Morgunblaðið - 29.12.2003, Blaðsíða 4
FRÉTTIR
4 MÁNUDAGUR 29. DESEMBER 2003 MORGUNBLAÐIÐ
JÓLATÍÐIN hefur verið hentug til
vetraríþrótta og útivistar hvers kon-
ar. Bjart var yfir og öll veðurskilyrði
hin bestu til að njóta samveru við
vini og fjölskyldu utan dyra. Það
skemmdi ekki fyrir að jólin voru
minni brandajól, sem þýðir að frí-
tími margra fjölskyldna var enn
meiri en ella.
Skíðasvæðið á Bláfjöllum var opið
um helgina og naut mikilla vinsælda.
Að sögn Loga Sigurfinnssonar,
framkvæmdastjóra skíðasvæða höf-
uðborgarsvæðisins, voru svæðin af-
ar vel sótt, á laugardegi og sunnu-
degi komu ríflega 2.000 manns á
skíði. „Það var mjög gott veður og
færi á laugardaginn þar sem við vor-
um með opið. Svo kólnaði aðeins í
dag og fór að blása, en það stoppaði
ekki mannskapinn,“ segir Logi.
Einnig mátti sjá fólk skauta á
Reykjavíkurtjörn. Nýopnað skauta-
svell í Egilshöll naut vinsælda um
helgina. Að sögn Páls Þórs Ár-
manns, framkvæmdastjóra Egils-
hallar, var mikið að gera í höllinni
og komu hátt í tvö þúsund manns á
svellið og skautuðu kringum jólatré
undir jólatónum. Samhliða því var
jólamót Knattspyrnuráðs Reykjavík-
ur í knattspyrnusal hallarinnar og
því líf og fjör á svæðinu.
Heiður himinninn gerði dagana
góða fyrir flugáhugamenn, sem
margir hverjir tóku á loft til að njóta
útsýnisins yfir hálendið og kringum
höfuðborgarsvæðið í björtu veðrinu. Í Egilshöll dansaði fólk á skautum kringum jólatré undir ljúfum jólatónum. Skautasvellið hefur verið vel sótt frá því það var opnað 21. desember.
Morgunblaðið/Árni Sæberg
Flugfeðginin Árni Sigurbergsson og Berglind Heiða Árnadóttir voru að gera sig klár fyrir flugtak og flugu síðan
út í bláinn á heimasmíðuðu loftfari til að skoða landslag vetrarins ofan frá.
Ríflega tvö þúsund manns sóttu skíðasvæðið í Bláfjöllum um helgina.Veðrátta til útivistar
UM 230 einstaklingar hafa leitað til
Ráðgjafarstofu um fjármál heimil-
anna á þessu ári. Að sögn Ástu Sig-
rúnar Helgadóttur, forstöðumanns
stofunnar, er þetta svipaður fjöldi og
á síðasta ári, sem var metár þegar
835 manns óskuðu ráðgjafar vegna
fjármála sinna. Frekari upplýsingar
um þetta ár liggja ekki fyrir, segir
Ásta, en verið er að afla gagna í árs-
skýrslu sem koma á út á fyrstu mán-
uðunum 2004.
Greining á aðstæðum þess fólks
sem leitað hefur til stofunnar á þessu
ári liggur ekki fyrir en á síðasta ári
var skiptingin þannig að 59% þeirra
sem leituðu ráðgjafar voru í vinnu,
19% voru atvinnulaus, 18% voru ör-
orku- og ellilífeyrisþegar, 2% nemar
og 2% heimavinnandi.
Frá því að Ráðgjafarstofan tók til
starfa árið 1998 hafa fjögur þúsund
fjölskyldur á Íslandi fengið aðstoð
við að leysa úr fjárhagsvandræðum
sínum. Að auki hafa nokkur þúsund
manns fengið ráðgjöf símleiðis. Ásta
segir að síðast en ekki síst gegni
Ráðgjafarstofan því mikilvæga hlut-
verki að leiða til samstarfs þá aðila
sem komi að lausnum á fjármálum
fólks. Styrkur starfseminnar liggi í
þeirri samvinnu.
Fleiri þjónustusamningar
Samkomulag um rekstur Ráðgjaf-
arstofunnar, sem gerður var á síð-
asta ári, gildir út næsta ár, eða til 31.
desember 2004. Þeir sem komu að
samkomnulaginu voru félagsmála-
ráðuneytið, Íbúðalánasjóður,
Reykjavíkurborg, Kaupþing Búnað-
arbanki, Íslandsbanki, Landsbank-
inn, Samband íslenskra sparisjóða,
Samband íslenskra sveitarfélaga,
Neytendasamtökin, Þjóðkirkjan,
Landssamtök lífeyrissjóða, ASÍ og
BSRB. Ákveðið var fyrir ári að
kanna vilja og áhuga fleiri sveitarfé-
laga til að koma að rekstrinum og
hefur það borið þann árangur að nú
hafa Kópavogsbær og Akureyri
bæst í hópinn með gerð þjónustu-
samnings við Ráðgjafarstofuna.
Einnig hafa Kreditkort hf. styrkt
starfsemina á þessu ári, sem og Sam-
band íslenskra tryggingafélaga.
Lögbundið hlutverk stofunnar er
að veita fólki sem á í verulegum
greiðsluerfiðleikum, og komið er í
þrot með sín fjármál, endurgjalds-
lausa ráðgjöf. Er henni ætlað að
veita fólki aðstoð við að fá yfirsýn yf-
ir stöðu mála, hjálpa til við greiðslu-
áætlanir, velja úrræði og hafa milli-
göngu um samninga við lánardrottna
ef með krefur.
Svipaður
fjöldi og á
metári í fyrra
Beiðnir einstaklinga um aðstoð hjá Ráðgjafarstofu um fjármál heimilanna
Morgunblaðið/Brynjar Gauti
HÓPUR 20 til 30 ungmenna á
aldrinum 14 til 18 ára gerði að-
súg að lögreglumönnum á Höfn
í Hornafirði aðfaranótt laugar-
dags. Atvikið varð þegar lög-
reglumenn hugðust handtaka
mann eftir slagsmál á unglinga-
dansleik á vegum Framhalds-
skólans í Vestur-Skaftafells-
sýslu.
Fjórir lögreglumenn voru á
vettvangi, og áttu þeir í vök að
verjast. Einhverjir þeirra voru
hruflaðir og blóðugir á eftir, en
enginn þurfti að leita til læknis
vegna þessa.
Lögreglumennirnir hand-
tóku manninn sem hafði stofn-
að til slagsmála á dansleiknum,
og fluttu auk þess fimm til sex
ungmenni á lögreglustöðina.
Lögreglan hafði samband við
foreldra ungmennanna, en
maðurinn sem var handtekinn
var látinn sofa úr sér í fanga-
geymslu, og var yfirheyrður
um sunnudagsmorguninn.
Ungmenni
gerðu
aðsúg að
lögreglu