Morgunblaðið - 31.12.2003, Blaðsíða 26

Reuters
SJÓLIÐAR úr rússneska Svartahafs-
flotanum koma úr kjörklefum í úkra-
ínsku hafnarborginni Sevastopol eftir
að hafa greitt atkvæði í rússnesku
þingkosningunum 7. desember.
Úrslit kosninganna voru mikill sigur
fyrir Vladímír Pútín, forseta Rúss-
lands, og Sameinað Rússland, stærsta
flokk stuðningsmanna hans. Tveir
flokkar þjóðernissinna fengu einnig
mikið fylgi en kommúnistar guldu af-
hroð og tveir frjálslyndir flokkar fengu
ekki tilskilið fylgi, eða a.m.k. 5% at-
kvæðanna, til að þeim yrði úthlutað
þingsætum í dúmunni, neðri deild
þingsins.
Menn Pútíns með pálmann í höndunum
26 B MIÐVIKUDAGUR 31. DESEMBER 2003 MORGUNBLAÐIÐ
Fréttamyndir
af erlendum
vettvangi
SÆRÐUR Tyrki færður í sjúkrabíl eftir sprengjuárás á
bresku ræðismannsskrifstofuna í Istanbúl 20. nóvember.
27 manns biðu þá bana þegar pallbílar, hlaðnir sprengi-
efni, voru sprengdir við ræðismannsskrifstofuna og
breskan banka í borginni. Breski ræðismaðurinn var á
meðal hinna látnu. Talið var að tilræðismennirnir tengd-
ust alþjóðlegum hryðjuverkasamtökum á borð við al-
Qaeda.
Reuters
Mannskæð sprengjutilræði í Istanbúl
MICHAEL Jackson, einn vinsælasti popptónlistarmaður sögunnar, var ákærður í
Kaliforníu 18. desember fyrir kynferðislegt ofbeldi gegn barni.
Jackson var látinn laus gegn tryggingu að andvirði þriggja milljóna dollara,
220 milljóna króna, eftir að hann gaf sig fram við lögreglu í nóvember. Þá hafði
verið lýst eftir honum.
Myndin til hægri var tekin af Jackson á lögreglustöð í Santa Barbara og til
vinstri eru ýmsar upplýsingar lögreglunnar um fangann.
Michael Jackson ákærður
Reuters
MÓTMÆLANDI í La Paz í Bólivíu stekkur yfir vegartálma
þegar efnt var til fjölmennra mótmæla gegn forseta lands-
ins, Gonzalo Sanchez de Lozada. Að minnsta kosti 65
manns biðu bana í nokkurra vikna götuóeirðum sem urðu
að lokum til þess að Sanchez de Lozada sagði af sér í októ-
ber. Eftirmaður hans í forsetaembættinu, Carlos Mesa, hét
því að vinna bug á gífurlegri fátækt í Bólivíu og ójöfnuði í
samfélaginu.
Mesa var áður blaðamaður og stutt er síðan hann hóf af-
skipti af stjórnmálum.
Reuters
Forseti Bólivíu knúinn til afsagnar
KVIKMYNDALEIKARINN Arnold
Schwarzenegger fagnar sigri í rík-
isstjórakosningunum í Kaliforníu sem
fram fóru 7. október. Kjósendur viku
þá demókratanum Gray Davis úr emb-
ætti ríkisstjóra og í atkvæðagreiðsl-
unni um hver ætti að taka við af hon-
um fékk Schwarzenegger mest fylgi,
rúm 48% atkvæða. Hann fékk því það
hlutverk að stjórna fjölmennasta og
auðugasta ríki Bandaríkjanna næstu
þrjú árin, eða út kjörtímabil Davis.
Reuters
Schwarzenegger
kjörinn ríkisstjóri
„MIG langaði í heitan mat og takk fyrir
að bjóða mér hingað inn,“ sagði
George W. Bush Bandaríkjaforseti við
bandaríska hermenn í Bagdad í
óvæntri ferð sinni til írösku höfuðborg-
arinnar 27. nóvember. Forsetinn var
klæddur æfingajakka margra liðs-
manna hersins á staðnum og snæddi
kalkún með hermönnunum í tilefni af
þakkargjörðardeginum.
Bush dvaldi í rúmar tvær klukku-
stundir í Bagdad. Bandarískir fjöl-
miðlar lýstu ferðinni sem lið í barátt-
unni fyrir forsetakosningarnar í
Bandaríkjunum næsta haust.
AP
Bush heimsækir hernámsliðið í Bagdad
FÉLAGAR í hreyfingu indverskra
sósíalista kveikja í Bush-brúðu í Kal-
kútta um miðjan febrúar þegar millj-
ónir manna í um 60 löndum mót-
mæltu áformum bandarískra og
breskra stjórnvalda um að hefja inn-
rás í Írak. Talið var að aldrei hefði
jafnmargt fólk tekið þátt í mótmæl-
um samtímis.
Víða var gerð hörð hríð að George
W. Bush Bandaríkjaforseta og Tony
Blair, forsætisráðherra Bretlands.
Bush var sagður „hættulegur kúreki“
og Blair „kjölturakki“ hans.
Reuters
Íraksstríði mótmælt