Morgunblaðið - 31.12.2003, Blaðsíða 38
MINNINGAR
38 MIÐVIKUDAGUR 31. DESEMBER 2003 MORGUNBLAÐIÐ
✝ Álfheiður L.Guðmundsdóttir
fæddist á Siglufirði
24. febrúar 1922.
Hún lést á Drop-
laugarstöðum 16.
nóvember síðastlið-
inn. Foreldrar Álf-
heiðar voru Theó-
dóra Pálsdóttir
Árdal og Guðmund-
ur Hafliðason hafn-
arstjóri á Siglufirði.
Eiginmaður Álf-
heiðar var séra Em-
il Björnsson safnað-
arprestur Óháða
safnaðarins allt frá stofnun hans
1949 til 1983. Jafnframt var
Emil fyrsti fréttastjóri Sjón-
varpsins frá upphafi þess 1965
og til 1985. Um
margra ára skeið
þar á undan var
hann fréttamaður
hjá hljóðvarpinu.
Séra Emil lést 1991.
Álfheiður og Em-
il áttu fjögur börn,
þau eru: Theódóra
Guðlaug íþrótta-
kennari, Björn dag-
skrárgerðarmaður,
Guðmundur tónlist-
arkennari dr. í
hljómsveitarstjórn
og Álfheiður skrif-
stofumaður.
Álfheiður dvaldist nokkur síð-
ustu árin á Droplaugarstöðum.
Útför Álfheiðar fór fram í
kyrrþey, að ósk hinnar látnu.
Álfheiður Guðmundsdóttir var
hæfileikarík glæsikona, m.a. gædd
góðum sönghæfileikum en auk þess
áhuga- og framkvæmdasöm í þágu
góðra mála. Það gustaði af henni
þar sem hún kom við sögu. Góðvild
og umhyggja gagnvart þeim sem
þurftu á aðstoð að halda voru ríkir
þættir í fari hennar. Gilti það einu
hvort var um að ræða menn eða
málleysingja. Um þetta eru ótal
dæmi sem ekki verða rakin hér.
Stofnun og uppbygging Óháða
safnaðarins var mikið átak sem
byggðist á samstarfi margra frá-
bærra einstaklinga, þar sem fórn-
fýsi og frjálslyndi var í fyrirrúmi.
Kjölfestan í hinu kristilega og ver-
aldlega safnaðarstarfi voru sjálf
prestshjónin. Heyrði ég þau oft
viðhafa lofsamleg ummæli um það
góða og athafnasama fólk sem
lagði grunninn að Óháða söfnuðin-
um.
Álfheiður stóð dyggilega við hlið
manns síns í smáu sem stóru. Hún
var m.a. formaður kvenfélags safn-
aðarins – lét sér mjög annt um
kirkjukórinn þar sem hún var fé-
lagi í áratugi. Almennt var hún
þátttakandi í öllu því sem horfði til
framfara og heilla fyrir hinn unga
söfnuð.
Mér er kunnugt að um margra
ára skeið, áður en kirkjan hafði
verið byggð, fóru margháttaðar at-
hafnir, svo sem giftingar, skírnir
o.fl., fram á heimili prests-
hjónanna. Þá komu að góðu gagni
söng- og tónlistarhæfileikar Álf-
heiðar.
En fleira hafði Álfheiður til að
bera. Glaðværð og gestrisni var
henni eðlislæg. Við vorum nokkrir
kunningjar þeirra og vinir sem tók-
um okkur til á árabili að ferðast
saman um okkar eigið land að sum-
arlagi. Aldursmunur ferðalanganna
var mismikill en kynslóðabil var
ekki til staðar. Hópurinn saman-
stóð af 10–14 manns. Ferðast var í
einum bíl í eigu eins í hópnum.
Hafði bíllinn nafnið „María“, nokk-
uð kominn til ára sinna en dugði
vel. Sjálfkrafa hlutu því ferðirnar
heitið „Maríuferðirnar“. Farið var
til ýmissa landshluta og lá leiðin
ávallt um hálendið en komið víða
við þegar komið var til byggða.
Lýsingar á landi og sögulegum
stöðum voru vinsælar, mikið var
sungið og einnig ort, enda hagyrð-
ingar í hópi ferðalanga. Gleði og
gott skap voru leiðarljósið í þess-
um ferðum. Ég vil í nafni okkar
ferðalanganna þakka Álfheiði og
Emil þeirra góða framlag og
ógleymanlegar stundir. Þær eru
geymdar en ekki gleymdar.
Það var hlutskipti mitt að gegna
formannsstarfi í Óháða söfnuðinum
um 17 ára skeið. Um leið og minnst
er þess mæta safnaðarfólks sem
þar kom við sögu og átti samstarf
við Álfheiði, minnumst við öll Álf-
heiðar Guðmundsdóttur með virð-
ingu og þökk. Guð blessi minningu
hennar.
Sigurður Magnússon.
ÁLFHEIÐUR L.
GUÐMUNDSDÓTTIR
Okkur langar með
nokkrum fátæklegum
orðum að minnast ást-
kærs frænda okkar
Kjartans sem hefði orðið 35 ára í
dag, ef örlögin hefðu ekki gripið inn
í, en hann lést á heimili sínu í Sví-
þjóð 27.10. 2003, nýfluttur þangað
aftur eftir að hafa búið í nokkur ár á
Íslandi.
Kjartan var elsta barn foreldra
KJARTAN HALLDÓR
RAFNSSON
✝ Kjartan HalldórRafnsson fæddist
í Reykjavík 31. des-
ember 1968. Hann
lést í Svíþjóð 27.
október síðastliðinn
og var útför hans
gerð þar en minning-
arathöfn var haldin
um Kjartan í Bú-
staðakirkju 24. nóv-
ember.
sinna og elsta systkina-
barn okkar. Fyrstu
æviárin bjó hann með
foreldrum sínum í Ás-
garðinum hjá Lilju
ömmu og Kjartani afa,
foreldrum okkar, litla
fjölskyldan fluttist síð-
an í Hafnarfjörðinn þar
sem fjölskyldan stækk-
aði, Kjartan fluttist síð-
an í Innri-Njarðvík og
bjó þar í nokkur ár
með móður sinni og
systkinum, þegar hér
er komið við sögu rofna
tengslin eins og gengur
Kjartan orðin unglingur og á ekki
mikla samleið með sér eldri frænda.
Hann flytur síðan til Svíþjóðar, gift-
ist þar og stofnar fjölskyldu, en eftir
nokkra ára sambúð slitnar sam-
bandið og frændi flytur til Íslands á
ný, og takast þá með okkur ný kynni
en Kjartan var góður í því að halda
stórfjölskyldunni saman, það sann-
aðist þegar hann stóð fyrir Lilju-
mótinu í Skagafirðinum sumarið
2001.
Lífið er skrítið fyrirbæri og oft er
okkur hugsað um tilgang og hvers
er ætlast til með tilvist mannsins á
jörðinni, og okkur finnst svo oft
ósanngjarnt hvað sumir komast létt
í gegnum lífið meðan aðrir berjast
við erfiða sjúkdóma og ýmsa aðra
kvilla sem fylgja okkur mönnunum.
En þeir sem ekki kynnast sorginni
kynnast heldur ekki gleðinni, ekkert
væri bros ef engin tár væru og svona
mætti lengi telja. En að baki gleði
og kátínu er oft leiði og hugur fylgir
ekki alltaf með, því fengum við að
kynnast hjá frænda okkar Kjartani,
hann var alltaf glaður og kátur og
hrókur alls fagnaðar og gaman og
gott að vera í kringum hann. Und-
anfarna gamlársdaga höfum við hist
á heimili þeirra Betu, Guðfríðar,
Kolbrúnar og Kjartans í Kópavog-
inum í afmæliskaffi. Þau turtildúf-
urnar Kjartan og Beta kunnu svo
sannarlega að taka á móti gestum,
kaffiborðið svignaði undan kræsing-
unum og var þetta orðið fastur liður
í jólunum að safnast saman hjá þeim
þennan dag.
Beta og Kjartan höfðu þekkst frá
fyrri tíð og smullu þau saman aftur.
Beta var og er stoðin sem Kjartan
studdist við. Hún reyndi og vildi
gera allt fyrir ástina sína og trúði
því að þau fyndu leið út úr myrkrinu
saman. Við hjónin dáðumst oft að
Betu, td. þegar hún tók börnin hans
Kjartans frá Svíþjóð, Rakel Ýr,
Fredrik og Viktoríu, til sín til að
dvelja hjá þeim í sumarfríinu og svo
var Fredrik eftir hjá þeim og dvaldi
í nokkra mánuði, var það ekki mikið
mál, þetta reddast allt, soldið þröngt
en í lagi, 5 – 6 börn í lítilli íbúð var
ekki málið, þannig var viðhorfið hjá
Betu. En Kjartan átti líka einn son
sem býr í Keflavík, Arnar Má. Beta
reyndi allt til að sýna frænda björtu
hliðarnar á lífinu en stundum er ljós-
ið langt í burtu og skuggarnir taka
birtu frá ljósinu, og því miður náðu
skuggarnir að yfirbuga ljósið og
Kjartan gafst upp á þessari tilvist en
er nú vonandi sáttur þar sem hann
er í dag. Við erum viss um að hann
situr nú með afa sínum Kjartani og
þeir drekka afmæliskaffið saman.
Við biðjum góðan Guð að blessa
Betu og stelpurnar, börnin hans
fjögur, foreldra hans og systkini,
Lilju ömmu og alla aðra sem hugsa
til hans í dag. Guð geymi þig elsku
frændi.
Benjamín og Anna.
Erfidrykkjur
Heimalöguð kaffihlaðborð
Grand Hótel Reykjavík
Sími 514 8000
Hjartans þakkir færum við öllum þeim, sem
sýndu okkur samúð og hlýju við andlát og
útför elskulegs eiginmanns, föður okkar,
tengdaföður, afa og langafa,
FINNBOGA FRIÐFINNSSONAR,
Höfðavegi 4,
Vestmannaeyjum,
sem andaðist á heimili sínu að morgni sunnu-
dagsins 21. desember.
Útförin fór fram laugardaginn 27. desember í kyrrþey að ósk hins látna.
Guð gefi ykkur farsæld og frið á nýju ári.
Kristjana Þorfinnsdóttir,
Friðfinnur Finnbogason, Inga Jónsdóttir,
Ásta Finnbogadóttir, Ingólfur Grétarsson,
S. Kristín Finnbogadóttir, Ingibergur Einarsson,
Auður Finnbogadóttir, Oddur Magni Guðmundsson
barnabörn og barnabarnabörn.
Útför móður okkar, tengdamóður, ömmu
og langömmu,
SIGRÍÐAR ÓLAFSDÓTTUR,
Hveragerði,
fer fram frá Hveragerðiskirkju föstudaginn
2. janúar kl. 13.30.
Guðrún Jóhannesdóttir, Sigurður Ingimarsson,
Valgerður Jóhannesdóttir, Snorri Jónasson,
barnabörn og barnabarnabörn.
Þökkum heilshugar öllum, sem sýndu okkur
samúð og hlýhug við andlát og útför
RÓSU GUÐNADÓTTUR
frá Eyjum í Kjós.
Sérstakar þakkir færum við starfsfólkinu á
hjúkrunarheimilinu Eir.
Amalía H. Skúladóttir, Leonhard I. Haraldsson,
Hallur Skúlason, Lilja Kristófersdóttir,
barnabörn og barnabarnabörn.
Útför móður okkar, tengdamóður, ömmu og
langömmu,
GUÐRÚNAR G. STEPHENSEN,
síðast til heimilis
á Snorrabraut 56,
Reykjavík,
verður gerð frá Dómkirkjunni í Reykjavík
þriðjudaginn 6. janúar kl. 13.30.
Þeim, sem vilja minnast Guðrúnar, er bent á
Parkinsonsamtökin á Íslandi.
Stefán Pálsson, Guðrún Jónsdóttir,
Sesselja Pálsdóttir,
Páll Arnór Pálsson, Ragnheiður Valdimarsdóttir,
Signý Pálsdóttir, Árni Möller,
Þórunn Pálsdóttir,
Sigþrúður Pálsdóttir,
Anna Heiða Pálsdóttir, Hilmar Ævar Hilmarsson,
Ívar Pálsson, Gerður Thoroddssen,
barnabörn
og barnabarnabörn.
Innilegar þakkir til allra sem sýndu okkur
samúð og hlýhug við andlát og útför elskulegs
eiginmanns míns, föður okkar, tengdaföður,
afa og langafa,
ÞÓRÐAR GUÐMUNDAR ÞÓRÐARSONAR,
Pálmholti 12,
Þórshöfn.
Ólöf Jóhannsdóttir,
Úlfar Þórðarson, Kristín Kristjánsdóttir,
Jóhann Þórðarson, Hrafnhildur I. Þórarinsdóttir,
Þóra Ragnheiður Þórðardóttir, Bergur Steingrímsson,
Þórður Þórðarson, Líney Sigurðardóttir,
Oddgeir Þórðarson, Sigrún Inga Sigurðardóttir,
Helena Þórðardóttir, Höskuldur Sveinsson,
barnabörn og barnabarnabörn.
Sérfræðingar
í blómaskreytingum
við öll tækifæri
Skólavörðustíg 12,
á horni Bergstaðastrætis,
sími 551 9090.