Pressan - 22.02.1990, Blaðsíða 8

8
Geir Sveinsson línumaður og varnarjaxl:
LIÐIÐ ER BETRA EN IFYRRA
Geir Sveinsson er án effa einn sterkasti
varnarmaður islenska handboltalands-
liðsins. Hann er sá klettur sem flestar
sóknir andstæðinganna brotna á. í
landsleikjunum situr Geir gjarna á
bekknum i sóknarleiknum en kemur svo
galvaskur til leiks þegar við verjumst.
Hann er ekki fullkomlega sáttur við
þetta hlutskipti sitt, vill gjarna ffá að
leika meira i sóknarleiknum, en segir:
„Meðan Þorgils Óttar stendur sig vel er
ekkert við þessu að gera." Geir leikur á
Spáni sem stendur og hann svarar þvi
hvort það haffi áhriff á undirbúning hans
að vera ekki hér heima, ffyrsta sinni ffyrir
stórmót.
„Ég held að þetta breyti litlu, áður
tók ég reyndar þátt í öllum undir-
búningnum en núna missti ég af
hluta, sem mestmegnis var þrek-
þjálfun. Það var skaðlaust því við
komum vel undirbúnir að utan þar
sem æft er 7—8 sinnum í viku í stað-
inn fyrir 4—5 sinnum hér heima. Ég
hef verið hér í þrjár vikur og held að
það sé nægilegt."
— Ertu sáttur við undirbúning
liðsins fyrir mótið?
,,Já, ég er það, ég held að þessir
fimm leikir sem við höfum leikið
síðastliðna sex daga við Sviss og
Rúmeníu hafi verið mjög góðir. I
Tékkóslóvakiu þurfum við að leika
sjö leiki á tíu dögum þannig að þetta
kemur sér mjög vel.“
— Ef þú berð saman stemmning-
una í liðinu og undirbúninginn mið-
að við Ólympíuleikana 1988 og
B-heimsmeistarakeppnina í fyrra.
„Stemmningin og léttleikinn í lið-
inu eru svipuð og var fyrir B-keppn-
ina í fyrra. Við æfðum of mikið fyrir
Ólympíuleikana að mínu mati, liðið
var búið að vera of mikið saman
þegar að keppninni kom. Þetta hef-
ur ekki verið eins stíft núna og létt-
leikinn sem því fylgir mun ábyggi-
lega skila sér."
— Hvað finnst þér um liðið sjálft,
er það betra eða verra en við höfum
áður sent á viðlíka stórmót?
„Mér finnst liðið vera betra nú en
fyrir B-keppnina í fyrra. Þá lékum
við ekki jafnmarga leiki og einhvern
veginn var allt í meiri óvissu."
— Hvað með andstæðingana,
hvar sérðu vænlegasta möguleika?
„Ég óttast Kúbu mest, Spánverjar
hafa alltaf verið erfiðir en ég hef ein-
hvern veginn á tilfinningunni að við
eigum ekki eftir að eiga í erfiðleik-
um með þá núna. Ég held í því sam-
bandi að það komi liðinu mjög til
góða að þrír leikmenn leika á Spáni
og þekkja vel til spánska liðsins.
Varðandi milliriðilinn, þar sem and-
stæðingar okkar verða væntanlega
Austur-Þjóðverjar, Sovétmenn og
Pólverjar, tel ég mestar líkur á við
náum að vinna Pólverja. Við verð-
um að vinna a.m.k. þrja léiki — ég
vonast til að við vinnum Kúbu, svo
annaðhvort Spánverja eða Júgó-
slava og svo Pólverja — þetta eru í
raun leikir sem við getum ekki leyft
okkur að tapa. Annars er þetta
spurning um dagsform, öll liðin eru
gifurlega jöfn, nema þá helst Sovét-
mennirnir."
— Einhver spá um sæti?
„Við gætum spilað um 3.-4. sæt-
ið en þá þarf allt að ganga upp eins
og í Frakklandi í fyrra. Ég tel eðlilegt
að við leikum um 5.-6. sætið en hitt
gæti lika gerst að við lentum neðar.
A bilinu 3.-8. er allt mögulegt."
Porgils Óttar Mathiesen línumaður:
OKKAR ALSTERKASTA LIÐ
„Ég er hóflega bjartsýnn ffyrir heims-
meistaramótid. Takmarkid er ffyrst og
ffremst að vera áffram A-þjóð, og ég yrði
mjög ánægður með að halda sjötta sæt-
inu. Það er i raun stórkostlegt i hvert
skipti sem islenska liðið sýnir fram á að
það eigi skilið að vera i sjötta sætinu eða
þar um kring. Ég er bjartsýnn á að við
verðum ffyrir offan 8. sætið en ég tel
nokkuð öruggt að við lendum ekki ofar
en i 3.—4. sæti. En auðvitað getur allt
gerst."
Í
r
Þetta hafði Hafnfirðingurinn góð-
kunni og geðþekki Þorgils Ottar
Mathiesen línumaður að segja þeg-
ar PRESSAN spurði hann um vænt-
ingar hans til íslenska landsliðsins á
heimsmeistaramótinu í Tékkóslóv-
akíu.
Þorgils sagði að undirbúningur-
inn nú hefði verið með öðrum hætti
en fyrir síðustu Ólympíuleika. „Það
er ekki gott að segja hvernig hann
mun skila sér, en þetta hefur verið
nokkuð afslappað og þá í jákvæðri
merkingu þess orðs. Menn þykjast
vita að allt geti gerst og að það muni
kannski muna 1—2 mörkum á því,
hvort lið leikur um 5.-6. sæti eða
7.-8. sæti. Það má alltaf segja sem
svo að undirbúningurinn sé ekki
nægilegur, en ég held að það sé
varla hægt að standa öðruvísi að
þessu, nema með 100% atvinnu-
mönnum."
— Hvað segir þú um núverandi lið
íslands, saknar þú einhverra leik-
manna?
„Við teflum fram sterku liði og
það er góður mórall eins og alltaf.
Að vísu hefur Einar Þorvarðarson
verið veikur, en það verður örugg-
lega i lagi þegar að mótinu kemur
og síðan verður Sigurður Sveinsson
með. Ég held satt að segja að við
verðum með okkar alsterkasta lið.“
— Hvaða lið koma til með að raða
sér í verðlaunasætin að þínu mati?
Eru Sovétmenn nú ósigrandi?
„Það er mikið talað um það, já, að
Sovétmenn muni örugglega sigra á
mótinu. Ég hef einhvern veginn á
tilíinningunni að ýmislegt óvænt
eigi eftir að gerast. Ég reikna vissu-
legameðSovétmönnumí l.sæti, en
samt ekki með fullu húsi stiga. Pól-
verjar hafa oft átt það til að taka þá
og síðan er aldrei að vita hvað Tékk-
ar gera á heimavelli."
— Ef við lítum á þann riðil sem ís-
land keppir í, hvað er að segja um
einstök lið í honum?
„Lið Kúbu er stórhættulegt, þetta
eru sterkir og hávaxnir karlar og
leikurinn gegn þeim er alls ekki
unninn fyrirfram. Þeir hafa verið að
vinna einhverjar sterkar þjóðir og
voru að koma á óvart um svipað
leyti og S-Kórea. En liðsmenn Kúbu
hafa alltaf haft lítið úthald og að því
leyti er það slæmt fyrir okkur að
lenda á móti þeim einmitt í fyrsta
leiknum. Spánn er með nokkru
yngra lið en á undanförnum árum.
Þeir verða gestgjafar á heimsmeist-
aramótinu 1992 og hafa leyft sér að
gera breytingar á liði sínu. Strákarn-
ir sem leika á Spáni telja að mögu-
leikar okkar gegn þeim séu góðir —
svona 50—50. Júgóslavar eru nú-
verandi heimsmeistarar og það seg-
ir sína sögu. En við höfum haft
ákveðið tak á þeim og gegn þeim er
allt mögulegt."
Sjötta sætið er raunhæft markmið og þá um leið míkiil bónus að
lenda ofar.
Valdimar Grímsson hornamaður:
LEIKGLEÐIN ER
ALLSRÁDANDI

rMér finnst oð undirbúningurinn fyrir
heimsmeistaramótið haffi verið góður og
þó meina ég sérstaklega að hann haffi
verið passlega langur — mér ffannst hann
haffa verið of langur ffyrir Ólympiuleik-
ana i Seoul. Nú finnst mér að leikgleðin
sé enn allsráðandi og ekki hætta á þess-
ari leikþreytu. Þótt undirbúningurinn
haffi að þessu leyti verið minni sýnist mér
að við komum vel út úr honum."
Geir Sveinsson er ekki alltaf sáttur við umfjöllun um hlutverk varnar-
mannsins. Hann er heldur ekki sáttur við að leika lítið í sókninni. En
menn bíta á jaxlinn, það er árangur heildarinnar sem gildir, ekki ein-
staklinganna, og allir vita að góður varnarleikur er ekki síður lykill aö
velgengni en sóknarleikurinn. Og þar er Geir Sveinsson enginn auka-
maður.
Þetta sagöi Valdimar Grímsson,
hægrihornsmaður landsliösins, í
samtali við PRESSUNA. Valdimar
telur að leikirnir gegn Rúmeníu og
Sviss hafi komið vel út og lofi góðu.
„Ég er tiltölulega bjartsýnn fyrir
heimsmeistaramótið í Tékkóslóvak-
íu. Riðillinn okkar er að vísu sterkur,
en ég held að viö komumst í gegn-
um hann og þá á ég von á því að við
náum góðum árangri, sem ég teldi
vera að ná 6. sætinu."
— Það er að heyra sem flestir
bindi vonir við 6. sætið og flestallir
eru búnir að taka 1. sætið frá fyrir
Sovétríkin. Er ekki raunhæft að
gera sér vonir um verðlaunasæti?
„Rússarnir eru taldir nokkuð ör-
uggir um 1. sætið, en hvað önnur lið
varðar grunar mig að það verði
geysileg barátta um 3.—10. sæti
mótsins. Það kæmi mér ekki á óvart
að það yrðu 3 lið jöfn með 6 stig eftir
milliriðlana og gæti þá markatala
skipt sköpum, þannig að með
heppni getur lið lent í verðlauna-
sæti en með óheppni gæti sama lið
jafnvel lent í 8.—10. sæti og fallið
niður í B-grúppu. Hvað okkur varð-
ar hefur baráttan um 5.-6. sæti ver-
ið nokkuð föst á dagskránni síðustu
árin, sem ég held að sé raunhæft
markmið og allir ættu að geta verið
ánægðir með. Það er að mörgu leyti
óraunhæft að krefjast meira og þá
um leið mikill bónus að lenda ofar."
— Þýðir þetta um leið að íslenska
liðið sé hvorki betra né verra en það
hefur verið á undanförnum árum?
„Þetta er að mörgu leyti sama lið-
ið og hefur verið að spila í nokkuð
mörg ár. Uppistaðan er hin sama og
1986, lið sem búið er að vera geysi-
lega sterkt og er að verða jafnvel
enn sterkara, sem kemur til með að
skila sér vel í Tékkóslóvakíu. Eins og
ég sagði áðan er leikgleðin ríkjandi
en leikþreyta hverfandi. Þeir eru
ýmsir sem telja að liðið sé nú með
sterkasta móti og það er nánast
óbreytt frá því það sigraði í Frakk-
landi í B-keppninni á síðasta ári. Það
er helst að breytingar séu að verða
á markvörðunum og má jafnvel tala
um kynslóðaskipti þar, því verið er
að gefa nýjum markvörðum tæki-
færi."
— Þetta er kannski heppilegasta
aðferðin, stöku breytingar en engar
byltingar, einn og einn dettur út og
nýir menn vinna sig hægt og rólega
inn í kjarnann?
„Já, breytingarnar hafa verið
hægar og tel ég það mjög gott
hvernig íslenska landsliðið hefur
breyst hægt og rólega. Ég held það
megi segja að margir úr núverandi
kjarna hafi tekið þátt í sínu fyrsta
stórmóti á Ólympíuleikunum 1984,
en síðan hafa smám saman orðið
töluverðar breytingar. Og það hefur
verið góður ryþmi í þessum breyt-
ingum. Aftur á móti heyrist manni á
ýmsum að eftir þetta heimsmeist-
aramót verði nokkuð mikið um
breytingar. Það eru margir ungir
leikmenn að koma upp og ýmsir nú-
verandi landsliðsmenn hafa verið
aö gefa það út að eftir mótið muni
þeir hætta. En ég á reyndar eftir að
sjá að þeir standi við þær yfirlýsing-
ar."
— Að lokum Valdimar. Hvað segir
þú um liðin sem eru með okkur í
byrjunarriðli, lið Kúbu, Spánar og
Júgóslavíu?
„Við leikum fyrst við Kúbu og það
er liö sem við vitum í raun litið um
og höfum ekki séð í leikjum frá því
1986. En við vitum að í liðinu eru
margir sömu menn og frá þeim
tíma, mjög hávaxnir og líkamlega
sterkir menn. Þá vantar kannski
leikreynslu og tækni, en það verður
alls ekki hlaupið að því að vinna þá.
Spánverjar hafa yfirleitt verið okkur
erfiðir, en í liðið eru að koma margir
úr þeirra sterka U-21 árs landsliði og
núverandi lið því sambland af ung-
um og reyndum lejkmönnum. Það
er aldrei að vita hvernig blandan
kemur út hjá þeim, en margir eru á
því að þessar breytingar komi okkur
til góða. Nú, Júgóslavía er með
geysilega sterkt lið, enda núverandi
heimsmeistarar.
Ég hef einhvern veginn á tilfinningunni að ýmislegt óvænt eigi eftir
að gerast.