Morgunblaðið - 21.03.2004, Blaðsíða 35
LISTIR
MORGUNBLAÐIÐ SUNNUDAGUR 21. MARS 2004 35
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
O
G
V
2
40
52
03
/2
00
4
Nokia 3310
Einfaldur, ódýr og mjög góður sími.
Verð 9.900 kr.
Verslanir Og Vodafone: Kringlunni, Smáralind, Síðumúla 28, Skífunni Laugavegi 26,
Hafnarstræti Akureyri og umboðsmenn. Þjónustuver sími 1414, www.ogvodafone.is
Frítt að senda Myndskilaboð til 1. sept. 2004.
Símann er eingöngu hægt að nota með símkorti frá Og Vodafone.
Risapáskaegg fylgir!
M
yndskilab
oð
Frí
tt að senda
OPIÐ hús er í dag, sunnudag, í
vinnustofum Klink og Bank í Braut-
arholti 1 milli kl. 13–17 og gefst þar
gestum tækifæri til að fylgjast með
listafólki að störfum á vinnustofum
sínum. Að auki verða þrír norrænir
listahópar með innsetningar og
hljóðverk, hóparnir eru Beeoff,
Avcentralen og Grotto Tv.
Opið hús hjá
Klink og Bank
ÞRIGGJA daga alþjóðleg ráðstefna
um sköpunarkraft og tækni (Re-
thinking the Interface Between
Human Creativity and Technology)
var sett í Listasafni Reykjavíkur í
gærkvöld kl. 19 og stendur fram á
mánudagskvöld er henni verður slit-
ið með viðhöfn í Bláa lóninu. Ráð-
stefnan er haldin í tilefni af for-
mennsku Íslendinga í Norrænu
ráðherranefndinni og er styrkt af
henni, menntamálaráðuneyti og
einkaaðilum. Að sögn Ians Dents, frá
félagsvísinda- og stjórnmáladeild
Cambridge-háskóla, sem haft hefur
veg og vanda af skipulagningu ráð-
stefnunnar og þeim viðburðum sem
henni tengjast, er markmiðið með
ráðstefnunni að miðla þekkingu og
skapa tengsl milli fræðimanna með
því að leiða m.a. saman tölvunar-
fræðinga, líffræðinga og unga skap-
andi listamanna svo þeir geti skipst á
hugmyndum um möguleika staf-
rænnar tækni. Í því skyni verða
þverfaglegir vinnuhópar að störfum
víðs vegar um borgina, svo sem í
Listaháskóla Íslands, listamiðstöð-
inni Klink og Bank, Nýlistasafninu
og Þjóðarbókhlöðunni.
Í dag, sunnudag, verður uppá-
koma með íbúum við Hlemm, sem
verður fram haldið á mánudags-
morgun milli kl. 7 og 10, en að sögn
Ians Dents er stefnt að því að sýna
afrakstur þeirrar vinnu við lokahátíð
ráðstefnunnar í Bláa lóninu á mánu-
dagskvöld. Í dag hefjast málstofur á
Nordica-hóteli, sem fram verður
haldið á ýmsum stöðum á mánudag-
inn. Meðal fyrirlesara eru dr. Sarat
Maharaj frá Háskólanum í Lundi,
dr. Niels Ole Finnemann Nielsen frá
háskólanum í Árósum, dr. Torben
Nielsen frá háskólanum í Ósló og dr.
Helena Wulff frá háskólanum í
Stokkhólmi. Þess má geta að allir
viðburðir ráðstefnunnar eru opnir
almenningi, en allar nánari upplýs-
ingar er að finna á slóðinni:
www.creativityandtechnology.org.
Alþjóðleg ráðstefna um
sköpunarkraft og tækni
ÞEGAR Rumon Gamba var ráð-
inn aðalstjórnandi Sinfóníuhljóm-
sveitar Íslands sagði hann í viðtali að
Mozart væri eitt þeirra tónskálda
sem mikilvægt væri fyrir Sinfóníu-
hljómsveitina að leika, en að auk
hefði hann sjálfur sérstakan áhuga á
breskri tónlist, enda Breti. Tónleikar
hljómsveitarinnar í fyrrakvöld voru
því augljóslega óskaverkefni aðal-
hljómsveitarstjórans – tvö Mozart-
verk og tvö bresk verk. Það var held-
ur ekki um að villast að verkefnið
yrði tekið föstum tökum strax í upp-
hafi, því annan eins flutning á Div-
ertimento Mozarts í D-dúr er vart
hægt að hugsa sér. Rumon Gamba
valdi tempó í hraðara lagi, en það
gekk upp. Léttleikinn í fiðlunum var
fjaðurmagnaður og selló og bassar
sömuleiðis léttstíg í bassarödd, sem
býður svosem ekki upp á mikil tilþrif
af Mozarts hendi. Svona hratt, létt og
leikandi hefði ekki verið hægt að
leika þetta ef fiðludeildin hefði ekki
verið í allra besta formi – allt hníf-
skarpt og jafnt, og ekki ein nóta á
skjön. Gamba stýrði þessu örugglega
og afar músíkalskt. Hér var Sinfón-
íuhljómsveit Íslands eins og hún best
getur orðið.
Það voru því talsverð vonbrigði, að
Sjakkonna í g-moll eftir Purcell, í út-
setningu Brittens, skyldi ekki takast
betur. Stef sjakkonnunnar minnir
óneitanlega á tónlist Purcells úr óp-
eru hans Dido og Eneasi, harmræn
og melankólísk. En þótt léttleikinn
úr Mozart hefði ekki átt við hér, var
einum of þungt stigið til jarðar, og
þyngslin og hægagangurinn allt of
íþyngjandi. Það er erfitt að ímynda
sér að svona hafi Britten kosið að
heyra þetta verk flutt. Sinfónía Moz-
arts nr. 29 í A-dúr var fallega spiluð,
en náði ekki sama flugi og Diverti-
mentóið í upphafi.
Bitastæðasta verkið á tónleikun-
um var Serenaða fyrir tenór, horn og
strengi eftir Benjamin Britten, þar
sem Paul Agnew söng tenórhlut-
verkið og Joseph Ognibene lék á
horn.
Paul Agnew hefur sérstaklega fal-
lega og lýríska tenórrödd, og gæddi
verkið blæbrigðaríkum litbrigðum
söngraddarinnar. Joseph Ognibene
var firnagóður og samspil hans og
söngvarans gott. Þetta ómþýða verk
Brittens hlýtur að teljast með feg-
urri verkum síðustu aldar, og Rumon
Gamba laðaði allt það besta fram hjá
Sinfóníuhljómsveitinni. Taktslag
hans er nákvæmt og hver hreyfing
hans hefur merkingu sem skilar sér í
túlkun sveitarinnar. Hljómsveitin og
nýi aðalhljómsveitarstjórinn hafa
auðheyrilega náð góðum tengslum
sín í milli. Það var líka áþreifanlegt
hve mikla alúð Gamba hafði lagt í að
vinna bæði Divertimento Mozarts og
Serenöðu Brittens; þar náði leikur
hljómsveitarinnar hæðum. Það var
rétt hjá Gamba að leggja þyrfti
áherslu á tónskáld eins og Mozart.
Sinfóníuhljómveitin hefur á liðnum
árum lagt meira upp úr rómantíkinni
en verkum klassíska tímans, en sýndi
hér að hún veldur þeim vel.
Þetta voru fínir tónleikar, þótt bet-
ur hefði mátt fara með Purcell.
Vel spilaður
Mozart
TÓNLIST
Háskólabíó
Sinfóníuhljómsveit Íslands lék verk eftir
Mozart, Britten og Purcell; einsöngvari:
Paul Agnew, einleikari á horn: Joseph
Ognibene og stjórnandi: Rumon Gamba.
Fimmtudagskvöld kl. 19.30.
SINFÓNÍUTÓNLEIKAR
Bergþóra Jónsdóttir
SÝNING Helgu Brögu, 100% hitt,
sem sýnd hefur verið í tónlistarhús-
inu Ými í vetur, er á förum til Kaup-
mannahafnar í samvinnu við Íslend-
ingafélagið þar. Tvær sýningar
verða í Jónshúsi laugardaginn 27.
mars og sunnudaginn 28. mars.
Upplýsingar um sýninguna má sjá
á vefsetrinu www.100hitt.com.
Morgunblaðið/Árni Sæberg
Helga Braga fer
utan með einleik
♦♦♦
FYRIRTÆKI TIL SÖLU
www.fyrirtaekjasala.is
Síðumúla 15 • Sími 588 5160
Gunnar Jón Yngvason
lögg. fasteigna- og fyrirtækjasali
Fréttir á SMS