Morgunblaðið - 31.01.2004, Blaðsíða 48
MINNINGAR
48 LAUGARDAGUR 31. JANÚAR 2004 MORGUNBLAÐIÐ
FJÖLSKYLDUGUÐSÞJÓNUSTA í
Borgarholtsskóla sunnudaginn 1.
febrúar kl. 11.00. Prestur séra Vig-
fús Þór Árnason. Umsjón Sigurvin
og Sigga. Krakkakór Grafarvogs-
kirkju syngur. Stjórnandi Oddný J.
Þorsteinsdóttir. Yngri deild tónlist-
arskólans í Grafarvogi leikur undir
stjórn Wilmu Young. Félagar úr Kór
Grafarvogskirkju syngja. Undirleik-
ari er Guðlaugur Viktorsson.
Guðsþjónusta í Grafarvogskirkju
kl. 11.00. Prestur séra Anna Sigríð-
ur Pálsdóttir.
Kór Grafarvogskirkju syngur.
Organisti er Hörður Bragason.
Barnaguðsþjónusta í Grafarvogs-
kirkju kl. 11.00. Prestur séra Sig-
urður Arnarson. Umsjón Laufey og
Bryndís. Organisti er Gróa Hreins-
dóttir.
Fimm prestar messa
í Akraneskirkju
Á MORGUN, sunnudaginn 1. febr-
úar, kl. 14.00 munu prestar og Kór
Grafarvogskirkju heimsækja Akra-
neskirkju.
Prestar Grafarvogskirkju þeir
séra Vigfús Þór Árnason sókn-
arprestur, séra Sigurður Arnarson,
séra Anna Sigríður Pálsdóttir og
séra Bjarni Þór Bjarnason munu
þjóna fyrir altari ásamt sóknarpresti
Akraneskirkju séra Eðvarði Ingólfs-
syni.
Séra Sigurður Arnarson mun pré-
dika og Kór Akraneskirkju mun
syngja ásamt Kór Grafarvogskirkju.
Organistar og kórstjórar eru
Sveinn Arnar Sæmundsson og Hörð-
ur Bragason.
Kirkjukaffi eftir messu.
Grafarvogskirkja.
Messað með gregorslagi
í Friðrikskapellu
ÁHUGAHÓPUR um klassíska messu
og iðkun gregorssöngs hefur nú
starfsemi sína á nýju ári. Áfram
verður messað með gregorslagi í
Friðrikskapellu og nú 1. sunnudag
hvers mánaðar kl. 20. Hópurinn
kallar til helgiþjónustu ýmsa presta.
Fyrsta messa nýs árs verður
sunnudaginn 1. febrúar kl. 20, prest-
ur sr. Jón Helgi Þórarinsson. Sungin
verður Orbis factor messan.
Kynning og æfingar á messunum
verða áfram deginum áður, laug-
ardag, kl. 12–13 í Friðrikskapellu.
Æfing fyrir messuna 1. febrúar
verður því laugardaginn 31. janúar
kl.12.
Klassísk messa og gregorssöngur
er dýrmætur arfur kirkjunnar og
kjarnmikið andlegt fóður. Það er
von þeirra sem að þessari messuröð
standa að með henni skapist vett-
vangur fyrir þau sem gleði hafa af
því að iðka klassíska tilbeiðsluhætti,
hins elsta söngs kirkjunnar, sem
tjáningarform trúarinnar. Allir eru
hjartanlega velkomnir.
Gospelkór Árbæjar-
kirkju ásamt Snorra
Wium í Léttmessu
SUNNUDAGSKVÖLDIÐ 1. febrúar
kl. 20.00 er Léttmessa í Árbæj-
arkirkju.
Léttmessurnar eru valkostur við
hina hefðbundnu messu og hafa
hlotið góðar undirtektir og laðað til
sín fólk á öllum aldri. Nú á sunnu-
dagskvöldið mun Gospelkór Árbæj-
arkirkju fara fyrir söngnum ásamt
hinum magnaða stórtenór Snorra
Wium. Lagavalið er að venju vandað
og munu ýmsir hressir og hugljúfir
gospelsmellir hljóma. Gítarsnilling-
urinn Hjalti Gunnlaugsson leikur
undir í nokkrum lögum og Geir-
þrúður Fanney Bogadóttir leikur
undir á flygilinn. Stjórn gosp-
elkórsins er í höndum organista Ár-
bæjarkirkju Krisztína Kalló Szklen-
ár. Sr. Þór Hauksson þjónar fyrir
altari en sr. Petrína Mjöll Jóhann-
esdóttir flytur hugvekju. Félagar úr
gospelkórnum lesa ritningarlestra
og bænir.
Eftir messu býðst öllum að eiga
gott samfélag og kaupa vöfflur til
styrktar unglingastarfi Árbæj-
arkirkju. Allir eru að sjálfsögðu
hjartanlega velkomnir.
Ekki vanrækja andlegu hliðina,
láttu sjá þig í Léttmessu í Árbæj-
arkirkju.
Fræðsludagur í Frí-
kirkjunni í Reykjavík
Á MORGUN, sunnudag, klukkan
11.00 verður almenn guðsþjónusta í
Fríkirkjunni í Reykjavík
Eftir guðsþjónustuna verður farið
upp í safnaðarheimili að Laufásvegi
13. þar sem við munum borða sam-
an, allir eru hvattir til að hafa með-
ferðis eitthvað gott á sameiginlegt
hlaðborð. Þegar við höfum matast
verður fræðslustund í safn-
aðarsalnum.
Viðfangsefni þessa fræðsludags
er bænin. Á meðan á fræðslustund
stendur er sérstök barnastund í bað-
stofunni á þriðju hæð. Þar verður
farið í ratleik, föndrað og margt
fleira. Allir velkomnir.
Safnaðarstarf Fríkirkjunnar í
Reykjavík.
Tvær messur í
Hallgrímskirkju
SUNNUDAGURINN í Hallgríms-
kirkju hefst að þessu sinni með
fræðslumorgni kl. 10.00, en þar mun
biskup Íslands Karl Sigurbjörnsson
flytja erindi um kirkjuna og Evrópu-
bandalagið.
Kl. 11.00 verður messa og barna-
starf. Sr. Jón Dalbú Hróbjartsson
þjónar fyrir altari ásamt sr. Sigurði
Pálssyni, en Per Arne Dahl, norskur
prestur og háskólakennari prédikar.
Prédikunin verður túlkuð jafnóðum.
Hörður Áskelsson kantor stýrir
söng og leikur á orgel kirkjunnar,
en hópur úr Mótettukór syngur.
Kvöldmessa verður kl. 20.00 í
umsjá sr. Sigurðar Pálssonar.
Schola cantorum syngur undir stórn
Harðar Áskelssonar. Kvöldmessur
eru að jafnaði einu sinni í mánuði, en
á föstunni verða kvöldmessur fleiri
sunnudaga og verða auglýstar síðar.
Fullorðinsfræðsla fer fram með
ýmsu móti í Hallgrímskirkju,
fræðslumorgnar hefjast þessa helgi
og standa út mars, einnig eru 12
spora hópar starfandi, en nú verður
að auki boðið upp á námskeiðið Lif-
andi steina, sem hefst fimmtudaginn
4. febr. kl. 20.00. Námaskeiðið stend-
ur í 6 vikur, þar sem fjallað verður
um nokkur grundvallaratriði krist-
innar trúar út frá messunni.
Leiðbeinendur á námskeiðinu
verða sr. Jón Dalbú Hróbjartsson og
Jónanna Björnsdóttir. Skráning er á
skrifstofu kirkjunnar.
Unglingamessa
í Grensáskirkju
ANNAÐ kvöld, sunnud. 1. febr.,
verður unglingamessa í Grens-
áskirkju og hefst hún kl. 20 stundvís-
lega.
Formið í unglingamessunum er
mjög einfalt, sungnir léttir söngvar
við undirleik á píanó og engar lang-
ar ræður. Að þessu sinni munu ung-
lingar úr Hvassaleitisskóla sýna at-
riðið sitt í Skrekk, hæfileikakeppni
grunnskóla.
Samveran í kirkjunni tekur innan
við klukkustund og að henni lokinni
eru veitingar í boði safnaðarins.
Beðið fyrir sjómönnum
í Hafnarfjarðarkirkju
Á MORGUN, sunnudag, verður sér-
staklega beðið fyrir sjómönnum og
sjósókn við guðsþjónustu í Hafn-
arfjarðarkirkju sem hefst kl. 11.00.
Prestur er sr. Gunnþór Þ. Ingason
sóknarprestur.
Þessi kirkjudagur var fyrrum
haldinn sem sjómannadagur enda
sjómenn þá að búa sig til að fara í
verin og sækja sjó. Nú sem fyrr er
vetrarvertíð að hefjast á þorra enda
þá helst von á góðum afla en jafn-
framt veður oft válynd og þungt í
sjó. Og enn sem áður þarf að sýna
dug og dáð, varkárni og aðgát við
sjósóknina og dýrmætt er að leggja
þá út í Drottins nafni, bæn og trú svo
hann fái blessað för og feng, fiski-
slóð, áhöfn og skip. Hagur og heill
sjómanna og gildi sjósóknar verður
umfjöllunarefni í prédikun, sálma-
söng og fyrirbænum í Guðsþjónust-
unni á sunnudaginn kemur í Hafn-
arfjarðarkirkju.
Biskup ræðir um
kirkjuna og
Evrópusambandið
FRÆÐSLUMORGNAR í Hallgríms-
kirkju hefjast að nýju kl. 10.00 næst-
komandi sunnudag. Þá mun biskup
Íslands, herra Karl Sigurbjörnsson,
ræða um efnið: Kirkjan og Evrópu-
sambandið.
Biskup sótti námstefnu í Brussel
síðastliðið haust þar sem hlutur
kirknanna í hinni nýju Evrópu og
margháttað samstarf milli rík-
isvalds, Evrópusambandsins og
kirknanna var til umræðu. Þá var ný
stjórnarskrá fyrir Evrópusam-
bandið mikið rædd í fréttum í Evr-
ópusambandsríkjunum síðastliðið
haust, m.a. hvort vísað skyldi til hins
kristna trúar- og menningararfs í
stjórnarskránni. Sýndist þar sitt
hverjum, enda samband ríkis og
kirkju með ólíkum hætti í hinum
ýmsu ríkjum sambandsins. Þeir sem
láta sig hinn kristna trúar- og menn-
ingararf Evrópu varða ættu ekki að
láta þetta erindi framhjá sér fara.
Á fræðslumorgni næstkomandi
sunnudag, 8. febrúar, mun séra Sig-
urður Pálsson ræða um trúar-
bragðafræðslu í opinberum skólun
nokkurra ríkja Evrópu. Að erindi
biskups loknu hefst guðsþjónusta í
umsjá séra Jóns Dalbú Hróbjarts-
sonar, en þar mun norskur prestur
og eftirsóttur fyrirlesari, Per Arne
Dal, prédika. Prédikunin verður
túlkuð.
Drengjakór Neskirkju
kl. 11 – Þorvaldur og
Margrét kl. 20
DRENGJAKÓR Neskirkju (DKN)
syngur við messu, sunnudaginn 1.
febrúar kl. 11 undir stjórn Friðriks
S. Kristinssonar. Organisti er Stein-
grímur Þórhallsson. Séra Örn Bárð-
ur Jónsson prédikar og þjónar fyrir
altari.
Spjall yfir kaffi og ávaxtasafa eft-
ir messu. Fermingarbörn eru minnt
á messumætingar og verkefni sín.
Færeyskur drengjakór heimsótti
Neskirkju á dögunum, söng við
messu og hitti stákana í DKN. Mess-
an er fundarstaður Guðs og manns
og þar eiga kynslóðirnar samastað.
Barnastarf er á sama tíma. For-
eldrar, afar og ömmur, eru minnt á
þá blessun sem fólgin er í því að fara
með börnum sínum til kirkju og
kenna þeim að tilbiðja Guð.
Þá verður önnur guðsþjónusta kl.
20 þar sem hjónin, Þorvaldur Hall-
dórsson og Margrét Scheving leiða
lofgjörð og syngja. Þar gefst fólki
tækifæri til að fá fyrirbæn. Séra Örn
Bárður Jónsson leiðir stundina og
flytur hugvekju.
Tónlistarguðsþjónusta
í Hjallakirkju
SUNNUDAGINN 1. febrúar kl.
11.00 er tónlistarguðsþjónusta í
Hjallakirkju í Kópavogi. Kristín R.
Sigurðardóttir óperusöngkona
syngur lag Jóns Leifs við bæn Hall-
gríms Péturssonar, Vertu Guð, fað-
ir, faðir minn og ásamt nokkrum fé-
lögum úr Kór Hjallakirkju
lofsönginn fagra Allsherjar Drottinn
eftir César Franck. Organisti kirkj-
unnar Jón Ólafur Sigurðsson leikur
á Björgvinsorgelið orgelkóral eftir
Johannes Brahms yfir sálminn Nú
fjöll og byggðir blunda og org-
elkóral eftir Pál Ísólfsson yfir sálm-
inn Bænin má aldrei bresta þig. Séra
Íris Kristjánsdóttir sóknarprestur
þjónar við guðsþjónustuna.
Englamessa í
Seltjarnarneskirkju
SUNNUDAGINN 1. febrúar verður
sungin messa kl.11 samkvæmt átt-
unda tóni gregors sem kallast engla-
messa eða Missa de Angelis. Hinir
hefðbundnu messuliðir (kyrie,
gloria, sanctus og agnus dei) verða
sungnir á latínu. Þetta er liður í
þeirri stefnu Seltjarnarneskirkju að
bjóða upp á fjölbreytileika í helgi-
haldi. Eftir messuna verður boðið
upp á kaffibolla í safnaðarheimili
kirkjunnar. Verið velkomin.
Guðsþjónustur í
Grafarvogssókn
✝ GunnlaugurTryggvason
fæddist í Koti í Svarf-
aðardal 19. mars
1926. Hann lést á
heimili sínu 16. jan-
úar síðastliðinn. For-
eldrar hans voru Jó-
hanna Ingibjörg
Magnúsdóttir, f. 22.
júní 1898, d. 4. maí
1989 og Tryggvi
Halldórsson, f. 22.
september 1885, d. 6.
október 1967. Systk-
ini hans voru Halldór,
f. 1. október 1920, lést ungur og
Ingibjörg Guðrún, f. 20. janúar
1935.
Gunnlaugur kvæntist 15. janúar
1955 Erlu Rebekku Guðmunds-
dóttur, f. á Ísafirði 26. febrúar
1931. Foreldrar hennar voru Guð-
munda Sigurjóna Helgadóttir, f.
24. júní 1908, d. 9. júlí 1965, og
Guðmundur Gísli Jónsson, f. 9.
desember 1902, d. 21. júlí 1943.
Gunnlaugur og Erla eignuðust sjö
börn, þau eru: Guðmundur, f. 15.
ágúst 1949, maki Margrét Berg-
lind Gunnarsdóttir, f. 3. desember
1953, börn hennar eru Ingibjörg, f.
5. apríl 1973 og Sigursteinn, f. 18.
apríl 1975, börn þeirra eru Erla
Rebekka, f. 16. febrúar 1981 og
Gunnar Kristinn, f. 29. júlí 1985. 2)
Steinunn Ingibjörg, f. 20. septem-
ber 1951, sambýlismaður Jón Páll
Sigurjónsson, f. 28. desember
1947, sonur hennar
er Gunnlaugur Kári,
f. 30. júní 1976, börn
þeirra eru Björn Há-
kon, f. 15. maí 1981,
Gísli Páll, f. 21. maí
1984, og Sigþrúður
Birta, f. 23. ágúst
1986. 3) Iðunn
Brynja, f. 18. apríl
1954, sambýlismaður
Helgi Már Eggerts-
son, f. 25. júní 1951,
barn hennar er Vikt-
or, f. 7. október 1977.
4) Halldór Tryggvi, f.
25. apríl 1957. 5) Helga Björk, f.
27. október 1958, barn hennar er
Hrafnhildur, f. 11. febrúar 1982. 6)
Vilborg Elva, f. 10. desember 1959,
maki Ingvar Kristinsson, f. 6. októ-
ber 1953, börn þeirra eru Erla
Ösp, f. 23. apríl 1980 og Veigar
Örn, f. 18. júní 1987. 7) Guðmunda,
f. 9. október 1968, dóttir hennar er
Diljá Rut, f. 23. september 1990.
Gunnlaugur ólst upp á Þor-
steinsstöðum í Svarfaðardal hjá
foreldrum sínum, bjó nokkur ár á
Dalvík ásamt Erlu konu sinni,
vann á Bílaverkstæði Dalvíkur og
nam þar bifvélavirkjun. Þau fluttu
síðan í Þorsteinsstaði og tóku við
búi af foreldrum hans. Gunnlaug-
ur var bóndi á Þorsteinsstöðum til
æviloka.
Útför Gunnlaugs fer fram frá
Urðakirkju í Svarfaðardal í dag og
hefst athöfnin klukkan 13.30.
Þegar þið vinnið, eruð þið hljóðpípa, sem
breytir nið daganna í söng. Alltaf hefur ykk-
ur verið sagt, að vinnan sé bölvun og lífið
ógæfa. En ég segi ykkur, að vinna ykkar
lætur fegursta draum jarðarinnar rætast, –
draum, sem ykkur var í öndverðu ætlað að
gera að veruleika.
(Spámaðurinn eftir Kahlil Gibran.)
Hann Gulli á Þorsteinsstöðum er
farinn frá okkur. Hann lést þann 16.
janúar sl., snögglega mitt í erli dags-
ins, eins og hann hefði eflaust sjálfur
kosið. Þetta var eitthvað, sem við gát-
um átt von á, heilsa hans hafði ekki
verið góð síðustu árin. Samt kom
þessi fregn eins og högg. Ég veit ekki
hvort hann Gulli elskaði landið, en
hann elskaði þennan stað frammi í
dalnum, þar sem hann var fæddur og
uppalinn. Fjöllin og dalina í kring, þar
sem hann þekkti hverja þúfu og stein.
Þarna er ævistarf hans og ég held,
eins og stendur í tilvitnun hér að
framan að hann hafi breytt „nið dag-
anna í söng.“
Hann var sívinnandi. Ég man eftir
honum í næðingnum á vorin að laga
girðingarnar, á góðviðriskvöldum á
sumrin að keyra böggum í hlöðu, á
haustin á dráttarvélinni við hefðbund-
in störf þess tíma og á veturna þegar
snjórinn gerir störf bóndans oft erfið
og tímafrek. Hann leit á þetta allt,
sem eðlilegan þátt í lífi þess manns,
sem helgar þessari atvinnugrein
krafta sína.
Þegar ég var lítil og faðir minn fór í
kaupstað að vetrinum, þá tók það
lengri tíma en nú gerist. Þá kom Gulli
ef hann var heima og hjálpaði til að
gera verkin í fjósi og fjárhúsi. Eitt af
því var að bera vatn í fjós og fjárhús.
Við vorum systrabörn og mikill sam-
gangur milli bæjanna, þannig að ég
þekkti hann vel, elti hann milli fjóss
og fjárhús og spurði ótal spurninga,
sem hann svaraði þolinmóður. Þannig
fræddi hann mig um ýmislegt, sem
foreldrar eiga kannski að segja börn-
um sínum. Hann var alla tíð góður ná-
granni, hjálpsamur og fljótur að
bregðast við þegar til hans var leitað.
Hans verður sárt saknað af mér og
mínum. Dalurinn verður ekki samur,
hann hefur misst tryggan son.
Við Jóhann, og fjölskylda öll, send-
um Erlu og fjölskyldu hennar inni-
legar samúðarkveðjur og biðjum Guð
að blessa þau.
Lena.
Það er erfitt að vita að þú ert farin,
ég vildi ekki trúa því. Þegar ég fór í
sveitina til hennar ömmu þá beið ég
alltaf þess að þú kæmir inn úr fjósinu
en aldrei komstu. Þá fór maður að
hugsa um allar þær minningar sem ég
átti um þig. Ég man vel þegar ég var
lítil vorum við alltaf að setja grjót eða
eitthvað matakyns í skóna hjá hvort
öðru, eins var ekki hægt að láta okkur
sitja saman til borðs því við vorum
alltaf að kitla eða pota í hvort annað.
Eitt man ég vel þegar ég fór með þér í
göngur á Skallárdalinn og var svona
einskonar hundurinn þinn, en þegar
leið á göngurnar þá dróst ég aftur úr
en áfram hélstu, þannig að ég ákvað
að herða mig og ná þér, ég fór upp á
næsta hól en þá varst þú hólnum á
undan , alveg sama hversu hratt ég
hljóp þá náði ég þér ekki fyrr en í rétt-
unum. Svona man ég eftir þér: kraft-
mikill, algjör sprelligosi, liðugur og
viskubrunnur. Ófáar sögurnar varstu
búin að segja mér, vísur og þess hátt-
ar sem þú sagðir upp úr þurru þegar
ég dvaldi hjá þér og var að hjálpa þér
við fjósverkin. Alltaf gat maður leitað
til þín hvað átti að kjósa, um hjálp
með lærdóminn og margt annað, aldr-
ei tæmdist brunnurinn. Það var
tvennt sem einkenndi þig það var
óendanleg gestrisni við alla þá sem
komu upp á hólinn og enginn mátti
fara svangur. Ef maður sagðist vera
alveg að springa úr seddu þá sagðirðu
alltaf „endilega fáðu þér þá meira“.
Mér létti mikið og leið betur þegar
ég fékk að kveðja þig í síðasta sinn og
fylgja þér í dalinn þar sem þér leið
best og vildir vera.
Hér hefur hann búið ævina alla
og þekkir hverja þúfu, hvern stein.
Sem á leið hans verður er fer hann til fjalla,
sitt fé að sækja heim.
Hann unir sér vel undir hömrunum háu,
hér hefur hann allt sem þarf.
Fjallakyrrðina og klettana gráu
og kotbóndans draumastarf.
Hann hefur svo margar sögur að segja,
sögur um vonir og þrár.
Hér er hann fæddur, og hér mun hann
deyja,
hér mun hans nafn lifa um ókomin ár.
(Haraldur Reynisson.)
Það var svo mikil kyrrð og friður
yfir þér, þá vissi ég að þú hafðir ekki
þjáðst neitt, þannig var það best.
Elsku afi minn, ég sakna þín svo
mikið og mörg tár eru búin að falla.
Ég mun aldrei gleyma þér og geyma
minningarnar um þig í hjarta mér.
Hvíldu í friði.
Þín afastelpa
Erla Ösp.
GUNNLAUGUR
TRYGGVASON
KIRKJUSTARF