Morgunblaðið - 23.03.2004, Side 23

DAGLEGT LÍF
MORGUNBLAÐIÐ ÞRIÐJUDAGUR 23. MARS 2004 23
Hjónin Hálfdán Sveinbjörn Kristinsson og Mar-grét Gestsdóttir hafa nýlega opnað nýtt bakaríað Smiðjuvegi 4 í Kópavogi sem hlotið hefur
nafnið Gullofninn. Hálfdán, sem er borinn og barnfædd-
ur Búðdælingur, segist hafa flust suður á mölina fimm-
tán ára gamall og farið að læra bakaraiðn hjá Sandholts-
bakaríi. Þar hafi hann starfað í heil sautján ár, en þau
hjónin hafi einnig verið búsett í Óðinsvéum í Danmörku í
þrjú ár, þar sem Hálfdán starfaði sem bakari.
Þegar Daglegt líf fór í morgunkaffi í nýja bakaríið í
gærmorgun, var í mörg horn að líta hjá Hálfdáni enda
naut hann þá ekki eins og endranær aðstoðar eiginkon-
unnar, sem „óvænt“ hafði lent upp á fæðing-
ardeild Landspítalans á sunnudag-
inn þar sem hún ól son þremur
vikum fyrir tímann. „Margrét
stóð hins vegar í bakaríinu
með mér allan laugardag-
inn því drengurinn átti
ekkert að koma alveg
strax,“ útskýrir Hálfdán,
en fyrir eiga þau níu ára
gamla dóttur.
Þau Hálfdán og Mar-
grét, sem reyndar kynntust
á bak við búðarborðið í Sand-
holtsbakaríi, ætla að leggja
áherslu á smurt brauð með girni-
legu áleggi, danska kaffisnúða og rúnn-
stykki úr sérinnfluttu dönsku rúnn-
stykkjahveiti og hollustubrauð. Þau framleiða meðal
annars í því augnamiði gróf og fín súrdeigsbrauð, sem
læknar hafa vísað þeim á sem lifa við óþol gagnvart geri
og hvítu hveiti, en í súrdeigsbrauðunum er mest notað
klíð og rúgmjöl. Boðið er upp á heita súpu í hádeginu og
tertur eru einnig í þó nokkru úrvali, til dæmis toffítertur,
súkkulaðitertur, sachertertur og gulrótartertur.
Bakarameistarinn segist taka daginn snemma því
venjulega þurfi hann að hefjast handa við bakkelsið
klukkan 3 á næturnar, en opið er virka daga kl. 7–18 og á
laugardögum kl. 7–16. Að lokum var Hálfdán beðinn um
uppskrift að eigin vali og urðu hvítar súkkulaðibitakökur
fyrir valinu. Þær renna út eins og heitar lummur, segir
hann að lokum.
Hvítar súkkulaði-
bitakökur
(um það bil 20 kökur)
150 g smjörlíki
240 g sykur
1 stór msk. sýróp
3 egg
275 g hveiti
100 g saxað hvítt súkkulaði
100 g saxað suðusúkkulaði
1 tsk. salt
1 tsk. natron
Allt hráefnið er hrært saman. Deigið svo vigtað í 50
gramma stykki, sem rúlluð eru í kúlur. Þær eru svo sett-
ar á bökunarplötu, klædda smjörpappír, og pressaðar lít-
illega niður. Bakað í ofni í 15 mínútur við 200°C.

GULLOFNINN| Súrdeigsbrauð og dönsk rúnnstykki
Hollustan í fyrirrúmi
Morgunblaðið/Jón Svavarsson
Bakarameistarinn: Hálfdán Svein-
björn Kristinsson. T.v. hvítu súkku-
laðibitakökurnar sem þykja
einkar gómsætar.
Morgunblaðið/Ásdís
join@mbl.is
Fréttir í tölvupósti