Pressan - 16.01.1992, Blaðsíða 18

18
FIMMTUDAGUR PRESSAN 16. JANÚAR 1992
GÍSLI
Lárusson, forstjóri Skandía,
er hetja samkeppninnar í
dag. Hann ætlar að fara að
láta þá sem valda tjóni
borga — nefnilega brjáluðu
unglingana sem fá bílpróf.
En auðvitað er allt vitlaust
í tryggingaheiminum, enda
engum dottið í hug að
lækka gjöldin áður. Það er
vonandi að Gísli geri það
sama fyrir tryggingarnar
og
JÓHANNES
Jónsson í Bónus hefur gert
fyrir matvörumarkaðinn.
Verðstríð er það eina sem
neytendurnir vilja og er þá
alveg sama þó að einn og
einn kaupmaður fari á
hausinn inn á milli. En tal-
andi um Jóhannes — eng-
inn skilur hvernig hann
getur boðið svona lágt verð
— jólahangikjötið hjá hon-
um var til dæmis selt undir
heildsöluverði annarra og
Makkintossið ódýrara en í
fríhöfninni! En er á meðan
er. Næst er bara að vona
að
ÓLI
Kr. Sigurdsson hjá Olís,
Kristinn Björnsson í Skelj-
ungi, og Geir Magnússon
hjá Esso fari nú í ærlegt
verðstríð úr því þeir eru
lausir við rússaolíuna.
Danskir neytendur gátu
fyrir nokkrum árum keyrt
um ókeypis í nokkra mán-
uði vegna verðstriðs þar.
En þótt Marx hafi ekki séð
rússaolíuviðskiptin fyrir er
enn hægt að rífast yfir hon-
um karlinum. Skiptir þá
engu þótt Marx og marxisi-
minn séu dauðir; þrætu-
snillingarnir lífga hvora
tveggju við á samri stundu.
Nýjasta innleggið í þau mál
á enginn annar en
EINAR
Már Guömundsson með þvi
að leggja Marx þau orð í
munn að Albanir væru
„geitriðlar". Ungur ís-
lenskunemi í Háskólanum,
Ólafur Grétar Kristjánsson,
tekur upp hanskann fyrir
Marx. Þessi deila er óneit-
anlega með þeim efnilegri í
dag. Er vonandi að aðrir
marxfræðingar, svo sem
Svanur Kristjánsson (sem
varð doktor í Sjálfstæðis-
flokknum i Ameríku um
leið og hann snerist til
vinstri), helsti marxkennari
Háskólans, sjái sér fært að
vera með.
Þurfa að stimpla
sig á yfir 100
stöðum á Itverri nóttu
Stjórnstöð Vara við Skógarhlíð
í Reykjavík. Þar eru lyklar að
heimilum þeirra viðskiptavina
sem eru með öryggishnappa
geymdir. Komi upp
neyðartilfelli verður sá
öryggisvörður sem á að fara
heim til viðkomandi sjúklings
að fara fyrst í stjórnstöðina og
þaðan heim til hans. Það segir
sig sjálft að þetta getur tekið
talsverðan tíma.
Vaktþjónusta Vara er eng-
an veginn á þá leið sem við-
skiptavinir fyrirtækisins virð-
ast halda. Þetta fullyrða
menn sem þekkja vel til hjá
fyrirtækinu. Þeir segja að
með öllu sé óframkvæman-
legt að sinna öllum þeim fyr-
irtækjum og stofnunum sem
Vari hefur tekið að sér að
vakta.
Sem dæmi má nefna að ör-
yggisvörður verður að koma
á yfir eitt hundrað staði á tíu
klukkustundum á hverri
nóttu. Það er óframkvæman-
legt, þótt allt gangi eins og
best verður á kosið.
Vari er einnig með neyðar-
hnappa fyrir gamalt fólk og
veikt. Lyklar að íbúðum
þessa fólks eru geymdir á
stjórnstöð Vara við Skógar-
hlíð. Við útkall verður örygg-
isvörðurinn fyrst að fara í
stjórnstöð að sækja lykil og
fara þaðan heim til viðkom-
andi sjúklings. Þetta allt getur
tekið mjög langan tíma.
EINN í 12 TÍMA
,,Það er einn maður á vakt
á stjórnstöðinni á næturnar.
Hann má ekki yfirgefa stöð-
ina allan þennan tíma. Hann
verður að matast þar og ef
starfsmaðurinn þarf á salerni
losnar hann ekki. Á salerninu
er sími svo hægt sé að halda
vinnunni áfram þar. Ef mikið
er um að vera er ekki hægt að
ætlast til að þessi eini maður
geti sinnt öllu því sem kemur
inn. Ofan á þetta bætist síma-
þjónusta fyrir Visa,“ sagði
einn þeirra sem PRESSAN
ræddi við.
Vari sér um næturþjónustu
fyrir Visa. Þar eru úttektar-
heimildir gefnar og eins er
hringt þangað ef kort tapast.
ÖRYGGISHNAPPARNIR
Vari er með öryggishnappa
fyrir gamalt fólk og sjúkt.
Þessir hnappar hafa til þessa
verið þannig að ekki er hægt
að koma talsambandi á milli
Vara og viðkomandi sjúk-
lings, heldur hefur aðeins
komið hringing án þess að
fylgi hvað er að hjá sjúklingn-
um.
„Það var blaðamál þegar
Securitas var um tuttugu mín-
útur til konu í Árbæjarhverfi.
Mér þætti gott ef Vari næði
að vera tuttugu mínútur í
svona útkall," sagði einn við-
mælendanna.
,,Allir lyklar eru geymdir í
stjórnstöðinni. Ef kemur út-
kall frá sjúklingi í Breiðholti,
til dæmis, verður öryggis-
vörðurinn fyrst að aka í
stjórnstöðina tilað sækja lyk-
ilinn og fara síðan heim til
viðkomandi. Þetta er ekki
hægt að framkvæma á fáum
mínútum."
MEST FYRIR
REYKJAVÍKURBORG
Vaktþjónusta Vara er fyrst
og fremst fyrir Reykjavíkur-
borg, sem hefur milli 80 og 90
prósent af allri þessari þjón-
ustu fyrirtækisina
„Þegar eitthvað kemur upp
á er svínað á Reykjavikur-
borg. Ferðum fyrir hana er
einfaldlega sleppt. Vari sér
einnig um nokkur stór hús,
svo sem Háskólabíó, Borgar-
leikhúsið og Hús verslunar-
innar. Sjaldnast hafa öryggis-
verðirnir nokkurn tíma til að
ganga um þessi hús til að leita
af sér grun um hvort eitthvað
er að,“ sagði einn þeirra
manna sem PRESSAN ræddi
við.
„Það verður að segja eins
og er. Þessi þjónusta Vara er
ekki neitt neitt," sagði sami
maður.
„Ég held að þetta sé svipað
og verið hefur. Fyrst eftir að
gæslan byrjaði dró úr rúðu-
brotum. Þetta er vaktað eftir
ákveðnu kerfi, það er alltaf
farin sama rútan aftur og aft-
ur. Þeir sem ætla sér komast
framhjá þessu. Það er fljót-
legt að læra á þetta kerfi. Ég
hef á tilfinningunni að þetta
sé svipað ár eftir ár. Þó ber að
geta þess að húsunum hefur
fjölgað," sagði Halldór Gísla-
son hjá Skólaskrifstofu
Reykjavíkur.
ÖRYGGISKERFIN
Helstu viðskipti Vara eru
við fyrirtæki semeru með ör-
yggiskerfi tengd stjórnstöð
fyrirtækisins.
„Ég held að ég geti fullyrt
að þessum þætti sinnir Vari
mjög vel. Allt sem kemur upp
á hjá þessum fyrirtækjum
hefur forgang, sem þýðir að
önnur þjónusta, svo sem
vaktþjónustan, skerðist. Ör-
yggiskerfin hafa allan for-
gang," sagði einn þeirra sem
rætt var við.
TILBÚINN
UNDIR TRÉVERK
„Það kom eitt sinn fyrir að
öryggisvörður frá Vara kom
að leikskóla þar sem hópur
krakka var fyrir utan, rétt
eins og væri þjóðhátíð. Það
eina sem vörðurinn gat gert
var að ryðja sér leið gegnum
skrílinn, fara inn og stimpla
sig og út aftur og halda ferð-
inni áfram. Þegar hann kom
næst var leikskólinn tilbúinn
undir tréverk." Þetta sagði
maður sem kynnt hefur sér
málið.
Öryggisverðir Vara verða
að koma við á yfir 100 stöð-
um á einni og sömu nóttunni.
Reyndar eru fyrirtækin ekki
svo mörg, en þar sem koma
þarf þrisvar og allt upp í fjór-
um sinnum á hvern stað
þurfa viðkomurnar að vera á
annað hundrað. Þetta þarf að
gera á um tíu tíma vakt. Þetta
er strembið og mjög tvísýnt
að það náist.
Þetta er möguleiki þegar
ekkert ber út af, færð er góð
og umferð lítil. En þegar eitt-
hvað kemur upp á, til dæmis
ef ekki er allt með felldu á
þeim stöðum sem eru vaktað-
ir, er engin leið að þetta kerfi
gangi upp. Það er óhugsandi.
Þegar svo er sleppa örygg-
isverðirnir því að fara í nokk-
ur þau fyrirtæki og stofnanir
sem þeir eiga að vakta.
STIMPLARNIR BILAÐIR
„Ég veit að þegar Reykja-
víkurborg hefur verið að
spyrjast fyrir um hvenær inn-
brot eða íkveikjur hafa átt sér
stað hafa forráðamenn Vara
ekki sagt satt og rétt frá. Það
veit ég vegna þess að öryggis-
verðirnir hafa ekki mögu-
leika á að koma eins oft og
ætlast er til á þá staði sem
þeir eiga að gæta. Þegar eitt-
hvað kemur upp á á þessum
stöðum er ferðum bætt við
eftir á í dagbókina. Öryggis-
verðirnir eiga að stimpla sig
þegar þeir koma á staðinn,
en það gera þeir auðvitað
ekki þegar þeir koma ekki á
staðinn! Þetta er Iagfært eftir
á. Meðal annars er því borið
við að stimpilbúnaðurinn
hafi verið bilaður og því hafi
þeir ekki getað stimplað sig
inn,“ sagði viðmælandi
PRESSUNNAR.
VIÐBRÖGÐ SECURITAS
Eins og áður hefur komið
fram í PRESSUNNI hafa orðið
umræður um slæleg við-
brögð Securitas. Það var þeg-
ar öldruð kona lést á heimili
sínu eftir að hún hafði verið í
sambandi við stjórnstöð
Securitas.
Það sem þótti vert að at-
huga var að eftir að samband
milli konunnar og Securitas
rofnaði var öryggisvörður
sendur til konunnar. Hann
kom til hennar um tuttugu
mínútum eftir það. Þá var
konan látin. Sjúkrabíll kom
fáeinum mínútum síðar. Það
var gagnrýnt að Securitas
skyldi ekki strax kalla á
sjúkrabíl og stytta með því
biðtímann.
Ekki er talið að það hefði
skipt sköpum í þessu tilfelli,
en þar sem langur tími leið
þótti ástæða til að taka málið
upp og það hefur verið gert.
Securitas er með samning
við Tryggingastofnun um ör-
yggishnappana en það er
Vari ekki með.
VARI KAUS AÐ
SVARA EKKI
PRESSAN leitaði til Baldurs
Agústssonar, eiganda Vara,
vegna málsins. Hann vildi í
fyrstu ekki ræða það í síma.
Hann fékk sendarspurningar
vegna þessarar gagnrýni á
fyrirtæki hans. Baldur kaus
að svara ekki.
Sigurjón Magnús Egiisson