Morgunblaðið - 31.03.2004, Blaðsíða 7

MORGUNBLAÐIÐ MIÐVIKUDAGUR 31. MARS 2004 B 7
mótorhjól
leyfi á 5 ventla vél sinni en ólíkt öðr-
um hjólum er olíuforðinn fyrir hana
geymdur í grind hjólsins. Miðað við
önnur hjól skilar Yamaha-vélin
mestu og bestu togi á miðju og hæsta
vinnslusviði. Á lágsnúning er Jamm-
inn þokkalegur, maður þarf dálítið að
gæta að því í hvaða gír maður er og
e.t.v. að hjálpa til og snuða á kúpling-
unni á köflum til að ná inn aflinu. En
þegar komið er hærra í vinnslusviðið
fara hlutirnir að gerast fyrir alvöru
og þegar hraðinn er orðinn mikill er
hjólið konungur í ríki sínu. YZF kem-
ur með 48mm Kayaba-fjöðrun sem
virkar mjög svo vel og gersamlega ét-
ur upp allar þær hindranir sem verða
á vegi hjólsins. Hjólið er afar stöðugt
á ferð og beinlínis kallar á að því sé
ekið hratt. Stjórntæki hjólsins eru
þokkaleg, þó ekki eins góð og á hinum
hjólunum sem hafa töluvert betri
bremsur og léttari kúplingu. Þar sem
þetta er í fyrsta skipti sem Yamaha
fær samkeppni í þessum stærðar-
flokki fjórgengishjóla er líklegt (og
vonandi) að þeir í Japan bretti upp
ermarnar og geri kúplinguna léttari
og bremsurnar betri fyrir næsta ár.
Það er dálítið gamaldags tilfinning
að sitja á hjólinu, það er langt og
sumum þykir það of breitt um miðj-
una. Þrátt fyrir nokkra galla og harða
samkeppni frá öðrum er YZF enn í
dag mikil keppnisgræja og mjög
áreiðanlegt hjól. Hjólið kostar
825.000 staðgreitt og fæst hjá Arctic
Trucks/Yamaha.
KTM 125SX
Fyrir um 10 árum tóku fáir KTM
alvarlega, en í dag er öldin önnur.
KTM hefur stimplað sig rækilega inn
sem framleiðandi og vitna sölutölur
og meistaratitlar um það. Fyrir þá
sem ekki vita keppa 125cc tvígeng-
ishjól í sama flokki og 250cc fjórgeng-
ishjól og má sjálfsagt deila um sann-
girni þess. Þó má benda á að besti
ökumaðurinn í ameríska supercross-
inu í þessum flokki (sem sýnt er á
sjónvarpsstöðinni Sýn) heitir James
Stewart og tekur 125cc tvígengishjól
fram yfir öflugri fjórgengishjól. Tví-
gengishjólin hafa ýmsa kosti sem
fjórgengishjólin hafa ekki. Þau skila
snarpara afli og eru léttari og með-
færilegri í akstri en fjórgengishjólin.
Hönnun KTM er engu lík, maður
bara finnur það um leið og maður sest
á hjólið. Mótorinn er afar öflugur og
þótt munurinn á KTM 125 og stærri
hjólunum sé nokkur er í raun ótrú-
legt hversu lítið hann gaf stærri hjól-
unum eftir í sandinum. Bremsur, gír-
kassi og fjöðrun virkuðu alveg eins og
vera skyldi en það var helst á þeim
köflum þar sem maður kom hjólinu á
sæmilega ferð að það fannst fyrir
óstöðugleika. Það er svo sem ekkert
nýtt af nálinni en KTM-eigendur hafa
komist fyrir það með því að setja
stýrisdempara á hjólin. Stjórntæki
hjólsins eru til fyrirmyndar og fram-
bremsa þess er með eindæmum góð.
Í beinum samanburði vantar KTM
125SX auðvitað nokkurt afl til að
standa jafnfætis 250cc hjólunum, sér-
staklega upp brekkur og í djúpum
sandi. En fyrir unglinga er erfitt að
ímynda sér skemmtilegra og betra
hjól. Það 125cc hjól sem slær KTM
125SX við má vera fjári gott. Hjólið
kostar 698.900 stgr og fæst hjá versl-
uninni Moto/KTM.
TM 125
Ítalir hafa verið þekktir fyrir að
smíða hasta og hraðskreiða bíla og
þetta hjól ber nokkurn keim af því.
Hjólið er létt og fremur meðfærilegt
og má e.t.v. segja að þetta hjól komi
eins og harðkjarnakeppnisgræja
beint út úr umboðinu. En þarf það að
vera gott? Svarið er já og nei. Þegar
maður kaupir TM er maður fyrst og
fremst að fá keppnishjól hlaðið dýr-
um búnaði, s.s. vökvakúplingu, álstýri
og Öhlins-fjöðrun svo lítið eitt sé
nefnt. Fyrir marga er þetta hjól hins
vegar ansi hast og fjöðrunin nokkuð
stíf. Við stilltum fjöðrunina reyndar
upp á nýtt og við það lagaðist hjólið
töluvert en var samt í stífari kant-
inum fyrir okkar smekk. Vinnslusvið
þessa hjóls er ágætt, aflið kemur ansi
snöggt inn og krefst TM því meiri ná-
kvæmni og athygli ökumanns og fyr-
irgefur minna en hin hjólin í reynslu-
akstrinum. Stjórntæki hjólsins virka
vel og glussakúplingin er ljómandi
góð og hjólið er fallegt á að horfa.
E.t.v. er stærsta takmörkun þessa
hjóls að það er ekki fyrir hvern sem
er. Það hefur góða aksturseiginleika
en þú þarft að vera afar góður öku-
maður til að skilja þá og geta nýtt þá
til fulls. Það geta bæði Viggó Viggós-
son og Kári Jónsson vitnað um en
þeir eru í hópi okkar bestu ökumanna
og keyra báðir á TM með góðum ár-
angri. TM 125 fæst hjá JHM sport og
kostar 723.900 staðgreitt.
Að lokum
Þegar upp er staðið er ekkert eitt
hjól sem skarar fram úr öðrum en ef
það er eitthvert hjól sem stendur fet-
inu framar en önnur verður Hondan
fyrir valinu enda gerir hún flest vel
og mun falla stórum hópi ökumanna í
geð. Það sem kemur þó til með að
vega þungt þegar menn velja sér hjól
er verð, varahlutaþjónusta og per-
sónulegt álit hvers og eins því öll
þessi hjól bera það með sér að geta
lent á verðlaunapalli í motocrossi í
sumar.
Snúið upp á rörin í hlíðum Eldfjalls.
Heimir Barðason
RMZ/KXF er hjólið til að kaupa ef
þú vilt eitthvað verulega spennandi,
því hjólið er eins
og pardusdýr,
kvikt og líflegt.
Skemmtilegast af
þeim öllum að
keyra en of óstöð-
ugt (stressað) í
cross fyrir minn
smekk. TM 125
hafði mikinn kar-
akter en hentar
helst vönum (góð-
um) ökumönnum. Auk þess er fjöðr-
unin of stíf og kraftur, (þó mikill sé),
kemur inn of snöggt. Hondan er
næstum fullkomin, gerir allt ótrúlega
vel og virkaði léttust af fjórgengishjól-
unum. En YZF 250 með sitt 3 ára
óspennandi útlit var á heildina best
fyrir mig því það var eins og hugur
manns við allar aðstæður. Það virkaði
á mig sem mest „þroskað“ af hjól-
unum.
Reynir Jónsson
Ég gæti gert
góða hluti í keppni
á öllum þessum
hjólum. Þau eru öll
frábær hvert á
sinn hátt. Spurn-
ingin er bara að
hvaða karakter þú
leitar í hjóli.
Næsta sumar
keppi ég á CRF
250 og held ég hafi veðjað á réttan
hest. Hjólið gerir allt rétt hvar sem
borið er niður. Hjólin eru öll álíka
kraftmikil en Hondan skilaði aflinu
einhvern veginn best frá sér eins og
kom vel í ljós upp langa sandbrekku
þar sem ég náði góðu stökki á toppn-
um á Hondunni en ekki hinum hjól-
unum þrátt fyrir að reyna mikið og
oft. Það hjól sem kom mér hins vegar
mest á óvart og var e.t.v. mest fjör að
keyra var RMZ/KXF sem er liðugt og
hefur afar mikla snerpu.
Þórir Kristinsson
Það hjól sem kom mér hvað mest á
óvart var KTM
125. Þótt ég sé
alltof stór og feit-
ur fyrir svona kríli
skemmti ég mér
konunglega og get
rétt ímyndað mér
hversu gaman er
fyrir unglinga að
keyra svona villi-
kött. Hondan gerði
allt rétt og ef leit-
að er að hinu fullkomna hjóli kemst
CRF 250 næst því. Hinsvegar var það
YZF sem mér fannst skemmtilegasta
hjólið. Eins feitt og það er um miðjuna
og eins stíf og kúplingin er, leið mér
hvað best á þessu hjóli. Það hefur
geysilega yfirferð og náði ég bestum
tímum í brautinni á því. YZF er dálítið
gamaldags en það þrælvirkar og biður
um að því sé ekið hratt. Ég er líka al-
veg til í að láta það eftir því.
Hvað fannst þeim?
Heimir
Barðason
Reynir Jónsson
Þórir
Kristinsson
KXF er eineggja tvíburi RMZ og hefur sömu góðu flugeiginleikana.
Kári Jónsson á TM 125 á fleygiferð í brautinni.