Morgunblaðið - 21.04.2004, Qupperneq 15

ERLENT
MORGUNBLAÐIÐ MIÐVIKUDAGUR 21. APRÍL 2004 15
Fáðu meira!
Veglegir aukahlutapakkar með nýjum Toyota
ÞAÐ ER VOR Í LOFTI - Sumarið leggst vel í okkur og við viljum að þú njótir þess í nýjum, betur búnum
Toyota. Þess vegna bjóðum við glæsilega aukahlutapakka sem fylgja nýjum Toyotabílum á sérstökum tilboðsdögum í apríl
og maí, eða á meðan birgðir endast. Taktu sumarið snemma og fáðu meira með nýjum Toyota. Komdu strax í dag og aktu
á nýjum Toyota út í vorið. Frekari upplýsingar á www.toyota.is eða í síma 570 5070.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
T
O
Y
24
10
5
0
4/
20
04
Corolla fylgir sportlegur aukahlutapakki.
110.000 kr. aukabúnaður
Innifalið: Álfelgur og vindskeið.
YARIS BLUE, sérútgáfa af Yaris.
100.000 kr. aukabúnaður
Innifalið: Þokuljós að framan, sérstök Yaris
Blue innrétting,
krómpúst, silsalistar, vindskeið o.fl.
Avensis er ríkulega útbúinn.
120.000 kr. aukabúnaður
Innifalið: krómpakki og álfelgur eða sóllúga.
RAV4 er kraftalega útbúinn.
130.000 kr. aukabúnaður
Innifalið: Heilsársdekk, vindskeið og aurhlífar.
Nýr Avensis. 5 stjörnur og besta útkoma frá upphafi úr öryggisprófi NCAP. Staðalbúnaður sem fáir bílar í þessum flokki geta jafnað. Verð frá 2.350.000 kr. Yaris er mest
seldi smábíll á Íslandi, margverðlaunaður og hlaut hæstu einkunn í NCAP öryggisprófinu í sínum flokki, auk þess sem vélbúnaður hans hlaut sérstök verðlaun. Verð frá
1.239.000 kr. RAV4 er mest seldi jepplingur á Íslandi. Afar þægilegur í akstri en býr yfir jeppaeiginleikum sem veita þér öryggi á vegum og vegleysum. Verð frá 2.550.000 kr.
Corolla er mest seldi bíll í heimi og trónir í efstu sætum í öllum helstu gæðaprófum. Annálaður fyrir vandaðan frágang og frábært efnisval. Verð frá 1.639.000 kr.
LÖGREGLA í Svíþjóð handtók fjóra
menn í Stokkhólmi og Malmö á
mánudag og eru þeir grunaðir um
tengsl við hryðjuverkamenn utan
Evrópu. Sænskir fjölmiðlar hafa eft-
ir yfirmönnum hjá öryggislögregl-
unni Säpo að mennirnir tengist ísl-
ömskum hryðjuverkasamtökum.
Aftonbladet segir að Säpo hafi lát-
ið til skarar skríða eftir að hafa feng-
ið upplýsingar frá bandarískum
stjórnvöldum. Mennirnir séu m.a.
taldir hafa stutt uppreisnarhreyf-
ingu sem berst gegn hernámsliðinu í
Írak.
Sænskir embættismenn vildu í
gær lítið tjá sig um handtökurnar.
Margareta Lindroth, aðstoðaryfir-
maður Säpo, sagði að málið væri enn
í rannsókn og því ekki hægt að segja
neitt um það frekar í bili. Frétta-
fulltrúi Thomas Bodströms dóms-
málaráðherra staðfesti hins vegar að
mennirnir væru grunaðir um hryðju-
verkatengsl, að sögn Dagens
Nyheter.
Talsmaður Säpo ætlaði hugsan-
lega að tjá sig nánar um málið í gær-
kvöld en sænskir hryðjuverkasér-
fræðingar segja, að það þurfi ekki að
koma neinum á óvart, að lagt sé á
ráðin um hryðjuverk í Svíþjóð þótt
ekki standi til að fremja þau þar. Al-
Qaeda-hryðjuverkasamtökin séu
með sellur um alla Evrópu og vafa-
laust einnig í Svíþjóð.
Sænska lögreglan handtók fjóra menn í Stokkhólmi ogMalmö
Grunaðir um aðild að
hryðjuverkasamtökum
GEORGE W. Bush Banda-
ríkjaforseti nýtur nú stuðnings
fleiri kjósenda en frambjóðandi
Demókrataflokksins, John
Kerry, samkvæmt skoðana-
könnun sem
The Wash-
ington Post
birti í gær.
Kváðust 48%
aðspurðra
styðja Bush,
en 43%
Kerry, og
töldu flestir
að Írak og
hryðjuverkastríðið væri mun
mikilvægara málefni en efna-
hagurinn og atvinnulífið í
Bandaríkjunum. Þegar Kerry
tryggði sér framboðið fyrir
demókrata í mars hafði hann
fjögurra prósenta forskot á
Bush.
Nýja könnunin var gerð 15.–
18. apríl og tóku rúmlega 1.200
manns þátt í henni. Um sex
prósent kváðust styðja Ralph
Nader, sem er óháður fram-
bjóðandi. Samkvæmt annarri
könnun, sem Gallup gerði fyrir
CNN og USA Today, nýtur
Bush stuðnings 50% kjósenda,
Kerry 44% og Nader 4%.
Eftirlit með
Vanunu
ÍSRAELSK stjórnvöld sögðu í
gær að full ástæða væri til að
hafa náið eftirlit með Mord-
echai Vanunu, sem í dag á að
láta lausan úr ísraelsku fangelsi
eftir 18 ára setu á bak við lás og
slá fyrir uppljóstranir um
kjarnorkuleyndarmál Ísraela.
Sögðu ísraelsk yfirvöld að Van-
unu búi enn yfir ríkisleyndar-
málum sem hann hafi ekki
ljóstrað upp um, og því sé enn
ástæða til að fylgjast vandlega
með ferðum hans og gjörðum.
Evruna strax
PÓLSKA fjármálaráðuneytið
tilkynnti í gær, að heimilt yrði
að nota evrur í verslunum í
landinu strax 1. maí, daginn
sem landið gengur í Evrópu-
sambandið. Hefði ráðuneytis-
tilskipun þar um þegar verið
undirrituð. Hingað til hafa ein-
ungis erlendir ríkisborgarar í
Póllandi mátt greiða fyrir
vörur í verslunum með evrum.
Ráðuneytið lagði þó áherslu á,
að zlotíið yrði áfram opinber
gjaldmiðill Póllands og sá eini
sem allar verslanir yrðu að taka
við sem greiðslu.
Pólsk stjórnvöld hafa lýst því
yfir að þau vilji ganga í mynt-
bandalag Evrópu „eins fljótt og
auðið er“, en pólskir og evr-
ópskir embættismenn segja
raunhæft að vænta þess að Pól-
land fái aðgang að bandalaginu
2009.
STUTT
Bush fer
framúr
Kerry
George W. Bush
www.thumalina.is