Morgunblaðið - 28.02.2004, Blaðsíða 26
AKUREYRI
26 LAUGARDAGUR 28. FEBRÚAR 2004 MORGUNBLAÐIÐ
Parket
Flísar
Furugólfborð
Kamínur
Njarðarnesi 1, Akureyri,
sími 462 2244.
Skoðaðu ferðatilboðin!
nordur.is Útivist! Skíðaparadís! Sundlaugarfjör! Huggulegheit! Rómantík!Vélsleðaferðir!
PÁSKAR FYRIR NORÐAN!
jarðböðin
við mývatn
UMHVERFISRÁÐ hefur samþykkt breytingar á
fyrri tillögu sinni varðandi akstursleið og bílastæði
fyrir dvalarheimilið Hlíð. Bæjarstjórn vísaði af-
greiðslu ráðsins til baka með tilmælum um endur-
skoðun, en ráðið hafði samþykkt að gera breytingar
á skipulagstillögunni vegna athugasemda íbúa í
grenndinni þannig að möguleiki á akstri og bíla-
stæðum ofanjarðar, vestan væntanlegrar nýbygg-
ingar við Hlíð, yrði tekinn út og að eingöngu yrði
leyft að koma bílastæðum fyrir neðanjarðar eða á
jarðhæð hússins.
Eins og fram kom hjá Jakobi Björnssyni, for-
manni bæjarráðs, í Morgunblaðinu nýlega, fylgdi
því mikill aukakostnaður að koma bílastæðum fyrir
í nýbyggingunni, eða sem næmi allt að 70 millj-
ónum. Hann sagði að bæjarstjórn hefði ekki talið
fullreynt að leysa þetta mál á annan og ódýrari hátt
og vísaði því aftur til umhverfisráðs. Árni Ólafsson
arkitekt kom á fund umhverfisráðs í vikunni og
gerði grein fyrir endurskoðaðri deiliskipulagstil-
lögu. Breytingar frá fyrri tillögu felast í því að bíla-
stæði fyrir Hlíð verða aðallega á suðurhluta lóð-
arinnar og austast á núverandi lóð Norðurorku,
með aðkomu um nýja tengingu við Þórunnarstræti.
Fallið er frá hugmyndum um raðhús austast á lóð
Norðurorku og aðkomu frá Mímisbraut. Vestast á
lóð Hlíðar verða hvorki bílastæði né akstursleið.
Umhverfisráð samþykkti hina endurskoðuðu til-
lögu, sem kemur enn frekar til móts við athuga-
semdir íbúa og VMA en sú tilhögun sem fólst í fyrri
afgreiðslu ráðsins.
Jón Ingi Cesarsson lét bóka á fundinum að hann
vildi standa við bókun frá síðasta fundi umhverf-
isráðs þar sem gert var ráð fyrir bílastæðum í bíla-
kjallara. „Þrátt fyrir meiri stofnkostnað tel ég að
bílakjallari sé betri lausn fyrir Dvalarheimilið Hlíð,
starfsmenn, vistmenn og gesti. Einnig tel ég að
stofn- og rekstrarkostnaður bílastæða úti verði til
lengri tíma mjög dýr er varðar framkvæmdir, snjó-
mokstur og viðhald og beri að horfa til þess þáttar
en líta ekki aðeins á stofnkostnað bílakjallarans ein-
an og sér og gera á engan hátt grein fyrir þeim
þætti málsins er snýr að gerð útibílastæða.
Það að fella niður raðhús sem í yrðu þjónustu-
íbúðir, fyrir þá sem á þjónustunni þurfa að halda,
rýri gæði þessarar tillögu mjög mikið.
Að lokum harma ég hringlandahátt meirihlutans
í þessu máli og tel að ráðinu sé sýnd lítilsvirðing
með því að vísa til baka ígrunduðum og rökstuddum
tillögum ráðsins sem samstaða var um þar á síðasta
fundi,“ segir ennfremur í bókun Jóns Inga.
Bílastæði verða ekki neðan-
jarðar við dvalarheimilið Hlíð
IMPRA nýsköpunarmiðstöð á Ak-
ureyri fagnar eins árs afmæli um
þessar mundir og af því tilefni var
efnt til kynningarfundar í húsnæði
miðstöðvarinnar. Meðal gesta var
Valgerður Sverrisdóttir, iðnaðar- og
viðskiptaráðherra. Í máli hennar
kom m.a. fram að nýsköpunarmið-
stöðin hefði rækt sitt hlutverk með
sóma en veigamesti þáttur í starf-
seminni er rekstur sérstakra stuðn-
ingsverkefna, sem eru bæði marg-
vísleg og misjöfn að umfangi.
Valgerður sagði að þar sem starf-
semi nýsköpunarmiðstöðvarinnar
væri hluti af framkvæmd byggða-
stefnunnar 2002–2005, hefði starf-
semin aðeins verið tryggð til ársloka
2005 og óvíst hvað þá tæki við. „Ef
fram heldur sem horfir eftir eins árs
rekstur, ætti að vera unnt að skapa
samstöðu um áframhaldandi rekstur.
Nú er unnið að byggingu nýsköp-
unar- og rannsóknarhúss við Háskól-
ann á Akureyri og í mínum huga er
alveg ljóst að þau markmið sem þar
eru lögð til grundvallar um samstæða
heild háskólarannsókna, opinberra
rannsóknarstofnana, sprotafyr-
irtækja og stuðningsþjónustu við
frumkvöðla og fyrirtæki, mun ekki
verða svipur hjá sjón án nýsköp-
unarmiðstöðvarinnar,“ sagði ráð-
herra.
Vaka Njálsdóttir, hjá fyrirtækinu
Djúpraf í Ólafsfirði, afhenti iðnaðar-
og viðskiptaráðherra djúprafal, sem
ráðherra afhenti svo áfram til Sæ-
mundar Friðrikssonar, útgerð-
arstjóra Útgerðarfélags Akureyr-
inga, sem fest hefur kaup á tækinu.
Djúprafall er eitt fyrsta vöruþróun-
arverkefnið sem lokið var við með að-
komu Impru á Akureyri. Djúpraf í
Ólafsfirði framleiðir rafalinn en hann
er festur við troll og er ætlað að
framleiða það rafmagn sem þarf fyrir
þann rafeindabúnað sem festur er við
trollið. Björgvin Björnsson, eig-
inmaður Vöku, gat ekki verið á kynn-
ingarfundinum þar sem hann var við
prófanir á rafalnum á togara fyrir
vestan land.
Berglind Hallgrímsdóttir, fram-
kvæmdastjóri Impru, fór yfir þau
verkefni sem unnin hafa verið þetta
fyrsta ár og það sem framundan er.
Hún sagði að miklar væntingar hefðu
verið gerðar til starfseminnar strax í
upphafi og að mikil þörf hefði verið
fyrir þá þjónustu sem Impra veitir.
Þá var kynning á matvælum frá Veit-
ingastaðnum Friðriki V sem þróuð
hafa verið í samstarfi við Impru.
Valgerður Sverrisdóttir iðnaðar- og viðskiptaráðherra á afmæli IMPRU
Nýsköpunarmiðstöðin hefur
rækt hlutverk sitt með sóma
Morgunblaðið/Kristján
Sæmundur Friðriksson útgerðarstjóri með djúprafalinn, Valgerður Sverr-
isdóttir iðnðar- og viðskiptaráðherra og Vaka Njálsdóttir frá fyrirtækinu
Djúpraf í Ólafsfirði, sem framleiddi rafalinn.
FINNBOGI Marinósson, ljósmynd-
ari hjá Dagsljósi ehf. á Akureyri,
opnaði ljósmyndasýninguna Konur
eru … á Glerártorgi í gær. Finn-
bogi lærði ljósmyndun í Bandaríkj-
unum, útskrifaðist 1992 og starfaði
þar í landi til að byrja með en hefur
unnið við fagið á Íslandi frá 1995 og
undanfarin þrjú ár á Akureyri.
Finnbogi opnaði Dagsljós – ljós-
myndaþjónustu í mars 2003 í félagi
við Birki Baldvinsson.
„Myndirnar á sýningunni sýna
margbreytilegt birtingarform kon-
unnar. Verkefnið er unnið til að
takast á við getu myndsmiðsins til
að finna og sjá persónuleikann á
bak við fyrirsæturnar sem þekktust
boðið að taka þátt,“ segir í frétta-
tilkynningu.
Myndirnar eru allar teknar á
stafrænu formi og sáu Pedromynd-
ir um stafræna hágæðaprentun.
Sýningin er opin á sama tíma og
verslunarmiðstöðin Glerártorg.
Ein mynda Finnboga Marinóssonar
á sýningunni á Glerártorgi.
Konur eru …
á Glerártorgi
Skemmtikvöld | Karlakór Eyja-
fjarðar efnir til skemmtikvölds á
Vélsmiðjunni í kvöld, laugardags-
kvöldið 28. febrúar. Hagyrðingar
mæta og kveða hver annan í kútinn,
en þeir eru, Árni Jónsson frá
Fremstafelli, Björn Ingólfsson
skólastjóri, Einar Kolbeinsson Hún-
vetningur, og dr. Pétur Pétursson.
Stjórnandi er Birgir Sveinbjörns-
son. Karlakór Eyjafjarðar syngur
nokkur lög undir stjórn Petru Bjark-
ar Pálsdóttur. Hljómsveit kórsins
leikur með.
Einsöngur og tvísöngur, Jónas
Þór Jónasson og Stefán Birgisson.
Gítartríó sem ekki hefur komið
fram áður leikur. Þá koma fram hinir
víðfrægu Boris Harloff og Gunde
Gonzales.
HELDUR hefur lifnað yfir hlutunum
í Krossanesi en í gær landaði Skarfur
GK um 900 tonnum af loðnu þar.
Þetta er fyrsti loðnufarmurinn sem
berst á land í Krossanesi í um mán-
aðartíma en Baldvin Þorsteinsson EA
landaði tvívegis slöttum í síðasta mán-
uði, alls um 250 tonnum. Þá er Hoffell
væntanlegt í Krossanes í dag með um
1.100 tonn af loðnu. Hilmar Steinars-
son, verksmiðjustjóri í Krossanesi,
sagði að brosið á starfsmönnum þar
væri nú heldur breiðara en að und-
anförnu og hann gerir sér vonir um að
fá fleiri skip til löndunar á næstunni.
Hilmar sagði að loðnuveiðin hefði
gengið frekar treglega og ef ekki
kæmi önnur loðnuganga gæti farið að
styttast í vertíðarlok.
Ný löndunarbryggja
Einnig er unnið að hafnarfram-
kvæmdum í Krossanesi en þessa dag-
ana er dýpkunarprammi að fleyga
skurð í klöpp fyrir stálþil sem reka á
niður við nýja löndunarbryggju. Að
sögn Harðar Blöndals, hafnarstjóra
Hafnasamlags Norðurlands, á vinnu
við að reka niður stálþilið að vera lok-
ið fyrir sumarið. Nýja bryggjan, sem
verður framtíðar löndunarbryggja
fyrir uppsjávarfisk, verður með 80
metra viðlegukant og við hana verður
10 metra dýpi.
Loðnu landað úr
Skarfi í Krossanesi
Morgunblaðið/Kristján
Nóg að gera í Krossanesi: Skarfur GK landaði loðnu í gær og í Krossanesi
er nú jafnframt unnið við nýja löndunarbryggju.
♦♦♦