Morgunblaðið - 04.03.2004, Qupperneq 22
Brúðkaup, ferming-
ar, skírnir, afmæli
og aðrir stórviðburð-
ir eiga það sameiginlegt að á þessum stundum skapast
margar af okkar bestu minningum. Þessar minningar
ber að varðveita og eru því myndaalbúm og gestabækur
ómissandi þáttur sem ekki má gleyma.
Vinkonunum Höllu Árnadóttur og
Selmu Svavarsdóttur fannst vanta
meiri fjölbreytni á markaðinn og
höfðu lengi haft hug á að bæta úr
þessum málum en lítill tími gefist til
þess vegna anna því báðar starfa þær
sem viðskiptafræðingar. „Við Selma
eignuðumst börn okkar á svipuðum
tíma og í fæðingarorlofinu fórum við
að kynna okkur framleiðslu á ýmis
konar myndaalbúmum. Ekki leið á
löngu þar til við létum framleiða
myndaalbúm, að okkar smekk, þó
einungis fyrir okkur sjálfar. Fljótlega
fóru vinkonur okkar að sýna albúmun-
um áhuga og létum við því einnig
framleiða fyrir þær,” segir Halla. Þær
segjast ekki hafa átt von á að fleiri
myndu sýna albúmunum áhuga en sú
varð nú raunin og ákváðu þær því að
þróa albúmin enn frekar og setja þau
á markað. Þeim vinkonunum fannst
einnig vanta á markaðinn að hægt
væri að fá myndaalbúm og gestabæk-
ur í stíl og ákváðu þær því að bæta
gestabókum við framleiðsluna.
Selma segir að þær Halla hafi viljað
hafa albúmin stílhrein og falleg. Okk-
ur finnst að brúðkaupsmyndir eigi að
liggja frammi í stofu, en ekki upp í
hillu þar sem enginn sér þær. Þá er
skemmtilegra að albúmin séu einföld
og passi vel við innbúið en stingi ekki
í stúf við annað á heimilinu,” segir
Selma. „Einnig vildum við halda ein-
faldleikanum til að þau færu vel,
sama hvaða lit fólk væri að nota í
brúðkaupinu sínu eða öðrum
veislum.” Þær vildu að fólk hefði
möguleika á að gera albúmin persónu-
legri og bjóða þess vegna upp á sér-
merkingu. Eina útfærslan sem þær
höfðu séð voru hefðbundnar gyllingar
en til að halda þessum einfalda stíl
eru sérmerkingarnar sem þær bjóða
upp á þrykktar í albúmin en enginn lit-
ur notaður. Hægt er að hafa ýmsar út-
færslur á sérmerkingum, t.d. nöfn
brúðhjóna, brúðkaupsdag, nafn barns,
fermingardag eða fara aðra leið og
láta þrykkja setningu eða orð sem
fólki dettur í hug.
Fyrir áhugasama
er þeim bent á heimasíðuna
www.minningarogmeira.is
og netfangið
mm@minningarogmeira.is.
Þá er vert að minnast á að
þær Halla og Selma
verða með bás á
brúðkaupssýningunni Já
í Smáralind.
Rómantískur rúmfatnaður
í miklu úrvali
Póstsendum
á horni Skólavörðustígs og Klapparstígs, sími 551 4050
Söngur í athöfn eða veislu
Dægurlög – Klassík – Uppáhaldslögin ykkar
Sólveig Samúelsdóttir, söngkona, tekur að sér að syngja við ýmis
hátíðleg tækifæri. Fjölbreyttur lagalisti. Mikil reynsla af söng í
brúðkaupum. Getur útvegað færa tónlistarmenn sér til stuðnings.
Hafið samband í gegnum netfangið solla@mi.is eða í síma 695 3280.
Frekari upplýsingar má fá á www.solla.is
Albúmin eru klædd með efni
og textinn þrykktur í efnið.
Minningar
og meira