Pressan - 16.01.1992, Blaðsíða 34
34
FIMMTUDAGUR PRESSAN 16. JANÚAR 1992
LIFIÐ ÓDÝRT
Ódýn
RÁð
SteínoLía á
bAÓTÆkÍN
Baðtæki öll verða skínandi
lirein ef þau eru hreinsuð
með tusku vættri í steinolíu.
Steinolían hreinsar alla skán
fljótt og örugglega en lyktin
af henni varir aðeins skamma
stund.
ILmVATN Á pERUNA
Lyktin í baðherberginu er
stundum ekki sem best, af
skiljanlegum ástæðum. Það
er gamalkunnugt ráð að
kveikja á eldspýtu eftir að
stórt hefur verið gert. En hitt
er jafnvel enn betra að bera
örlítið af ilmvatni á ljósaper-
una í baðherberginu. Þegar
Ijósið er kveikt leysist úr læð-
ingi fersk og góð lykt.
SítrónusaFí sem
SÁRASMyRsL
Sítrónusafi er hið besta
sárasmyrsl. Ef hann er borinn
á sárið nokkrum sinum á dag
mun sárið gróa skjótt.
Að CjjERA VÍð
varaLítínn
Ef varaliturinn brotnar er
óþarfi að rjúka upp til handa
og fóta og skeiða af stað til að
kaupa nýjan og kannski rán-
dýran. Hitið brotnu endana
með eldspýtuloga og þrýstið
þeim saman þannig að þeir
límist saman. Kælið síðan
varalitinn í ísskáp.
VÁxlÍTÍ Á bílÍNN
Ef bíllinn er orðinn rispað-
ur er hægt að redda því með
því að stela samlitum vaxlit
frá barninu og nudda honum
í rispurnar. Þetta þykir þó ef
til vill ekkert sniðugt ef til
stendur að selja vagninn. En
hann lítur alltént betur út.
SpARNAðuR fyRÍR
AÖRA ER dýRMÆTUR
-SEqÍR KoLbRÚN HAlldÓRsdórrÍR IsikARÍ,
qRÆNMETÍSÆTA Oq ÚTsjÓNARSAMUR NEyTANdÍ
„Mér dettur fyrst í hug
spurningin um að hætta að
reykja og drekka, því ég veit
af eigin reynslu að það sparar
mikið. Það skiptir miklu máli
hvar fólk verslar. Mér hefur
reynst best að versla í Kola-
portinu. Þar er hægt að fá
nánast allt; föt, gjafavörur, og
innlent lífrænt ræktað græn-
meti allan ársins hring. Það
er veruleg búbót því verðið
er þarna mun lægra.
Hægt er að spara með því
að taka strætó í vinnuna eða
ganga ef vegalengdirnar eru
ekki þeim mun meiri. Göml-
um fötum ætti ekki að kasta
því það er miklu sniðugra að
safna saman öllu úr bómull
og lita í fallegum litum. Það
má alltaf líta í skápana hjá
ömmu og mömmu og athuga
hvort ekki leynist þar gömul
flík sem getur verið fín and-
litslyfting.
Barnaföt eiga að ganga til
vina og kunningja, jafnvel
þótt hnén séu slitin. Það vill
gleymast að sparnaður fyrir
aðra er jafndýrmætur og
sparnaður sem snýr að
manni sjálfum. Við viljum
nefnilega gleyma því að
hugsa sem hluti af heildinni.
Eg fóðra skókassa með fal-
legum efnum og nota undir
smáhluti. Ekki má gleyma
tölum af ónýtum flíkum, en
þær má klippa af og nota aft-
ur. Ég lít á það sem glæp að
henda hlutum og í því sam-
bandi er gott að muna eftir
stofnunum eins og Hjálpræð-
ishernum og Mæðrastyrks-
nefnd.
Ég næ ekki upp í nefið á
mér af reiði þegar ég sé göml-
um húsgögnum hent, því
hægt er að gefa þau á hús-
gagnasölur sem selja gömul
húsgögn. Þar sparar maður
fyrir náungann. Reyndar
finnst mér þær verslamr sem
selja gömul húsgögn á íslandi
selja þau of dýrt og mætti það
betur fara.
Plastpoka eða innkaupanet
tek ég alltaf með mér þegar
ég versla því ég kaupi ekki
plastpoka á 8 krónur.
Við drekkum ekki mjólk
með mat heldur vatn. Ef fólki
finnst það ekki nógu gott má
kaupa berja- og ávaxtasíróp í
Heilsuhúsinu og setja nokkra
dropa af því í vatnskönnuna.
Ein flaska endist von úr viti.
Þá er lítið mál að rækta
baunaspírur eða alfa
alfa-spírur. Þær eru mjög
næringarríkar og koma í stað
vítamína sem við þurfum úr
ferskmeti. Við ættum að forð-
ast að kaupai skordýraeitrað
og hormónaræktað erlent
grænmenti, þá sérstaklega
yfir vetrartímann. Einfalt er
að rækta basil- og timi-
an-krydd, fyrir utan það hvað
ferskt krydd er miklu betra
og hollara en tilbuið.
Það má spara sér mikinn
tíma og fyrirhöfn með því að
sjóða saman margar ólíkar
tegundir bauna, sem er ein-
föld matvara. Úr því verður
baunakássa, sem er látin
kólna í pottinum yfir nótt.
Henni er síðan skipt í marga
litla plastpoka og dugir hver
poki í eina máltíð. Það er gott
að eiga nokkrar ólíkar bauna-
uppskriftir og matreiða síðan
hinar ýmsu baunakássur."
Éq REyNÍ AÖ qERA
hluTÍNA sjÁLF
SEqÍR SvAVA BjÖRNsdÓTTÍR boRqARlÍSTAMAÖUR
„Ég bjó í Þýskalandi í 10 ár
og ég held ég hafi lært þar að
kaupa rétt inn. Eitt besta hús-
ráðið sem ég get gefið er að
henda aldrei mat. Ég kaupi
lítið kjöt og þá sárasjaldan
læri, því ég einfaldlega tími
því ekki. Pastaréttir eru góð-
ur en ódýr matur.
Ég legg það í vana minn að
gera við hluti sjálf ef ég ræð
við það. Yfirleitt reyni ég að
gera hlutina sjálf, því á þann
hátt er hægt að spara mikið.
Hvað rafmagnið snertir þá
geng ég á eftir dóttur minni
og slekk Ijósin."
Þaö ^arF Ekki
AÖ FRySTA bER
ssqÍR SkúLi Hansen,
kokkuR Á VEÍTÍNqAhÚSÍNU SkÓlAbRÚ
„Þó að haustið sé liðið
langar mig að benda á góða
aðferð við að geyma fersk
ber. Ég fékk þetta ráð hjá
gamalli konu. Gott er að setja
þau í krukku og hella mysu
yfir. Geyma má lokaða
krukkuna lengi og berin
haldast sem ný. Það á ekki að
frysta þau.
Spara má skóáburðinn
með því að nudda saltrendur
af skóm með köldu kaffi.
Þetta er mun ódýrara en að
kaupa áburð.
í lokin hef ég ráð sem
amma mín, Geirlaug Filipp-
usdóttir grasalæknir, kenndi
mér og gæti sparað ferð til
læknis. Ef þú ert þreyttur í
augunum skaltu afhýða kart-
öflu og skera í næfurþunnar
sneiðar. Ein eða fleiri sneiðar
eru lagðar á lokuð augun og
vasaklútur yfir. Þetta kælir
augun."
ÓdýR
LíFrarréttur
Frá ErLu
BjÖRNsdÓTTUR
hÚSSTjÓRNAR^
liENNARA
PRESSAN leitaði ráða hjá
Erlu Björnsdóttur hússtjórn-
arkennara og spurði hana
hvort hún gæti ekki eitthvað
ráðlagt fólki. Erla brást ljúf-
lega við málaleitan okkar og
gaf meðal annars uppskrift
að eftirfarandi rétti, sem er
mjög ódýr og góður.
LIFRARBUFF fyrir fjóra
200 g lambslifur
150 g kartöflur
2 msk. haframjöl
1 msk. heilhveiti
'/2 tsk. salt
‘/2 tsk. paprikuduft
VA tsk. laukduft
50 g smjörlíki
1. Hreinsaðu og hakkaðu lifr-
ina ásamt kartöflunum.
2. Hrærðu saman lifur, kart-
öflur, mjöl og krydd.
3. Skerðu laukinn í þunnar
sneiðar og brúnaðu hann í
helmingnum af smjörlíkinu.
Færðu á disk.
4. Hitaðu hinn helminginn af
smjörlíkinu og láttu lifrar-
deigið á pönnuna með skeið,
eins og lummur.
5. Steiktu kjötið við vægan
hita á báðum hliðum.
Mjög gott er að bera fram
með þessu hvítkáls- og/eða
gulrótarjafning.
Erla segir þennan rétt mjög
hollan og góðan. Hann inni-
heldur mikið járn, en það er
efni sem marga vantar og þá
sérstaklega konur, því þær
missa umtalsvert járn þegar
þær hafa á klæðum, og þurfa
að bæta sér upp þann missi.
Erla segir réttinn falla mjög
vel í kramið hjá börnum og
unglingum en oftar en ekki
er erfitt að fá unga fólkið til
að borða lifur. Sé hún mat-
reidd á þennan hátt vekur
hún þó mikia lukku.
Erla vildi benda fólki á mik-
ilvægi þess að drýgja matinn
og bendir í því sambandi á að
ef hún kaupir fisk og býr til úr
honum fiskbúðing eða fisk-
bollur þá sé hún með nægan
mat í tvær máltíðir. Ef fiskur-
inn hefði verið soðinn eða
steiktur er viðbúið að hann
hefði aðeins dugað í eina
máltíð. „Með því að drýgja
matinn með eggi, mjólk og
mjöli fæ ég tvær máltíðir en
kaupi samt sem áður alveg
jafnmikinn fisk," segir Erla.
Erla taldi einnig mikilvægt
að versla á réttum stöðum því
verðmunur væri gífurlegur
milli verslana.