Pressan - 18.06.1992, Blaðsíða 23
MIÐVIKUDAGUR PRESSAN 17.JÚNI 1992
23
í SKOÐANAKÖNNUN SKÁÍS FYRIR PRESSUNA VORU ÞÁTTTAKENDUR EINNIG SPURÐIR HVERJIR VÆRU HELSTU GALLARNIR VIÐ AÐ
BÚA Á ÍSLANDI. SVÖRIN VIÐ ÞESSARI SPURNINGU VORU EINNIG FJÖLBREYTT, EN SAMT SEM ÁÐUR SKÁRU NOKKUR ATRIÐI SIG ÚR.
það staldra furðumargir við sömu þættina þegar þeir hugsa löndum sínum þegjandi þörfina.
1. OF HÁTT VEKÐLAG
Það er engum blöðum um það að fletta að það er
verðið en ekki veðrið sem er helsti ókosturinn við
að búa á Islandi. 211 þeirra sem tóku þátt í könnun
Skáís fyár PRESSUNA nefndu of hátt verðlag sem
aðalókostinn. Þar af tilgreindu 78 sérstaklega að
verðlag á matvælum væri of hátt. Tveir létu það
ekki trufla sig en fannst brennivínið hins vegar allt
of dýrt.
Verðlagið var nefnt af um þriðjungi þátttakenda
sem helsti ókostur við að búa á Islandi og fékk um
50 prósentum fleiri tilneíningar en næsta atriði sem
nefnt var.
2. 5TREITA OG LÍFS-
GÆÐAKAFFHLAUF
Um íjórðungurþátttakenda, eða 141, nefndi streit-
una sem aðalókostinn við að búa hér á landi. Þar af
nefndu 17 lífsgæðakapphlaupið sem aðalóvininn.
Ef einhver undrar sig á hvers vegna íslenska þjóðin
ætti að vera stressuð getur sá sami rennt yfir þessa
upptalningu á ókostum þess að búa á Islandi. Eftir
þann lesmr veltir fólk því sjálfsagt frekar fyrir sér
hvemig þjóðinni tekst að halda þessari litlu ró sem
hún hefur.
3. VFÐFIÐ
Þótt Islendingar eyði tíma sínum ekki eins mikið í
neitt og að bölsótast út í veðrið þurfti það að sætta
sig við þriðja sætið í þessum lista yfir helstu ókosti
íslands. 104 þátttakenda nefndu veðrið sem helsta
fjanda landans. Lýsingamar voru fjölskrúðugar.
Mörgum fannst of kalt, öðmm of mikil rigning og
enn aðrir sögðu of lítið af sól. Og fleira var tínt til:
Sumrin em of stutt. Skammdegið of dimmt og
langt. Hálkan og snjóþyngslin of mikil.
4. 30Ð, 3ÖNN OG
SKRIFFINNSKA
A meðan tæplega Ijömtíu þátttakendur nefna
frjálsræði sem helsta kostinn við Island tilgreina 94
þeirra sem tóku þátt í könnuninni boð, bönn og
skrifftnnsku sem helsta ókostinn. Af þeim til-
greindu ellefu skriffinnskuna sérstaklega og hafa
ef til vill þurft að vera í daglegum viðskipmm við
tollstjóraembættið. Hinirnefndu allskonarboð og
bönn.
5. EINHÆFT
ATVINNULÍF
Fimmtíu þátttakendur og einum betur nefhdu ein-
hæft atvinnulíf sem versta ókostinn. Þetta hefur
lengi verið helsta umkvörtunarefhi fólks á lands-
byggðinni, ekki síst í litlum sjávarplássum þar sem
byggðinni hefur verið komið fyrir í kringum eina
höfh, einn togara, eitt frystihús, einn skóla og eina
kirkju.
6. 5LÆMIF VFGIF
Hvorki fleiri né færri en 37 nefndu slæma vegi sem
helsta ókostinn við Island. Ef til vill vom það at-
vinnubílstjórar, ef til vill félagar í Félagi íslenskra
bifreiðaeigenda og ef til vill fólk sem einfaldlega
fannst flest annað í góðu lagi í landinu. Hins ber að
gæta að vegimir geta verið ótrúlega vondir og því
ekki furða þótt fólk nefni þá til sögunnar.
7. ATVINNULEY5I
Eftir að hafa búið við næga atvinnu um langan ald-
ur hafa Islendingar nú kynnst atvinnuleysinu á nýj-
an leik. Það á líklega við um þá 22 þátttakendur
sem nefndu það sem helsta ókostinn við að búa á
íslandi.
3. ÓSTJÓRN OG
3KUÐL
Tuttugu þátttakendur nefndu óstjóm og bmðl sem
helsta ókostinn við landið og þjóðina. Helmingur-
inn nefndi óstjóm sérstaklega og hinn helmingur-
inn bmðlið. Það er flokkað saman hér í þeirri trú að
bmðl hljótist af óstjóm og óstjóm af bruðli.
9. FLÓTTINN ÚF 5VEIT-
UNUM
Átta nefndu flóttann úr sveitunum sem versta
ókostinn við að búa hér á landi. Því miður kemur
ekki firam í niðurstöðum könnunarinnar hvort það
vom þeir sem flúðu sveitimar eða þeir sem eftir
sátu sem sárast sveið þessir flumingar.
10. KLÍKUF
Sex af þátttakendum í könnuninni fannst að hér
réðu fámennar klíkur öllum sköpuðum hlutum og
töldu það slæmt.
11. FÁMENNI
Á sama hátt og þremur þátttakenda fannst fámenn-
ið stærsti kosturinn við Island nefndu sex aðrir það
sem helsta ókostinn og sannast á því að sfnum aug-
um límr hver silfrið.
12. 5TÉTT5KIFTING
Þótt íslendingar hafi löngum stært sig af stéttlausu
þjóðfélagi nefhdu fimm af þátttakendum í könnun-
inni stéttskiptingu sem mesta ókostinn við að búa á
íslandi.
13. 5VAFT5ÝNI
Af lestri þessarar upptalningar er kannski ekki að
undra þótt þrír þátttakenda nefndu svartsýni sem
stærsta ókostinn við þjóðina. Ef til vill spilar þar
mn í að atvinnulífið er talið „á lóðréttri leið til and-
skotans", þorskurinn hefur yfirgefið okkur og við
vermum nú varamannabekkinn í heimsliði hinna
auðugri þjóða.
14. HÆTTA Á ELDG05-
UM
Tveimur þátttakenda fannst það helsti ókostur
landsins að hér væri hætta á eldgosum of mikil. Ef
til vill em þeir ættaðir úr Eyjum eða hafa búið í ná-
vígi við Kötlu.
ANNAD
Fleira var nefnt af ókostum við að búa á Islandi.
Einn sagði íslendinga vera leiðinlega og hlýmr sá
að líða nokkrar kvalir dags dagslega af þeim sök-
um. Annar sagði að hér væri of mikið um fordóma
en hefur þó sjálfsagt ekki haft þann í huga sem
fannst Islendingar svona leiðinlegir. Þriðji sagði Is-
lendinga hrokafulla og sá íjórði að þeir lifðu í
heimi blekkinga. Enn einn sajgði að öfundsýkin
væri hér landlæg og annar að Islendingar væm að
dragast aftur úr öðmm þjóðum. Loks nefndi einn
þátttakenda að flottræfilshátturinn ætlaði hér allt að
drepa.
Og þar með lýkur upptalningu á ókostum lands og
þjóðar.
Gunnar Smári Egilsson