Morgunblaðið - 28.02.2004, Blaðsíða 29
Ljósmynd/Sigurður Jónsson
Frá stofnfundi Stróks: Tilgangur stofnunar styrktarfélagsins er að auka tengsl geðfatlaðra við samfélagið.
Selfoss | Styrktarfélag klúbbsins Stróks á
Suðurlandi var stofnað fimmtudaginn 19.
febrúar. Tilgangur stofnunar styrktarfélags-
ins er að auka tengsl geðfatlaðra við sam-
félagið með því að reka klúbbinn Strók þar
sem veitt er aðstoð við að útvega geðfötl-
uðum húsnæði og atvinnu og stuðla þannig
að því að þeir gerist virkir þátttakendur í
samfélaginu.
Formaður var kjörin Sigríður Jensdóttir,
aðrir í stjórn eru Björn Jónsson, Björn Sig-
urðsson, Sigurður Jónsson, Drífa Hjartar-
dóttir, Margrét Frímannsdóttir og Þórdís
Ingólfsdóttir. Klúbburinn Strókur er stofn-
aður að fyrirmynd klúbbsins Geysis í
Reykjavík sem er með virka starfsemi.
Klúbbar sem þessir starfa samkvæmt alþjóð-
legum viðmiðunarreglum klúbbhúsahreyf-
ingarinnar. Grundvallarmarkmið þeirra er
að vera miðpunktur að árangursríku starfi
hreyfingarinnar við að hjálpa fólki sem á við
geðræn veikindi að stríða til að þurfa ekki að
dvelja á stofnunum á meðan það er að ná
markmiðum sem varða félagslíf, fjárhag og
atvinnu. Viðmiðunarreglurnar þjóna einnig
hlutverki „stjórnarskrár“ félaga og sem siða-
reglur starfsfólks og stjórnarmanna.
Starfsemi klúbba sem þessara fer fram í
húsnæði sem ætlað er klúbbnum. Styrktar-
félagið ræður framkvæmdastjóra til að ann-
ast daglegan rekstur og útvegar húsnæði
fyrir klúbbinn. Fyrstu verkefni nýkjörinnar
stjórnar eru að skipuleggja og manna starf-
semi Stróks, huga að fjármögnun klúbbsins
og leita að húsnæði á Selfossi fyrir starfsem-
ina. Allar góðar ábendingar eru vel þegnar.
Styrktarfélag fyrir Strók
Hveragerði | Elstu nemendur grunnskól-
ans í Hveragerði héldu upp á sprengidag
með árlegri árshátíð sinni. Líkt og annars
staðar halda nemendur árshátíðir og er þá
vandað til allra hluta. Árshátíðin hófst
með borðhaldi, þar sem boðið var upp á
ýmislegt góðgæti m.a. kjúklingarétt,
skinku, svínahamborgarhrygg og svína-
hnakka. Með þessu var svo borið fram alls
kyns meðlæti. Í eftirrétt var borinn fram
ís.
Starfsfólk skólans, ásamt nemendum og
foreldrum í elsta árgangi skólans, sér um
eldamennsku og framreiðslu á hátíð-
arkvöldverðinum. Að loknu borðhaldi var
komið að skemmtiatriðum á sviðinu.
Hefð er fyrir því að nemendur í níunda
bekk sjái um kennaragrín og var greini-
legt að nemendur höfðu fylgst vel með
kennurum sínum síðustu vikurnar, því
sumir náðu að líkja frábærlega eftir sínum
fyrirmyndum. Kennaragrínið í ár var
sprenghlægilegt og vel heppnað. Næsta
atriði á sviði var söngur Guðrúnar Helgu
Sigurðardóttur og Helga Guðnasonar, sem
bæði eru nemendur í tíunda bekk. Söng-
urinn tókst með miklum ágætum, síðar
voru þau kosin herra og ungfrú gaggó, við
mikinn fögnuð.
Tvö síðustu atriðin voru í umsjón átt-
undu bekkinga. Það var annars vegar vel
heppnuð tískusýning og hins vegar mjög
flott dansatriði. Nemendur, starfsfólk og
foreldrar skemmtu sér konunglega saman
og einnig nemendur úr sjöunda bekk sem
eru sérstaklega boðnir á árshátíðina. Eftir
að skemmtiatriðum lauk var dansað fram
á nótt. Vel heppnað kvöld og krökkunum
til sóma.
Morgunblaðið/Margret Ísaksdóttir
Í gaggó: Guðrún og Helgi sungu saman fallegt Bonny Tyler-lag.
Morgunblaðið/Margret Ísaksdóttir
Blómarósir: Stelpurnar úr 7. bekk skemmtu sér vel á árshátíðinni.
Árshátíð á sprengidag
477 þráðlausir | Á fundi starfshóps um upplýs-
ingatækni í Fjölbrautaskóla Suðurlands kom ný-
lega fram að nú eru 333 nemendakort á neti skól-
ans. Starfsmannaskráningar eru 134. Samtals eru
því á skrá í skólanum 477 þráðlaus tæki.
Kátir dagar | Nýlega fóru fram Kátir dagar í Fjöl-
brautaskóla Suðurlands en þá er brugðið út af hefð-
bundnu skólastarfi. Dagskrá Kátra daga þótti tak-
ast vel en hún hófst með því að formaður Kátu
daga-nefndar, Vignir Egill Vigfússon, ávarpaði
nemendur og Bjarni Harðarson, ritstjóri Sunn-
lenska fréttablaðsins, setti síðan dagana. Bjarni
fjallaði um þema Kátra daga sem voru draugar af
ýmsum gerðum. Dagskráin var hin fjölbreytileg-
asta m.a. má nefna ýmis námskeið og íþróttamót og
fyrirlestra af ýmsu tagi, franskt kaffihús, flóamark-
að og útvarpið Þrymi. Þeir Magnús Skarphéðinsson
og Gunnar í Krossinum mættu eins og þeir hafa
gert eins lengi og elstu menn muna. Spákona hafði
nóg að gera og varð hún að láta færa sér kaffi því
ekki komst hún frá eitt andartak. Forvarnarteymi
skólans stóð fyrir því að Egó-hópurinn flutti fyr-
irlestur um sjálfsstyrkingu og sjálfsstýringu, Regn-
bogabörn um einelti, fulltrúar frá Kvennaathvarfi
um ofbeldi í samböndum og Spegillinn fyrirlestur
um átröskun. Á miðvikudagskvöldið var þorrablót í
skólanum og kvöldið endaði á því að Valgeir Guð-
jónsson söng eigin lög við góðar undirtektir yngri
sem eldri.
Framkvæmdir við Sniðræsi | Framkvæmdir við
sniðræsi með bökkum Ölfusár neðan byggðarinnar
á Selfossi hafa legið niðri vegna hárrar vatnsstöðu
Ölfusár sem skilar vatni í skurðinn. Framkvæmdir
ganga skv. áætlun og er gert ráð fyrir að hægt verði
að taka ræsið í notkun í byrjun maí. Ræsið liggur
með bakka árinnar framhjá norður-suður flug-
brautinni í átt að svonefndu Geitanesi. Hið nýja
ræsi safnar öllu frárennsli sem fór í Ölfusá á Sel-
fossi og eru bakkar árinnar nú orðnir hreinir. Ræsið
mun flytja allt skolp frá byggðinni og getur í fram-
tíðinni tekið við frárennsli frá stóru svæði suður af
ræsinu og öðru stóru ræsi sem liggja á sunnar nú-
verandi byggðar. Skolpinu verður veitt út í sterkan
straum Ölfusár á móts við Geitanes. Gera má ráð
fyrir að fjárfesting sveitarfélagsins í þessum miklu
holræsaframkvæmdum muni ráða þróun byggðar á
Selfossi og næstu nýju íbúðarsvæði verði sunnan
þessa mikla ræsis og þar með á flugvallarlandinu.
Framkvæmdir í Suðurbyggð | Gert er ráð fyrir
því að hluti hverfisins austan Erlurima og Lækj-
armótavegar á Selfossi komi til úthlutunar á næst-
unni með um 60 íbúðalóðum. Hluti þessara lóða
verða tilbúnar til byggingaframkvæmda í vor og
annar hluti að hausti.
Bæjarmál í Árborg
Morgunblaðið/Sigurður Jónsson
Þessir krakkar sátu á gangstéttinni vð Eyraveg-
inn og könnuðu afrakstur dagsins.
Skrautlegir hópar
sungu í hverju húsi
Selfoss | Krakkarnir á Selfossi tóku vel á móti
öskudeginum og fóru um bæinn í mörgum litlum,
skrautlegum hópum. Þau sungu fyrir starfsfólk í
verslunum og stofnunum í von um góðgæti að
launum. Það gekk eftir og fram yfir hádegi var
stöðugur straumur eftir aðalgötu bæjarins og
sungið var í nánast hverju húsi við Austurveginn.
Það mátti vel heyra að í mörgum hópum var
vant söngfólk því margraddað var í sumum lög-
unum. Þegar líða tók á daginn settust margir nið-
ur til að kanna hver afraksturinn væri eftir söng-
ferðir dagsins. Það mátti sjá marga poka með
góðum slatta af góðgæti og gleðin skein úr hverju
andliti.
Selfoss | Setustofa hjúkrunar-
deildarinnar Ljósheima á Sel-
fossi var þéttsetin á stofnfundi
Vinafélags heimilisfólks Ljós-
heima. Á fundinum var sam-
þykkt og undirrituð stofnskrá fé-
lagsins og kosið í stjórn. Í
stofnskrá kemur fram að meg-
intilgangur félagsins er að efla
tómstunda- og afþreyingarstarf
fyrir heimilisfólk hjúkrunar-
deildarinnar á Ljósheimum og
auka möguleika þeirra á til-
breytingu.
Einnig að standa fyrir fræðslu
um sjúkdóma og áhersluþætti
sem snúa að eldra fólki. Auk
þessa mun félagið leggja áherslu
á bættar aðstæður, aðbúnað og
hagsmuni eldra fólks á Suður-
landi sem þarf á hjúkrunarþjón-
ustu að halda.
Í upphafi fundarins bauð Est-
her Óskarsdóttir, framkvæmda-
stjóri Heilbrigðisstofnunarinnar
á Selfossi, fundarmenn vel-
komna til stofnfundarins og
sagði frá nýlegri ákvörðun yfir-
valda um að heimila útboð 800
milljóna króna framkvæmda
vegna viðbyggingar við Sjúkra-
hús Suðurlands með áherslu á að
ljúka við hjúkrunardeild árið
2006. Einnig sagði hún frá að-
stæðum í rekstri stofnunarinnar
sem meðal annars hefðu orðið til
þess að hafinn var undirbúning-
ur að stofnun félagsins.
Á fundinum flutti erindi María
Th. Jónsdóttir formaður Félags
aðstandenda alzheimarsjúk-
linga. Hún sagði frá sögu og
starfsemi félagsins og fagnaði
stofnun Vinafélagsins. Guðni
Ágústsson landbúnaðarráðherra
ávarpaði fundinn, einnig Aðal-
heiður Guðmundsdóttir
hjúkrunarforstjóri, Hafsteinn
Þorvaldsson, fyrrverandi fram-
kvæmdastjóri Sjúkrahúss Suð-
urlands, og Unnur Benedikts-
dóttir. Kjartan Ólafsson
alþingismaður stýrði fundinum
og flutti kveðju frá Margréti Frí-
mannsdóttur, 1. þingmanni Suð-
urkjördæmis. Á fundinum gerð-
ust 40 fundarmenn stofnfélagar í
Vinafélaginu en undirskriftar-
listar liggja frammi á Ljósheim-
um fyrir nýja félagsmenn. Einn-
ig er hægt að gerast félagi með
því að senda netpóst á netfangið
sigjons@internet.is. Í stjórn
voru kosin Sigurður Jónsson for-
maður, Guðbjörg Gestsdóttir,
Þórey Axelsdóttir, Hjördís
Gunnlaugsdóttir og Elín Sigurð-
ardóttir. Kjartan Ólafsson og
Þorvarður Hjaltason voru kjörn-
ir skoðunarmenn.
Áhersla á hags-
muni eldra fólks
Stjórn Vinafélags heimilisfólks Ljósheima, Frá vinstri. Þórey Ax-
elsdóttir, Guðbjörg Gestsdóttir, Elin Sigurðardóttir, Hjördís Gunn-
laugsdóttir og Sigurður Jónsson formaður félagsins.
Ljósmynd/Sigurður Jónsson
MORGUNBLAÐIÐ LAUGARDAGUR 28. FEBRÚAR 2004 29
ÁRBORGARSVÆÐIÐ