Morgunblaðið - 21.03.2004, Blaðsíða 49

MINNINGAR
MORGUNBLAÐIÐ SUNNUDAGUR 21. MARS 2004 49
Elsku frænka, við
söknum þín svo mikið.
Í okkar augum varst
þú eins og amma okk-
ar. Þú varst svo góð og
glaðlynd. Þegar við systurnar kom-
um til Reykjavíkur þá sóttuð þið
amma okkur alltaf út á flugvöll eða
umferðarmiðstöð og buðuð okkur
síðan út að borða. Svo var oft farið í
fjölskyldugarðinn.
Ekki gleymum við öllum spila-
stundunum þegar við spiluðum
rommy og casion og þegar við sáum
eitthvað fyndið í sjónvarpinu þá dill-
aði í þér hláturinn. Þú last mikið af
sögum fyrir okkur, kenndir okkur
hvað það væri mikilvægt að kunna
borðsiði og vera kurteis. Það var svo
gaman, frænka, þegar þið amma
leyfðuð okkur að tjalda í stofunni í
Dúfnahólunum. Þú kenndir okkur
að prjóna, heklaðir teppi og sjal
handa okkur, prjónaðir fallegar
peysur og vettlinga, allt útprjónað
og listilega gert. Þú varst svo glöð
þegar við fengum góðar einkunnir.
Elsku frænka, minning þín mun
lifa í hjörtum okkar. Elsku amma,
missir þinn er mikill því þið frænka
voruð svo nánar.
Guð geymi þig, frænka, við elsk-
um þig og kveðjum með þessum
orðum.
Vaktu, minn Jesú, vaktu í mér,
vaka mig láttu eins í þér,
sálin vaki þá sofnar líf,
sé hún ætíð í þinni hlíf.
(Hallgr. Pét.)
Sara Björg og Theodóra
Ágústsdætur.
Til elsku bestu frænku í heimi.
Það er erfitt að trúa því, að þú
sért farin. Nú ert þú komin á betri
stað og örugglega búin að hitta for-
eldra þína, Siggu systur þína og
Halldór afa.
Ef það var einhver manneskja,
sem ég dáðist að, þá varst það þú,
fyrir allt sem þú gerðir og sérstak-
lega hvernig þú fórnaðir þér fyrir
systur þína og þrjú lítil börn hennar.
Þegar Halldór afi minn dó fluttist
þú til Vestmannaeyja til að hjálpa
Guðbjörgu systur þinni, ömmu
minni, að ala upp þrjú kornung
börn. Allir kölluðu þig frænku, jafn-
vel þótt þeir væru ekkert skyldir
þér, enda hændust allir að þér.
Þegar ég fæddist átti ég ekki afa
og ömmu í móðurætt, heldur ömmu
og frænku. Þú hefur alltaf verið eins
og amma okkar. Þú varst alltaf svo
góð bæði við mig og Guðjón bróður
og auðvitað öll „börnin og barna-
börnin“ þín. Það elskuðu allir
frænku enda varst þú alltaf boðin og
búin að spila og leika við okkur,
fórst jafnvel í fótbolta við Guðjón.
Ég á ótal minningar um þig, frænka,
en það sem mér dettur fyrst í hug er
þegar ég var lítil og fór alltaf beint í
fataskápinn þinn og rótaði í öllu.
Mátaði alla kjólana, prófaði skart-
gripina og var svo með tískusýningu
fyrir þig og ömmu. Ég man líka svo
vel eftir fallegu hattaöskjunni, sem
var á standinum. Öllu þessu fallega
dóti varst þú búin að safna á ferða-
lögum þínum um heiminn. Þá minn-
ist ég allra slides-myndanna sem þú
tókst og ég gat skoðað endalaust.
Þegar ég fékk bílpróf varst þú
ekki hrædd við að lána mér græna
Mazda-bílinn þinn, t.d. þegar þú
fórst til Nýja-Sjálands í heimsókn til
Bjargar Halldórs í nokkra mánuði
og ég hafði bílinn á meðan.
Þegar ég var að læra hárgreiðslu
varst þú aðalmódelið mitt, bæði í
bylgjum og lagningu, enda varst þú
BJÖRG
SIGURJÓNSDÓTTIR
✝ Björg Sigurjóns-dóttir fæddist á
Hrafnagili í Vest-
mannaeyjum 19. jan-
úar 1917. Hún lést á
hjartadeild Land-
spítalans þriðjudag-
inn 2. mars síðastlið-
inn og var útför
hennar gerð frá Há-
teigskirkju 9. mars.
með svo fallegt silki-
mjúkt hár. Svo var ég
vön að setja rúllur í þig
heima einu sinni í viku,
þegar ég bjó á Íslandi.
Þú sast við borðið og
raðaðir rúllunum upp
eftir stærð og réttir
mér pinnana. Ég setti
þig svo undir gulu hár-
þurrkuna og greiddi
þér. Ég gæti haldið
endalaust áfram að
rifja upp minningarnar
og ég hef svo margar
sögur að segja um þig
og mun segja þær
ófædda barninu mínu, sem ég ber
undir belti, og á von á eftir viku.
Ég er stolt yfir því að hafa átt þig
sem frænku og guðmóður, og varst
mér sem besta amma.
Nú kveð ég þig, elsku frænka, og
ég á eftir að sakna þín mjög mikið.
Þú skipar stóran sess í hjarta mínu.
Hvíl í friði.
Þín
Guðbjörg Dögg Emilsdóttir
í Cork á Írlandi.
Elsku frænka mín. Ég trúi ekki
enn, að þú sért farin úr þessu lífi. Þú
varst alltaf svo góð við mig, og það
var svo margt sem þú lagðir á þig
fyrir mig. Þú máttir þola að vera í
marki þegar við fórum í fótbolta, og
fékkst skotin á þig með bros á vör.
Við fórum stundum saman í golf
með ömmu og þú náðir oft að setja
kúluna niður af löngu færi. Ég, þú
og amma vorum alltaf spilandi á spil
og þar var hart barist og helst ekki
hætt fyrr en ég var búinn að vinna.
Ég man að síðast þegar ég spilaði
við ykkur um síðustu jól unnuð þið,
þrátt fyrir ítrekaðar tilraunir mínar
til að vinna. Frænka, þú hættir því á
toppnum.
Það eru svo margar góðar stundir
sem koma upp í hugann, þegar ég
hugsa til þín. Góðmennska þín var
einstök, þú passaðir þig alltaf á því
að eiga ís í frystinum, þegar ég kom
í heimsókn. Þú lánaðir mér bílinn
þinn þegar ég þurfti að skjótast og
alltaf þegar ég sé græna Mözdu þá
hugsa ég til þín. Við fórum oft á
sama hamborgarastaðinn og þú
fékkst þér ávallt mjólkurglas með
þínum hamborgara. Þegar ég var
lítill og kom í heimsókn, þá mátti ég
setja allt á annan endann heima hjá
þér, t.d. byggja hús úr stólum og
teppunum sem þú hafðir heklað.
Alla tíð hefur þú verið minn besti
vinur og að koma í heimsókn til þín
og ömmu var það skemmtilegasta
sem ég gerði. Minning þín lifir að ei-
lífu og ég mun aldrei gleyma þér.
Ég veit að þér líður vel hjá guði. Þín
verður sárt saknað.
Guðjón Rúnar Emilsson.
Þegar ég minnist Bjargar Sigur-
jónsdóttur frænku minnar frá Víði-
dal í Vestmannaeyjum er mér efst í
huga þakklæti. Þakklæti fyrir allt
það sem hún frænka mín var. Hún
var alltaf svo góð við okkur börnin í
fjölskyldunni. Við nutum þess að
vera í návist hennar. Hún hafði létta
lund og hló dillandi hlátri, og það
var svo gaman að segja henni
brandara, því hún hló alltaf svo inni-
lega að þeim. Alltaf var hún tilbúin
að gefa okkur af tíma sínum, fór
með okkur í bíltúra, las fyrir okkur
og spilaði við okkur. Og ef andstæð-
ingurinn varð tapsár tókst henni
strax að græða sárin. Hún varðveitti
barnið í sér alla ævi.
Björg frænka var dul kona og
flíkaði ekki tilfinningum sínum. Hún
var ekkert að trufla aðra með skoð-
unum sínum. Var fordómalaus og
umburðarlynd. Öllum leið vel í ná-
vist hennar. Hún var kvenleg og fín
dama. Elsku frænka við þökkum
fyrir alla hlýjuna sem þú sýndir
okkur í gegnum árin. Við söknum
þín. Okkur finnst minningarsálmur-
inn sem hún mamma þín orti einmitt
eiga vel við í dag.
Þín mildhlý minning lifir,
svo margt að þakka ber.
Þá bjart og blítt var yfir,
er brosið kom frá þér.
Þú sólargeisla sendir
og samúð, vinarþel.
Með hlýrri vinar hendi
mér hjálpaðir svo vel.
Með hjartans þökkum hlýjum
nú hrærð við kveðjum þig.
Á lífsins leiðum nýjum
sért leidd á gæfustig
af Meistaranum mesta,
sem mannkyn leysti hrjáð.
Þín brúðargjöfin besta
sé blessun Guðs og náð.
(Guðríður S. Þóroddsdóttir.)
Þórunn Óskarsdóttir og
fjölskylda.
Fallin er frá heiðurskonan Björg
Sigurjónsdóttir þekkt sem frv. póst-
meistari í Vestmannaeyjum. Við
andlát Halldórs bróður míns og
mágs hennar, fluttist hún frá
Reykjavík til Vestmannaeyja og tók
að sér heimili og umönnun barna
þeirra Guðbjargar og Halldórs með
systur sinni. Það var mikið örlæti og
sýnir góðvild hennar að flytja til
systur sinnar við þessar erfiðu að-
stæður og annast með henni litlu
börnin þrjú er voru 1, 2 og 3 ára er
faðir þeirra fórst til sjós nýorðinn 30
ára.
Björg var mjög vel látin í starfi og
samviskusöm. Minnist ég grínmynd-
ar af henni er Sigmund gerði í gos-
inu þar sem hún er að henda bréfi
niður um stromp húss er umlukið
var ösku, en hún þurfti að flytja aft-
ur út í Eyjar eins og aðrir frum-
herjar fljótt í goslok.
Í allmörg ár á síðari hluta starfs-
daga og svo í starfslok hafa þær
systur búið saman hér í Reykjavík.
Vil ég þakka Björgu samfylgdina.
Jóhann Ágústsson.
Í dag kveðjum við Björgu Sig-
urjónsdóttur vinkonu mína og
frænku barnanna minna þriggja.
Björg var mikil sómakona sem
bar sitt nafn með réttu. Hún var
einstök manneskja sem helgaði líf
sitt öðrum og var trúföst og trygg
sem bjarg.
Börnin mín þakka fyrir dýrmætt
veganestið sem hún gaf þeim í
æsku. Hjá Björgu var af þolinmæði
nóg en líka festu, gæsku og góðum
ráðum.
Klökk hún þakkar, þrungin trega,
þína blíðu, fasta tryggð,
brosið hlýja, hjartanlega,
himinborna rækt og dygð.
(G.G.)
Innilegar þakkir fyrir ævilanga
samfylgd, sanna vináttu, einstaka
ræktarsemi og tryggð.
Kæra Guðbjörg, börn og fjöl-
skyldur. Kæra Þóra og fjölskylda.
Börn Sigríðar Önnu og fjölskyldur.
Við sendum ykkur innilegar sam-
úðarkveðjur og biðjum Guð að vera
með ykkur og styrkja.
Blessuð sé minning Bjargar Sig-
urjónsdóttur.
Guðríður Guðmundsdóttir
frá Viðey og börn.
Við kvöddum ástkæra frænku
okkar á hjartadeild Landspítalans
þriðjudagskvöldið 2. mars. Það var
svo yndislegt að finna fyrir þeim
friði sem Drottinn hafði umsveipað
hana og að vita að nú er hún búin að
fá hvíld hjá Honum. Móðursystir
mín eða frænka, eins og hún var
alltaf kölluð af sínum nánustu, flutti
inn á bernskuheimili mitt árið 1957
þegar að móðir mín var orðin ekkja
með eins, tveggja og þriggja ára
gömul börn. Upp frá því varð
frænka eins konar fósturmamma
okkar systkinanna, við hlið móður
okkar. Mér eru minnisstæðar allar
þær stundir þegar ég laumaðist inn í
herbergi frænku eftir að hún kom
heim úr vinnunni, settist í fang
hennar og bað hana að lesa fyrir
mig úr dönsku eða norsku blöðun-
um. Hún tók því alltaf vel og alltaf
hafði hún tíma fyrir okkur börnin.
Frænka bjó yfir einstökum fróðleik
því að alla tíð hafði hún gaman af að
lesa, sérstaklega um önnur þjóðlönd
og menningu og siði þeirra. Af þess-
um fróðleik miðlaði hún síðan til
systrabarna sinna og síðan
barnanna okkar. Hún hafði mjög
gaman af að ferðast og fór víða um
heiminn. Í þau ellefu ár sem ég bjó
ásamt fjölskyldu minni á Nýja- Sjá-
landi heimsótti frænka okkur fjór-
um sinnum, síðast árið 1993, þá 76
ára að aldri. Börnin mín biðu þess
alltaf með eftirvæntingu þegar von
var á frænku í heimsókn frá Íslandi.
Hún hafði sérstakt lag á að laða að
sér börn, því að hún bjó yfir svo
mikilli þolinmæði og var alltaf tilbú-
in að segja sögur, spila á spil eða
fara í göngutúra. Oft rifjuðum við
hlæjandi upp ferðalagið sem við fór-
um í saman á Nýja-Sjálandi þegar
að silfurgráa hárið hennar frænku
varð grænt í laug sem nýbúið var að
mála græna að innan. Frænka hló
mest af öllum sem lýsir því hversu
létt hún var í lund.
Þó að söknuðurinn sé mikill þá
lifa bjartar og yndislegar minningar
í hjarta mínu um frænku mína og
gleði yfir að nú er hún í „faðmi
Frelsarans“. Fyrir þig, elsku
mamma, er þetta mikill missir eftir
öll árin sem þið frænka bjugguð
saman og einnig fyrir þig, elsku
Þóra frænka, en ég veit að Drottinn
Jesú mun hugga og styrkja ykkur.
Björg Halldórsdóttir.
Eiginkona mín og móðir,
VILBORG ÞÓRÐARDÓTTIR,
Vatnsnesi,
Grímsnesi,
sem lést á Landspítalanum þriðjudaginn
16. þessa mánaðar, verður jarðsunginn frá
Selfosskirkju þriðjudaginn 23. mars kl. 11.00.
Greftrað verður frá Húsafelli kl. 17.00 sama dag.
Magnús Þorsteinsson,
Þorsteinn Magnússon.
Ástkær eiginkona mín, móðir okkar, dóttir,
systir, mágkona, tengdadóttir, tengdamóðir
og amma,
MAGÐALENA KRISTÍN BRAGADÓTTIR,
Tunguseli 3,
verður jarðsungin frá Fossvogskirkju þriðju-
daginn 23. mars kl. 15.00.
Þeim, sem vilja minnast hennar, er bent á
krabbameisfélögin.
Guðbjörn Karl Ólafsson,
Bragi Hlífar Guðbjörnsson,
Thelma Dögg Guðbjörnsdóttir,
Ólafur Ragnar Guðbjörnsson, María Albertsdóttir,
Kolbrún Guðbjörnsdóttir,
Helga Kristín Kristvaldsdóttir,
Tómas Magni Bragason,
Anna Ragna Bragadóttir,
Margrét Steinunn Bragadóttir, Valdimar Ólafsson,
Hólmfríður Jóna Bragadóttir, Geir Sigurður Sigurjónsson,
Björg Ólöf Bjarnadóttir, Ragnar Óskarsson,
Bogi Thorarensen Bragason, Sólveig Ásgeirsdóttir,
Sigríður Carson, William Steve Carson,
Ragna Klara Björnsdóttir
og aðrir aðstandendur.
Hjartkær móðir mín, tengdamóðir, amma
og langamma,
INGVELDUR PÉTURSDÓTTIR,
Skeljatanga 1,
Reykjavík,
sem andaðist á hjúkrunarheimilinu Sóltúni
fimmtudaginn 11. mars, verður jarðsungin
frá Dómkirkjunni í Reykjavík þriðjudaginn
23. mars kl. 13.30.
Áslaug Ottesen, Hörður Sigurgestsson,
Inga Harðardóttir, Vicente Sanchez-Brunete,
Jóhann Pétur Harðarson, Helga Zoëga
og barnabarnabörn.
Ástkær móðir mín, tengdamóðir, amma, systir
og mágkona,
VALGERÐUR KRISTJÁNSDÓTTIR,
Hraunbæ 100,
Reykjavík,
sem lést á líknardeild Landspítalans í Kópa-
vogi mánudaginn 15. mars, verður jarðsungin
frá Fossvogskirkju miðvikudaginn 24. mars
kl. 13.30.
Þeim, sem vildu minnast hennar, er bent á líknardeild Landspítalans
í Kópavogi.
Kristján V. Jónsson, Fjóla Jónsdóttir,
Vala Rún Kristjánsdóttir,
Eiríkur Kristjánsson, Gréta Þórdís Grétarsdóttir Kragesteen.