Morgunblaðið - 21.03.2004, Blaðsíða 9
FRÉTTIR
MORGUNBLAÐIÐ SUNNUDAGUR 21. MARS 2004 9
Ertu stúdent eða faglærður
í fata-, málmtækni-,raf-,
hönnunar- eða tölvugreinum ?
Hefurðu íhugað að halda áfram námi í Danmörku?
Á dönsku eða ensku?
Lesið meira á: http://www.erhvervsakademierne.dk
Frekari upplýsingar:
Mogens Nielsen, námsráðgjafi,
í síma: +45 74 12 42 42
Erhvervsakademi Syd í Sönderborg býður upp á iðnfræðinám á:
• Hönnunarsviði
• Framleiðslu- og rekstrarsviði
• Upplýsinga- og rafeindasviði
• Tölvutæknisviði
Hefurðu áhuga?
Komdu og kynntu þér málið!
Kynningarfundur í sal Verkfræðingafélagsins,
Engjateigi 9, 105 Reykjavík, fimmtudaginn
25. mars kl. 19.00.
Náttúrulækningafélag Reykjavíkur,
Laugavegi 7, 101 Reykjavík, sími 552 8191.
AÐALFUNDUR NLFR
Aðalfundur Náttúrulækningafélags Reykjavíkur verður haldinn
fimmtudaginn 25. mars nk. kl. 20.00 í húsi Eddu-útgáfu
Suðurlandsbraut 12, 7. hæð.
Dagskrá: Venjuleg aðalfundarstörf.
Veitingar í boði félagsins.
Stjórnin.
Flott
veisluföt
í stærðum 46-56
Nýbýlavegi 12 • Kópavogi • Sími 554 4433
Opið virka daga 10-18, laugardaga 10-16
Afmælisþakkir
Öllum þeim, sem sýndu mér vináttu og heiðruðu
mig á 90 ára afmæli mínu, sendi ég hjartans
þakkir.
Öll skeytin, blómin, viðtölin og myndirnar svo
ekki sé tíundað meira, gerðu daginn svo ánægj-
ulegan og voru mér sem sólargeislar á þessum
degi.
Þá má ekki gleyma minni indælu fjölskyldu,
frændum og gömlum samstarfsmönnum sem
lögðu sitt til að auka á ánægju dags míns
14. mars.
Stykkishólmi, 16. mars 2004,
Árni Helgason.
AUGLÝSENDUR virðast í aukn-
um mæli herja á stofnanir sem
hafa með börn að gera, s.s. grunn-
skóla, félagsmiðstöðvar og fleiri
stofnanir. Nú er svo komið að fyr-
irtæki, stofnanir og samtök líta á
grunnskólann sem heppilegan vett-
vang til að dreifa ýmiss konar aug-
lýsingum.
Þetta kemur fram í pistli Skarp-
héðins Jónssonar skólastjóra á vef-
síðu grunnskólans á Ísafirði.
„Okkur er vandi á höndum í
grunnskólunum, stöðug ásókn
einkafyrirtækja varðandi auglýs-
ingar er vaxandi. Fyrirtækin eru
oft svo ósvífin að þau senda án
leyfis tugi eða hundruð pésa til
skólanna sem kennurum er svo
ætlað að dreifa til nemenda,“ skrif-
ar Skarphéðinn í pistlinum.
Í fréttatilkynningu Umboðs-
manns barna varðandi markaðs-
setningu sem beint er að börnum
og unglingum og áhrif fjölmiðla á
sjálfsmynd ungs fólks segir að
hann hafi í gegnum tíðina staðið í
bréfaskiptum við iðnaðar- og við-
skiptaráðherra, menntamálaráð-
herra, útvarpsréttarnefnd, Sam-
keppnisstofnun, dómsmálaráð-
herra og ýmsa aðra opinbera sem
einkaaðila og skorað á þá að huga
að þessum málum.
Ekki verið vilji til að taka
málin nægilega föstum tökum
Um leið hafi verið bent á mikil-
vægi þess að vernda börnin gegn
mögulegum skaðlegum áhrifum út-
varpsefnis, sjónvarpsefnis, tölvu-
leikja og auglýsinga, er sýna klám,
tilefnislaust ofbeldi og bera boð-
skap sem getur talist skaðlegur
börnum.
„Ekki hefur verið vilji hjá stjórn-
völdum til að taka þessi mál nægi-
lega föstum tökum í samræmi við
augljósan vilja löggjafans, sem er
að vernda börnin gegn óæskilegum
áhrifum útvarps- og sjónvarpsefn-
is, þ.á m. auglýsinga.
Umboðsmaður hefur þó marg-
ítrekað skorað á stjórnvöld að setja
ítarlegri almennar reglur um lág-
marksvernd barna yngri en 18 ára
fyrir markaðssetningu og auglýs-
ingum, sem beint er að þeim í æ
ríkari mæli. Telur umboðsmaður
slíkar reglur vera í samræmi við
17. gr. Barnasáttmála Sameinuðu
þjóðanna,“ segir í tilkynningu Um-
boðsmanns barna.
Sótt í grunnskóla
með auglýsingar
Umboðsmaður barna hefur ítrekað skorað á stjórnvöld
að setja ítarlegri reglur um lágmarksvernd
ÞORSTEINN Gylfason prófessor
við Háskóla Íslands hefur verið
gerður að heiðursfélaga Félags
áhugamanna um heimspeki. Félag-
ið sýndi Þorsteini þennan virðing-
arvott fyrir áralangt starf að vexti
og viðgangi heimspekinnar með rit-
störfum, þýðingum og kennslu.
Á fundi í félaginu gerði Jón
Ólafsson grein fyrir störfum Þor-
steins Gylfasonar og Þorsteinn
þakkaði félögum sínum veittan
heiður.
Fram að þessu hefur aðeins einn
verið valinn heiðursfélagi í Félagi
áhugamanna um heimspeki, en það
var Brynjólfur Bjarnason (1898–
1989).
Morgunblaðið/Jim Smart
Gerður að
heiðursfélaga
fyrir heimspeki
NÝLEGA tók Héðinn Unnsteinsson
við starfi ráðgjafa hjá Alþjóðaheil-
brigðisstofnuninni (WHO) í Genf.
Héðinn er ráðinn tímabundið í eitt
ár. Hans helsta verkefni er að und-
irbúa ráðstefnu um geðheilbrigði
sem haldin verður í Helsinki í upp-
hafi næsta árs. Héðinn kemur til
með að starfa í Kaupmannahöfn.
Að sögn Héðins snýst starf hans
mest um að ná þeim sem kallaðir
eru notendur, þ.e. þeim sem hafa
notað geðheilbrigðisþjónustu, og að-
standendum þeirra inn á ráðstefn-
una. „Þetta er í fyrsta sinn sem Al-
þjóðaheilbrigðisstofnunin ræður
fyrrverandi notanda í vinnu,“ segir
Héðinn en hann var sjálfur veikur
fyrir um áratug síðan.
Ráðstefnan í Helsinki er hluti af
framkvæmdaáætlun WHO um
bætta andlega heilsu á heimsvísu
(Global Action Programme for Men-
tal Health). Í tenglsum við verk-
efnið hefur verið komið saman átta
alþjóðlegum ráðum sem hafa ólíkar
áherslur. Í aðdraganda ráðstefn-
unnar eru haldnar minni ráðstefnur
með þessum ráðum, sem ýmist eru
samansett af notendum geðheil-
brigðisþjónustu, læknum, þing-
mönnum o.s.frv.
Héðinn hefur lengi starfað að
geðheilbrigðismálum hér á landi,
stofnaði m.a. Geðrækt á sínum tíma
og vann sem verkefnissstjóri hjá því
félagi í nokkur ár. Hann lauk meist-
aragráðu í alþjóða stefnugreiningu
og stefnumótun nýlega og fjallaði
lokaverkefni hans um geðheilbrigði.
Alls taka 52 ríki þátt í ráðstefn-
unni í Helsinki, sem ber yfirskrift-
ina „Facing challanges, building sol-
utions.“ Að sögn Héðins eru geð-
heilbrigðismál misjafnlega langt á
veg komin í ríkjunum.
„Geðheilbrigðisþjónusta í Austur-
Evrópu, t.d. Albaníu, er nánast eng-
in. Þar er eitt geðsjúkrahús og búið.
Þar þekkjast hugtök eins og for-
varnir ekki. Það er himinn og haf á
milli gömlu Sovétríkjanna, Austur-
Evrópulanda, eins og t.d. Albaníu,
og svo Vestur-Evrópulanda. Það
þarf að brúa þetta bil í aðgerðaáætl-
un sem heilbrigðisráðherrar allra
þessara landa ætla að skrifa undir í
lok fundarins,“ segir Héðinn.
Fjallar um geðheilsu,
ekki geðsjúkdóma
Ráðstefnan á að standa yfir í
fjóra daga og ætlunin er að taka á
öllum þáttum geðheilbrigðisþjón-
ustu í Evrópu. Héðinn leggur
áherslu á að ráðstefnan á að fjalla
um geðheilsu
ekki geðsjúk-
dóma. „Með því
að efla geðheilsu
viljum við meina
að við getum
dregið úr tíðni
geðraskana,“
segir Héðinn.
„Umfram allt
þá er þetta ekki
bara fundur um
geðheilbrigðismál. Fyrir mér er
þetta fundur um samfélagsleg mál.
Það að móta samfélagið út frá ein-
hverri ákveðinni pólitískri hug-
myndafræði hefur mikið að segja
um það hvernig fólki líður. Heilsa og
vellíðan haldast mjög í hendur,“
segir Héðinn.
Héðinn segir Alþjóðaheilbrigðis-
stofnunina vilja hverfa frá miðstýr-
ingu í heilbrigðiskerfinu, færa vald-
ið frá stofnunum til samfélagsins.
„WHO stefnir mikið að því varðandi
geðheilbrigðisþjónustu að „dísentr-
alisera“ hana. Koma henni út af
stofnunum. Ég sé fyrir mér að hér
heima muni það sama gerast, þjón-
ustan færist út af stofnunum og til
samfélagsins,“ segir Héðinn.
„Fyrir mér hefur þessi málaflokk-
ur mjög víða skírskotun í samfélag-
inu. Hann snýst um það að hafa
áhrif á breytni fólks,“ segir Héðinn.
Geðheilsa er
samfélagslegt mál
Héðinn
Unnsteinsson