Pressan - 13.02.1992, Blaðsíða 27
FIMMTUDAGUR PRESSAN 13. FEBRÚAR 1992
27
Nú þegar Sovétríkin hafa liðast í
sundur opnast nýir ferðamöguleik-
ar þar eystra. Ferðaskrifsstofan Úr-
val-Útsýn hefur ákveðið að bjóða ís-
lendingum í sérferð til Eystrasalts-
landanna 29. júní næstkomandi.
Árni G. Stefánsson, kennari við
Kennaraháskólann mun stýra ferð-
inni. Einnig verður farið til Sankti
Pétursborgar, áður Leníngrad, og
Helsinki í Finnlandi. Ferðin mun
taka tvær vikur.
Samvinnuferðir bjóða upp á tjald-
ferðir um Bandaríkin fyrir ungt,
hraust fólk á öllum aldri. Farið er í
litlum rútum um þver og endilöng
Bandaríkin. Hópurinn getur saman-
staðið af allt að þrettán þjóðernum.
Á leiðinni verður nóg við að vera.
Menn geta farið í hestaferðir eða á
gúmmíbátum niður fljót, svo dæmi
séu nefnd. Hægt er að velja um ýms-
ar leiðir innan Bandaríkjanna og
ferðirnar eru mismunandi langar.
fkemiti'
Ráðherrar á ferð og flugi er vin-
sæll blaðamatur hér um slóðir. Lík-
lega eru fáar þjóðir í heiminum sem
hafa jafn gaman af því að fylgjast
með ferðum ráðherra sinna og við
íslendingar. Svo mjög er okkur annt
um þessar ferðir og reikningana
sem sigla í kjölfarið að fjölmiðlarnir
keppast um að upplýsa þjóðina um
hótelkostnað, ferðamáta og matseð-
il ráðherra og maka á hverjum stað.
Erindagjörðirnar skipta minna
máli.
Að vísu má deila um hvort ráð-
herrarnir hafi erindi sem erfiði á
ferðum sínum eða hvort að um erf-
iði hafi verið að ræða. Sumir vilja
trúa því að ráðherra og forsetaferð-
irnar séu þjóðinni til gagns. Það
kann þó að vera að þeir hinir sömu
klóri sér í hausnum og spyrji sjálfa
sig hvað íslendingar græði á því að
samgönguráðherrann fari til Eg-
yptalands, eða menntamálaráð-
herrann til Kýpur. Vel má vera að
þessar ferðir borgi sig þegar til
lengri tíma er litið. Og svo má
spyrja, þarf allt alltaf að borga sig?
Má enginn fara eitt né neitt án þess
að það þurfi að borga sig?
Hvað sem þessum vangaveltum
líður er eitt víst, margur ráðherrann
hefur farið víða og séð margt. Því er
ekki úr vegi nýta sér þekkingu
þeirra og forvitnast um lönd sem
landsmönnum eru framandi og hul-
in ævintýraljóma. Hér gildir hið
fornkveðna, eins og annars staðar:
(Ef þú hefur ekki efni á því, slepptu
því, og spurðu ráðherrann).
Með þessi orð að leiðarljósi var
Steingrímur J. Sigfússon, fyrrver-
andi iandbúnaðar- og samgöngu-
ráðherra, fenginn til að segja okkur
allt um Egyptaland. Þar var hann á
ferð fyrir þremur árum og synti til
dæmis í Níl eins og frægt er orðið.
„Egyptaland hefur geysilegt að-
dráttarafl út á menninguna og sög-
una. sem er að mörgu leyti einstæð.
Þarna eru, jú. nokkur af undrum
veraldar. Þó maður hefði háleitar
hugmyndir um það hversu mikil-
fenglegar sumar þessara fornminja
væru, þá varð maður síður en svo
fyrir vonbrigðum. Ég hafði alltaf
ímyndað mér að pýramídarnir væru
það tilkomumesta af þessu, en satt
best að segja fannst mér þeir fölna
nokkuð í samanburði við hofin í
Luxór.
Egyptar hafa undanfarið verið að
gera átak í ferðamálum. Þeir eru að
draga afþreyingarmöguleikana inn í
ferðamennskuna, sem áður var
mjög vanþróað hjá þeim. Fólk kom
þangað fyrst og fremst til að skoða
fornminjarnar. Nú eru þeir að bjóða
upp á svona samsetta ferð. Þannig
getur þú farið til Egyptalands, verið
í Kairó í nokkra daga, farið þaðan að
skoða fornminjarnar og síðan eytt
viku við Rauðahafið. Þar er verið að
byggja upp baðstrandaaðstöðu á
heimsmælikvarða."
Hver var tilgangur þessarar ferö-
ar?
„Það var að einhverju leyti til að
koma á tengslum milli egypskra
ferðamálayfirvalda annars vegar og
Flugleiða og Ferðamálaráðs hins
vegar. Tíu manna hópi var boðið til
vikuferðar og úr varð að ég fór í for-
ystu fyrir þeim hópi sem samgöngu-
ráðherra. Þetta var þó ekki venjuleg
ráðherraheimsókn. Samsetningin á
hópnum var allt öðruvísi en þegar
um venjulegar ráðherraheimsóknir
er að ræða. Þetta var gott þversnið
af, annars vegar ferðageiranum og
hins vegar fjölmiðlaheiminum."
■tfættutediit
Lítið hefur verið um ferðir héðan til
ísrael. Úrval-Útsýn ætlar að opna
landsmönnum leið þangað næst-
komandi nóvember. Þetta verður
tveggja vikna sérferð og farið verð-
ur um biblíuslóðir undir fararstjórn
fróðra manna.
Samvinnuferðir bjóða landsmönn-
um á villidýraslóðir í Kenýa, í Afr-
íku. Villidýrin ganga laus en ferða-
langar keyra um í opnum jeppum,
þó sæmilega girtum. Gist er í ný-
tísku skálum eða tjöldum og heyra
má einkennileg hljóð í dýrunum í
næturkyrrðinni. Svartari nótt mun
vart finnast á öðrum slóðum, enda
er Kenýa rétt sunnan við miðbaug.
Frá villidýraslóðum er hægt að
bregða sér í næstu strandborg, sem
skartár hvítum stórum baðströnd-
um. Þar er líka auðvelt að blanda
geði við hina ýmsu ættbálka og fá
sér afró-greiðslu.
tií Jjuu>-
mmckcm
íslenskar fjallaferðir ætla á næst-
unni að bjóða landsmönnum upp í
snjósleðaferðir. Ekið verður með
hópa úr bænum að Sigöldu og það-
an farið á snjósleðum til Land-
mannalauga. Þar bíður manna upp-
hitaður skáli Ferðafélags íslands og
laugin í næsta nágrenni. Boðið
verður upp á helgarferðir og mun
pakkinn kosta 25 þúsund krónur. í
verðinu er innifalið ásamt sleða-
ferðinni, akstur úr bænum, gisting
og fararstjórn.
Auk þessa verða einnig í boði
styttri sleðaferðir frá Lyngdalsheiði
og Hellisheiði. í sumar er fyrirhug-
að að fara upp á Mýrdalsjökul og
þaðan á sleðum yfir Kötlu. Þar ku
vera stórgott skíðafæri. Áhuga-
menn um skíði og sleða geta þá
slegið tvær flugur í einu höggi.
I kjölfar hinnar frægu Egyptalands-
ferðar þáverandi landbúnaðarog
samgönguráðherra okkar, Stein-
gríms J. Sigfússonar, stendur ís-
lensku alþýðufólki nú til boða að
fara þangað á vegum Samvinnu-
ferða. Þar geta menn baðað sig í Níl-
arfljóti að hætti Steingríms, eða not-
að sér lúxus snekkju og siglt niður
fljótið, stoppað á merkum stöðum
og tekið í nefið.
hótet
SELFOSS
Eyrarvegi 2, sfmi 98-22500
Leigjum út, allt
að 400 manna
sali fyrir
ráðstefnur,
fundi og
árshátíðir.
Aðstaðan er
fyrsta flokks og
við leggjum
metnað okkar í
góðan mat og
Iipra þjónustu.
Einstæð náttúra landsins
laðar að sér erlenda ferðamenn.
Ferðamálaráð hvetur íslendinga
til að ferðast um eigið land
- allan ársins hring