Morgunblaðið - 31.01.2004, Blaðsíða 63
ÍÞRÓTTIR
MORGUNBLAÐIÐ LAUGARDAGUR 31. JANÚAR 2004 63
GÓÐAR líkur eru taldar á
að Ísland mæti Ítalíu á
Laugardalsvellinum 18.
ágúst, sem er alþjóðlegur
leikdagur í knattspyrnu.
Eggert Magnússon, for-
maður Knattspyrnu-
sambands Íslands, hefur
rætt við forystumenn
ítalska knattspyrnu-
sambandsins um að leika
gegn Íslandi á þeim degi.
„Ítalir mæta Norð-
mönnum í sínum fyrsta leik í und-
ankeppni heimsmeistarakeppn-
innar um haustið og þetta er því
verkefni sem á að henta þeim vel.
Ég hef rætt alvarlega við þá um að
spila gegn okkur, og ég mun hitta
forráðamenn ítalska sambandsins í
næstu viku þegar ég fer
til fundarhalda hjá
Knattspyrnusambandi
Evrópu. Vonandi geng-
ur þetta eftir – að Ítalir
komi hingað heim,“
sagði Eggert. Ísland hef-
ur aldrei mætt Ítalíu í A-
landsleik í knattspyrnu,
en ólympíulið þjóðanna
mættust tvívegis í und-
ankeppni fyrir Ólympíu-
leikana í Seoul árið
1988. Þá unnu Ítalir í Pescara í apr-
íl 1987, 2:0, á Laugardalsvellinum í
maí 1988, 3:0. Í þeirri keppni mátti
nota alla leikmenn sem ekki höfðu
verið í byrjunarliði í landsleikjum í
heimsmeistarakeppni og Evr-
ópukeppni.
Leikur gegn Ítölum í
Reykjavík í ágúst
Eggert
„VIÐ erum mjög stoltir af því að
hafa loksins fengið landsleik gegn
Englendingum. Þetta kemur í
framhaldi af góðum árangri lands-
liðsins á undanförnum árum, og eft-
ir honum hefur verið tekið,“ sagði
Eggert Magnússon, formaður
Knattspyrnusambands Íslands í
gærmorgun, en þá var fjölmiðlum í
Englandi, Japan og á Íslandi til-
kynnt á sama tíma um mótið sem
fram fer í Manchester í sumar-
byrjun.
Eggert sagði að það hefði lengi
verið reynt að fá leik gegn Eng-
lendingum. „Við höfum sótt hart að
þeim síðustu árin, sagt þeim að það
væri kominn tími til að þjóðirnar
mættust í alvöru landsleik. Enska
knattspyrnan væri gífurlega vinsæl
á Íslandi og þeim bæri hreinlega
skylda til að spila gegn Íslend-
ingum fyrr en seinna.“ Landsliðið
dvelur í útjaðri Manchester í 10
daga vegna leikjanna en spilað er
við Japan 30. maí og við England 6.
júní. „Þetta er spennandi tækifæri
fyrir okkar þjálfara að fá að vera
með landsliðið hjá sér við æfingar
og keppni í tíu daga, sem er allt
annað en þessi venjulegi þriggja
daga undirbúningur fyrir lands-
leiki,“ sagði Eggert Magnússon.
„Sóttumt hart að Englendingum“
BÚIST er við því að fjölmargir
Íslendingar leggi leið sína til
Manchester 5. júní nk. til að
sjá viðureignina gegn Eng-
lendingum. Geir Þorsteinsson,
framkvæmdastjóri Knatt-
spyrnusambands Íslands,
sagði að gerðar hefðu verið
ráðstafanir til að fá um tíu
prósent aðgöngumiðanna.
City of Manchester-leikvang-
urinn, sem er splunkunýr og
glæsilegur heimavöllur Man-
chester City, tekur um 50 þús-
und áhorfendur og því gætu
um fimm þúsund íslenskir
knattspyrnuáhugamenn skellt
sér á leikinn.
KSÍ fær tíu
prósent af
miðunum
SVEN Göran Eriksson, landsliðs-
þjálfari Englendinga í knattspyrnu,
teflir fram þeim 23 leikmönnum
gegn Íslandi og Japan í þriggja liða
mótinu í Manchester, sem fara
nokkrum dögum síðar til Portúgals
og taka þátt í úrslitakeppni Evr-
ópumóts landsliða.
Þegar mótið var kynnt í gær-
morgun sagði Eriksson að þar sem
þetta væru síðustu leikir liðsins fyr-
ir Evrópukeppnina væru þeir
óhemju mikilvægir í lokaundirbún-
ingi sínum.
Með góða einstaklinga
„Bæði Ísland og Japan eru með
mjög góða einstaklinga í sínum röð-
um, fræga leikmenn á borð við Guð-
johnsen og Nakata, og báðar þjóðir
hafa spilað góða knattspyrnu upp á
síðkastið. Ég hlakka mikið til þess-
ara leikja. Við fengum ótrúlegar
viðtökur hjá japönskum áhorf-
endum í heimsmeistarakeppninni
og ég er viss um að fólkið í Man-
chester mun launa þeim á sama
hátt,“ sagði Eriksson.
Glæsilegur leikvangur
„City of Manchester-leikvangur-
inn er einn af glæsilegustu nýju
völlunum í landinu og frábær stað-
setning fyrir þetta mót. Það er okk-
ur mikil ánægja að fara með okkar
landslið til Manchester þar sem við
höfum alltaf fengið gífurlegan
stuðning áhorfenda,“ sagði Mark
Palios, framkvæmdastjóri enska
knattspyrnusambandsins, í gær í
fundi með fréttamönnum í London.
Sven Göran
teflir fram
EM-hópn-
um gegn
Íslandi
Þar með er ljóst að Ísland leikurfjóra landsleiki fyrri part árs-
ins, til undirbúnings fyrir undan-
keppni HM sem hefst 4. september
með leik gegn Búlgaríu á Laugar-
dalsvellinum, en síðan er spilað við
Ungverjaland, Möltu og Svíþjóð
næstu vikur þar á eftir.
Íslendingar sækja Albana heim
miðvikudaginn 31. mars og Letta
miðvikudaginn 28. apríl. Landsleik-
ir ársins verða væntanlega níu því
stefnt er að leik á alþjóðlegum leik-
degi hinn 18. ágúst, og þá líklegast
gegn Ítölum.
Ísland hefur átta sinnum leikið
gegn Englandi en aldrei áður hefur
verið um A-lið Englendinga að
ræða. Reyndar var leikur þjóðanna
á Laugardalsvellinum 2. júní 1982,
sem endaði 1:1, skráður sem A-
landsleikur hjá Englendingum.
Þeir voru þá með tvö landslið í
gangi í lokaundirbúningi sínum fyr-
ir HM á Spáni en sterkara liðið spil-
aði í Finnlandi á sama tíma. Arnór
Guðjohnsen skoraði þá mark Ís-
lands.
Leikið var tvisvar gegn B-lands-
liði Englands og unnu Englending-
ar báða leikina, 2:0 á Laugardals-
vellinum 1989 og 1:0 í Watford
1991. Hinir fimm leikirnir voru allir
gegn áhugamannalandsliði Eng-
lands á árunum 1956 til 1971 og
unnu Englendingar fimm þeirra en
einn endaði með jafntefli.
Ísland hefur aðeins einu sinni áð-
ur mætt Japan. Það var í vináttu-
landsleik á Laugardalsvellinum ár-
ið 1971 og Japanir unnu leikinn, 2:0.
Þeir hafa komist í fremstu röð í al-
þjóðlegri knattspyrnu á síðustu ár-
um og eru nú í 29. sæti á heimslista
FIFA en Ísland er í 56. sæti. Eng-
lendingar eru hins vegar í 8. sæti.
Landsleikir gegn Englandi og Japan í Manchester
Fyrsti leikur
gegn sterkasta
liði Englands
ÍSLAND mætir A-landsliði Englands í fyrsta skipti í knattspyrnu-
landsleik á City of Manchester-leikvanginum í Manchester-borg
laugardaginn 6. júní í sumar. Sex dögum áður, sunnudaginn 30. maí,
verður leikið gegn Japönum á sama stað en þjóðirnar taka þátt í
þriggja landa móti sem er lokaáfanginn í undirbúningi Englendinga
fyrir úrslitakeppni EM í Portúgal og hjá Japönum fyrir Asíuleikana.
■ Við erum…/60
Morgunblaðið/Þorkell
Jóhann Birnir Guðmundsson, til vinstri, og Atli Sveinn Þórarinsson voru báðir í byrjunarliði Ör-
gryte í Egilshöllinni í gærkvöldi og tryggði Atli Sveinn liði sínu sigurinn með góðu skallamarki.
FÓLK
ÞÓREY Edda Elísdóttir stökk 4,36
metra í stangarstökki á móti í Erfurt
í Þýskalandi á fimmtudagskvöldið,
en þetta var fyrsta mótið hennar á
árinu. Árangurinn dugði henni í
þriðja sætið, en Tatyana Polnova
sigraði með því að vippa sér yfir 4,66
og Annicka Becker varð önnur með
4,56 metra. Þórey Edda notaði nýju
löngu stangirnar sínar í þessu móti,
en þær eru 4,60 á lengd, og eins var
þetta í fyrsta sinn frá því síðasta sum-
ar sem hún stekkur með því að nota
fulla atrennu.
JIMMY Floyd Hasselbaink, sókn-
armaður Chelsea, á leikbann yfir
höfði sér þar sem enska knattspyrnu-
sambandið hefur kært hann fyrir at-
vik í bikarleik liðsins gegn Scarboro-
ugh. Þar virtist Hasselbaink gefa
leikmanni utandeildaliðsins olnboga-
skot eftir að báðir féllu í jörðina og er
ákæran lögð fram eftir að myndband
af atvikinu var grandskoðað.
STEFFEN Freund, fyrrum leik-
maður Tottenham og þýska lands-
liðsins í knattspyrnu, er kominn til
Leicester í ensku úrvalsdeildinni.
Leicester fékk þennan 34 ára gamla
miðjumann að láni frá Kaiserslaut-
ern út þetta tímabil. Hann er ekki
orðinn löglegur og getur því ekki spil-
að með Leicester gegn Aston Villa í
dag.
BLACKBURN hefur tekið tilboði
Birmingham í varnarmanninn Mart-
in Taylor. Hann á eftir að komast að
samkomulagi við forráðamenn Birm-
ingham um kaup og kjör áður en
gengið verður frá skiptum hans milli
ensku úrvalsdeildarfélaganna.
MARIA Riesch frá Þýskalandi
vann í gær fyrsta sigur sinn í heims-
bikarnum í alpagreinum þegar hún
sigraði í bruni sem fram fór í Haus im
Ennistal í Austurríki. Isolde Kostner
frá Ítalíu varð önnur og Renate
Götschl frá Austurríki þriðja.
DIETER Cuche frá Sviss sigraði í
bruni karla á heimsbikarmóti í
Þýskalandi í gær. Annar varð Daron
Rahlves frá Bandaríkjunum. Austur-
ríkismenn komu í næstu þremur sæt-
um, Stephan Eberharter varð þriðji,
Fritz Strobl fjórði og Hermann Ma-
ier fimmti.