Morgunblaðið - 31.01.2004, Blaðsíða 32
DAGLEGT LÍF
32 LAUGARDAGUR 31. JANÚAR 2004 MORGUNBLAÐIÐ
snjókeðjur fyrir
vörubíla
og
vinnuvélar
Dalvegur 16a • 201 Kópavogur
Sími 544 4656 • Fax 544 4657
Iðnaðarmenn af
öllum stærðum
og gerðum
1 4 4 4
Okkar v insælu
f lugukas tnámskeið
hef jas t í febrúar.
Innritun og upplýsingar í síma 585-5860 og á
heimasíðu www.namsfl okkar.hafnarfjordur.is
1 4 4 4
w w w. g u l a l i n a n . i s
Það hefur verið vaxandi eft-irspurn eftir grænmet-isfæði sem er ástæðan fyrirþví að við ákváðum að
stofna fyrirtæki sem sérhæfir sig í
gerð grænmetisrétta,“ segja þau Val-
entína Björnsdóttir og Karl Eiríks-
son sem nýlega stofnuðu fyrirtækið
Móðir náttúra.
Þau bjóða upp á grænmetisrétti
fyrir mötuneyti sem vilja bjóða upp á
slíkan valkost með hefðbundnum
heimilismat og segja að viðtökurnar
hafi verið vonum framar.
„Við komumst líka fljótt að því að
það var spurt eftir grænmetisréttum
í matvöruverslunum og hófum því
framleiðslu á tilbúnum réttum sem
hægt er að kaupa um leið og annað er
keypt í matinn. Melabúðin hefur þeg-
ar verið með rétti frá okkur í sölu frá
áramótum og Fjarðarkaup hefja sölu
á þeim eftir helgi.“
Fram til þessa hefur verið hægt að
fá rétti í kjötborði Melabúðarinnar á
við hnetusteikur, samósur, tortillur,
grænmetisbuff og spínatbuff og á
næstunni bætast fleiri réttir við.
„Við leitumst við að nota lífrænt
hráefni þegar
kostur er og auð-
vitað leggjum við
áherslu á að nota
íslenskt hráefni.
Það er einfaldlega
vegna þess að ís-
lenskt grænmeti er svo gott.“
Valentína segir að vaxandi eft-
irspurn eftir grænmetisréttum hald-
ist í hendur við aukna meðvitund Ís-
lendinga um að hreyfa sig og borða
holla fæðu.
„Það hefur orðið gífurleg bylting í
þessum málum á undanförnum árum
og það eru ekki lengur sérvitringar
sem borða grænmetisfæði heldur
virðast þeir sem borða bæði kjöt og
fisk sækjast í að hafa grænmetisrétti
á borðum hjá sér af og til. Þetta er
orðið spennandi val-
kostur enda hægt að
leika sér á óteljandi
vegu með grænmeti og
krydd af ýmsum
toga og baunir,
korn og ávexti.
Karl og Valentína
eru með mötuneyti
fyrir staðarmenn í
Gufunesi og segjast hafa
verið að fikra sig áfram á
starfsfólkinu þar og bjóða því græn-
metisrétti einu sinni í viku. „Okkar
fólk hefur tekið þessum réttum af-
skaplega vel og sýnir því áhuga að fá
slíkan valkost.“ En þau láta ekki þar
við sitja og bjóðast til að taka að sér
veislur og eru að
byrja með mat-
reiðsl-
unámskeið. „Við
ætlum að bjóða
námskeið sem
eru sérsniðin að
þörfum matráða í mötuneytum og
síðan verðum við einnig með nám-
skeið fyrir almenning sem vill
spreyta sig með grænmetisfæði
heima í eldhúsi.“
Þegar Valentína er spurð hver sé
galdurinn að baki því að búa til góða
grænmetisrétti segir hún að for-
sendan sé gott hráefni en svo hæfi-
lega mikið kæruleysi og að sleppa sér
aðeins í eldhúsinu og leika sér.
Karl og Valentína hafa bæði lengi
unnið við matargerð og þegar þau
voru beðin að gefa lesendum upp-
skrift að þríréttaðri máltíð þar sem
hvorki kjöt né fiskur koma við sögu
brugðust þau vel við.
Fylltar paprikur
5 stórar paprikur
3 sneiddir rauðlaukar
3 kramin hvítlauksrif
2 sneiddar gulrætur
½ blómkálshaus
4 sneiddir sveppir
1 niðurskorið fennel
1 dós niðursoðnir heilir tómatar
2 msk söxuð steinselja
1 lúka saxað kóríander
½ msk oregano
½ tsk cummin fræ
½ tsk kóríander fræ
1 msk herbamare krydd
3 msk sítrónusafi
2 bitar saxað 70%
suðusúkkulaði
¼ tsk heitt ítalskt pít-
sukrydd
Steikið rauðlauk og hvítlauk á vel
heitri pönnu þannig að laukurinn
brúnist vel. Takið laukinn af pönn-
unni. Steikið þá gulrætur og fennel og
bætið við sveppum á pönnuna. Þá eru
fræin steikt í um mínútu í einu horni
pönnunnar og að því búnu er tómöt-
um bætt á pönnuna og lauknum sem
búið var að steikja.
Að lokum er kryddinu bætt út í og
súkkulaðinu. Sjóðið saman í um 5
mínútur.
Kljúfið paprikurnar í tvennt eða
hafið þær heilar og hreinsið úr þeim
fræin. Setjið fyllinguna í paprikurnar
og bakið í 20 mínútur við 180 gráðu
hita.
Kartöflusúpa með sperg-
ilkáli og parmesanosti
600 g hráar kartöflur, flysjaðar og
skornar í teninga
2 l vatn
1⁄3 blaðlaukur skorinn í sneiðar
1½ msk plantaforce grænmet-
iskraftur eða annar grænmet-
iskraftur
½ tsk timian
svartur pipar eftir smekk
múskat á hnífsoddi
parmesanostur
spergilkál
2 dl rjómi
Kartöflurnar eru soðnar með
kryddi og lauk í 10 til 15 mínútur og
síðan maukaðar með töfrasprota í
vatninu eða síaðar og settar í mat-
vinnsluvél og maukaðar þar og bætt
aftur út í vatnið.
Látið sjóða aðeins áfram og síðan
er spergilkálinu bætt í undir lokin, þá
rjómanum og að lokum parmesanosti
stráð yfir þegar súpan er komin í
súpuskálina.
Salat
4–5 tómatar, skornir í báta
1 appelsína, skorin í bita
½ dós niðursoðnar nýrna-
baunir án safa
1 lítil lárpera (avocado)
safi úr lime
½ saxaður rauðlaukur
3 msk saxað kóríander
5 söxuð myntublöð (má sleppa)
ferskur chili eftir smekk
½ bolli fínt söxuð steinselja
3 msk ólífuolía
herbamare eftir smekk
svartur pipar eftir smekk
Öllu blandað saman í skál.
Mangóís
500 g frosið mangó (fæst m.a. í Grip-
ið og greitt og í Melabúðinni)
½ dl mangósafi
3 msk hlynsíróp
1½ dl rjómi (ekki þeyttur)
Mangóið er maukað í mat-
vinnsluvél og síðan er sírópi og safa
bætt saman við. Rjómanum er í lokin
bætt í hægt og rólega og þá er ísinn
tilbúinn til neyslu. Borinn fram
með ferskum ávöxtum.
MATARKISTAN| Bjóða tilbúna grænmetisrétti, halda námskeið og sjá um veislur
Gott hráefni og
mátulegt kæruleysi
Það er hægt að leika sér
með grænmeti og krydd
á óteljandi vegu segja
þau Valentína Björns-
dóttir og Karl Eiríksson
um leið og þau töfra
fram þríréttaða
veislumáltíð. Morgunblaðið/Árni Sæberg
Valentína Björnsdóttir og Karl Eiríksson: Eiga fyrirtækið Móðir náttúra.
Kartöflusúpa: Með spergilkáli og
parmesanosti.
Morgunblaðið/Árni Sæberg
Paprikur: Fylltar með grænmeti og
kryddi og bornar fram með salati.
Morgunblaðið/Árni Sæberg
Mangóís: Með ferskum ávöxtum.
gudbjorg@mbl.is
Spínatbuff, samósur og
hnetusteikur eru meðal
rétta sem fást nú tilbúnir í
matvöruverslunum.