Pressan - 19.03.1992, Blaðsíða 16
16
FIMMTUDAGUR PRESSAN 19. MARS 1992
Kvennalisti vill
opna fundi
borgarinnar
A borgarstjómarfundi í dag
leggur Kvennalistinn fram til-
lögu sem m.a. felur það í sér að
borgarstjómarsalur hins nýja
ráðhúss verði samnýttur störfum
nefnda borgarinnar, þannig að
almenningur geti fylgst með
fundum einstakra nefnda.
Kvennalistinn vill m.ö.o. nýta
til fulls hin nýju og glæsilegu
salarkynni borgarstjómar, sem
að öðru leyti notast aðeins tvisv-
ar á mánuði að jafnaði. Verði til-
lagan samþykkt gæti almenning-
ur t.d. fylgst með afgreiðslum
skipulagsnefndar og byggingar-
nefndar, hlustað á þegar félags-
málaráð afgreiðir umsóknir um
vínveitingaleyfi og þannig mætti
áfram telja.
Bifreiðaskoðun-
in hf. afsalar sér
einokuninni
Bifreiðaskoðun íslands hf.
hefur afsalað sér einokunarrétt-
inum á bifreiðaskoðun og getur
dómsmálaráðuneytið því veitt
öðmm aðilum leyfi til skoðunar.
Ráðuneytið undirbýr nú reglu-
gerð um með hvaða hætti það
verður gert, en talsverðar kröfur
verða gerðar til væntanlegra
skoðenda um tækjabúnað,
menntun starfsmanna og annað.
Karl Ragnars
Eftir umræðuna sem varð um
einokun Bifreiðaskoðunarinnar
og arðsemi fyrirtækisins óskaði
ráðuneytið eftir því við stjórn
þess að hún féllist á endurskoð-
un einokunarákvæðis samninga
fyrirtækisins og hins opinbera. Á
þriðjudag barst svo bréf þar sem
Bifreiðaskoðunin féllst á að það
ákvæði samningsins, sem kveð-
ur á um að henni sé heimilt að
veita öðrum aðilum leyfi til
skoðunar, væri óeðlilegt. „Ljóst
er að þetta form samræmist ekki
kröfum um samkeppni og er
ekki rétt að einn samkeppnisað-
ilinn setji öðrum reglurog fylgist
með starfseminni."
Ekki er afráðið hvenær leyfis-
veitingar geta hafist.
Kostar 50
milljónir að
drepa minka
og refi
Miðað við nýjustu fyrirliggj-
andi tölur nemur árlegur kosm-
aður Veiðistjóraembættisins -
þ.e. ríkissjóðs - við að vinna á
refum og minkum um 50 millj-
ónum króna.
Árið 1989 voru 2.484 refir
unnir á öllu landinu og heildar-
kostnaðurinn nam liðlega 30
milljónum á núverandi verðlagi
- sem gerir um 12.500 krónur á
hvem ref. Á sama tíma var 5.041
minkur unninn með heildar-
kosmaði upp á liðlega 16 millj-
ónir eða sem nemur um 3.300
krónum fyrir hvem mink.
Því má bæta við að 1990 vom
2.635 hrafnar og 46 þúsund má-
far skotnir eða drepnir með
svefnlyfi.
Reykjavíkurborg
Reykjavíkurborg er, ásamt
öðrum höfuðborgum Norður-
landa, eignaraðili að Hasselby
slott, sem er skammt fyrir utan
Stokkhólm. í fyrra lagði Reykja-
vík rúma milljón í rekstur seturs-
ins. Samkvæmt upplýsingum
borgaryfirvalda em not Reykja-
víkur af því annars vegar þau að
það er notað sem hótel og fund-
arstaður fyrir embættismenn í
opinberum erindagjörðum og
hins vegar hefur borgin gefið
starfsmönnum borgarinnar kost
á að dvelja þar í sumarleyfum.
Eignarhlutur höfuðborganna
miðast við íbúafjölda landanna.
Hlutur Reykjavíkur er sam-
kvæmt því 4 prósent. Samtals
lögðu höfuðborgimar rúmar 25
milljónir til Hásselby í fyrra og
greiddi Reykjavik rúma milljón
króna.
Heildarkostnaður við rekstur
Hásselby-setursins var hins veg-
ar um 132 milljónir króna. Mis-
muninn, eða um 107 milljónir,
greiðir Stokkhólmsborg.
Reykjavík eignaðist hlut í
Hásselby árið 1963 eða fyrir 29
árum. Ef gert er ráð fyrir að
framlag borgarinnar hafi verið
svipað og í fyrra öll árin hefur
borgin lagt til hátt í 30 milljónir.
Að sögn Eggerts Jónssonar
borgarhagfræðings hefur
Reykjavíkurborg nýtt sér þessa
eign sína með því að bjóða
starfsmönnum borgarinnar að-
gang að henni til orlofsdvalar.
Eins er slottið notað þegar menn
fara utan á vegum borgarinnar
og einnig gætu ýmis samtök
fengið aðgang að húsinu fyrir
milligöngu borgarinnar.
Eggert sagðist ekki hafa það á
reiðum höndum hvaða borgar-
Hasselby slot stendur skammt fyrir utan Stokkhólm.
starfsmenn hefðu nýtt sér setrið
til sumardvalar en vísaði á for-
stöðumann Hásselby slott, Tor-
bjom Forsell. Thorbjom treysti
sér hins vegar ekki til að veita ít-
arlegar upplýsingar en sagði þó
að á síðasta ári hefði 51 Islend-
ingur gist á Hásselby. Ekki
fékkst uppgefið hversu stór hluti
þeirra dvaldi á Hásselby í frítíma
sínum og hversu margir vom þar
í embættiserindum.
1 nýlegri útgáfu Extrablaðsins
í Danmörku kemur fram að ein-
ungis 17 embættismenn Kaup-
mannahafnarborgar hafi gist á
Hásselby árið 1991 og hver
þeirra aðeins eina nótt. Kostnað-
ur Kaupmannahafnar af Hássel-
by nam 5,5 milljónum króna.
Blaðamenn Extrablaðsins reikn-
uðu það því út að nóttin hefði
kostað embættismennina 325
þúsund krónur.
Extrablaðið tekur ekki með í
reikninginn aðra Dani sem nýttu
sér þessa aðstöðu í fyrra. Sjálf-
sagt gera þeir ráð fyrir að þeir
hafi greitt fyrir sig sjálfir.
Eins og áður sagði fékkst ekki
uppgefið hversu margir af Is-
lendingunum sem gistu Hássel-
by voru í embættiserindum og
hversu margir greiddu fyrir sig
sjálfir. Ef reikningsaðferð Extra-
blaðsins er beitt á þennan 51 hef-
ur nóttin kostað um 20 þúsund
krónur.
Að sögn Torbjoms Forsell,
fortsöðumanns Hásselby, fer þar
fram margs konar menningar-
starfsemi auk þess sem embætt-
ismenn landanna nýta aðstöðuna
til funda og ráðstefna af ýmsu
tagi.
Setrið er þyrping misstórra
virðulegra húsa. Húsgögn og
búnaður allur er, ef marka má
myndir frá staðnum, ekki af lak-
arataginu.
Árið 1988, eða eftir 25 ára
starfsemi, höfðu Danir verið
13.300 gistinætur í Hásselby,
Finnar 30.400, Norðmenn
16.100, Svíar 68.400 og íslend-
ingar höfðu gist 3.300 nætur.
Svipmynd úr sölum slotsins.
GREIDIR MILLJON A ARI
TIL HERRASETU
í rnrnm
Embættismönnum
borgarinnar boðið
upp á að dvelja
þar í sumarleyfum
D E B E T
„Þorbergur er hress og skemmtilegur og ég kann í alla
staði vel við manninn. Það er líka kostur við hann hvað
hann er lélegur í félagsvist," segir Gunnar Beinteinsson
landsliðsmaður. „Mér finnst Þorbergur mjög hress og
skemmtilegur og það er eins og hann sé aídrei í vondu
skapi. Þegar ég spilaði með honum átti hann mjög auð-
velt með að drífa menn áfram - það fýlgir honum svo
mikill kraftur. Hann er laus við ailt sem heitir hroki og
mont og það er mjög gott að umgangast hann. Hann hef-
ur mikið vit á handbolta," segir Atli Hilmarsson, þjálfari
Fram. „Aðalkostur Þorbergs er að hann er mjög ákveð-
inn og fastur fyrir og lætur engan vaða ofan í sig,“ segir
Þorbjöm Jensson, þjálfari Valsmanna í handbolta.
„Hann er mjög skipulagður og ákveðinn og lætur sig
ekki fyrr en í fulla hnefana. Þetta er mjög góður drengur,
það er gott að vinna með honum og hann á auðvelt með
að umgangast fólk,“ segir Einar Ámason, eigandi Júm-
bó-samloka og meistari Þorbergs í matreiðslu. „Hann
var einn besti handknattleiksmaður íslendinga á sínum
tíma, ósérhlffinn og með gífurlegt keppnisskap, og ég er
viss um að þessir þættir koma honum að góðum notum í
þjálfuninni í dag,“ segir Guðmundur Guðmundsson,
þjálfari Víkinga.
Þorbergur Aðalsteinsson
K R E D I T
„Hann er svolítið óákveðinn og það er hringlanda-
háttur í honum. Hann skammar markmennina of
mikið. Hann er Víkingur. Hann tók aldrei á á æfing-
um hjá Bogdan; um leið og Bogdan sneri sér við þá
hætti Tobbi. Hann kann því öll brögðin og fylgist
alltaf með manni,“ segir Gunnar Beinteinsson.
„Núna þegar landsliðið hefur verið að spila hefur
hann ekki treyst hundrað prósent þeim sem hann er
með í liðinu hverju sinni. Hann hefði átt að sleppa
þessum yfirlýsingum í blöðum um að hann vantaði
menn og eins hefði hann mátt sleppa yfirlýsingum
um markvörsluna, hann hefði frekar átt að peppa þá
þrjá markmenn upp sem hann hefur haft í vetur.
Þegar maður spilaði með honum þýddi ekkert að
fara með honum upp í hraðaupphlaup því hann gaf
aldrei boltann," segir Atli Hilntarsson. „Ókosturinn
við hann er sá að hann var alltof lcngi í Svíþjóð, hann
er alltof sósíaliseraður eftir það,“ segir Þorbjörn
Jensson. „Hann er mjög skapbráður og var fljótur
að stökkva upp á nef sér ef eitthvað fór ekki eins og
það átti að fara. Og hann kann náttúrlega ekkert að
elda því það er svo langt síðan hann hefur verið í fag-
inu,“ segir Einar Árnason. „Hann gaf helst aldrei
boltann nema til að fá hann aftur og þá geta skotið
strax á markið,“ segir Guðmundur Guðmundsson.
Þorbergur Aðalsteinsson er þjálfari islenska landsliðsins í handbolta sem nú tekur þátt í B-keppninni í Austurriki.