Pressan - 13.02.1992, Blaðsíða 9

FIMMTUDAGUR PRESSAN 13. FEBRÚAR 1992
9
Kristileg fjölmiðlun hf. lætur til sín taka í
fjölmiðlaheiminum, hefur keypt Stjörn-
una og hyggur á sjónvarpsútsendingar
Kristileg fjölmiðlun hf. sem
rekið hefur útvarpsstöðina
Alfa undanfarin ár er nú að
færa út kvíarnar. Þegar hefur
verið gengið frá kaupum á út-
varpsstöðinni Stjörnunni og í
bígerð er að hefja útsending-
ar á sjónvarpsþáttum. Þætt-
irnir munu verða á sjónvarps-
stöðinni Sýn sem samkvæmt
áætlunum á að hefja útsend-
ingar þann 21. mars næst-
komandi.
Hugmyndir eru uppi um að
Kristileg fjölmiðlun verði
með klukkutíma langan sjón-
varpsþátt á hverjum sunnu-
degi. Þættir þessir munu þó
ekki hefja göngu sína um leið
og Sýn fer í loftið en aðstand-
endur Kristilegrar fjölmiðlun-
ar vonast til að af þessu geti
orðið með haustinu.
Að Kristilegri fjölmiðlun
standa Hjálpræðisherinn,
Orð lífsins, Fíladelfía, Kross-
inn og Vegurinn auk fjöl-
margra einstaklinga. Allir
þessir söfnuðir standa utan
Þjóðkirkjunnar.
VAXANDI HLUTI AF
ÍSLENSKRI MENNINGU
..Sjónvarp er svo stórt mál
að við eigum voðalega erfitt
með að sjá þetta fyrir okkur.
Og í Ijósi þess hvað þetta er
stórt mál þá þarf að leggja í
þetta mikla vinnu áður en
teknar verða nokkrar endan-
legar ákvarðanir. En í fram-
tíðinni þá er það okkar mark-
mið að vera í loftinu í sjón-
varpi ekki síður en útvarpi
með þann besta boðskap sem
hægt er að bera á borð fyrir
menn og konur," sagði Gunn-
ar Þorsteinsson, forstöðu-
maður Krossins, er PRESSAN
spurði hann um þessar hug-
myndir. Hann kvað þetta allt
saman vera enn á umræðust-
igi og því ekkert hægt að
segja til um það nákvæmlega
hvað verður í þessum þátt-
um.
Hlustun á Alfa hefur vart
verið merkjanleg, er hljóm-
grunnur fyrir ykkur? Er ein-
hver ástæða til að færa út kví-
arnar? ,,Þó við höfum ekki
hreyft kúrfu í könnunum þá
vitum við að það eru nokkrar
þúsundir sem hlýða reglu-
bundið á þessa stöð. Það finn-
um við fyrst og fremst á við-
brögðum og við munum
vinna stöðinni sess í tímans
rás með batnandi dagskrá, ég
hef því engar áhyggjur. Þetta
á heima í íslensku samfélagi,
er hluti af íslenskri menningu
og verður vaxandi hluti í
framtíðinni. Við erum í mjög
mikilli sókn," svarar Gunnar.
Gunnar sagði að ekki yrði
horft sérstaklega til útlanda
Þorbjörn Hlynur Árnason
biskupsritari: „Hef grun um
aö innihald og áferð verði
Þjóðkirkjunni ekki á skapi."
með fyrirmyndir að þessum
þáttum. ,,Ef af þessu verður
þá verður þetta íslenskt, með
íslenskum stíl. Og ef við erum
sveitamenn þá kemur það í
ljós," segir hann.
Gunnar segist ekki hrædd-
ur um að æðstu menn Þjóð-
kirkjunnar muni líta þessa
fjölmiðlun hornauga. Þvert á
móti telur hann að þeir muni
fagna þeim boðskap sep
þarna mun koma fram. „Ég
er alveg viss um að herra Ól-
afur Skúlason fagnar þessu.
Að menn skuli nota þessa
miðla til að boða lifandi trú á
Drottin Jesú Krist. Þeir eru
bandamenn okkar í þessari
baráttu."
Hann segir ennfremur að
tilgangur þeirra sé ekki sá að
hvetja fólk til að yfirgefa
Þjóðkirkjuna og ganga til liðs
við aðra söfnuði. Ennfremur
sagði hann Þjóðkirkjuna vel-
komna til samtarfs í þessari
fjölmiðlun.
UNDUR OG STÓRMERKI í
BEINNI ÚTSENDINGU
Gísli Óskarsson, fréttamað-
ur í Vestmannaeyjum, er einn
þeirra sem nefndur er til sög-
unnar sem hugsanlegur um-
sjónarmaður þessara þátta.
„Þetta er á umræðustigi,"
sagði Gísli er PRESSAN ræddi
við hann. Gísli kvaðst hafa
mikinn áhuga á þessum mál-
um en hann segir áhuga á
kristilegri fjölmiðlun hafa
aukist mjög mikið út um allan
heim undanfarin ár.
Gísli sagðist vera með
ákveðnar hugmyndir um það
hvernig kristilegur íslenskur
sjónvarpsþáttur ætti að vera.
I fyrsta lagi færi þar fram
kynning á söfnuðunum. Þeir
eru nokkrir og ekki eins upp-
byggðir. Með kynningu á
"þeim öllum ættu allir að geta
fundið eitthvað við sitt hæfi.
I öðru lagi yrðu kynntir til
sögunnar einstaklingar sem
læknast hafa fyrir kraftaverk.
„Þar yrði fjallað um það
hvernig Guð mætir mannin-
um,“ segir Gísli.
Þá yrði e.innig fjallað um
eitthvað úr umhverfinu og
náttúrunni. Og fólki sýnt
hversu snilldarleg hönnun
Guðs á náttúrunni er.
í fjórða lagi yrðu tekin fyrir
efni sem efst væru á baugi
hverju sinni. Fjallað yrði um
einhver mál sem í umræð-
unni eru, til dæmis sjálfs-
morð, fíkniefni eða annað
það sem brennur á fólki. Og
spurt: Hvað segir Guð um
málið og býr hann ef til vill yf-
ir lausninni?
Ennfremur talar Gísli um
þá möguleika sem byðust ef
um beinar útsendingar væri
að ræða. Fólk gæti þá komið
með spurningar og fengið
svör og þeir sem vildu fyrir-
bænir fengju þær. Ef krafta-
verk myndu gerast fyrir kraft
bænarinnar þá fengi fólk að
sjá þau í beinni útsendingu.
„Þegar undur og stórmerki
fara að gerast í beinni útsend-
ingu þá slær það allri annarri
dagskrárgerð við," segir Gísli.
INNIHALD OG ÁFERÐ
ÞJÓÐKIRKJUNNI
VARLA AÐ SKAPI
„Á sínum tíma var Þjóð-
kirkjunni boðið að vera þátt-
takandi í Kristilegri fjölmiðl-
un sem stóð að útvarpsstöð-
inni Alfa. En það var afþakk-
að,“ sagði Þorbjörn Hlynur
Árnason biskupsritari er
hann var inntur eftir við-
brögðum Þjóðkirkjunnar við
áætlunum Kristlegrar fjöl-
miðlunar. Hann sagðist eigin-
lega undrandi á að söfnuðirn-
ir hafi bolmagn til að kaupa
útvarpsstöð eins og Stjörn-
una. „Ég vildi óska að fjár-
hagur Þjóðkirkjunnar og
þjóðkirkjusafnaða væri
þannig að þeir gætu gert eitt-
hvað viðlíka," sagði Þorbjörn.
„Sjálfsagt mun þarna vera
á ferðinni í bland þokkalegt
eða ágætt efni. En mig grun-
ar þó að bæði innihald og
áferð þess sem þarna verður
á borð borið verði dálítið frá-
brugðið því sem við þjóð-
kirkjumenn myndum kjósa,
enda höfum við aðrar skoð-
anir á því hvað er heilnæmur
kristindómur," sagði Þor-
björn.
Honum finnst sérstaklega
slæmt að söfnuðurinn Orð
lífsins skuli vera þarna innan-
borðs. „Mér þykir slæmt að
Orð lífsins skuli vera þarna í
félagsskap með hinum söfn-
uðunum og sérstaklega að
hann skuli vera kominn í þá
aðstöðu að geta útvarpað sín-
um boðskap, þó vitaskuld sé
öllum frjálst á Islandi að segja
það sem þeim sýnist og boða
það sem þeim sýnist innan
skikkanlegra marka. Vegna
þess að þessi söfnuður Orð
lífsins hefur birt sig þannig að
það er mikið vafamál hvort
þarna sé um að ræða kristinn
söfnuð," segir hann.
„Kenning þeirra um lífs-
hamingju gengur út á það að
velþóknun Guðs birtist fyrst
og fremst í efnalegri velmeg-
un. Þetta er í grundvallarat-
riðum kenning sem er í mót-
sögn við kristinn boðskap.
Vegna þessarar kenningar
hafa margir komið út úr þess-
um söfnuði illa farnir á sál-
inni. Mörg dæmi eru um það
í Svfþjóð. Þeir kenna líka að
fátækir og vansælir séu að
taka út refsingu Guðs. Þessu
getur enginn kristinn maður
samsinnt," heldur Þorbjörn
áfram.
Hann sagðist þó ekki sjá
ástæðu fyrir kirkjunnar
menn að bera sérstakan ugg í
brjósti, þó að Kristileg fjöl-
miðlun færi út kvíarnar.
Hann sagði að nú stæði fyrir
dyrum, innan Þjóðkirkjunn-
ar, að endurskoða og fjalla
rækilega um kristilegt efni í
fjölmiðlum. Til tals hefði
komið að ráða sérstakan fjöl-
miðlafulltrúa sem þá sæi
einnig um gerð kristilegs efn-
is.
Haraldur Jónsson
PRESSUMYND/SPESSI