Lesbók Morgunblaðsins - 30.06.2001, Blaðsíða 14

14 LESBÓK MORGUNBLAÐSINS ˜ MENNING/LISTIR 30. JÚNÍ 2001
E
NNÞÁ gerast ævintýrin; það
fengu þau að reyna listamenn-
irnir tíu sem reka saman gall-
eríið Meistara Jakob á Skóla-
vörðustíg. Þeim var boðið til
Ítalíu til að sýna verk sín á sér-
stakri opnunarsýningu við
vígslu menningar- og fræðslu-
seturs, Villa Badoglio, í bænum Asti í einu
mesta vínræktarhéraði á norðvestur-Ítalíu,
Piemonte. Listamennirnir tíu eru Aðalheiður
Skarphéðinsdóttir grafíker og málari, Auður
Vésteinsdóttir listvefari, Elísabet Haralds-
dóttir, Guðný Hafsteinsdóttir og Kristín Sig-
fríður Garðarsdóttir leirlistarkonur, Kristín
Geirsdóttir málari, Margrét Guðmundsdóttir
grafíker og málari, Sigríður Ágústsdóttir
leirlistarkona, Þórður Hall grafíker og málari
og Þorbjörg Þórðardóttir listvefari.
Herragarðssetur helgað listum
Menningarsetrið Villa Badoglio var vígt 10.
júní sl., en húsið er gamalt herragarðssetur
frá 18. öld umvafið stórum garði sem er
prýddur stórkostlegum trjágróðri og mörg-
um mjög óvenjulegum trjám. Eigandi seturs-
ins, Pietro Badoglio, gaf það héraðinu Asti
eftir síðari heimsstyrjöldina. Nú er búið að
gera staðinn upp og við vígsluna var opnuð
fyrrnefnd sýning íslensku tímenninganna, en
sýningin hlaut nafnið Elementi d’Islanda. Ís-
lendingarnir eru fyrstu gestir hússins eftir að
viðgerð á því lauk, fyrstu næturgestirnir og
sýning þeirra sú fyrsta í húsinu. Þórður Hall
segir forsögu þess að hópnum var boðið út:
„Það kom hingað til okkar fyrir nokkrum ár-
um, Ítali, Giampiero Monaca, sem hreifst
mjög af galleríinu okkar, Meistara Jakob.
Hann hefur verið hér tíður gestur, og fannst
ástæða til að koma okkur á framfæri á Ítalíu,
og í heimaborg sinni Asti. Hann er búinn að
vera að vinna að því í ár að koma þessari sýn-
ingu á fót. Hann komst fljótt í samvinnu við
Asti turismo, sem er Ferðamálaráðið í Asti,
með þetta verkefni, og fékk síðar til liðs við
sig fleiri aðila, svo sem héraðssambandið í
Asti, listasamtök og fleiri.“ Fjórir tímenning-
anna sýndu keramik, ein sýndi málverk, tvö
grafík og tvær textíl.
Stúlknakór Reykjavíkur hreif Ítalina
Sex listamannanna fóru út og voru viðstödd
opnunina. Þorbjörg Þórðardóttir segir það
hafa verið sérstaklega ánægjulegt, að við
opnun sýningarinnar hafi Stúlknakór Reykja-
víkur sungið undir stjórn Margrétar Pálma-
dóttur. „Ítalirnir voru algjörlega heillaðir af
söng stúlknanna og hrópuðu óspart braviss-
imo.“ Aðalheiður Skarphéðinsdóttir tekur
undir þetta og segir stúlkurnar hafa lagt sig
allar fram um að gera þetta vel, þótt þær hafi
í raun verið dauðþreyttar eftir langt ferðalag.
„Við vorum svo stolt af þeim,“ „maður bara
klökknaði,“ sagði Guðný Hafsteinsdóttir.
Þeim Þórði, Guðnýju, Aðalheiði og Þor-
björgu ber saman um að móttökur Ítalanna
hafi verið stórfenglegar. Allt var gert til að
Íslendingunum liði sem best; þeim var kynnt
það besta sem héraðið hafði upp á að bjóða í
listum, mat og drykk, og var oft boðið í tíu
rétta máltíðir, jafnvel tvisvar á dag. En það
sem skipti mestu máli var hve frábærlega vel
var staðið að sýningu þeirra í Villa Badoglio.
Fyrir opnunina lék trumbusveit ungra pilta á
veröndinni fyrir utan setrið meðan gestir
gengu inn, svalir hússins voru lýstar upp, og
mikil hátíðarstemmning ríkti í salnum þegar
sýningin var formlega opnuð. Þar var allt
blómum prýtt og ræður voru fluttar Íslend-
ingunum til heiðurs. Þar var samankomið
fjölmenni; listamenn staðarins og forsvars-
menn af ýmsu tagi, auk íslenska ræðismanns-
ins á Ítalíu, Guðnýjar Margrétar Emilsdótt-
ur. Þau draga fram myndir þessu til
staðfestingar.
Buðu upp á Fagradalsbleikju
Fallegur bæklingur var gefinn út, með
ágripi af list hvers þeirra fyrir sig, en inngang
í pésann ritaði einn kunnasti listamaður hér-
aðsins, Eugenio Guglielminetti. Mikil umfjöll-
un var um sýninguna í fjölmiðlum og blöðum,
„VIÐ KYNNTUMST
ÞVÍ BESTA Í LISTUM,
MAT OG DRYKK“
Listamönnunum tíu sem reka gall-
eríið Meistara Jakob á Skólavörðu-
stíg var fyrr í mánuðinum boðið að
vígja nýtt menningarsetur í Asti á
Ítalíu með sýningu á verkum sínum.
BERGÞÓRA JÓNSDÓTTIR hitti þau
Þórð Hall, Guðnýju Hafsteinsdóttur,
Aðalheiði Skarphéðinsdóttur og
Þorbjörgu Þórðardóttur sem sögðu
henni frá höfðinglegum móttökum
á Ítalíu og mikilli velvild gestgjaf-
anna í garð íslenskrar listar.
Félagar Meistara Jakobs með Giampiero Monaca fremst í
miðjunni framan við Villa Badoglio.
Íslensku listamennirnir við opnun sýningarinnar í Asti. Gráhærði maðurinn fyrir miðri mynd er listamaðurinn Eugenio Guglielminetti.
Ítalskir trumbuslagarar bjóða gesti velkomna á Elementi d’Islanda. Stúlkur úr Stúlknakór Reykjavíkur hlýða á.
Villa Badoglio