Pressan - 07.05.1992, Blaðsíða 16

16
FIMMTUDAGUR PRESSAN 7. MAÍ 1992
Víðirvarsexárí
skiptum
Þrotabú trésmiðjunnar Víðis í
Kópavogi hefur loksins verið
gert upp eftir sex ára gjaldþrota-
meðferð. Trésmiðjan var tekin til
gjaldþrotaskipta í janúar 1986 og
lauk skiptum í mars.
Lýstar kröfur í búið námu alls
tæplega 51 milljón króna. For-
gangskröfur upp á 6,5 milljónir
greiddust að fullu. Almennar
kröfur hljóðuðu upp á 44,5 millj-
ónir og tókst að greiða upp í þær
liðlega 29 milljónir.
Sparisjóðurinn í
Keflavík kom út
á sléttu
Sparisjóðurinn í Keílavík var
á síðasta ári rekinn með aðeins
þriggja milljóna króna hagnaði,
samanborið við nær 18 milljón
krónahagnað 1990.
Þessi hógværi hagnaður á síð-
asta ári samsvarar aðeins 0,3
prósentum af heildartekjum
sparisjóðsins, en hlutfallið fyrir
skatta er 0,8 prósent. Til saman-
burðar má nefna að allir spari-
sjóður landsins skiluðu hagnaði
sem nemur níu prósentum fyrir
skatta, en 5,4 prósentum eftir
skatta. T.d. skilaði SPRON 50,5
milljóna króna hagnaði og Spari-
sjóður vélstjóra 56,5 milljónum.
Málverk af bæj-
arsQöranum
sampykkt á
heimili hans
I síðasta mánuði var haldinn
allsérkennilegur fundur stjómar
Lista- og menningarsjóðs Sel-
tjamamess, en mættir á fundinn
voru Sigríður Gyða Sigurðar-
dóttir, Sigurður Þ. Guðmunds-
son, Sverrir Sigurðsson og Anna
Kristín Jónsdóttir, en Jón Hákon
Magnússon boðaði forföll.
Fundurinn var haldinn á Mið-
braut 29. Svo vill til að það er
heimili Sigríðar Gyðu og eigin-
manns hennar, Sigurgeirs Sig-
urðssonar, bæjarstjóra Seltjam-
amess. Og á heimili bæjarstjór-
ans samþykkti sjóðstjómin að
lýsa yfir stuðningi við þá hug-
mynd að láta mála andlitsmynd
af bæjarstjóranum til að hengja
upp á bæjarskrifstofunum. Það á
að gera í tilefni þess að bæjar-
stjórinn hefur á þessu ári starfað í
þrjátíu ár í sveitar- og bæjar-
stjóminni.
Þrotabú tölvu-
fyrirtækis Ávöxt-
unarmanna gert
upp
Þrotabú hlutafélagsins Hug-
hönnunar hefur verið gert upp
eftir ríflega þriggja ára gjald-
þrotameðferð. Hlutafélag þetta
var í eigu Avöxtunar sf. og nokk-
urra einstaklinga, þeirra á meðal
Ármanns Reynissonar og Péturs
Björnssonar.
Hughönnun var tekin til gjald-
þrotaskipta í desember 1988, í
kjölfar jress að Ávöxtunarmálið
kom upp þegar tveir verðbréfa-
sjóðir fyrirtækisins fóm á haus-
inn. Fyrir skömmu lauk skiptum
í þrotabúi Hughönnunar og er
ljóst að þar var ekki á ferðinni
með stærstu hvellunum í kring-
um þá Ánnann og Pétur. Kröfur
á upphafsdegi skipta hljóðuðu
alls upp á 9,4 milljónir eða um
13,3 milljónir að núvirði. For-
gangskröfur greiddust að mestu,
en ekkert fékkst upp í almennar
kröfur upp á 11,5 milljónir að
núvirði.
Borgarfulltrúastörf Davíðs Oddssonar
Davíð hefur setið áfram sem borgarfulltrúi þrátt fyr-
ir erilsöm störf við landstjórnina. Hann hefur hins
vegar aðeins setið 18 prósent af fundartíma borgar-
stjórnar.
Davíð Oddsson, forsætisráð-
herra, þingmaður og formaður
Sjálfstæðisflokks, hefur þegið
52.505 krónur á mánuði sem
óbreyttur borgarfulltrúi frá því
hann hætti sem borgarstjóri.
Viðvera hans á fundum borgar-
stjómar er þó ekki mikil —
vegna anna annars staðar — eða
tæplega 18 prósent af fundartíma
borgarstjómar. Sé miðað við
þann takmarkaða tíma sem hann
hefur getað setið jressa fundi hef-
ur hann fengið sem nemur rúm-
lega 30 þúsund krónum á tím-
ann.
Davíð stýrði síðasta borgar-
stjómarfundi sínum sem borgar-
stjóri 4. júlí sl„ en frá og með 16.
júlí var hann orðinn óbreyttur
borgarfulltrúi, án setu í borgar-
ráði. Þá var borgarstjóm komin í
sumarleyft og Markús Örn Ant-
onsson orðinn borgarstjóri.
HÁLF MILLJÓN FYRIR
TÆPAR 16 KLUKKU-
STUNDIR
Fyrsti fundur borgarstjómar
eftir sumarhlé var haldinn 19.
september og ffá og með honum
hafa verið haldnir 15 fundir, að
meðtöldum stuttum hátíðarfundi
vegna opnunar ráðhússins. Þess-
ir 15 fundir hafa staðið í alls 88
klukkustundir og 39 mínútur eða
5.319 mínútur.
Davíð Oddsson hefur mætt alls
7 sinnum, en iðulega aðeins setið
hluta fundartímans. Tvisvar hefur
hann setið heilan fund, sem stað-
ið hefur innan við klukkustund.
Hann hefur með öðmm orðum
setið fundi í alls 15 klukkustundir
og 43 mínútur eða 943 mínútur
alls. Þetta gerir um það bil 17,7
prósent af heildartímanum.
Óbreyttur borgarfulltrúi fær 30
prósent af þingfararkaupi
(175.018).á mánuði eða 52.505.
Aðalfulltrúi fær þessa upphæð
óháð viðveru á borgarstjómar-
fundum og í sumarhléi. Frá ágúst
til og með apríl hefur Davíð því
fengið 9 mánaða laun sem
óbreyttur borgarfulltrúi, eða
472.545 krónur.
16,5 PRÓSENTA BÚBÓT
OFAN Á RÁÐHERRA- OG
ÞINGMENNSKULAUNIN
Óbreyttur borgarfulltrúi sem
mætt hefur á alla fundina og set-
ið allan tímann, ef nokkur, fær
sömu upphæð og hefur þá jregið
sem nemur 5.330 krónum að
meðaltali á tímann. Að sjálf-
sögðu er reiknað með því að
borgarfulltrúar leggi fram meiri
vinnu fýrir jressi laun en setuna á
borgarstjórnarfundum, nokkur
tími fer í undirbúning íyrir fund-
ina, þeir taka að sér viðtöl við
borgarbúa og fleira mætti nefna.
Davíð hefur verið upptekinn
af öðmm störfum, en hefiar setið
nokkra fundi borgar stjómarhóps
flokksins.
Sé miðað við borgarstjómar-
fundina einvörðungu hefur Dav-
íð Oddsson fengið 30.066 krón-
ur að meðaltali fyrir þá tíma sem
hann hefur setið.
Davíð fær 142.684 krónur á
mánuði sem forsætisráðherra og
175.018 krónur sem þingmaður,
alls 317.702. Borgarfulltrúalaun-
in hækka heildarlaun hans í
370.207 eða um 16,53 prósent.
Þá em ekki meðtalin laun fyrir
önnur störf, svo sem setu í stjóm
Landsvirkjunar.
Friðrik Þór Guömundsson
Davíð Oddsson
hefur setið borg-
arstjórnarfundi í
15 klukkustundir
og 43 mínútur frá
því hann varö
óbreyttur borgar-
fulltrúi. Borgar-
stjórn hefur á
sama tíma fundaö
í 88 klukkustundir
og 39 mínútur.
Davíð Oddsson
„Hef setið allnokkra fundi"
,JÉg hef merkilegt nokk get-
að sótt allnokkra fundi borgar-
stjómar og jxitt ég hafi ekki set-
ið frameftir nóttu hef ég
ákveðnar efasemdir um taln-
inguna hjá þér,“ sagði Davíð
Oddsson, forsætisráðherra og
óbreyttur borgarfulltrúi, í sam-
tali við PRESSUNA um við-
vem sína á fundum borgar-
stjómar frá því hann hætti sem
borgarstjóri.
Davíð staðfesti að hann
hefði ffá fteim tíma fengið laun
eins og aðrir borgarfulltrúar.
Hann lýsti því yfir í sjónvarpi á
vígsludegi ráðhússins að hann
velti fyrir sér hversu lengi hann
myndi sitja áfram sem borgar-
fulltrúi, en í samtali við blaðið
sagði hann að hann hefði enn
ekki tekið ákvörðun um það.
„Ég hef verið upptekinn við
annað,“ sagði Davíð.
Lögskýringar Siguröar Líndal á lögmætri áframhaldandi setu Ragnheiðar Davíðsdóttur sem aöalfulltrúa i menntamálaráöi féllu ekki í kramið hjá menntamálaráöherra.
Sigurður Líndal lagaprófessor
„Sigurður er fyrirmyndarsamverkamaður í allri
umgengni og fjandanum klárari. Hann er líka stór-
skemmtilegur,“ segir Markús Sigurbjörnsson,
lagaprófessor og samstarfsmaður. „Sigurður er afar
skemmtilegur, víðlesinn og fróður. Það er alltaf unun
að vera í félagsskap hans og tala við hann um alla
mögulega hluti. Enda er samræðulistin ein af þeim
listum sem hann er meistari í,“ segir Garðar Gísla-
son hæstaréttardómari. „Mér líkar afskaplega vel
að starfa með Sigurði. Hann er einstakur áhugamaður
um allt sem lýtur að menningu okkar og er til dæmis
ávallt reiðubúinn að fóma tíma sínum í hennar þágu.
Hann er ætíð reiðubúinn að standa við sannfæringu
sína og styðja þau sjónamúð opinberlega sem hann
telur ein rétt. Þá er Sigurður gæddur afskaplega góðri
kímnigáfu," segir Sverrir Kristinsson, fasteignasali
og vinur.
„Ég var nemandi hans í lagadeild fyrir átján ár-
um, þegar hann kenndi mér á fyrsta ári. Mér staf-
aði ógn af honum sem kennara, var auðvitað hæfi-
lega hræddur við hann, en þannig eiga hlutirnir
vafalaust að vera,“ segir Markús Sigurbjömsson.
„Nú, eins og allir duglegir og hæfir menntamenn
tekur hann að sér svo mörg verkefni að það er
nánast kraftaverk hvernig honum tekst að Ijúka
þeim,“ segir Garðar Gíslason. „Vegna góðrar
menntunar og þekkingar í lögfræði og fleiri grein-
um er mjög oft leitað til Sigurðar með margvísleg-
ustu mál. Þar sem hann er mjög bóngóður maður
hef ég á tilfinningunni að stundum hlaðist býsna
mikil störf á hann," segir Sverrir Kristinsson.