Morgunblaðið - 23.03.2004, Síða 47

ÍÞRÓTTIR
MORGUNBLAÐIÐ ÞRIÐJUDAGUR 23. MARS 2004 47
TALSVERÐAR líkur eru á að bandaríska atvinnudeildin í kvenna-
knattspyrnu verði endurvakin á næsta ári, 2005. Hún var lögð nið-
ur vegna fjárhagserfiðleika að loknu síðasta tímabili, haustið 2003,
rétt áður en heimsmeistarakeppnin hófst í Bandaríkjunum, og
verður ekki starfandi í ár. Bandaríska deildin, WUSA, var eina at-
vinnudeild kvenna í heiminum og með liðunum átta sem hana skip-
uðu lék flestar bestu knattspyrnukonur veraldar. Flestir erlendu
leikmennirnir sneru til síns heima en þeir bandarísku hafa lítið
fyrir stafni í ár, nema þeir sem skipa bandaríska landsliðið.
Nokkrir sýningarleikir á vegum WUSA verða leiknir í sumar, en
þar eigast við liðin átta sem stefnt er að haldi áfram keppni í
deildinni á næsta ári. Leikirnir eru settir upp sem hluti af und-
irbúningi bandaríska landsliðsins fyrir Ólympíuleikana í Aþenu í
ágúst.
Tvær íslenskar knattspyrnukonur hafa leikið í WUSA, þær Mar-
grét Ólafsdóttir og Rakel Ögmundsdóttir sem spiluðu með Phila-
delphia Charge árið 2001.
Margrét sneri aftur heim en Rakel meiddist illa áður en tímabil-
ið 2002 hófst og hefur ekki spilað síðan.
Bandaríska kvenna-
deildin aftur í gang?
HERMANN Hreiðarsson, landsliðs-
maður í knattspyrnu, er ekki alvarlega
meiddur. Hann fór af velli í leik Charl-
ton gegn Newcastle í ensku úrvalsdeild-
inni á laugardaginn vegna meiðsla í
læri. „Það kom í ljós í dag að þetta er
ekki slit eða alvarleg tognun, heldur
einhver krampi í lærvöðvanum. Ég á að
taka það rólega fram á fimmtudag en
ætti að geta byrjað þá að æfa aftur og
spila vonandi um næstu helgi,“ sagði
Hermann við Morgunblaðið í gær en
Charlton mætir Aston Villa á laug-
ardaginn.
Hermann kvaðst verða klár í lands-
leikinn gegn Albaníu í Tirana hinn 31.
mars. „Það á ekkert að geta komið í
veg fyrir það og mér sýnist við verða
með sterkt lið í þeim leik.“
Hermann
slapp vel
FÓLK

MARTIN Galia, landsliðmark-
vörður Tékka í handknattleik, geng-
ur til liðs við Göppingen í sumar en
hann hefur gert tveggja ára samn-
ing við liðið. Galia leikur nú með
Redbergslid í Svíþjóð og um tíma
stóð til að hann færi til Celje Pivov-
arna Lasko en Göppingen hafði bet-
ur í kapphlaupi um markvörðinn
vaska sem reyndist íslensku lands-
liðsmönnum óþægur ljár í þúfu þeg-
ar Íslendingar og Tékkar mættust á
EM í Slóveníu í janúar. Hjá Göpp-
ingen hittir Galia m.a. fyrir Jaliesky
Garcia.

ALEX Nørlund, danski miðvallar-
leikmaðurinn sem var til reynslu hjá
FH-ingum á dögunum og fékk tilboð
frá Hafnarfjarðarliðinu, æfir þessa
dagana með danska úrvalsdeildar-
liðinu Viborg. Líklegt er að hann
gangi í raðir síns gamla félags en
hann gaf FH-ingum afsvar á dög-
unum.

BRASILÍUMAÐURINN Ronaldo
verður hugsanlega með Real Madrid
í leiknum gegn Mónakó í Meistara-
deildinni annað kvöld en framherj-
inn skæði hefur verið frá vegna
meiðsla síðan í byrjun mars. Madr-
ídarliðið hefur saknað Ronaldos sárt
í síðustu leikjum en það hefur tapað
síðustu tveimur leikjum. Landi Ron-
aldos, Roberto Carlos, verður hins
vegar fjarri góðu gamni en hann
tekur út síðari leik sinn í banni.

TVEIR knattspyrnumenn á Spáni
fögnuðu afmælum með því að skora
mark um helgina. Ronaldinho hélt
upp á 24 ára afmæli sitt með því að
skora sigurmark Barcelona á 89.
mín. gegn Real Sociedad á sunnu-
daginn, 1:0. Hinn leikmaðurinn var
hinn geysiefnilegi Fernando Torres,
fyrirliði Atletico Madrid, sem skor-
aði seinna mark liðsins í sigurleik
gegn Betis, 2:1. Hann hélt upp á 20
ára afmælisdag sinn.

FJÖLMIÐLAR á Spáni hafa gert
mikið úr því að þegar David Beck-
ham, leikmaður Real Madrid, var
tekinn af velli í leik gegn Bilbao – lét
hann í ljós óánægu sína. Blöð sögðu
að þjálfarinn, Quieroz, hafi gefist of
fljótt upp í leiknum með því að taka
leikmenn eins og Beckham, Zidane
og Raúl útaf. Leikmenn Bilbao fögn-
uðu sigri, 4:2. Real Madrid er efst á
Spáni – með eins stigs forskot á Val-
encia, sex á Barcelona, sem er í
þriðja sæti.

NICOLAS Anelka, miðherji Man-
chester City, er nýjasti leikmaður-
inn sem hefur verið orðaður við
Barcelona. Þessi 25 ára Frakki, sem
hefur leikið með Arsenal, Real Mad-
rid og Liverpool, hefur skorað 20
mörk fyrir City í vetur. Kevin Keeg-
an, knattspyrnustjóri City, vill halda
í Anelka, sem er metinn á 12 millj-
ónir punda. Anelka, sem vonast eftir
að verða valinn á ný í franska lands-
liðið, segist vera ánægður hjá Man-
chester City og hann vilji ekki fara.
KATRÍN Jónsdóttir, ein reynd-
asta knattspyrnukona landsins,
gæti leikið á Íslandi í sumar. Hún
er að ljúka námi í læknisfræði í
Noregi en þar hefur hún dvalið
og leikið með Kolbotn í úrvals-
deildinni frá árinu 1997. Katrín
sagði við Morgunblaðið í gær að
hún kæmi til Íslands eftir tíu
daga og myndi þá mæta á æfing-
ar hjá bæði Breiðabliki og Val.
„Það er rétt, bæði félögin
koma til greina hjá mér en þetta
er allt mjög óformlegt enn sem
komið er. Ég hef að undanförnu
verið að jafna mig eftir meiðsli í
hné og ekkert spilað fótbolta
undanfarnar vikur, aðeins æft
sjálf og einbeitt mér að náminu.
Þetta er allt í lausu lofti ennþá og
ræðst endanlega af því hvernig
mér gengur í lokaprófunum í
vor. Ef þau fara ekki samkvæmt
áætlun verð ég áfram í Noregi í
sumar til að ljúka þeim, en ann-
ars kem ég heim og fer síðan aft-
ur út í haust til að hefja kandí-
datsárið mitt,“ sagði Katrín.
Hún er 26 ára gömul og er
þriðja leikjahæsta landsliðskona
Íslands með 48 A-landsleiki og á
auk þess 27 leiki að baki með 21
árs landsliðinu. Katrín lék lengst
af með Breiðabliki áður en hún
fór til Noregs, lék þar fyrst í
efstu deild 14 ára gömul, en hún
spilaði einnig eitt ár með Stjörn-
unni. Katrín varð norskur meist-
ari með Kolbotn 2002 og hefur
samtals spilað 97 leiki með Kol-
botn í norsku úrvalsdeildinni og
skorað í þeim 43 mörk.
Katrín með Breiða-
bliki eða Val í sumar?
FRAMKVÆMDUM við Ólympíu-
leikvanginn í Aþenu í Grikklandi
verður ekki lokið fyrir 20. júlí,
þremur vikum fyrir opnunarhátíð
Ólympíuleikanna sem fram fara í
borginni í sumar. „Við nálgumst
þann tíma þegar ógerlegt verður
að klára verkið fyrir 20. júlí, hver
einasti dagur er gríðarlega mik-
ilvægur,“ segir Fani Palli-Petralia
sem nýverið tók við sem yfirmaður
framkvæmdanefndar leikanna.
Dimitris Kallitsantsis fram-
kvæmdastjóri gríska verktakafyr-
irtækisins Aktor segir við fjölmiðla
að í maí verði hægt að nota aðal-
leikvanginn á prufumótum sem
fram fara um borgina á þeim tíma.
Gríðarstórt glerþak sem á eftir að
reisa fyrir ofan áhorfendsvæði að-
alleikvangsins eru stærsta vanda-
málið þessa stundina og eru marg-
ir á þeirri skoðun að gera
bráðabirgðalausnir nú þegar í stað
þess að reyna að setja upp hið
flókna glerþak.
Spænski arkitektinn Santiago
Calatrava hannaði glerþakið og
segir hann að stolt grísku þjóð-
arinnar sé í húfi – verði glerþakið
ekki á sínum stað þann 13. ágúst er
Ólympíuleikarnir verða settir. Að
auki hafa framkvæmdaraðilar
leikanna ákveðið að setja plastþak
yfir keppnissundlaugina en til stóð
að keppnin færi fram úti undir
beru lofti. Hinsvegar hafa sjón-
varpsstöðvar óskað eftir því að fá
þak yfir sundlaugina, þar sem
myndir frá keppninni sjálfri verði
betri fyrir vikið og dragi að sér
fleiri kostunaraðila.
Ólympíuleikvangurinn
langt á eftir áætlun
Leikurinn í Saarbrücken verðurágóðaleikur fyrir Joachim
Deckarm, fyrrverandi leikmann
Gummersbach og Þýskalands, sem
slasaðist illa í Evrópuleik 1979.
Daniel Costantini, fyrrverandi
landsliðsþjálfari Frakklands og
Peter Kovacks, fyrrverandi lands-
liðsmaður Ungverjalands, stjórna
heimsliðinu, eins og þeir gerðu 28.
desember sl. í Moskvu er liðið
gerði jafntefli við Rússa í 75 ára
afmælisleik rússneska handknatt-
leikssambandsins, 30:30. Þá léku
leikmenn, sem léku með liðum í
Þýskalandi, Spáni og Frakklandi
ekki með heimsliðinu.
Búið er að velja 21 leikmann til
að leika með heimsliðinu og í
hópnum eru nokkrir Þjóðverjar,
sem leika einnig með þýska lands-
liðinu í leiknum – eins og mark-
vörðurinn Henning Fritz hjá Kiel,
Markus Baur, Lemgo, Volker
Zerbe, Lemgo, Stefan Kretzschm-
ar, Magdeburg, Christian
Schwarzer, Lemgo og Florian
Kehrmann, Lemgo.
Aðrir kunnir kappar sem leika
með heimsliðinu, sem er nær ein-
göngu skipað leikmönnum sem
leika með liðum í Þýskalandi, eru
t.d. markvörðurinn Andrei Lavrov,
Rússlandi, Stefan Lövgren, Sví-
þjóð, Kyung-Shin Yoon, Suður-
Kóreu, Lars Christiansen, Dan-
mörku og Magnús Wislander, Sví-
þjóð.
Þess má til gamans geta að
Valdimar Grímsson lék fimm leiki
með heimsliðinu á árum áður, en
aðrir Íslendingar sem hafa leikið
með liðinu eru Þorgils Óttar Mat-
hiesen og Alfreð Gíslason.
Enginn frá Spáni og
Frakklandi í heimsliðinu
ÓLAFUR Stefánsson og aðrir handknattleiksmenn sem leika með
liðum á Spáni komu ekki til greina þegar heimsliðið í handknattleik
var valið á dögunum – til að mæta Evrópumeisturum Þýskalands í
Saarbrücken í Þýskalandi 30. mars. Ástæðan fyrir því er að á sama
tíma verður leikið í bikarkeppninni á Spáni. Franskir landsliðsmenn
eru heldur ekki í liðinu, þar sem Frakkar og Íslendingar leika tvo
landsleiki 29. og 31. mars í Frakklandi.
TEITUR Þórðarson hefur verið
valinn í hóp tíu knattspyrnuþjálf-
ara í Noregi sem fá tækifæri til
þess að fara á
námskeið á veg-
um norska
knattspyrnu-
sambandsins,
NFF, en að því
loknu verða
þjálfararnir með
réttindi til þess
að taka að sér
þjálfun hjá liðum
hvar sem er í
Evrópu.
Aðeins fáir þjálfarar í Noregi
uppfylla þær kröfur sem NFF set-
ur upp enda er um að ræða æðsta
stig í þjálfaramenntun í landinu,
svokallað UEFA-PRO námskeið.
Teitur hefur þjálfað víða í Nor-
egi á undanförnum árum en hann
þjálfar nú Ull/Kisa sem er í 2.
deild.
Námskeiðið er haldið í samvinnu
við UEFA og hafa 16 þjálfarar lok-
ið slíku námskeiði í Noregi og má
þar nefna landsliðsþjálfarann Åge
Hareide og forvera hans, þá Nils
Johan Semb og Egil „Drillo“ Olsen.
Teitur mun fara á úrslitakeppni
EM í knattspyrnu í sumar, sem
fram fer í Portúgal, ásamt þeim
sem verða á þessu námskeiði en sú
ferð er hluti af námsefninu.
Síðast var slíkt námskeið haldið
árið 2000 og segir Andreas Moris-
bak, talsmaður norska knatt-
spyrnusambandsins, að stefnt sé að
slíkum námskeiðum á 3. til 4. hvert
ár.
Teitur
Þórðarson
Teitur
á skóla-
bekk á ný
Reuters