Morgunblaðið - 29.12.2003, Blaðsíða 9
FRÉTTIR
MORGUNBLAÐIÐ MÁNUDAGUR 29. DESEMBER 2003 9
MORE & MORE, Glæsibæ
Áramótadressin færðu hjá okkur.
Erum með fallega skó
Óskum okkar viðskiptavinum gleðilegs árs.
Sími 588 8050.
Opið 29. des. frá kl. 11-18 og 2. jan. 13-18 - Verið velkomin.
Glæsibæ – Sími 562 5110
Útsalan hafin!
20-80% afsláttur - Glæsilegur fatnaður
Laugavegi 4, sími 551 4473
• www.lifstykkjabudin.is
Saumlaust
aðhald
Þú minnkar
um 1 númer
Póstsendum
GÍSLI Baldvinsson, náms- og
starfsráðgjafi, segir að Sverrir Her-
mannsson fari ansi mikið á svig við
sannleikann í bók sinni Skuldaskil
þegar hann fjallar um stjórnar-
myndun Gunnars Thoroddsen í febr-
úar 1980. Sjálfur var Gísli í fram-
kvæmdastjórn Sambands ungra
sjálfstæðismanna (SUS) á þessum
tíma.
Hann segir að eftir kosningar í lok
árs 1979 hafi ástandið verið þannig
að allir voru í stjórnarmyndunar-
viðræðum. Menn hafi varla hist án
þess að hugmyndir um stjórnar-
mynstur kæmu ekki á dagskrá.
Hann og fleiri í forystusveit ungra
sjálfstæðismanna hafi þar ekki verið
undantekning.
„Sverrir Hermannsson vissi vel
hvað gekk á í byrjun ferbrúar 1980.
Hann var neflangur maður í pólitík
og hélt vel utan um hjörð sína t.d. á
landsfundum. Hann mætti a.m.k. á
einn fund í Rúblunni og tjáði sig um
drög að málefnasamningi. Það sem
sprakk á er að hann fékk ekki fjár-
málaráðherraembættið eins og hann
krafðist,“ segir Gísli á heimasíðu
sinni.
Ráðherralið lá fyrir
Hann segir að Pálmi Jónsson,
Friðjón Jónsson og Albert Guð-
mundsson hafi verið með Gunnari
Thoroddsen í þessari stjórnar-
myndun frá byrjun þó minni Sverris
virðist bresta í dag. „Samkvæmt
mínum minnisblöðum þá hittist
framkvæmdastjórn SUS (mínus
Ólafur [Helgi Kjart-
ansson]) á fundi heima
hjá Jóni [Magnússyni,
formanni SUS,] á
Háaleitisbrautinni og
þar kynnti Þorvaldur
(tengdasonur Alberts)
okkur drög að mál-
efnasamningnum.
Þetta var 3. febrúar.
Þá lá fyrir hverjir
yrðu ráðherrar úr
Gunnarsarmi í Sjálf-
stæðisflokknum. Fyr-
ir lá hlutleysi Alberts
Guðmundssonar,“
segir Gísli.
Í röðum ungra sjálf-
stæðismanna var ekki samstaða á
þessum tíma að sögn Gísla vegna
ýmissa samverkandi þátta. Stirt
samband hafi verið á milli Gunnars
og Geirs Hallgrímssonar formanns
Sjálfstæðisflokksins. Nýjar fjólur
hafi vaxið upp úr stjórnmálahaugn-
um s.s. Hannes H. Gissurarson, en
eini áhugi hans á starfsemi SUS hafi
verið að sækjast eftir stöðu fram-
kvæmdastjóra sambandsins. Geir
hafi lagt hart að framkvæmdastjórn
SUS að ráða Hannes en stjórn-
armenn þráuðust við. „Bæði var að
hann hafði lítið komið að störfum
sambandsins og nokkur skoð-
anamunur var milli framkvæmda-
stjórnar og hans í stjórnmálum.
Hann var í raun sá sem hélt við þeim
glæðum að annaðhvort væru menn
Geirs- eða Gunnarsmenn. Hans
kenning var einföld: Ef þú varst ekki
trúr formanni flokksins
þá varstu á móti honum,
annaðhvort kommúnisti
eða það sem verra var,
Gunnarsmaður,“ segir
Gísli.
Boðsending frá
Gunnari
Auk Gísla, Jóns
Magnússonar og Ólafs
Helga Kjartanssonar
sátu í framkvæmda-
stjórn SUS Jón Ormur
Halldórsson, sem var
fyrsti varaformaður, og
Sverrir Bernhöft. „Ef
skipta ætti fram-
kvæmdastjórninni í Geirs- eða
Gunnarsmenn þá er augljóst að Jón
Ormur var Gunnars megin. Hann
varð líka aðstoðarmaður hans í for-
sætisráðuneytinu og skapaðist við
það sérkennileg staða.
Það er ekki hægt að segja að hinn
hlutinn hafi verið á bandi Geirs enda
samþykkti stjórn SUS og aukaþing
skýra stjórnarandstöðu. Samt fengu
sumir inn á stjórnarfund boðsent
brúnt umslag merkt forsætisráð-
herra þar sem hann skýrði sína
ástæðu fyrir stjórnarmyndun. Ég
var mjög feginn að fá ekki slíkt um-
slag. Þeir sem fengu umslag voru
Jón Magnússon og Sverrir Bern-
höft, auk óbreyttra s.s. Erlendur
Kristjánsson, Júlíus Hafstein og
Þorvaldur Mawby,“ segir Gísli Bald-
vinsson.
Gísli Baldvinsson rifjar upp stjórnarmyndunina árið 1980
Sverrir fékk ekki emb-
ætti fjármálaráðherra
Gísli Baldvinsson
Síðumúla 34 - sími 568 6076
Stakir sófar • Stakir stólar
Sófasett
ELÍSA Vilbergsdóttir er ung söng-
kona úr Stykkishólmi sem stundar
söngnám í Bandaríkjunum. Hún
kom heim um jólin og dvelur í for-
eldrahúsum yfir jólahátíðina.
Lionsklúbbur Stykkishólms boðaði
hana á sinn fund og færði henni
peningjagjöf sem styrk og hvatn-
ingu til áframhaldandi náms.
Elísa lauk 8. stigi í söng í
Reykjavík fyrir nokkrum árum.
Þaðan hélt hún til Lübeck í Þýska-
landi þar sem hún stundaði nám í
klassískum söng við tónlist-
arháskólann þar og lauk í vor dip-
lómaprófi. Í haust fór hún til
Bandaríkjanna og stundar mast-
ersnám í söng- og kennslufræðum
við Westminster Choir College í
Prinston í New Jersey. Kennari
hennar er Laura Brooks Rice sem
hefur komið hingað til lands og
haldið söngnámskeið. Í skólanum
eru tvær aðrar íslenskar söng-
konur í námi.
Í sumar ætlar hún að dvelja á
Ítalíu og taka þátt í söng-
námskeiði og ítölskunámi. Það
verður því nóg að gera hjá henni
á næstunni, enda er hún full af
áhuga og metnaði til að ná góðum
árangri sem er gott veganesti í
heimi þar sem mikil samkeppni
ríkir.
Morgunblaðið/Gunnlaugur
Lions styrkir unga
söngkonu til náms
Stykkishólmur. Morgunblaðið.
TAFIR á því að ákvæði kjarasamn-
ings Starfsmannafélags Reykjavík-
urborgar um starfsmat og hæfislaun
komist til framkvæmda eru vegna
þess að meiri tími fer í um 300 starfs-
mannaviðtöl en báðir samningsaðilar
áætluðu í byrjun, segir Þórólfur
Árnason, borgarstjóri.
Þórólfur segist vonast til þess að
hægt verði að greiða út samkvæmt
starfsmatinu á fyrrihluta árs 2004,
og segir að borgin hafi lagt til hliðar
500 milljónir króna til að borga
starfsmönnum aftur í tímann til 1.
desember 2002 þegar samningarnir
tóku gildi.
„Þetta mat er mun umfangsmeira
heldur en nokkrir sem komu að
verkinu sáu fyrir. Það eru allir sam-
mála um það, bæði stéttarfélögin og
Reykjavíkurborg vanmátu vinnuna
við verkið. Við [Reykjavíkurborg]
erum ekki ánægðir með þetta held-
ur, við viljum uppfylla þennan samn-
ing sem tók gildi 1. september 2002
en hefur því miður ekki tekist að
koma í framkvæmd,“ segir Þórólfur.
Tafir vegna
300 starfs-
mannaviðtala
NOKKUR skjálftavirkni hefur verið
víða um land, og úti fyrir landinu,
síðan á jóladag. Um smáskjálfta hef-
ur verið að ræða, þeir stærstu um 2,5
stig á Richter. Að sögn Eriks Stur-
kell, jarðskjálftafræðings á Veður-
stofunni, hafa sumir þeirra verið á
óvenjulegum stöðum, m.a. beint und-
ir Grímsey.
Erik segir skjálftana á Tjörnes-
beltinu oftast hafa verið austan og
norðan við Grímsey, frekar en beint
undir eynni sjálfri. Samkvæmt upp-
lýsingum Morgunblaðsins hafa
Grímseyingar ekki orðið mikið varir
við skjálftana en þó fundu einhverjir
fyrir hristingi á laugardaginn.
Smáskjálftar
undir Grímsey
♦ ♦ ♦