Morgunblaðið - 19.03.2004, Page 6

FRÉTTIR
6 FÖSTUDAGUR 19. MARS 2004 MORGUNBLAÐIÐ
Í LJÓS hefur komið að skotfæri höfðu tvívegis
fundist í fórum drengsins sem var með Ásgeiri
Jónsteinssyni, 11 ára dreng á Selfossi, þegar hann
varð fyrir voðaskoti og lést sl. mánudag.
Ólafur Helgi Kjartansson, sýslumaður á Sel-
fossi, segir að við rannsókn á láti Ásgeirs hafi
komið í ljós að foreldrar drengsins sem var með
honum þegar hann varð fyrir voðaskotinu hafi
fundið skot í fórum hans viku fyrir óhappið. Einn-
ig hafði gangavörður í Grunnskóla Selfoss fundið
skot á drengnum fyrr, sem komið var til lögreglu
til eyðingar.
Ólafur segir ljóst að lögregla hafi ekki kannað til
hlítar hvernig skotin komust í hendur drengsins á
þeim tíma, heldur hafi þeim einfaldlega verið eytt.
Hann segir að í kjölfar atburðarins á mánudag
verði vinnureglum hjá embættinu breytt á þann
veg að alltaf verði kannaður uppruni vopna og
hluta þeim tengdra sem berist lögreglu.
Kallar á breytingu á vinnubrögðum
„Þetta kallar á að við breytum innanhússvinnu-
brögðum, að við skoðum það alveg sérstaklega
hverju sinni þegar skilað er skotvopni hvaðan það
kemur og hvort það þarfnast frekari rannsóknar,“
segir Ólafur. Hann bendir á að oftast þegar slíku
er skilað til lögreglu sé ekkert athugavert við það,
oft verði eitthvað eftir við hjónaskilnaði, fólk fái
það í arf eða finni á víðavangi.
„Ég skora á alla að skila inn óskráðum og óleyfi-
legum vopnum og skotfærum,“ segir Ólafur.
Fram hefur komið að drengurinn sem var með
Ásgeiri þegar hann lést fór til Hveragerðis og til
baka eftir hádegi á mánudag, og ferðaðist hann á
puttanum. Lögreglan á Selfossi biður ökumenn
sem kunna að hafa veitt lágvöxnum dreng far aðra
hvora leiðina að hafa samband. Ólafur vildi ekki
skýra nánar hver tengsl málsins við Hveragerði
væru á þessu stigi rannsóknarinnar.
Ekki var kannað til hlítar hvern-
ig drengurinn komst yfir skot
INGIBJÖRG Georgsdóttir, læknir á
Tryggingastofnun ríkisins, segir að
stofnunin veiti fjárhagslega aðstoð
vegna meðferðar barna og unglinga
með áströskun auk margskonar ann-
arrar aðstoðar. Segir hún að á hverj-
um tíma fái að jafnaði um tíu börn og
unglingar, sem greinst hafa með át-
röskun, aðstoð frá TR.
Ingibjörg segir að aðstoðin sem
aðstandendum barna og unglinga
með átröskun bjóðist sé margþætt. Í
fyrsta lagi bjóðist fjárhagsleg aðstoð
vegna meðferðar. Algengt sé að fólk
fái skattfrjálsa umönnunargreiðslu,
20–30.000 krónur á mánuði, sem yf-
irleitt sé ætlað að standa straum af
kostnaði vegna sálfræðimeðferðar,
en sálfræðingar standa í dag utan við
kerfi TR. Þá taki TR aukinn þátt í
kostnaði vegna læknishjálpar, lyfja
eða vegna lífsnauðsynlegs sérfæðis.
Eins taki stofnunin þátt í ferða- og
gistikostnaði vegna ferða sjúklinga
og aðstandenda.
Foreldrar eða aðstandendur þurfa
sjálfir að sækja um þessa aðstoð til
stofnunarinnar og er farið fram á
læknisvottvorð til staðfestingar á
sjúkdómi barnsins og meðferðinni.
TR veitir fjárhagslega
aðstoð vegna átraskana
EKKI hafa verið gefnar út sam-
ræmdar reglur um hvernig byssu-
skápar þurfi að vera til að lög-
reglustjórar megi samþykkja þá, en
Lögreglan í Reykjavík hefur markað
sér ákveðnar vinnureglur um málið.
Í reglugerð um skotvopn og skot-
færi segir m.a. að eigi einstaklingur
fleiri en þrjú skotvopn beri honum
að geyma þau í sérútbúnum vopna-
skáp sem samþykktur er af lög-
reglustjóra. Ekki er því ljóst hvað
þeir skápar þurfa að hafa til að bera
til að fá samþykki.
Snorri Sigurjónsson, lögreglu-
fulltrúi hjá Ríkislögreglustjóra, seg-
ir að í raun séu ekki til neinar kröfur
um hvernig skáparnir eigi að vera úr
garði gerðir til að viðkomandi lög-
reglustjórar megi gefa þeim sitt
samþykki. Það er því á valdi hvers
og eins lögreglustjóra að ákveða
hvað honum þyki duga í hverju til-
viki fyrir sig.
Hugsanlegt að vinnureglur
verði gefnar út
Snorri segir dæmi um að vottun
hafi fengist á sérstök herbergi þar
sem vopnin séu geymd, sem eru þá
með rammgerðri hurð sem sé höfð
læst, og jafnvel rimlum fyrir glugg-
um. Hann segir í raun ekkert at-
hugavert við það, mestu skipti að
vopnin og skotfærin séu læst niðri í
aðskildum hirslum.
Snorri segir hugsanlegt að gefnar
verði út einhverjar vinnureglur til að
lögreglustjórar hafi eitthvað til að
miða við, en segir að nema reglunum
verði breytt verði það áfram að vera
mat hvers lögreglustjóra fyrir sig
sem ræður úrslitum
Morgunblaðið/Eggert
Ekki sam-
ræmdar reglur
um byssuskápa
Í VORVEÐRI sem ríkt hefur víða um land undanfarna
daga hafa margir gripið tækifærið og notið þess að
vera undir berum himni. Í gær tók þó að kólna, sér-
staklega á Norðurlandi. Í dag er búist við snjókomu eða
slyddu víðast hvar. Þeir sem voru komnir í vorskapið
verða því að bíða aðeins lengur eftir raunverulegu vori.
Morgunblaðið/Ásdís
Snjókoma eftir hlýindi
EMBÆTTI ríkislögreglustjóra er
að kanna hvort það sé ástæða til að
leita leiða til að leyfa fólki að skila
lögreglu óskráðum vopnum sem það
hefur undir höndum, hugsanlega
með því að sækja ekki til saka þá
sem skila slíkum vopnum innan
ákveðins tíma, segir Haraldur
Johannessen ríkislögreglustjóri.
Slíkt var gert í kjölfar morðs á leigu-
bílstjóra í Reykjavík árið 1968.
Barst lögreglunni þá fjöldi hvers
kyns vopna. Lögreglan í Noregi hef-
ur verið með átak af þessu tagi í
gangi frá því 1. september 2003, og
mun átakið standa til 31. ágúst nk.
„Við erum ekki búnir að komast
að niðurstöðu í málinu, en það kann
að vera að við gerum tillögu til
dómsmálaráðherra í þessa veru, en
við erum ekki búnir að ákveða það á
þessari stundu,“ segir Haraldur.
Hann segir að svara þurfi ýmsum
lögfræðilegum álitaefnum, hvort
þetta sé mögulegt innan lagaramm-
ans eða hvort breyta þyrfti lögunum.
Hann segir vinnslu málsins nýhafna
og ekki sé búið að ræða aðra mögu-
leika til að nálgast ólögleg vopn sem
hugsanlega eru í umferð hér á landi.
Kemur til
greina að leyfa
skil á ólögleg-
um vopnum
TEYMI starfsmanna á geðdeild
Landspítalans, sem frá árinu 2001
hefur unnið sérstaklega að með-
höndlun þeirra sem þjást af átrösk-
un, annar ekki fleiri sjúklingum og
hefur lokað fyrir meðhöndlun nýrra
sjúklinga. Þess í stað er þeim sem
greinast með átröskunarsjúkdóma,
lystarstol eða lotugræðgi beint á
göngudeild geðdeildar. Það er einn
hjúkrunarfræðingur sem er í átrösk-
unarteyminu sem sinnir meðferð
þar, en engin sérhæfð meðferð er í
boði af hálfu hins opinbera fyrir þá
sem þjást af átröskunum. Ekkert
fjármagn frá hinu opinbera er sér-
staklega eyrnamerkt meðferðarúr-
ræðum við átröskunarsjúkdómum.
Þetta segir Áslaug Ólafsdóttir, fé-
lagsráðgjafi og ein þeirra sem skipa
átröskunarteymið.
„Við erum aðallega þrjár auk nær-
ingarfræðings sem höfum sinnt
þessari meðferð á geðdeild Land-
spítalans. Við höfum gert það sam-
hliða fullu starfi í þrjú ár en nú get-
um við bara ekki tekið við fleirum.
Við höfum ekki tekið við nýjum til-
vísunum frá áramótum.“
Alls bárust átröskunarteyminu 70
tilvísanir á síðasta ári vegna með-
höndlunar nýrra átröskunarsjúk-
linga, 64 tilvísanir árið 2002 og 51
tilvísun árið 2001. Tæp 70% þeirra
sem þjást af átröskunarsjúkdómum
eru yngri en 25 ára. Geðdeild LSH
tekur við einstaklingum yfir 18 ára
aldri en barna- og unglingageðdeild
við þeim sem eru yngri en 18 ára.
Vantar framhaldsmeðferð
„Það vantar endurhæfingardeild
fyrir átröskunarsjúklinga, meðferð-
arheimili sem væri sambland af sól-
arhringsdeild og dagdeild,“ segir Ás-
laug. Að jafnaði liggja 2–3
einstaklingar á geðdeild LSH vegna
átröskunarsjúkdóma í einu, fyrir
utan þá sem sækja þjónustu á
göngudeild. Áslaug segir þá sem
fara inn á legudeild vera þar lengur
en þeir þyrftu þar sem engin sér-
hæfð framhaldsmeðferð sé í boði
sem henti þessum einstaklingum.
„Margar eru inniliggjandi þarna
vikum eða mánuðum saman,“ segir
Áslaug.
Lokað fyrir meðhöndlun
nýrra tilvika átröskunar
Í frásögn móður átröskunarsjúk-
lings sem birt var í Morgunblaðinu
á miðvikudag undir fyrirsögninni
„Aðstandendur gleymast í um-
ræðunni“ var rangt farið með töl-
ur. Þar kom fram að kostnaður
fjölskyldu vegna meðferðar stúlku
sem þjáðist af anorexíu, eða lyst-
arstoli, hafi farið upp í 50–100 þús-
und krónur á viku þegar hún var
sem veikust. Hið rétta er að upp-
hæðirnar eiga við mánuð, þ.e.
kostnaður fjölskyldunnar nam á
tímabili 50-100 þúsund krónum á
mánuði. Blaðamaður hafði rangt
eftir móður stúlkunnar sem rætt
var við. Beðist er velvirðingar á
þessu.
Leiðrétting