Morgunblaðið - 04.03.2004, Síða 32
Um síðustu helgi
frumsýndi Íslenska
óperan Brúðkaup
Figarós eftir Mozart
undir hljómsveitar-
stjórn Christopher
Fifield. Svo vill til
að Hildur og Ingólf-
ur eru ein af þeim
mörgu sem koma
að uppfærslu á þessari léttleikandi óperu, Ingólfur er
leikstjóri og Hildur búningahönnuður.
Brúðkaup Figarós er ein vinsælasta
ópera allra tíma og fáar státa af jafn
mörgum þekktum aríum. Söguþráðurinn
er leikandi léttur eins og tónlistin sjálf,
og gerist á brúðkaupsdegi þjónsins
Figarós, og þjónustustúlkunnar Sús-
önnu. Með hlutverk þeirra fara Ólafur
Kjartan Sigurðarson og Hulda Björk
Garðarsdóttir.
Figaró er þjónn hins kvensama Alm-
avíva greifa og Súsanna þjónar greifynj-
unni sem er langþreytt á framferði
bónda síns. Bergþór Pálsson og Auður
Gunnarsdóttir fara með hlutverk greifa-
hjónanna. Greifinn hefur í huga að nýta
sér þann rétt aðalsins að sænga hjá
brúði þjóns síns á brúðkaupsnóttinni
þótt hann hafi áður afsalað sér þeim
rétti. Greifynjan harmar að greifinn sé
henni afhuga og leggur gildru fyrir hann
með aðstoð þjónustufólksins. Einnig
fléttast inn í söguna krafa Marcellinu
nokkurrar sem krefst þess að Figaró
efni heit sitt um að kvænast henni eða
borgi annars til baka skuld við hana.
Alls konar uppákomur, uppljóstranir og
misskilningur fléttast inn í söguþráðinn
en allir ná þó saman að lokum eftir
ærslafullan dag.
Búningarnir tala
Búningarnir taka mið af 18. aldar
klæðnaði en Hildur ákvað að hafa þá
þó hóflega í sniði, pífur og púff í lág-
marki og litir eru mildir og fáir. „Sviðið
í Íslensku óperunni ber ekki mjög
„frilly“ og stóra búninga,“ segir hún.
Allt litaval er úthugsað og pör í sýning-
unni eru í búningum úr sama efni og
sömu litum, t.d. eru engir aðrir í hvít-
um og kremuðum búningum nema
brúðkaupsparið sjálft, Figaro og Sús-
anna. Greifinn og greifynjan fá gyllingu
í samræmi við stöðu sína og stétta-
munur er einnig gefinn í skyn með ólík-
um formum.
Hefðarfólkið fær hringlaga form en
þjónustufólk og almúgi ferhyrnd. Þetta
má t.d. sjá í smáatriðum eins og töl-
um. Nefna má að Hildur gerði sjálf allar
tölur og ýmsa fylgihluti eins og skupl-
ur, svuntur, slör og skart og einnig lit-
aði hún sjálf efni í marga búningana.
Brúðkaup
Figarós
Hjónin Hildur og Ingólfur vinna bæði að
uppfærslu á Brúðkaupi Figarós