Morgunblaðið - 30.12.2003, Blaðsíða 9
FRÉTTIR
MORGUNBLAÐIÐ ÞRIÐJUDAGUR 30. DESEMBER 2003 9
SVEITARFÉLÖGIN Ölfus og
Hveragerði hafa í gegnum tíðina
haft með sér víðtækt samstarf á
ýmsum sviðum, sem bundið hefur
verið í sérstakan samning. Und-
anfarna mánuði hefur samráðs-
nefnd á vegum sveitarfélaganna
unnið að endurskoðun á þessum
samningi. Í samráðsnefndinni sitja
tveir kjörnir fulltrúar frá hvoru
sveitarfélagi auk bæjarstjóra
beggja sveitarfélaganna. Endur-
skoðunin leiddi síðan til undirskrift-
ar á nýjum samningi hinn 12. des-
ember.
Samningnum er skipt niður í
fjögur meginsvið:
Sameiginlegur rekstur sveitarfé-
laganna á Grunnskólanum í Hvera-
gerði. Þar er kveðið á um með
hvaða hætti grunnskólinn þjóni
dreifbýlinu í Ölfusi en á þjónustu-
svæði skólans eru allir bæir í sveit-
arfélaginu að undanteknu Árbæj-
arhverfi. Sveitarfélagið Ölfus
greiðir fyrir námskostnað skóla-
barna úr sínu sveitarfélagi í hlut-
falli við nemendafjölda hverju sinni
ásamt því að greiða fast hlutfall
stofnkostnaðar þegar um fram-
kvæmdir er að ræða. Sveitarfélagið
Ölfus stendur straum af kostnaði
við akstur barnanna til og frá skóla.
Rekstur leikskólans
Undralands
Sveitarfélagið Ölfus tekur þátt í
rekstrarkostnaði leikskólans í hlut-
falli við nýttan fjölda rýma og
rekstrarkostnaður fasteignarinnar
skiptist til samræmis við eignar-
hlutfall sveitarfélaganna tveggja í
leikskólanum. Í staðinn fær Ölfus
forgang að nýtingu tiltekins fjölda
plássa í leikskólanum. Leikskólar
og grunnskóli heyra undir skóla-
nefnd Hveragerðisbæjar þar sem
Ölfus á 2 fulltrúa.
Slökkvilið Hveragerðis sér um
slökkvistarf og annað björgunar-
starf í austurhluta Ölfuss, norður
og vestur um og allt að landi Þurár
í suðvestri. Sveitarfélagið Ölfus
greiðir 35% af rekstrarkostnaði
slökkviliðsins líkt og verið hefur, en
hættir hins vegar þátttöku í stofn-
kostnaði slökkviliðs vegna fram-
kvæmda og meiriháttar tækja-
kaupa.
Viðauki við samninginn staðfestir
að með undirritun hans komi til
breytingar á sveitarfélagamörkum
sveitarfélaganna þannig að 77,4
hektara landspilda í landi Reykja-
torfunnar, austan Varmár, færist
inn fyrir sveitarfélagamörk Hvera-
gerðis, við þessa breytingu opnast
nýir möguleikar á þróun byggðar í
Hveragerði til austurs, norðan
þjóðvegar.
Samið um breytt mörk
Ölfuss og Hveragerðis
Hveragerði. Morgunblaðið
Nýja landspildan sem falla á undir Hveragerði er blá á myndinni og getur bærinn nú tekið til við skipulag hennar.
TVEIR Íslendingar eru haldnir af-
ar sjaldgæfum en illvígum sjúk-
dómi er nefnist lungnaslagæð-
aþrýstingur og lýsir sér aðallega
með mikilli mæði. Í grein í Lækna-
blaðinu eftir þrjá lækna á Land-
spítalanum kemur fram að stinn-
ingarlyfið Viagra hefur reynst vel
við meðhöndlun á þessum sjúk-
dómi, auk lyfsins Tracleer sem
þróað hefur verið sérstaklega
vegna sjúkdómsins. Hjá þessum
tveimur sjúklingum, karlmanni á
áttræðisaldri og sextugri konu,
hefur mæði þeirra minnkað,
hreyfigeta aukist og lífsgæði um
leið batnað.
Nýgengi sjúkdómsins er aðeins
eitt til tvö tilfelli á hverja milljón
íbúa á ári. Gunnar Guðmundsson
lungnalæknir, einn höfunda grein-
arinnar, segir við Morgunblaðið að
hér komi upp eitt tilfelli á þriggja
til fjögurra ára fresti. Hann segir
miklar framfarir hafa orðið í með-
höndlun lungnaslagæðaþrýstings.
Fyrir tíu árum hafi sjúkdómurinn
verið talinn nær ólæknandi og
sjúklingar aðeins taldir geta lifað í
tvö ár frá greiningu. Með nýjum
lyfjum eins og Tracleer og nú síð-
ast Viagra hafi lífslíkurnar aukist
um ár eða áratugi.
Dýr og flókin
meðferð
Í Læknablaðinu kemur fram að
meðferðarkostir við sjúkdómnum
hafi verið fáir til þessa og að auki
dýrir og flóknir. Miklar aukaverk-
anir hafi fylgt fyrir sjúklingana.
Er sjúkdómurinn algengari meðal
kvenna en karla og kemur oft fram
á yngri fullorðinsárum. Meðal
þekktra orsaka fyrir sjúkdómnum
eru lungnarek, langvinnur lungna-
teppusjúkdómur og kæfisvefn.
Gunnar segir að til þessa hafi
Viagra ekki verið viðurkennt til
meðferðar við lungnaslagæð-
aþrýstingi og Tryggingastofnun
ríkisins hafi ekki getað tekið þátt í
kostnaðinum fyrir sjúklingana.
Fyrirtækið Pfizer á Íslandi, sem
hefur umboð fyrir Viagra, hefur
hins vegar útvegað lyfið sjúkling-
unum að kostnaðarlausu. Mun
meðferð á mánuði kosta tæpar 100
þúsund krónur. Tracleer, sem er
sérlyfjaheiti en samlyfjaheitið er
bósentan, er enn dýrara lyf þar
sem árleg meðferð kostar um sex
milljónir króna, eða 500 þúsund
krónur á mánuði miðað við 125 mg
skammt tvisvar á dag. Hefur TR
tekið þátt í þeim kostnaði.
Að sögn Gunnars er Tracleer vel
rannsakað lyf en dýrt, þar sem
mikil þróunarvinna hefur legið þar
að baki undanfarin ár. Notkunar-
gildi þess hafi þó sýnt sig með
óyggjandi hætti. Hann segir að á
næstu árum þurfi að gera frekari
rannsóknir á Viagra til að sýna
betur fram á gagnsemi þess lyfs
gegn lungnaslagæðaþrýstingi.
Viagra notað á nýju sviði
Nýbýlavegi 12 • 200 Kópavogi • Sími 554 4433
Opið virka daga 10-18, laugardaga 10-16
Föt fyrir
allar konur
Laugavegi 4, sími 551 4473
• www.lifstykkjabudin.is
Saumlaust
aðhald
Þú minnkar um 1 númer
Póstsendum
40% afsláttur af yfirhöfnum
Eddufelli 2 Bæjarlind 6
s. 557 1730 s. 554 7030
Opið mán.—fös. frá kl. 10—18
lau. kl. 10—16
Gunnar R. Sverrisson, lögg. sjúkraþjálfari
hefur störf í
BATA-Sjúkraþjálfun,
stóra turni Kringlunnar, 5. hæð
þann 5. janúar nk.
Tímapantanir í síma 553 1234.
Neðst við Dunhaga, sími 562 2230
Gleðilegt nýtt ár
Opið á gamlársdag kl. 10-12
Lokað 2. janúar
Mikið úrval
5% aukaafsláttur
m.v. staðgreiðslu
RAÐGREIÐSLUR
á handhnýttum, austurlenskum gæðateppum
á Grand Hóteli, Sigtúni, Reykjavík
Áramóta-
útsala
Í dag, þriðjudag 30. desember, kl. 13-19
Sími 861 4883
Töfrateppið