Morgunblaðið - 31.01.2004, Blaðsíða 25

HÖFUÐBORGARSVÆÐIÐ
MORGUNBLAÐIÐ LAUGARDAGUR 31. JANÚAR 2004 25
Miðbær | „Við vorum búin að
ganga með þessa hugmynd dálítið
lengi. Við höfum alltaf sótt dálítið í
svona bókakaffi þegar við ferð-
umst í borgum erlendis, vegna
þeirrar stemningar sem samrekst-
ur á kaffihúsi og bókabúð býður
upp á,“ segir Kristjón Másson, sem
á og rekur kaffibókabúðina Bleiku
dúfuna ásamt eiginkonu sinni
Bjarnheiði Bjarnadóttur. Bleika
dúfan var opnuð í desember síðast-
liðnum á Laugavegi 21, þar sem
hljómplötubúðin Hljómalind var
áður til húsa og hefur hún vakið
mikla forvitni göngufólks á Lauga-
veginum.
Í Bleiku dúfunni geta gestir
fengið sér kaffi, kökur og annað
meðlæti á meðan þeir glugga í for-
vitnilegar bækur, allt frá ferða-
bókum um Ísland og heimshornin
sjö til herramannanna fyrir yngstu
kynslóðina.
„Við erum yfirleitt með sýn-
iseintök af flestum bókum sem fólk
getur gluggað í yfir kaffibolla og
kynnt sér efnið áður en það kaupir
þær. Bækurnar hér verða úr öllum
áttum, en við einbeitum okkur
mikið að ferðabókum og bókum
um ferðalög, enda eru innlendir
jafnt sem erlendir ferðamenn
boðnir velkomnir,“ segir Kristjón,
en tekur fram að auðvitað vilji þau
hjónin fá í heimsókn alla flóruna af
kaffihúsagestum.
„Það eru ýmsar hugmyndir í
gangi varðandi listviðburði og ann-
að, en ekkert sem er búið að negla
niður. Það gæti verið að það yrðu
einhverjir upplestrar, en við ætlum
að sjá stemninguna hjá kúnnunum
og leyfa þessu að þróast með tím-
anum. Það er líka meiriháttar
stemning í húsinu og góður kar-
akter sem það hefur. Húsið er 110
ára gamalt og á sér mikla og ríka
sögu,“ segir Kristjón að lokum.
Kaffi-bókabúðin Bleika dúfan selur kaffi og bækur í miðbænum
Morgunblaðið/Þorkell
Langgerjuð hugmynd: Kristjón Másson, eigandi Bleiku dúfunnar, hefur
gaman af bókum og kaffi og skellir því saman á skemmtilegan hátt.
Meiriháttar stemning í húsinu
Mosfellsbær | Á dögunum var
vígður kynningarskápur til kynn-
ingar á Steinunni Marteinsdóttur,
Bæjarlistamanni Mosfellsbæjar. Í
tilefni dagsins ávarpaði Steinunn
vígslugesti og færði bæjarfélaginu
að gjöf keramiklistaverk ásamt
málverki en bæði verkin eru stað-
sett í Þjónustuveri Mosfellsbæjar.
List Steinunnar hefur alla tíð
borið með sér glímu myndlist-
armannsins við náttúruna og nátt-
úruöflin.
Steinunn hefur miðlað upplifun
sinni í gegnum verk og sýningar,
jafnframt því að miðla af reynslu
sinni og þekkingu með námskeiðum
og kennslu í keramik eða leirlist,
enda er hún einn af frumkvöðlum
listgreinarinnar hér á landi og var
einn af stofnfélögum Leirlista-
félagsins á Íslandi.
Höfuðborgarsvæðið | Amanna-
varnanefnd höfuðborgarsvæðisins
(AVH) hefur tekið til starfa og er
ráðgert að nýtt starfsskipulag al-
mannavarna á svæðinu taki gildi 5.
mars næstkomandi. Nefndin kemur
í stað þriggja nefnda sem voru lagð-
ar niður áður en nýja nefndin kom
saman til síns fyrsta fundar. Fyrsta
verk nefndarinnar var að kjósa Þór-
ólf Árnason borgarstjóra formann
og Sigurð Geirdal, bæjarstjóra
Kópavogs, varaformann.
Hrólfur Jónsson, slökkviliðsstjóri
og framkvæmdastjóri AVH, segir að
mikilvægum áfanga hafi verið náð
með stofnun nefndarinnar. „Það hef-
ur verið sveitarfélögunum á svæðinu
mikið kappsmál að geta starfað sam-
an að almannavörnum í einni nefnd
og einni aðgerðastjórn. Nú er skipu-
lag viðbragðs við hættuástandi allt á
einni hendi af hálfu sveitarfélaganna
átta með miðstöð í björgunarstöð-
inni í Skógarhlíð. Með þessu náum
við að einfalda viðbúnaðinn og gera
hann miklu skilvirkari,“ segir Hrólf-
ur.
Starfssvæði AVH nær til sveitar-
félaganna sjö á höfuðborgarsvæðinu,
auk Kjósarhrepps. Áður störfuðu
þrjár nefndir á svæðinu; sameiginleg
nefnd Kjósarhrepps, Mosfellsbæjar,
Reykjavíkur og Seltjarnarness, al-
mannavarnanefnd Kópavogs og
sameiginleg nefnd Hafnarfjarðar,
Bessastaðahrepps og Garðabæjar.
Átján manna nefnd
Samkvæmt starfsskipulagi sem
sveitarfélögin hafa samþykkt fyrir
sitt leyti er AVH skipuð átján
fulltrúum. Tveir koma frá hverju
sveitarfélagi og er framkvæmda-
stjóri þess annar þeirra. Auk þess
eiga slökkviliðsstjóri SHS og lög-
reglustjórinn í Reykjavík sæti í
nefndinni.
Í starfsskipulaginu er gert ráð
fyrir að framkvæmdaráð starfi í um-
boði nefndarinnar utan aðgerða.
Loks er gert ráð fyrir að sex fulltrú-
ar skipi aðgerðastjórn sem starfar
bæði í aðgerðum og utan þeirra. Þar
eiga sæti fulltrúar lögreglu, tækni-
sviða sveitarfélaganna, SHS, svæð-
isstjórnar björgunarsveitanna,
Rauða kross Íslands og heilsugæsl-
unnar.
Nýtt fyrirkomulag almannavarna
Einfaldari og skil-
virkari viðbúnaður
Frá fyrsta fundi almannavarnanefndar höfuðborgarsvæðisins: Sigurður
Geirdal varaformaður, Þórólfur Árnason formaður og Hrólfur Jónsson,
framkvæmdastjóri nýju almannavarnanefndarinnar.