aðildarríkja Sameinuðu
þjóðanna á næstu tveimur árum.
Flest eru þetta smáríki í fjarlægari
heimsálfum. Tengist þetta fram-
boði Íslands til Öryggisráðs Sam-
einuðu þjóðanna tímabilið 2009–
2010.
Eldur á Nesinu
Eldur kom upp í gamla Ísbjarn-
arhúsinu á Seltjarnarnesi á ellefta
tímanum í gærkvöldi. Fjölmennt lið
slökkviliðsmanna kom fljótt á vett-
vang og tókst að hefta útbreiðslu
eldsins. Talsverður eldsmatur var í
húsinu.
Mildi að ekki fór verr
Engu mátti muna að bíll með
tveimur farþegum færi niður þver-
hnípta Fossahlíð í Skötufirði á
laugardag, fram af 50 metra hengi-
flugi og út í sjó. Ökumaður slapp
nær ómeiddur úr slysinu en sam-
býliskona hans tvíbrotnaði á hand-
legg og öxl. Sat konan föst í bílnum
í þrjá klukkutíma.
Erró í Bandaríkjunum
Áformað er að opna sýningu með
sextíu verkum Errós í þekktu lista-
safni í New York næsta vor. Er
þetta fyrsta sýning Errós í Banda-
ríkjunum í meira en 30 ár.
Talið að 30.000 hafi farist
Yfirvöld í Íran sögðu í gær að tal-
ið væri að yfir 30.000 manns hefðu
látið lífið í jarðskjálftanum á föstu-
dag. Íranska innanríkisráðuneytið
sagði að reynt yrði áfram að bjarga
fólki í húsarústunum þar til
björgunarsveitirnar teldu engar
líkur á að fleiri fyndust á lífi.
Kosningar í Serbíu
Flokkur serbneskra þjóðernis-
sinna, Róttæki flokkurinn (SRS),
fékk mest fylgi í þingkosningunum
í Serbíu í gær. Talið var þó að þrír
lýðræðissinnaðir flokkar fengju
nógu mikið fylgi til að geta komið í
veg fyrir að SRS kæmist til valda.
Prodi sýnt banati lræði
Romano Prodi, forseti fram-
kvæmdastjórnar Evrópusambands-
ins, slapp ómeiddur þegar hann
opnaði böggul, sem innihélt
sprengju, á heimili sínu á laugar-
dag.
Y f i r l i t
Í dag
Sigmund 8 Þjónusta 29
Vesturland 11 Myndasögur 28
Viðskipti 12 Bréf 28
Erlent 13/14 Dagbók 31/32
Daglegt líf 15 Íþróttir 32/33
Listir 16/18 Leikhús 34
Skoðun 19 Fólk 34/37
Forystugrein 20 Bíó 34/37
Umræðan 22 Ljósvakar 38
Minningar 22/26 Veður 39
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@m-
bl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi, orri@mbl.is
Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir sport@mbl.is
Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
FLUGELDAR í öllum regnbogans litum renndu sér eftir himninum yfir
höfuðborgarsvæðinu seinnipartinn í gær og minntu borgarbúa á að brátt
brennur árið 2003 upp. Það voru félagar í björgunarsveitum Reykjavíkur
og Slysavarnafélaginu Landsbjörg sem skipulögðu flugeldasýninguna og
skutu á loft um 800 tívolíbombum. Lögðu margir leið sína í Öskjuhlíðina til
að fylgjast með dýrðinni þrátt fyrir að Kári biti í rjóðar kinnar.
Morgunblaðið/Árni Sæberg
Flugeldar lýsa upp Öskjuhlíðina
LEITAÐ hefur verið dyrum og
dyngjum að jólapökkum sem senda
átti með Austurleið-Kynnisferðum
frá Umferðarmiðstöðinni (BSÍ) síð-
degis á Þorláksmessu og austur á
Selfoss. Þar beið kona eftir pökkun-
um en aldrei komu þeir fram.
Rannveig Ásgeirsdóttir, sem
sendi gjafirnar til ættingja sinna,
segist hafa hringt í marga bílstjóra,
tengiliði sérleyfishafa og viðtöku-
staði, allt austur á Höfn og norður á
Akureyri. Hvergi hafi pakkarnir
komið fram, en þeir voru í stórum
pappakassa og svartur plastpoki þar
utan yfir. Pokinn og kassinn voru vel
merktir viðtakanda. Grunar Rann-
veigu að pakkarnir hafi verið teknir
úr farangursgeymslu rútunnar, von-
andi ekki ófrjálsri hendi.
Rannveig segist hafa varið öllum
aðfangadagsmorgni í að hafa uppi á
pökkunum, fyrst með hringingum og
síðan með því að fara sjálf á BSÍ og
leita. Hafi einhverjir orðið varir við
þessa sendingu, svartan poka utan
um kassa, biður Rannveig þá hina
sömu að hafa samband við viðtak-
andann í síma 487-5117.
Guðni Guðnason hjá Austurleið-
Kynnisferðum á Selfossi segir gríð-
armikla leit hafa farið fram að þess-
ari sendingu fyrir jól, en því miður
án árangurs. Engu sé líkara en jörð-
in hafi gleypt kassann. Grunar hann,
líkt og Rannveigu, að sendingin hafi
aldrei farið frá BSÍ eða hún hafi rat-
að á rangan stað og skili sér vonandi
á næstu dögum, líkt og mörg dæmi
séu um í sambærilegum málum.
Spurður um hver beri ábyrgð á að
svona pakkar skili sér alla leið segist
Guðni telja að allur pakkaflutningur
sé án ábyrgðar, nema sendandinn
láti tryggja pakkana ef um sérstök
verðmæti sé að ræða.
Jólapakkar skiluðu
sér ekki frá BSÍ
BÆJARSTJÓRN Seltjarnarnesbæj-
ar hefur í kjölfar bréfs frá Íslenskum
aðalverktökum (ÍAV) falið Jónmundi
Guðmarssyni bæjarstjóra að vinna
nánar að áformum um byggingu
hjúkrunarheimilis á svonefndri Lýs-
islóð við Eiðsgranda. Skömmu fyrir
jól ritaði Jónmundur bréf til borgar-
ráðs Reykjavíkur með ósk um sam-
starf í málinu.
Jónmundur segir við Morgunblaðið
að hér sé brýnt mál á ferðinni, bæði
fyrir Seltirninga og Reykvíkinga.
Hann segir hugmyndina hafa komið
upp í óformlegum viðræðum sínum
við ÍAV, sem hafi keypt lóðina og í
fyrstu ætlað að reisa þar íbúðabyggð.
Forsvarsmenn ÍAV hafi síðan reynst
jákvæðir fyrir hugmynd um bygg-
ingu hjúkrunarheimilis, ekki síst í
ljósi þess að í kringum lóðina eru
margar íbúðir aldraðra.
„Við Seltirningar höfum lengi haft í
hyggju að reisa hjúkrunarheimili en
ekki komið okkur saman um stað-
setningu. Vinnuhópur sem skilaði
skýrslu síðastliðið haust um málefni
aldraðra tilgreindi staðsetningu ann-
ars vegar inni í Seltjarnarnesbæ og
hins vegar við túnfótinn hjá okkur í
vesturbæ Reykjavíkur, meðal annars
á Lýsislóðinni,“ segir Jónmundur,
sem er bjartsýnn á jákvæð viðbrögð
borgarfulltrúa Reykjavíkur.
Reiknað er með að hjúkrunarheim-
ilið hafi að lágmarki 60 rými. Jón-
mundur segir Seltjarnarnesbæ eiga
14 rými fyrir aldraða á Reykjavíkur-
svæðinu, flest í Hjúkrunarheimilinu
Eir í Grafarvogi. Því sé langt að fara
fyrir marga aðstandendur. Hann seg-
ir að miðað við samsetningu íbúa Sel-
tjarnarness sé líkleg þörf í framtíð-
inni jafnan um 30 rými.
Hjúkrunarheimili áformað á
Lýsislóðinni við Eiðsgranda
Seltjarnarnesbær og ÍAV óska eftir
samstarfi við Reykjavíkurborg